Молитвы равноапостольному великому князю Владимиру

Владимирская Русь — фраза, известная всем россиянам, хоть немного интересующимся историей России и православия. Но мало кто знает, что именно князь Владимир привел нашу страну к единству, проповедуя в ней православную веру. Сам он крестился в зрелом возрасте и после смерти был причислен к лику святых. И сегодня россияне молятся князю Владимиру о благополучии и целостности своей Родины.

Дни памяти:

• 23 октября — Волынский Свято-Собор
• 28 июля

Тропарь, глас 8*

Правове́рия наста́вниче/ и всея́ Руси́ просвети́телю,/ благочести́вый вели́кий кня́же Влади́мире,/ святы́м Креще́нием всех просвети́л еси́/ и це́ркви мно́ги сла́вны украси́л еси́,/ о прему́дре Влади́мире,// Хри­ста́ Бо́га моли́ спасти́ся душа́м на́шим.

Пере­вод: Пра­во­сла­вия настав­ник и всей Руси про­све­ти­тель, бла­го­че­сти­вый вели­кий князь Вла­ди­мир, свя­тым Кре­ще­ни­ем всех про­све­тил ты и мно­гие церк­ви чудес­но укра­сил, о пре­муд­рый Васи­лий, Хри­ста Бога моли о спа­се­нии душ наших.

Молитва по соглашению

Главная › Служба Милосердие › Молитва по соглашению

Дорогие братья и сестры!

Ежедневно в 21.00 мы читаем домашнюю молитву по соглашению о болящих и попавших в беду прихожанах нашего храма, а также новопреставленных родственниках и друзьях. Присоединиться к чтению и попросить о молитве можно через руководителя Службы «Милосердие».

Обязательное условие для включения в молитву по соглашению — самостоятельное чтение молитвы, а также регулярное участие в Таинствах Покаяния и Причастия (не реже раза в месяц), быть участником приходской общины нашего храма. 8. Тем кто не может пользоваться интернетом осуществляется SMS-рассылка о новых прошениях.

Просим прихожан присоединиться к этой молитве!

Молитва по соглашению:

Господи Боже наш, Иисусе Христе, Пречистыми Твоими устами Ты сказал нам: „Если двое из вас согласятся на земле просить о всяком деле, то чего бы ни просили, будет вам от Отца Моего Небесного”. С глубокой верой в непреложность слов Твоих и безмерное милосердие Твое просим Тебя — услышать рабов твоих (свое имя), и всех согласившихся смиренно просить Тебя о скорейшем восстановлении Мира, о прекращении эпидемии коронавируса, о выкупе здания под «Духовный центр», об укреплении приходской общины нашего храма, о строительстве благотворительной трапезной, а также о рабах Твоих (имена о здравии) и подай им здравия и помощь в нуждах их.

Упокой, Господи души умерших рабов Твоих (имена о упокоении) и прости им все согрешения вольные и невольные, и даруй им Царство Небесное. Молим Тебя об исполнении наших прошений. Однако не как мы хотим, а как Ты, Господи, да будет на все воля Твоя святая. Аминь.

Имена тех, о ком молиться:

Молитва по соглашению о зависимых.

Господи Боже наш, Иисусе Христе, Пречистыми Твоими устами Ты сказал нам: «Если двое из вас согласятся на земле просить о всяком деле, то чего бы ни просили, будет вам от Отца Моего Небесного». С глубокой верой в непреложность слов Твоих и безмерное милосердие Твое просим Тебя — услышать рабов твоих (свое имя), и всех согласившихся смиренно просить Тебя о страждущих и заблудших, одержимых страстями рабах Твоих (имена). Буди им Врач и Заступник, избавь их от зла: винопития, наркомании, компьютерных и азартных игр, табакокурения, блуда и других страстей. «Просвети их ум светом разума Евангелия Твоего и наставь их на путь заповедей Твоих и научи их, Спаситель, творить волю Твою, потому что Ты Бог Наш.» Утверди их стопы на пути веры и верности Тебе, так как Ты Упование и Надежда Наша. Подай и нам рабам Твоим (свое имя) — крепость, смирение, терпение и благодать Твою, и утверди нас принять все с благодарением. Однако не как мы хотим, а как Ты, Господи, да будет на все воля Твоя святая. Аминь.

Имена тех, о ком молиться:

Кондак, глас 8*

Подо́бствовав вели́кому апо́столу Па́влу в седи́нах, всесла́вне Влади́мире,/ вся я́ко младе́нческая мудрова́ния, я́же о и́долех тща́ния оста́вль,/ я́ко муж соверше́нный украси́лся еси́ Боже́ственнаго Креще́ния багряни́цею./ И ны́не Спа́су Хри­сту́ в весе́лии предстоя́,// моли́ спасти́ся держа́вы Росси́йския нача́льником и мно́жеству владо́мых.

Пере­вод: Подоб­но вели­ко­му Апо­сто­лу Пав­лу, в зре­лых летах, все­слав­ный Вла­ди­мир, как дет­скую заба­ву, все муд­ро­ва­ния и усер­дие к идо­лам оста­вив, ты, как муж совер­шен­ный, укра­сил­ся пор­фи­рою Боже­ствен­но­го кре­ще­ния. И ныне Спа­си­те­лю Хри­сту в радо­сти пред­стоя, моли о спа­се­нии в дер­жа­ве Рос­сий­ской началь­ству­ю­щих и мно­же­ства ее граждан.

Молитва 1‑я

О, вели́кий уго́дниче Бо́жий, богоизбра́нный и богопросла́вленный, равноапо́стольный кня́же Влади́мире! Ты, злове́рие и нече́стие язы́ческое отри́нув, во Еди́наго и́стиннаго Триипоста́снаго Бо́га уве́ровал еси́, и восприи́м Свято́е Креще́ние, всю стра­ну́ Рус­скую све́том Боже́ственныя ве́ры и благоче́стия просвети́л еси́. Те́мже премилосе́рдаго Твор­ца́ и Спаси́теля на́шего сла́вяще и благодаря́ще, сла́вим и благодари́м и тя, просвети́телю наш и О́тче, я́ко тобо́ю спаси́тельную ве́ру Христо́ву позна́хом и во и́мя Пресвяты́я и Пребоже́ственныя Тро́ицы крести́хомся. Се́ю у́бо ве́рою от пра́веднаго осужде́ния Бо́жия изба́вихомся, от ве́чныя же рабо́ты диа́волу и а́дова мучи́тельства свободи́хомся; се́ю же ве́рою благода́ть всыновле́ния Бо́гу и наде́жду насле́дования Небе́снаго блаже́нства прия́хом. Тем­же тя я́ко пе́рваго язы́ка на́шего путе­во­ждя́ к Нача́льнику и Соверши́телю спасе́ния на́шего Го́споду Иису́су Хри­сту́ прославля́ем, и предста́теля тя пред Престо́лом Царя́ ца́рствующих о ца́рстве Всеросси́йстем позна́хом, о царе́х же его́, народоправи́телех, во́инстве и о всех лю́дех. Не возмо́жет язы́к наш изобрази́ти вели́чие и высо­ту́ благодея́ний, тобо́ю излия́нных на зе́млю на́шу, отцы́ и пра́отцы на́ша и на ны недосто́йныя. О преблаги́й О́тче и просвети́телю наш! При́зри на не́мощи на́ша и умо­ли́ премилосе́рдаго Царя́ Небе́снаго, да не прогне́вается на ны зело́, я́ко по не́мощем на́шим по вся дни согреша́ем, и да не погуби́т нас со беззако́ньми на́шими, но да поми́лует и спасе́т нас по ми́лости Свое́й, да всади́т в серд­ца́ на́ша покая́ние и спаси́тельный страх Бо́жий, да просвети́т Свое́ю благода́тию ум наш, во е́же оста́вити нам сте­зи́ нече́стия и на путь спасе́ния обрати́тися, неукло́нно же за́поведи Бо́жия твори́ти и уста́вы Святы́я Це́ркве соблюда́ти. Моли́, благосе́рде, Человеколю́бца Бо́га, да яви́т нам вели́кую ми́лость Свою́: да изба́вит нас от наше́ствия иноплеме́нных, от мяте́жей и раздо́ров, от гла́да, смертоно́сных боле́зней и от вся́каго зла; да пода́ст нам благорастворе́ние возду́ха и плодоно́сие зем­ли́; да соблюде́т в судия́х и прави́телех пра́вду и ми́лость; да даст па́стырем ре́вность о спасе́нии пасо́мых, всем же лю́дем любо́вь взаи́мную и единомы́слие, о преспе́янии же оте́чества и Святы́я Це́ркве при́сное попече́ние, да умно́жит свет спаси́тельныя ве́ры в стране́ на́шей, неве́рующия ко правове́рию да обрати́т, е́реси же и раско́лы да низложи́т, да вси мы, та́ко в ми́ре на зем­ли́ пожи́вше, сподо́бимся с тобо́ю ве́чнаго блаже́нства, хва́ляще и превознося́ще Бо́га во ве́ки веко́в. Ами́нь.

