Преподобная Александра Дивеевская (Мельгунова)
Служба преподобной Александре Дивеевской
Текст службы утвержден решением Священного Синода от 9 июля 2019 года (журнал № 82)
Месяца иуния в 13-й день
Преподобныя Александры Дивеевския
На малей вечерни
На Господи, воззвах: стихиры, глас 2:
Кая духовная пения/ принесем ти, преподобная Александро?/ Явлением бо тебе Царицы Небесныя/ Дивеево дивно освятися/ и четвертый жребий Ея наречеся./ Сего ради молим тя/ подати нам мир и велию милость.
Киими похвальными венцы/ венчаим тя, преподобная Александро?/ Ты бо, в многотруднем житии/ волю Божию усмотревши,/ в благодарении Господу николиже оскудевала еси./ Темже моли Христа Бога/ подати нам мир и велию милость.
Киими благоговейными усты/ восхвалим преславную матерь нашу Александру?/ Милостивую покровительницу и скорую помощницу,/ любовию своею нас согревающую,/ кротостию и смирением вся удивляющую/ и просящую нам у Христа Бога/ мир и велию милость.
Киими священными похвалами/ прославим Александру богомудрую?/ Обители Дивеевския украшение,/ монашествующих истинную наставницу/ и молитвенницу теплую о душах наших,/ просящую нам у Христа Бога/ мир и велию милость.
Слава, глас 4:
Днесь благодарственная воспоим/ дивному во святых Христу Богу нашему,/ даровавшему нам матерь преподобную,/ мудрую и чадолюбивую наставницу,/ церковных уставов твердую хранительницу,/ непорочное житие совершившую,/ ныне же в лице жен святых сияющую.
И ныне, Богородичен, глас тойже: Иже Тебе ради:
На стиховне стихиры, глас 1:
Велия твоя подвиги и труды,/ преподобная Александро блаженная,/ како прославим, недостойнии?/ Ты бо, обитель Дивеевскую основавши,/ иноческое житие в ней устроила еси.
Стих: Дивен Бог во святых Своих,/ Бог Израилев.
Великий ангельский образ восприемши/ и послушание Царицы Небесныя исполнивши,/ душу в руце Божии вверила еси./ И ныне с лики жен преподобных/ чисте зриши Святую Троицу.
Стих: Честна пред Господем/ смерть преподобных Его.
Велию благодать и дар исцелений,/ еще живей ти сущи, стяжавши,/ Александро преподобная,/ ныне наша прошения исполняеши/ к раце святых мощей твоих/ с любовию притекающих.
Слава, глас 8:
О, преславнаго чудесе!/ Днесь радуется обитель Дивеевская,/ исполнению проречения преподобнаго Серафима дивящися:/ се бо мощи преподобныя Александры,/ яко многоценное сокровище,/ в храме Рождества Богородицы почивают/ и, яко крин присноцветущий,/ благоуханием чудес всех притекающих исполняют.
И ныне, Богородичен, глас тойже: Безневестная Дево:
Тропарь зри на велицей вечерни. Слава и ныне, Богородичен: Радуйся, двере Господня:
На велицей вечерни
На Господи, воззвах: стихиры, глас 6:
Приидите, вернии людие,/ во святую обитель Дивеевскую,/ яже четвертый жребий Божия Матере нарицается,/ ублажим верную рабу Пресвятыя Богородицы/ Александру богомудрую,/ первоначальницу святаго места сего,/ и, припадающе к ея честным и многоцелебным мощем,/ усердно помолимся:/ помяни нас, преподобная мати наша,/ во Царствии Небеснем.
Приидите, вернии людие,/ во святую обитель Дивеевскую/ прославим чудную собеседницу ангелов/ и нуждающимся помощницу скорую,/ всечестную матерь Александру,/ первоначальницу святаго места сего:/ та бо, Христа всем сердцем возлюбивши,/ многотрудное житие избра,/ ныне во славе невечерней Ему предстоит/ и молится о спасении душ наших.
О, преподобная мати наша Александро,/ Божественною просветившися благодатию/ и мятеж мира отвергши,/ евангельски Христу последовала еси/ и молитвами Пречистей Богородице неустанно послужила еси./ Темже, и обители Ея первоначальница сущи,/ богомудрая наставница явилася еси./ Помяни нас во Царствии Небеснем.
Александро всеблаженная,/ ангельский образ восприемши,/ на земли добродетельне пожила еси/ и, храмы многия воздвигши,/ сирыя, нищия и в бедах сущия николиже оставляла еси,/ ныне же, на Небесех водворившися,/ чисте зриши Святую Троицу./ Испроси нам, преподобная мати, велию милость,/ да и мы всегда с Господем будем.
Многия подвиги, труды и болезни,/ блаженная Александро, явила еси,/ егда в тесней келии пред распятием Христовым,/ на камень главу полагающи,/ со слезами нощию усердно молилася еси./ Помози и нам в покаянии истиннем житие скончати/ и Царствия Небеснаго сподобитися.
Глас 7:
Надеющиися на Господа разумеют истину/ и вернии в любви пребудут Ему./ Тако и ты, богомудрая Александро,/ светом Евангелия тьму неразумия просветивши,/ истины веры Православныя людем уясняла еси/ и живоносныя воды любве верным источила еси./ Укрепи и нас во благочестии и чистоте пребывати/ и моли Христа Бога/ да спасет души наша.
Глас 8:
Ублажаем тя, Александро досточудная,/ ты бо, о ближних попечение творящи,/ алчущих милостивая питательница,/ невест неимущих благоукрасительница/ и скорбных теплая утешительница явилася еси./ Темже, припадающе к раце мощей твоих,/ со умилением просим тя:/ приими молитвы наша/ и предвари на помощь/ верою память твою почитающим.
Слава, глас 6:
О, Александро блаженная,/ преподобный Серафим свидетельствова о тебе,/ яко ты еси велия раба Божия,/ смирения высото и любве сокровище,/ и о всех теплая молитвенница./ Ныне зрим тя, яко щит крепок обители нашея/ противу стрел вражиих,/ заступлением бо твоим искушения побеждаются/ и души наша очищаются.
И ныне, Богородичен, глас 6: Кто Тебе не ублажит:
Вход. Прокимен дне. И чтения преподобническая.
На литии стихира собору Дивеевских святых, глас 1:
Блаженна еси, чудная обитель Дивеевская,/ славни вси пределы твои,/ стопы Пресвятыя Богородицы освященнии/ и подвиги святых прославленнии,/ ихже всехвальную память совершающе,/ славословим Христа Бога нашего, дивнаго во святых Своих,/ Емуже молимся спастися душам нашим.
Слава, и ныне, глас 4:
Воспоим неусыпающую в молитвах Богородицу/ и, притекающе к Ней с верою сердечною,/ потщимся стяжати милосердие и кротость,/ да обрящем Ея заступлением/ у Христа Бога велию милость.
На стиховне стихиры, глас 2.
Подобен: Егда от Древа:
Егда Божественный глас/ достиже тя, преподобная мати Александро,/ тогда, богатство и славу,/ и род твой оставивши,/ во обитель Флоровскую вселилася еси,/ идеже, житие жестоко поживши,/ в молитвах и трудех Господеви угодила еси./ Темже молися Христу Богу/ спасти и просветити души наша.
Стих: Дивен Бог во святых Своих,/ Бог Израилев.
Егда благодать Божественная/ исполни сердце твое, преподобная мати,/ тогда явися ти Пресвятая Дева,/ Царица Небесе и земли,/ повелевающи град Киев оставити/ и обитель новую/ во инем месте устроити,/ да славится в ней имя Христа Бога,/ Егоже моли спасти и просветити души наша.
Стих: Честна пред Господем/ смерть преподобных Его.
Егда Матерь Божия явися ти, преподобная Александро,/ на пути в пустынь Саровскую/ и повеле устроити в Дивееве обитель чудную,/ тогда, преславныя глаголы Ея/ в сердце своем слагающи/ и повеление исполняющи,/ многими труды и подвиги/ обители доброе начало положила еси./ Темже молися тепле ко Господу/ спасти и просветити души наша.