Житие святого князя Владимира

Князь Владимир был сыном князя Святослава. Он родился в 963 году в Новгороде. Детство пришло на пике язычества на Руси. И получил образование от язычника — дяди Добрыни. Владимир с юности был агрессивным и воинственным правителем. Он покорил княжества от Балтийского моря до реки Буг на южной окраине России.

Это был первый шаг к Российскому государству: все завоеванные земли находились под его властью. Но Владимир не был образцом: в молодости вел бурную жизнь, был жестоким, обожал кумиров. И только когда он увидел непоколебимую веру, с которой гибнут христиане, которых он казнил, он задумался о том, что ими движет? Он начал изучать основы православия, приглашал проповедников и отправлял послов в Константинополь. И он неоднократно напоминал, что его бабушка, княгиня Ольга, приняла православие и была самой мудрой женщиной.

Когда князь наконец решил изменить свою веру, он решил подчинить Херсонес, чтобы Россия была православной независимо от Греции. И для полного и окончательного слияния с Константинополем он решил жениться на христианской принцессе Анне. Но при этом случилось страшное: его поразила почти полная слепота. Князь знал весь ужас физической слабости, его мучили страх и сомнения. Но невеста посоветовала ему срочно креститься и принять веру всей душой.

Именно тогда произошло величайшее чудо, побудившее население России с такой радостью принять новую православную веру: после того, как князь Владимир крестился и покинул источник, его видение вернулось к нему!

После свадьбы князь вернулся в Киев, где уничтожил всех установленных идолов и крестил своих 12 детей. Они, в свою очередь, начали распространять Православие в подчиненных регионах. Хорошее развитие веры Христа обеспечивалось тем фактом, что она распространялась проповедью и убеждением, а не силой, как это делали римско-католические священники. Кроме того, Православие изучалось по трудам Кирилла и Мефодия, то есть на их родном славянском языке.

Но главным примером для обращенных был сам князь Владимир, который после крещения стал совсем другим человеком: праведником, воздержанием, целомудрием. Он сочувствовал бедным и обездоленным, помогал нуждающимся. Кроме того, он начал развивать духовное просвещение, православную письменность и школы. Это, несомненно, самым благотворным образом сказалось на обществе. Православие объединило людей, сделало их праведниками и, живя по заповедям Божьим, очистило и освободило от пороков того времени.

Князь много времени проводил в молитвах, построил множество храмов, чтобы у людей было место для поклонения и обращения к Господу. Вся его деятельность была направлена ​​на спасение православия, которому угрожали в Константинополе. И Россия стала именно тем местом, где нашла приют истинная вера, сохранившаяся до наших дней.

А Православная Церковь при всех невзгодах и заботе о его благополучии, о благочестивой жизни после крещения причисляла Владимира к лику святых и называла его равным апостолам.

Молитва 2‑я*

О, вели́кий и пресла́вный уго́дниче Бо́жий, богоизбра́нный и богопросла́вленный, равноапо́стольный кня́же Влади́мире, свято́е и великоде́йственное ору́дие всеблага́го Про́мысла о спасе́нии наро́да Росси́йскаго! Ты отри́нул еси́ злове́рие и нече́стие язы́ческое, уве́ровал еси́ во Еди́наго И́стиннаго Триипоста́снаго Бо́га и, восприя́в свято́е Креще́ние, просвети́л еси́ све́том Боже́ственныя ве́ры и благоче́стия стра­ну́ Росси́йскую. Сла́вяще у́бо и благодаря́ще Премилосе́рдаго Твор­ца́ и Спаси́теля на́шего, сла́вим и благодари́м и тя, вели́кий па́стырю и о́тче наш, я́ко тобо́ю позна́хом спаси́тельную ве́ру Христо́ву и крести́хомся во Имя Пресвяты́я и Пребоже́ственныя Тро́ицы, то́юже ве́рою изба́вихомся от пра́веднаго осужде́ния Бо́жия, ве́чнаго ра́бства диа́воля и а́дова мучи́тельства, то́ю ве́рою восприя́хом благода́ть всыновле́ния Бо́гу и наде́жду насле́дования Небе́снаго блаже́нства. Ты еси́ перве́йший наш вождь к Нача́льнику и Соверши́телю на́шего ве́чнаго спасе́ния, Го́споду Иису́су Хри­сту́, ты еси́ ближа́йший предстоя́тель пред Престо́лом Царя́ ца́рствующих и те́плый моли́твенник и хода́тай о стране́ на́шей и о всех лю́дех, ты еси́ перве́йший вино́вник благослове́ний и ми́лостей Бо́жиих, почива́ющих на нас. И что еще́ рече́м? Не мо́жет язы́к наш изобрази́ти вели́чие и высо­ту́ благодея́ний твои́х, излия́нных на нас, недосто́йных. Но, о неразу́мия и ослепле́ния на́шего! Прие́мше толи́кая благодея́ния, ни во что же вмени́хом я́ и отщети́хомся спаси́тельных плодо́в их. Омы́вшеся бо от гре­ха́ в купе́ли Креще́ния и обле́кшеся в оде́жду чисто­ты́ и неви́нности, оскверни́хом сию́ богода́нную оде́жду сту́дными дея́нии и помышле́нии на́шими. Отре́кшеся сата­ны́ и а́нгелов его́, па́ки порабоща́емся ему́, служа́ще и́долом страсте́й на́ших, ми́ру, пло́ти и злым обы́чаем ве́ка. Сочета́вшеся Хри­сту́, вы́ну оскорбля́ем Его́ беззако́нии на́шими, многообра́зными я́звами го́рдости, за́висти, зло́бы, злосло́вия, невоздержа́ния и презо́рства ко Святе́й Це́ркви. Прилепи́хомся всеце́ло к су́етным бла́гом, а́ки мня́ще во ве́ки пребыва́ти на зем­ли́, не помышля́ем о Не́бе, о души́, о сме́рти, о Суде́, о несконча́емей ве́чности. Сего́ ра́ди воздвиза́ем на ся пра́ведный гнев и осужде́ние Бо́жие, ку́пно же оскорбля́ем и преогорчева́ем твою́ о́тчую любо́вь и попече́ние о нас, ты бо просвети́л еси́ нас святы́м Креще́нием, во е́же спосо́бствовати нам к получе́нию Небе́снаго блаже́нства и земна́го благоде́нствия, мы же, неразу́мнии, злым произволе́нием на́шим са́ми себе́ подверга́ем а́довым му́кам и вре́менным бе́дствиим! Но, о всеблаги́й о́тче и просвети́телю наш, ми́лостив бу́ди к на́шим не́мощем, долготерпели́в ко грехо́м и непра́вдам на́шим, умо­ли́ Премилосе́рдаго Царя́ Небе́снаго, да не прогне́вается на ны зело́ и не погуби́т нас со беззако́ньми на́шими, но да поми́лует и спасе́т нас, и́миже весть судьба́ми. Да всади́т в серд­ца́ на́ша спаси́тельный страх Свой, да просвети́т Свое́ю благода́тию ум наш, во е́же узре́ти нам бе́здну поги́бели, в ню́же стреми́мся, оста́вити сте­зи́ нече́стия и заблужде́ний, обрати́тися же на путь спасе́ния и и́стины, неукло́нно исполня́ти за́поведи Бо́жии и уста́вы Святы́я Це́ркве. Моли́, благосе́рде, Человеколю́бца Бо́га, да яви́т нам вели́кую ми́лость Свою́, да изба́вит нас от наше́ствия иноплеме́нников, от вну́тренних нестрое́ний, мяте́жей и раздо́ров, от гла́да, смертоно́сных боле́зней и от вся́каго зла, да пода́ст нам благорастворе́ние возду́ха и плодоно́сие зем­ли́, да сохрани́т в су́дящих и нача́льствующих пра́вду и ми́лость, да даст духо́вным па́стырем непоро́чность жития́ и ре́вность о спасе́нии пасо́мых, всем же лю́дем усе́рдие в исполне́нии свои́х обя́занностей, взаи́мную любо́вь и единомы́слие, стремле́ние ко бла́гу оте́чества и Святы́я Це́ркве. Да распространи́т свет спаси́тельныя ве́ры в стране́ на́шей, во всех конце́х ея́, да обрати́т к правове́рию неве́рующих, да упраздни́т вся е́реси и раско́лы, да, та́ко пожи́вше в ми́ре на зем­ли́, сподо́бимся с тобо́ю ве́чнаго блаже́нства, хва́ляще и превознося́ще Бо́га во ве́ки веко́в. Ами́нь.

Роль князя Владимира в православии и истории

Князь Владимир (960-1015 гг.) был внуком святой княгини Ольги, первой из русских правителей, принявшей христианство во время посещения Царьграда (Константинополя). Его отец, Святослав, вопреки просьбам матери, не отказался от язычества и терпимо относился к ее вероисповеданию. Мать, Малуша, была дочерью древлянского князя, врага княгини Ольги, и ее рабыней. Она сопровождала Ольгу в Царьград и также приняла крещение.

Святослав взял Малушу в жены, несмотря на ее возражения, что это неравный брак. Отправляясь в поход в 970 году, Святослав поделил свои владения между 3-мя сыновьями. Владимиру было определено княжение в Новгороде. Через 8 лет Владимир выступил против брата Ярополка и захватил Киев, став единым правителем Киевского государства. До 27 лет молодой князь исповедовал язычество. Но Господь открыл его глаза и ум к принятию истинной веры.

Византийский император Константин оказался в сложной ситуации из-за попытки госпереворота. Он обратился к Владимиру за военной помощью. Владимир выдвинул условие – выдать за него царевну Анну. Византийские императоры никогда до этого не заключали брачные союзы с правителями-варварами. Был заключен договор, согласно которому киевский князь посылал на помощь 6-титысячное войско в обмен на руку принцессы и крещение в православие.

Владимир страдал от глазной болезни. После принятия крещения прозрел. Христианское имя великого князя – Василий. Венчание состоялось весной 988 года на крымской земле, в древнем Херсонесе (Корсуне).

В свите Анны был митрополит Михаил, с клиром, священными мощами. Отсюда кортеж двинулся через русские земли в Киев. Прибыв в столицу, Владимир объявил, что все киевляне должны креститься в водах Днепра, а кто откажется – будет ему враг. В память об этом знаменательном событии установилась ежегодная традиция 1 августа совершать крестный ход «на воду».

Князь повелел повсеместно разрушать языческие капища и на их месте возводить храмы. Храм Василия Великого был возведен на месте поклонения языческому богу Перуну. На месте гибели святых варягов был основан храм Успения Пресвятой Богородицы (Десятинная церковь). День освящения церкви (12 мая), по его приказу, был внесен в перечень праздничных церковных дат.

Церковь Успения Пресвятой Богородицы была определена, как финансовый центр православия в Киевской Руси. В уставной грамоте было указано об обязательном отчислении на содержание православных храмов (Пресвятой Богородицы и Спаса):

• 1/10 от доходов князя;
• 1/10 от судебных доходов;
• доход от торговой операции каждую 10-ю неделю;
• 1/10 часть стада и урожая пшеницы от мирян.

Здесь же был определен перечень лиц, попадавших под суд митрополита и не подсудных для князя.

Во время правления святого князя Владимира были открыты епархии:

• Новгородская;
• Владимиро-Волынская;
• Черниговская;
• Переяславская;
• Белгородская;
• Ростовская.

Для утверждения веры требовались грамотные люди. Для этой цели при храмах стали открывать церковно-приходские школы. Влияние и авторитет киевского князя были столь значительны, что греческую веру принимали правители степных кочевников, представители варяжского племени. Владимир первым установил границу государства, приказав строить оборонительные крепости на восточных рубежах. Обращение в православную веру язычников стало одним из сдерживающих факторов от набегов.

Правитель русских земель любил пиры. Став христианином, Владимир не отказался от своего обычая, но стал приурочивать пиршество к религиозным праздникам. В эти дни обильно накрытые столы выставляли для мирян на улице. Звонили колокола, пели хоры. В день освящения Десятинной церкви из княжеских кладовых щедро оделяли больных и нищих.

В 1007 году по велению князя в Десятинную церковь были перенесены мощи бабушки, святой равноапостольной Ольги, в 1011 – останки его жены, Анны. С 1010 и до своей кончины князь Владимир вел борьбу с польскими захватчиками, стремившимися объединить восточных и западных славян под эгидой католической Польши. Похоронен святой равноапостольный князь в приделе Десятинной церкви, в мраморной раке, рядом с Анной.

В период правления святого равноапостольного правителя произошло объединение славянских земель в установленных границах. Принятие христианства от Византии стало основополагающим для государственного утверждения Руси, граничащей с католической Польшей и языческими племенами кочевников. Его потомки на протяжении 6 столетий продолжали укреплять государство и православие.

Народ прозвал киевского князя «Красным Солнышком» за его заботу о бедных и сиротах, строительство храмов и школ, милосердие к врагам. При Владимире были составлены первые русские летописи. Почитание святого князя началось вскоре после кончины. Митрополит Иларион первым сравнил его деятельность с апостольским служением. Почитание святого равноапостольного Владимира было установлено по велению Александра Невского после его помощи в победе над крестоносцами 15 мая 1240 года.