Слава, глас 4:
В честнем прославлении твоем,/ преподобная мати Александро,/ верныя благодатно озаряеши/ и недуги безмездно врачуеши./ Темже, с любовию припадающе к раце мощей твоих,/ умильно глаголем:/ настави ны ходити путем подвигов твоих/ и помози нам благоугождати Христу Богу,/ да причастницы Небеснаго Царствия сподобимся быти.
И ныне, Богородичен, глас тойже: Призри на моления Твоих раб, Всенепорочная:
Тропарь, глас 5:
Преподобная мати Александро,/ благословение Царицы Небесныя исполнивши,/ обитель Дивеевскую основала еси,/ в нейже, многотрудное житие совершивши,/ образ Христова смирения явила еси./ Темже помяни нас во Царствии Небеснем.
На утрени
По 1-м стихословии седален, глас 4:
Всем сердцем твоим, всею душею и мыслию Бога возлюбивши,/ дар благодатных слез, мати Александро, стяжала еси/ и пред Крестом Христовым усердно молилася еси,/ непрестанно в созерцании Господа пребывающи./ Темже, искусная делательница молитвы умныя сущи,/ научи и нас присно глаголати:/ Господи, Иисусе Христе, Сыне Божий, помилуй нас, грешных.
Слава, и ныне, Богородичен:
Удивишася, Чистая, лицы ангельстии,/ како, Богородица сущи,/ во юдоль скорбей человеческих нисходиши,/ и всякий вопль молитвенный слышиши,/ и утешение милостивно подаеши,/ больных исцеляеши и немощных заступаеши,/ Дево Мати Господня,/ Сокровище неисчерпаемое благодати Божественныя.
По 2-м стихословии седален, глас 8:
Страстотерпец царь Николай благоговейно почиташе память твою,/ мати Александро./ Сего ради вопием ти, мати преподобная:/ моли с Царственными страстотерпцы Христа Бога, о еже спастися нам.
Слава, и ныне, Богородичен:
О Тебе радуется и Тя прославляет всякая тварь, Дево Пречистая,/ яко Невместимаго вместила еси,/ Егоже присно моли о спасении нашем.
Величание:
Ублажаем тя,/ преподобная мати наша Александро,/ и чтим святую память твою,/ ты бо молиши о нас/ Христа Бога нашего.
По полиелеи седален, глас 1:
Егда приближися время преставления твоего, Александро преподобная,/ тогда духом отшествие твое ко Господу уразумела еси/ и, молитву сугубую со слезами о обители твоей и сестрах ея вознесши,/ попечение о них на преподобнаго Серафима возложила еси.
Слава, и ныне, Богородичен:
Притецем вси, вернии,/ к Небесней Царице и Матери всех,/ прославляюще Ея снисхождение к роду человеческому,/ и источим слезы умиления,/ любовию зовуще:/ радуйся, Обрадованная,/ верных Твоих рабов не оставляющая.
Прокимен, глас 4: Дивен Бог во святых Своих,/ Бог Израилев. Стих: В церквах благословите Бога, Господа от источник Израилевых. Всякое дыхание: Евангелие от Матфеа, зачало 104.
По 50-м псалме стихира, глас 6:
Пред отшестием от жития сего временнаго/ в схиму великую, преподобная Александро, облеклася еси/ и, Святых Таин Христовых приобщившися,/ Казанскую икону Пресвятыя Богородицы на перси возложила еси,/ молитву же непрестанную во устех имущи,/ душу святую в руце Христа Бога предала еси./ Тому молися не лишенным и нам быти/ кончины благия и наследия Небеснаго.
Канон, глас 8.
Песнь 1
Ирмос: Поим Господеви,/ проведшему люди Своя сквозе Чермное море,/ яко Един славно прославися.
Преподобную угодницу и матерь нашу Александру,/ первоначальницу обители Дивеевския,/ Божия Матере рабу избранную,/ ныне за ны на Небесех молящуюся,/ Господи, сподоби воспети разумно.