Молитва 3‑я*

Ка́ко похва́лим тебе́, в земны́х влады́ках прему́жественный, Влади́мире? Ка́ко ти благодаре́ние воздади́м, я́ко тобо́ю позна́хом Го́спода и ле́сти и́дольския избы́хом, я́ко твои́м повеле́нием по всей зем­ли́ Христо́с сла́вится? Ка́ко ве́ровал еси́? Ка́ко взыска́л еси́ Хри­ста́? Пове́ждь нам, рабо́м твои́м, отку́ду ти при­пах­ну́ воня́ Свята́го Ду́ха? Не ви́дел еси́ Хри­ста́, ни ходи́л еси́ по Нем, ка́ко учени́к Его́ обре́теся? Не ви́дел еси́ апо́стола, прише́дша в зе́млю твою́, не ви́дел бе́сы изгоня́юща И́менем Христо́вым, боля́щих исцеля́юща, ме́ртвых воскреша́юща. Ди́вное чу́до! И́нии ца́рие и власти́телие, ви́дяще вся сия́, быва́юща от святы́х муж, не ве́роваша, но па́че на стра́сти и му́ки преда́ша их, ты же, о блаже́нне, не ви́дя и не слы́ша всех сих, прите́кл еси́ ко Хри­сту́, разуме́в, я́ко Еди́н есть Творе́ц неви́димым и ви́димым, Небе́сным и земны́м, и я́ко посла́ в мир, на́шего ра́ди спасе́ния, Возлю́бленнаго Сво­е­го́ Сы́на. И сия́ помы́слив, вшел еси́ во святу́ю купе́ль. И ны́не, проте́кшим ты́сящи ле́том от Креще́ния Руси́, при́зри на зе́млю твою́ ви́ждь ча́да твоя́. Виждь лю́ди твоя́, ка́ко живу́т, ка́ко храни́ми суть Го́сподем, ка́ко благове́рие храня́т по преда́нию тво­е­му́, ка́ко сла́вят Хри­ста́, ка́ко покланя́ются Име­ни Его́. Виждь и гра́ды, вели́чеством сия́ющия, виждь це́ркви цвету́щия, виждь христиа́нство расту́щее, виждь и град твой Ки́ев, толи́кими уго́дники Бо́жиими, во нетле́нии почива́ющими, блиста́ющийся, и фимиа́мом облагоуха́ем, и хвала́ми и боже́ственными пе́нии святы́ми оглаша́ем. И сия́ вся ви́дев, возра́дуйся и возвесели́ся и похва­ли́ Блага́го Бо́га, всем сим Строи́теля. Ви́дя, я́ко твое́ ве́рное се́яние твои́м хода́тайством и заступле́нием не изсуше́но бысть зно́ем неве́рия, но дожде́м Бо́жия поспеше́ния рас­по­ло­же­но́ бысть многопло́дне, ра́дуйся ду́хом, во влады́ках апо́столе, не ме́ртва́я теле­са́ воскреси́вый, но душе́ю ны, ме́ртвыя, воскреси́в! Ра́дуйся, уте́шителю наш и наста́вниче благове́рия! Ты бе, о честна́я гла­во́, наги́м одея́ние, а́лчным корми́тель, жа́ждущим утро́б охлажде́ние, вдови́цам помо́щник, стра́нным поко́ище, оби́димым засту́пник, убо́гим обогаще́ние. Сим благи́м дело́м на Небесе́х возме́здие прие́мля и зре́ния сла́дкаго лица́ Бо́жия насыща́яся, не преста́й моля́ся о зем­ли́ твое́й и о ча́дех, в них же благове́рно влады́чествова, да сла́вится в зем­ли́ на́шей вы́ну правове́рие и да не оста́вит нас Госпо́дь, а́ще и еще́ блужда́ем, толи́ким веко́м проте́кшим, а́ще и еще́ согреша́ем Го́споду и Влады́ке на́шему, а́ки новоку́пленнии раби́, во всем неугодя́ще господи́ну сво­е­му́. К тебе́ ру́ки на́ша воздева́ем и мо́лим тя: помоли́ся Влады́це всех, да продли́т, доне́леже стои́т мир, ми́лость Свою́ на оте́чествии на́шем и лю́дех Свои́х, ра́тныя прогоня́я, мир утвержда́я, глад угобза́я, гра́ды разселя́я, Це́рковь Свою́ возраща́я, достоя́ние Свое́ соблюда́я, му́жи, и жены́, и младе́нцы спаса́я, да ми́лостию Его́ носи́ми, в едине́нии ве́ры вку́пе ве́село и ра́достно сла́вим Го́спода на́шего Иису́са Хри­ста́, со Отце́м и со Пресвяты́м Ду́хом, Тро́ицу Неразде́льну Единобоже́ственну, ца́рствующу на Небесе́х и на зем­ли́, ны́не, и при́сно, и во ве́ки веко́в. Ами́нь.

Тропарь, молитва, акафист, канон

Тропарь, глас 4

Уподобился еси купцу, ищущему добраго бисера,/ славнодержавный Владимире,/ на высоте стола седя мАтере градОв,/ богоспасаемого Киева:/ испытуя же и посылая к Царскому граду / увЕдети православную веру,/ обрел еси безценный бисер — Христа,/ избравшаго тя, яко втораго Павла,/ и оттрясшаго слепоту во святей купели,/ душевную, вкупе и телесную./ Темже празднуем твое успение,/ людие твои суще,// моли спастися державы твоея Российския начальником и множеству владомых.

Кондак, глас 8

Подобствовав великому Апостолу Павлу в седúнах, всеславне Владимире,/ вся яко младенческая мудрования, иже о идолех тщàния оставль,/ яко муж совершенный, украсúлся еси Божественнаго Крещения багрянùцею:/ и ныне Спасу Христу в весѐлии предстоя,// моли спастися державы Российския начальником и множеству владомых.

Величание

Величаем, величаем тя,/ святый равноапостольный великий княже Владимире,/ и чтим святую память твою,/ идолы поправшаго // и всю Российскую землю Святым Крещением просветившаго.

Кондак 1

Избраннаго светильника, тьму идолослужения в державе Российстей разгнавшаго и светом Божественныя веры ю просветившаго, восхваляем тя, святый равноапостольный княже Владимире: ты же яко выну со дерзновением предстояй Царю царствующих, не престай моляся о достоянии твоем и твоими молитвами сохраняй нас от всяких бед и зол, да со умилением благодарственно зовем ти: Радуйся, Владимире, державы Российския просветителю.

Икос 1

Ангелом и человеком Творец, времена и лета во Своей власти положивый и судьбы государств и народов устрояяй, егда благоизволи призвати род российский от тьмы идолослужения ко свету истины и правды вечныя, постави тя, благоверный княже, благовестителя и совершителя сея всеблагия воли Своея. Темже, благодаряще Творца и Спаса нашего, славословим тя, яко великаго избранника Божия нашего ради спасения, с веселием зовуще: Радуйся, равноапостоле, ко просвещению народа русскаго премудрым промыслом предызбранный; Pадуйся, от первозваннаго апостола на горах Киевских прореченный. Радуйся, преславный сосуде Божественныя благодати, державе твоей дарованный; Pадуйся, пречудный кореню, из негоже на земли нашей произрасте велие древо правоверия. Радуйся, яко тобою имя Господне во всех пределех страны твоей прославляется; Pадуйся, яко и твое преславное имя от всех родов российских с любовию воспевается. Радуйся, Владимире, державы Российския просветителю.

Кондак 2

Видя суету бездушных идолов и прелесть диавола, еюже уловляет темныя люди в сети беззакония, купно же слыша святых первомученик русских за Христа Феодора и юнаго Иоанна, глаголющих безбожным мучителем: «Бози ваши не суть бози, но древо, еже днесь пребывает утро сгнило есть, Един же есть Бог истинный, Иже сотвори небо и землю»; тогда возгорелся еси сердцем, во еже взыскати и уведети Сего Единаго истиннаго Бога, Емуже покланяется всяко колено небесных, земных и преисподних, немолчно воспевая: Аллилуия.

Икос 2

Разум всевышний приосени тя, егда предсташа ти проповедницы разновернии и потщался еси, да не уловлен будеши в сети лжеучения, но да обрящеши веру истинную и спасительную. Темже ублажаем тя: Радуйся, премудрый просветителю народа русскаго; Pадуйся, разум богопросвещенный стяжавый. Радуйся, яко ухищрения и суесловия лжеучителей посрамил еси; Pадуйся, яко глаголы жизни вечныя в словесех Мудреца истиннаго мудре уразумел еси. Радуйся, лучу Божественнаго света посреде тьмы лжеверия; Pадуйся, стено нерушимая посреде бури страстей языческих. Радуйся, Владимире, державы Российския просветителю.

Кондак 3

Силою свыше умудрен, послал еси мужи избранныя во страны иныя, да видят и испытают, како инии народи служат Богу и како веру свою от дел своих показуют; тии же, вся добре испытавше, достигоша Царяграда, идеже видяще благолепное совершение Божественнаго священнодействия, мнеша себе не на земли, но на Небеси стояти, и со умилением сердца воздаша хвалу Господеви, зовуще: Аллилуия.

Икос 3

Имуще в сердцах своих твердое уверение,яко вера грековосточная воистинну есть православная и яко священнодействия ея паче всех иных велелепна, посланнии тобою мужие, возвратившеся во Отечествие свое, исповедаша сия пред лицем твоим и пред старейшины твоими, рекоша же: «Никтоже, вкусив сладкаго, восхощет горькаго, тако и мы не можем паки остати зде и служити кумиром». Таковое извещение прием, возгорелся еси ревностию по вере истинней. Сего ради величаем тя: Радуйся, гласу Божественныя благодати прилежно внимавый; Pадуйся водительству Святаго Духа усердно последствовавый. Радуйся, яко советники твоя умудрил еси; Pадуйся, яко вся люди твоя советы твоими ко истинней вере привлекл еси. Радуйся, яко со тщанием поискал еси добраго бисера Христа; Pадуйся, пчело трудолюбивая, мудре взыскавшая цветы, в них же сладкий мед истины и спасения. Радуйся, Владимире, державы Российския просветителю.

Кондак 4

Бурею сумнений и недоумений не поколебался еси, повнегда уведети тебе веру истинную, православную, но абие восхотел еси прияти святое Крещение со всею державою твоею, да купно с нею, яко отец со чады своими, достойно воспоеши Богу: Аллилуия.

Икос 4

Слышавше боляре и старейшины яже о вере истинней, помянуша праматерь твою святую княгиню Ольгу, яже прият святое Крещение в Цариграде, и рекоша: «Аще не бы блага бысть вера сия, не бы прияла ю сия мудрейшая в женах». Темже и мы, присно поминающе премудрую Ольгу, благодарственно зовем ти: Радуйся, яко соблюл еси Божественное семя, еже всея в сердце твое блаженная праматерь твоя; Pадуйся, яко святым заветом тоя последовал еси. Радуйся, яко провидел еси в ней зарю спасения народа твоего; Pадуйся, солнце, возшедшее по заре той. Радуйся, свете, старейшины твоя просветивый; Pадуйся, вся люди твоя ко Христу приведый. Радуйся, Владимире, державы Российския просветителю.

Кондак 5

Боготканную одежду святаго Крещения восхотев получити, помыслил еси, откуду и како имети имаши толик сонм пастырей и учителей, да просветят вся люди твоя с тобою, и како пояти себе жену, в вере святей испытанну, дому твоему благую строительницу, чадом твоим матерь во Христе, советницу же всем во благочестии, и о сем всем поревновав, дух твой приведе тя ко стране Гречестей, идеже вернии от лет древних благочестно воспевают Богу: Аллилуия.

Икос 5

Видевше царие гречестии всю страну твою во тьме идолослужения коснящу, небрегоша тя, яко кумиром служаща, обаче побеждени бывше от тебе, и уведевше крепкое произволение твое прияти святое Крещение и вся люди твоя ко Христу привести, исполнишася радости и вдаша ти сестру свою Анну на брак, пастыри же и учители народу твоему. Темже и мы, присно радующеся святому сему союзу твоему, воспеваем тя: Радуйся, яко посетил есть тя Восток свыше; Pадуйся, яко звезда Всевышняго приведе тя к Востоку, идеже Премудрость созда себе дом и утверди столпов седмь, седмь Соборов Вселенских, иже утвердиша веру Христову по вселенней. Радуйся, яко сия есть вера апостольская, сия вера вселенную всю утверди; Pадуйся, яко от чистаго источника чистое учение Христово приял еси. Радуйся, дому твоего и чад твоих добрый рачителю; Pадуйся, всего народа твоего премудрый наставниче. Радуйся, Владимире, державы Российския просветителю.

Кондак 6

Пастырие и учители, ихже приял еси, прехвальне княже, от царей греческих, яко да напаяют всю страну Российскую ученьми Божественными, со тщанием течаху на делание свое, благодарственно поюще призвавшему народ твой ко спасению Господу Богу: Аллилуия.

Икос 6

Возсия пречудне чувственный свет в помраченною недугом слепоты очию твоею, в душе твоей свету благодати возсиявшу, егда, просветився Божественным Крещением, изшел еси от святыя купели, еже ощутив, радостно воскликнул еси: «Ныне познах Бога истиннаго». Темже ублажаем тя: Радуйся, светильниче, огнем Божественныя благодати во тьме язычества возжженный; Pадуйся, благовестителю света Христова, омраченная очеса и сердца народа твоего отверзаяй. Радуйся, яко умныма очима твоима провидел еси Божие смотрение о державе твоей; Pадуйся, яко до конца потщался еси, да и вси людие твои просветятся в нем. Радуйся, богосветлая главо князей Pоссийских; Pадуйся, славнейшее украшение и похвало Церкве Христовы. Радуйся, Владимире, державы Российския просветителю.

Кондак 7

Хотя просветити Божественным Крещением народ русский, первее повелел еси креститися сыновом и вельможам твоим, да вси людие, последующе стопам их, со благим произволением приступят ко святому Крещению, благочестно зовуще Богу: Аллилуия.

Икос 7

Ново творение во Христе яви тя, по святем крещении, образ жития твоего: ревнитель бо первее быв идолослужения, последи выну по вере Христовой ревновал еси: возлюбил же еси кротость и милосердие, воздержание и целомудрие и все житие по заповедем Господним. Чудящеся убо благому пременению сему, благочестно зовем ти: Радуйся, яко росою Святаго Духа пламень страстей в себе угасил еси; Pадуйся, яко огнем Божественныя благодати вся помышления и вся чувствия твоя согрел еси. Радуйся, селения Господня, церкви святыя, паче всех селений земных возлюбивый; Pадуйся, Божественныя службы и Христова учения паче всех деяний и учений взыскавый. Радуйся, образ Новаго жития всем людем твоим в себе показавый; Pадуйся, сирых и убогих благий кормителю и попечителю. Радуйся, Владимире, державы Российския просветителю.

Кондак 8

Странное бе, купно же и радостотворное видение, егда тмочисленный сонм мужей и жен, юнош и дев, таже незлобивых младенец с радостию течаху к реце Днепру, якоже ко Иордану, идеже крещахуся во имя Отца и Сына и Святаго Духа, иереом на брезе возносящим тайнодейственныя молитвы и воспевающим Господу песнь: Аллилуия.