Обители Дивеевския первоначальница явилася еси, Александро славная,/ и, достойно послушание Пресвятыя Богородицы исполнивши,/ Небесное Царствие унаследовала еси./ Помози и нам добродетель послушания стяжати.
Воздержанием дивным и покаянием слезным душу твою очистивши/ и ангельскому житию поревновавши,/ храм Святаго Духа явилася еси, преподобная Александро.
Богородичен: Пречистая Богородице Дево,/ паче естества неизреченно рождшая Присносущное и Пребожественное Слово,/ достойно в песнех величаем Тя.
Песнь 3
Ирмос: Утверждей словом Небеса/ и землю основавый на водах многих,/ утверди мя к пению славословия Твоего, Господи.
Мирская и тленная возненавидевши,/ плоть свою изнурила еси, мати Александро,/ темже и, молитву к Богу присно возносящи,/ Того Единаго возлюбила еси.
Просвещение Духа в сердце твоем приемши, преподобная мати,/ лучами добродетелей страстей мглу яве отгнала еси./ Помози и нам от омрачения страстей избавитися.
Твоя молитвы и труды,/ яко кадило благовонное, Владыце и Богоматери принесла еси, преподобная,/ таже и многи храмы Божия твоим рачением и подвиги воздвигла еси./ Ныне же вознеси моление о благостоянии Церкве Русския.
Богородичен: Утверждение, покров и прибежище/ буди с верою к Тебе прибегающим, Дево Богородительнице,/ и Божию Матерь Тя исповедающим.
Седален, глас 3.
Подобен: Красоте девства:
Богатство тленное и славу мимотекущую в младых летех оставивши,/ Небесное богатство и славу вечную восприяла еси, преподобная Александро./ Темже блажим святое твое преставление и умильно вопием:/ помяни нас у Престола Божия, мати честная.
Слава, и ныне, Богородичен:
Яже радости приемшая исполнение,/ приими от нас, рабов Твоих, целование Архангелово:/ радуйся, Радость миру рождшая,/ радуйся, Манно Небесная, Хлебом жизни нас напитавшая,/ радуйся, Царице, в женах Благословенная.
Песнь 4
Ирмос: Тайно пророк предзря от Девы Тя, Слове, Воплощаема,/ песенно вопияше:/ слава силе Твоей, Господи.
Огнем любве Божия терние страстей попаливши,/ глаголы дивныя Пресвятыя Богородицы о четвертом Ея жребии во вселенней услышати сподобилася еси./ Темже и обитель Дивеевскую воздвигла еси.
Насаждена в дому Божия Матере бывши,/ яко цветы красныя, многия добродетели израстила еси/ и, во основание обители камень веры положивши,/ многим инокинем путь во обители Небесныя указала еси.
Жезлом добродетельныя твоея жизни/ многия души в Царствие Небесное управила еси, мати Александро,/ помози и нам добродетели евангельския стяжати/ и жизни блаженныя вкупе со всеми святыми достигнути.
Богородичен: Ты еси, Благая, верным утверждение,/ от лютых избавление и просвещение душ наших,/ и обители Дивеевской стена и ограждение.
Песнь 5
Ирмос: Утренююще, вопием Ти:/ Господи, спаси ны,/ Ты бо еси Бог наш,/ разве Тебе, иного не вемы.
Тесный путь паче пространнаго предпочла еси/ и, радующися, многия труды и болезни претерпела еси, преподобная Александро./ Укрепи и ны во обстояниих житейских молитвами твоими.
В пениих и пощениих, молитвах же и бдениих поживши, преподобная,/ Христу уневестилася еси/ и образ иноческаго жития/ сестрам обители Дивеевския явила еси.
Житие твое праведно и преподобно бысть, Александро блаженная,/ темже, сугубаго подвига взыскующи,/ великую схиму пред кончиною прияти сподобилася еси.
Богородичен: От всякаго прилога противна и скорби,/ и от враг лютых рабы Твоя свободи, Всенепорочная,/ Тя бо державное Предстательство стяжахом.