Икос 8

Весь был еси объят неизреченною радостию, достоблаженне княже, зря крещаемыя люди твоя, и во умилении сердца, воздав хвалу Спасителю Богу, усердно молил еси Его, да призрит на новопросвещенныя люди Своя, да утвердит их в вере и благочестии и да прославит имя Свое в странах русских. Воспоминающе убо преславное и прерадостное сих сбытие, приносим ти благодарственныя и похвальныя песни сия: Радуйся, виновниче спасения безчисленных душ в земли Русстей; Pадуйся, неоскудеваемый источниче благословений и милостей Божиих к народу твоему. Радуйся, благий вертоградарю, сад Божественныя веры в царстве твоем насадивый; Pадуйся, поточе сладости, напоивый водою благочестия люди русския. Радуйся, яко Божественную веру прославил еси, прелесть же идольскую посрамил еси; Pадуйся, яко Царь царей дарова тебе мудрость Соломонову, кротость Давидову, ревность Илиину, правоверие апостольское. Радуйся, Владимире, державы Российския просветителю.

Кондак 9

Все естество Ангелов, хранителей рода человеческаго, прослави тя, благоверный княже, егда повелел еси отцем и матерем вдаяти дети своя в учение книжное, да разумеют, яже веруют, и да познают, како житие свое добре по вере провождати. Темже и ныне призри на дети, учащияся Божественным писанием, и на отцев и матерей их, пастырей же и учителей, споспешествующих им во учении, благослови, укрепи и настави я во трудех их, да возрастают в вере истинней и в добром житии, поюще Богу: Аллилуия.

Икос 9

Ветии многовещаннии не могут достойно изобразити величие благодеяний, дарованных тобою, княже, земли твоей: водворив бо в ней Божественную веру, избавил еси ю от мрака языческаго и вечныя погибели, открыл еси ей путь ко истинному просвещению, ко спасению и земному благоденствию. Сего ради со благодарением благочестно зовем ти: Радуйся, могущества и славы державы Российския основателю; Pадуйся, истиннаго просвещения и благочестия в ней насадителю. Радуйся, в народе твоем языческих суеверий и злых обычаев искоренителю; Pадуйся, идольских требищ и кумиров потребителю. Радуйся, святых храмов создателю; Pадуйся, равноапостольному царю Константину равночестный подобниче. Радуйся, Владимире, державы Российския просветителю.

Кондак 10

Спасти хотя от вечныя погибели царство твое, в бездне идолослужения гибнувшее, подъял еси велия труды и попечения, обходя грады и веси земли твоея и посылая повсюду пастыри духовныя, во еже Божественною верою и святым Крещением люди твоя просветити, и научити их Единому истинному Богу пети: Аллилуия.

Икос 10

Стена твердая был еси земли твоей во вся дни живота твоего противу врагов тоя и виновник благоденствия и славы ея; буди и ныне защитник необоримый от враг видимых и невидимых и помощник в нуждех и скорбех нам, с любовию вопиющим тебе: Радуйся, благопопечительнейший пастырю народа русскаго; Pадуйся, благострадательнейший отче сирых и страждущих. Радуйся, готовый споспешниче ищущих вечнаго спасения и истиннаго просвещения; Pадуйся, слава и радование державы Российския. Радуйся, присный помощниче в многотруднем деле народоправления; Pадуйся, мощный споборниче в брани воинства российскаго и вождей его. Радуйся, Владимире, державы Российския просветителю.

Кондак 11

Пение умиленное приими от нас, угодниче Божий, сокруши твоими молитвами вся враги наша, насади православную веру среди язык страны русския, не ведущих истиннаго Бога, искорени в ней вся ереси и расколы, да вси сынове российстии едиными усты и единым сердцем славят Бога, поюще Ему: Аллилуия.

Икос 11

Светозарное светило, просвещающее сиянием своим всю страну Российскую ты еси, достохвальне княже Владимире, разгоняя мрак идолослужения и показуя путь к истинному просвещению и небесному блаженству. Сего ради, прославляюще тя, глаголем: Радуйся, звездо, просвещенная от незаходимаго Солнца правды; Pадуйся, путеводителю, правую стезю к вечному спасению нам открывый. Радуйся, мощный споспешниче и укрепление проповедников православныя веры; Pадуйся, присный покровителю благих наставников юношества и всех благотрудящихся на пользу общую. Радуйся, скорый помощниче всех, к помощи твоей прибегающих; Pадуйся, яко всем усердно тя чтущим благотворныя советы подаеши. Радуйся, Владимире, державы Российския просветителю.

Кондак 12

Благодать Пресвятаго Духа испроси нам, преблагий пастырю наш, от всещедраго Бога и Спаса нашего, вразумляющую и укрепляющую нас в деле спасения, да не безплодна будет в нас насажденная тобою святая вера, но да уклоняющеся от путей нечестия и заблуждений, ходим во свете заповедей Божиих и достигнем вечнаго блаженства, воспевающе Богу: Аллилуия.

Икос 12

Поюще твоя премногая и преславная благодеяния, явленная державе нашей в просвещении тоя светом Божественныя веры, купно же велия твоя труды и подвиги, во благоустроение ея подъятыя, усердно благодарим и восхваляем тя, с любовию зовуще: Радуйся, богоизбранне и богопрославленне самодержче земли Русския; Pадуйся, несокрушимое ограждение ея, покрове и защищение. Радуйся, райское древо, произрастившее две пречудныя отрасли, святых страстотерпцев Бориса и Глеба; Pадуйся, первостоятелю святых Российския Церкве. Радуйся, апостолов сопрестольниче и сликовствователю; Pадуйся, яко на землю Русскую выну призираеши и благ временных и вечных ей у Господа ходатайствуеши. Радуйся, Владимире, державы Российския просветителю.

Кондак 13

О прехвальный и предивный равноапостоле, великий княже Владимире, приими милостивно от нас благодарение сие о всех, яже тобою воздаде Господь нам, отцем и праотцем нашим и всей державе Российстей, начен от дне Крещения даже до сего часа, и моли всеблагаго Бога пробавити милость Свою на ны и на роды родов наших, утвердити ны в правоверии и благочестии, хранити же от всех бед и зол, да сподобимся с тобою, якоже чада со отцем, во веки воспевати Богу: Аллилуия.

Этот кондак читается трижды, затем 1-й икос «Ангелом и человеком Творец…» и 1-й кондак «Избранного светильника…».

Молитва

О великий угодниче Божий, богоизбранный и богопрославленный, равноапостольный княже Владимире! Ты отринул еси зловерие и нечестие языческое, уверовал еси во Единаго истиннаго Триипостаснаго Бога и, восприяв святое Крещение, просветил еси светом Божественныя веры и благочестия всю страну Русскую. Славяще убо и благодаряще премилосердаго Творца и Спасителя нашего, славим, благодарим и тя, просветителю наш и отче, яко тобою познахом спасительную веру Христову и крестихомся во имя Пресвятыя и Пребожественныя Троицы: тою верою избавихомся от праведнаго осуждения Божия, вечнаго рабства диаволя и адова мучительства; тою верою восприяхом благодать всыновления Богу и надежду наследования небеснаго блаженства. Ты еси первый вождь наш к Начальнику и Совершителю нашего вечнаго спасения Господу Иисусу Христу; ты еси теплый молитвенник и ходатай о стране Российстей, о воинстве и о всех людех. Не может язык наш изобразити величие и высоту благодеяний, тобою излиянных на землю нашу, отцев и праотцев наших и на нас, недостойных. О всеблагий отче и просветителю наш! Призри на немощи наша и умоли премилосердаго Царя Небеснаго, да не прогневается на ны зело, яко по немощем нашим по вся дни согрешаем, да не погубит нас со беззаконьми нашими, но да помилует и спасет нас, по милости Своей, да всадит в сердце наше спасительный страх Свой, да просветит Своею благодатию ум наш, во еже разумети нам пути Господни, оставити стези нечестия и заблуждений, тщатися же во стезях спасения и истины, неуклоннаго исполнения заповедей Божиих и уставов Святыя Церкве. Моли, благосерде, Человеколюбца Господа, да пробавит нам великую милость Свою, да избавит нас от нашествия иноплеменных, от внутренних нестроений, мятежей и раздоров, от глада, смертоносных болезней и от всякаго зла; да подаст нам благорастворение воздуха и плодоносие земли; да сохранит и спасет благочестивейший народ наш от всех козней и наветов вражиих; да дарует ему победу на враги, да исполнит вся благая желания его; да оградит державу его мудрыми и верными слуги, да соблюдет в судиях и правителех правду и милость; да даст пастырем ревность о спасении пасомых, всем же людем споспешение о еже усердно службы своя исправляти, любовь между собою и единомыслие имети, на благо же Отечества и Святыя Церкве верне подвизатися, да возсияет свет спасительныя веры в стране нашей во всех концех ея, да обратятся к вере неверующии, да упразднятся вся ереси и расколы; да тако поживше в мире на земли, сподобимся с тобою вечнаго блаженства, хваляще и превозносяще Бога во веки веков. Аминь.

Тропарь равноапостольному князю Владимиру Тропарь, глас 4

Уподобился еси купцу, ищущему добраго бисера, славнодержавный Владимире, на высоте стола сидя матере градов, богоспасаемого Киева, испытуя же и посылая к царскому граду уведети православную веру, и обрел еси бесценный бисер, Христа, избравшаго тя, яко втораго Павла, и оттрясшаго слепоту во святей купели, душевную вкупе и телесную. Тем же празднуем твое успение, людие твои суще: моли спастися державы твоея Российския начальником, Христолюбивому православному народу.

Ин тропарь, глас 1

Яко начальнику Крещения и кореню веры Божественныя, идолов разрушителю, блаженне княже Василие равноапостольне, вопием ти: слава Вразумльшему тя Христу Богу, слава Освятившему тя Крещением Своим, слава Просветившему тобою всю страну Русскую.

Ин тропарь, глас 8

Правоверия наставниче и всея Руси просветителю, благочестивый великий княже Владимире, Святым Крещением всех просветил еси и церкви многи славны украсил еси, о премудре Василие, Христа Бога моли спастися душам нашим.

Кондак, глас 8

Подобствовав великому апостолу Павлу, в сединах, всеславне Владимире, вся, яко младенческая мудрования, яже о идолех тщания оставль, яко муж совершенный, украсился еси божественнаго крещения багряницею: и ныне Спасу Христу в веселии предстоя, моли спастися державы Российския начальником и множеству владомых.

Ин кондак, глас 8

Изрядному воеводе и правоверному, благодарственная восписует ти вся Русь, Василие, имущи тя начальника и заступника, яко избавил еси нас от всякия скверны и лести, темже ти вопием: радуйся, великий княже Владимире преблаженне.

Ин кондак, глас 4

Отеческу прелесть, идолы, яко суетни, отверг, Христа, всех истиннаго Бога, Царя и Благодетеля, познал еси. Темже и люди, изрядны Тому, Святым Крещением просветил еси, преславне Владимире. Сего ради почитаем тя, яко Троице служителя, Христа моли даровати нам велию милость.

Величание

Величаем тя, святый равноапостольный великий княже Владимире, и чтим святую память твою, идолы поправшаго и всю Российскую землю Святым Крещением просветившаго.

Канон святому равноапостольному князю Владимиру

КАНОН, глас 8-й

Песнь 1

Ирмос: Посеченный несекомаго пресече, и виде солнце землю, юже не виде; лютаго врага вода потопи, и непроходимое пройде Израиль. Песнь же воспевашеся: Господеви поим, славно бо прославися.

Припев: Святый равноапостольный великий княже Владимире, моли Бога о нас.

Собезначальное Слово Божие, Иже древле четырем стихиам Творец, и теми весь мир сотворивый, связанную страстьми душу мою разреши, яко да воспою ликуя славнаго князя Василия.

Слава: От выспрь сошед, Владыко, невещественно на духовную гору, свыше просящим от Тебе обильну светлость душам посли, достодолжно похвалити чуднаго князя Василия.

И ныне: Матерем и девам похвала Ты, Владычице, рождшая жизнь Творца мирови, матерских же болезней не ощутила еси, но Мати убо, и Дева пребыла еси. Темже хваляще Тя, радуйся, вопием Ти.

Песнь 3

Ирмос: Утвердися сердце мое во Господе, вознесеся рог мой в Бозе Спасе моем, разширишася на враги моя уста моя, возвеселихся о спасении Твоем.

Святый равноапостольный великий княже Владимире, моли Бога о нас.

Яко труба богогласная возгласи, язык твой, блаженне, духовный, провозглашающь всем концем земли Российския Христово правоверное Крещение, имже просвещен быв, мир весь просветил еси.

Слава: Сияет днесь, Василие, преславная память твоя, юже празднуют христоименитии людие, тебе похваляя своего праотца, ихже к свету разумному привел еси.

И ныне: Сень закона прейде Рождеством Твоим, Богородице, благодати пришедши, Отчу Слову Христу Богу нашему: Егоже познав славный князь, церковь твою светло украсил есть.

Господи, помилуй (трижды).

Седален, глас 2-й

В молитвах бдяй присно радостною душею, Василие, того ради почерпл еси Духа премудрости от источника, сходящаго свыше. Тем верою просияв яко солнце, моляся Христу непрестанно, ускори Щедрый, и потщися спасти от прегрешений мир.

Слава и ныне: Богородице безневестная Чистая, Яже без семене рождшая всех Владыку, Того со Ангелы моли избавитися нам от всякаго недоумения, и дати умиление и свет душам нашим, и согрешений очищение, Яже едина вскоре заступающи.

Песнь 4

Ирмос: Пророк Аввакум умныма очима провиде, Господи, пришествие Твое, тем и вопияше: от юга приидет Бог. Слава силе Твоей, слава снизхождению Твоему.

Святый равноапостольный великий княже Владимире, моли Бога о нас.

Светло бысть и сладко по облаце, имже покрывашеся небесное солнце: весела же и радостна весна по зимней скорби: ты же по облаце идольскаго мрака, Крещением яко солнце светлое возсиял еси нам, Василие.

Слава: Павел фарисей к Дамаску грядый, малым блещанием великаго света ослеплен, Крещением же просветися: емуже ты подобник был еси, славне, Корсуня дошел очный мрак отгнал еси.

И ныне: Тя явилася еси, Дево, корень ненапоен, прозябая отпущение, плод светоносный рождши Христа Бога нашего: дряхлеющую страстьми душу мою просвети, и испроси грехов оставление.

Песнь 5

Ирмос: Господи Боже наш, мир даждь нам, Господи Боже наш, стяжи ны, Господи, разве Тебе, иного не вемы, Имя Твое именуем.

Святый равноапостольный великий княже Владимире, моли Бога о нас.

Радуйся и красуйся духом, Российский царю Василие, изрядныя бо ветви Богосадныя ко Христу принесл еси, Богоизрядный твой плод, Бориса славнаго, и Глеба благочестиваго: с нимиже предстоя Христу о нас молися.

Слава: Дивный прорече Исаия на Иерусалим: будет яве гора Господня, и дом на верх гор. Праведне же на тебе разумехом благодать Духа: дом бо Владыце создал еси на версех гор.

И ныне: Проповедует о тебе чудный Исаия Духом, Девою хотящу родити Христа без семене: Давид же Твой прадед дивно провозвести Твоя величествия: спасе бо нас яко милостив.

Песнь 6

Ирмос: Яко воды морския, Человеколюбче, волнами житейскими обуреваюся. Темже, яко Иона, тако вопию Ти: возведи от тли живот мой, благоутробне Господи.

Святый равноапостольный великий княже Владимире, моли Бога о нас.

Благочестия ревнитель славнаго царя Константина ты был еси, Василие, просветившаго Крещением еллинский род: ты же духовною банею люди твоя пресветло обновил еси.

Слава: Осладив любовию Христовою душу, и разумныя прием криле, прелетел еси идольский мрак, и разгнал еси тму зловерия, блаженне, вселився в Чертог Спаса всех Бога.

И ныне: Благодушствует Церковь Российская днесь, и правоверных собори, в память пресветлую Василия, ублажающе твое безсеменное Рождество, Дево, и прилежно Сыну Твоему молящеся зовут: Тя величаем.

Господи, помилуй (трижды). Слава, и ныне:

Кондак, глас 8-й

Подобствовав великому Апостолу Павлу в сединах, всеславне Владимире, вся яко младенческая мудрования, иже о идолех тщания оставль, яко муж совершенный, украсился еси Божественнаго Крещения багряницею: и ныне Спасу Христу в веселии предстоя, моли спастися державы Российския начальником и множеству владомых.

Икос

Просветивый древле Израиля Моисейским законом, просветил же еси мир явлением твоего Пришествия, Христе Боже, Богогласныя твоя ученики послал еси проповедати по странам, еже от Девы безсеменное рождество Твое: и тем повелел еси крестити, во имя Отца и Сына, и Святого Духа. Обветшавшу же видя страну Российскую грехом, Дух Твой послал еси, в крепкоразумнаго душу славнаго Владимира, познати Тебе Единаго от Троицы Христа Бога, и Твоим Крещением просветити избранныя Твоя, и от Тебе порученныя ему люди, и привести к Тебе верою вопиющия: избави Твое достояние от сопротивных поган, Российския начальники, и множество владомых.

Песнь 7

Ирмос: Халдейския пещи всепагубную силу угасивше образом Ангела снизшедшаго, Зиждителю юноши взываху: благословен еси и хвальный, Боже отец наших.

Святый равноапостольный великий княже Владимире, моли Бога о нас.

Праотчи богоистканныя мя ризы враг душегубец обнажил есть: Иисус же безначальный явлейся плотию, очистив водою Духа, паки мне подаде ю, Егоже познав, славне Владимире, веселяшися вопия: благословен Бог отец наших.

Слава: Моисейский сохранив закон, Даниил Боговидения сподобися: праотеческия же ты поправ идолы, не яко во мраце, но в большей славе, разумно узрел еси Христа со Отцем и Духом, Крещением же просвещен, веселишися вопия: благословен Бог отец наших.

И ныне: Божественныя обнажи одежды, враг прельстив первозданнаго прадеда Твоего, Дево, из боку же Твоею Чистою и Неискусобрачною пришед, Спас Сладкий мой Иисус: на Негоже потек аки на Адама, но о Бога образися, и сокрушися люте. Мы же Cыну Твоему зовем: благословен Бог отец наших.

Песнь 8

Ирмос: Покрываяй водами превыспренняя Своя, полагаяй морю предел песок и содержай вся, Тя поет солнце, Тя славит луна, Тебе приносит песнь вся тварь, яко Содетелю всех во веки.

Святый равноапостольный великий княже Владимире, моли Бога о нас.

Род праведных благословится, Божественныя вещаша уста, еже на тебе сбыстся, блаженне: семя бо святолепное и Богоизбранное принесл еси Христу, непобедимыя мученики, имиже просветил еси землю Российскую. Ихже похваляюще с тобою, превозносим Христа во веки.

Слава: Мати всех градов воистинну, царства твоего град явися Киев, в немже Христос прежде со Отцем и Духом прославися, твоею праматерию и тобою, блаженне: идеже мужественное твое тело лежит светло в церкви Владычицы: мы же людие твои хваляще поем Христа во веки.

И ныне: Безначальное сияние и Слово Отчее, проповедаша неложно пророчестии гласы, из Тебе хотящаго без тли родитися Еммануила, Бога же и человека, крепкое языков чаяние: Емуже, яко Мати, молися спастися нам.

Песнь 9

Ирмос: Ужасеся о сем небо, и земли удивишася концы, яко Бог явися человеком плотски, и чрево Твое бысть пространнейшее небес. Тем Тя Богородицу, Ангелов и человек чиноначалия величают.

Святый равноапостольный великий княже Владимире, моли Бога о нас.

Давид обретеся прежде Израилю державный царь, и люди спасе, боги иноязычныя низложив, Духом Божия Сына проповеда: ты же в Троице познал еси Бога, блаженне Василие, Егоже величаем.

Слава: Да торжествуют днесь весело память твою, святолепно в церкви Божия Матере, богоизбраннии людие, юже любезно украсил еси, в память вечную твоего преставления, небо земное: в немже почивая, ожидаеши всестрашныя трубы архангеловы, блаженне. Тем тя присно величаем.

И ныне: Духом Божественным распаляеми вси роди, любовию блажим Тя, Богородице: Ты бо клятву праматере разрушила еси. Прилежно же поем Божия Слова: Того бо неопально во чреве Твоем приемши, родила еси плотию. К Немуже молися, избавитися верному Твоему стаду от всякия нужды и печали.

Молитва 4‑я

О, вели́кий уго́дниче Бо́жий, равноапо́стольный кня́же Влади́мире! При́зри на не́мощи на́ши и умо­ли́ Премилосе́рдаго Царя́ Небе́снаго, да не прогне́вается на ны зело́ и да не погуби́т нас со беззако́ньми на́шими, но да поми́лует и спасе́т нас по ми́лости Свое́й, да всади́т в серд­ца́ на́ша покая́ние и спаси́тельный страх Бо́жий, да просвети́т Свое́ю благода́тию ум наш, во е́же оста́вити нам сте­зи́ нече́стия и на путь спасе́ния обрати́тися, неукло́нно же за́поведи Бо́жия твори́ти и уста́вы Святы́я Це́ркве соблюда́ти. Моли́, благосе́рде, Человеколю́бца Бо́га, да яви́т нам вели́кую ми́лость Свою́: да изба́вит нас от смертоно́сных боле́зней и от вся́каго зла, да сохрани́т и спасе́т рабо́в Бо́жиих (име­на) от всех ко́зней и наве́тов вра́жиих и да все мы сподо́бимся с тобо́ю ве́чнаго блаже́нства, хва́ляще и превознося́ще Бо́га во ве́ки веко́в. Ами́нь.

В чем помогают молитвы святому?

Равноапостольному князю Владимиру люди возносят молитвы о спасении Отечества, чтобы Бог послал правителям и властям разум и силы, добрый настрой, направленный на благополучие народа. Кроме того, помня, что именно Владимир привел страну к Православию, они молятся об обращении людей в веру, об освобождении от пороков и греха.

Люди, страдающие глазными заболеваниями, вспоминают, какое чудо произошло с князем после его крещения, и молятся ему о помощи в лечении их болезни.