Песнь 6
Ирмос: Ризу мне подаждь светлу,/ одеяйся светом, яко ризою,/ Многомилостиве Христе Боже наш.
Славу рода твоего презревши/ и заповеди евангельския ревностне исполнивши, преподобная,/ Христа ради обнищала еси/ и многими добродетельми обогатилася еси.
Великаго подвижника Саровскаго/ в юнем иеродиаконе Серафиме предузрела еси, Александро мудрая,/ и попечение о обители Дивеевской на него возложила еси./ Помозите и нам, святии угодницы, наследники Царствия Небеснаго быти.
По вся дни и нощи Богу благоугождающи,/ в час кончины твоея Святыя Тайны Христовы восприяла еси./ Вознеси, преподобная мати, теплыя молитвы и о нас ко Господу,/ да христианскую кончину улучити сподобимся.
Богородичен: Палата Царя Славы и Престол огнезрачный была еси, Дево,/ Херувим превышши и Серафим славнейши,/ темже всякое дыхание славит Тя,/ яко Матерь Христа, Бога нашего.
Кондак, глас 3:
Воспоим днесь, вернии,/ преподобную матерь нашу Александру,/ дивнаго удела Пресвятыя Богородицы первоначальницу,/ да ея молитвами и предстательством Пречистыя Девы/ Господь подаст нам грехов прощение и велию милость.
Икос:
Кто доволен достойно воспети труды и болезни,/ подвиги и пощения твоя, преподобная мати Александро?/ Обаче благоприятными твоими к Богу молитвами/ подаждь нам ныне благодать Святаго Духа,/ да прославим терпение и смирение твоя/ и любовь нелицемерную воспоим,/ имиже врага всезлобнаго посрамила еси./ Темже молися ко Господу/ даровати нам грехов прощение и велию милость.
Песнь 7
Ирмос: В начале землю основавый/ и Небеса Словом утвердивый,/ благословен еси во веки, Господи Боже отец наших.
Путем шествующи, вводящим в Божественный покой,/ уклонилася еси сетей демонских, блаженная./ Темже, Божественною благодатию покрываема, вопияла еси:/ благословен еси, Боже отец наших.
Повеление Царицы Небесныя исполняющи/ и чудную обитель Ея созидающи,/ выну в молитве пребывала еси, вопиющи:/ благословен еси, Боже отец наших.
Камень под главу твою полагающи и слез токи проливающи,/ жестокое житие провождала еси, преподобная,/ и в радости духовней воспевала еси:/ благословен еси, Господи Боже отец наших.
Богородичен: Вся светоносна еси, Дево, Свет незаходимый приемши,/ и просвещаеши, Чистая, верою Тебе вопиющих:/ благословен, Пречистая, Плод чрева Твоего.
Песнь 8
Ирмос: Безначальнаго Царя славы,/ Егоже трепещут Небесныя силы,/ пойте, священницы,/ людие, превозносите во вся веки.
Мученице царице Александре поревновала еси, богомудрая,/ и жизнь твою в руце Божии предала еси,/ точию Единаго Христа ведущи и Сего распята,/ поющи Его во вся веки.
Дар молитвы чистыя, смирение и любовь совершенную имела еси, богоблаженная./ Молися и нам в добродетели сия облещися/ и Господа воспевати во вся веки.
Заповедем Христовым поревновавши,/ нищия, сирыя и младенцы николиже в беде оставляла еси, досточудная,/ темже вселилася еси во обители Небесныя,/ идеже с лики жен честных Господа прославляеши во вся веки.
Богородичен: Все упование мое на Тя возложих, Владычице,/ не имам бо иныя помощи разве Тебе./ Темже подаждь ми богатую Твою милость.
Песнь 9
Ирмос: Невидимаго зраком Божественным приемшая,/ Неискусобрачная Дево и Мати,/ песньми Рождество Твое величаем.
Яко велию в женах и избранницу Матере Божия,/ откры тя Бог преподобному Серафиму,/ иже и яви сугубое попечение о обители Дивеевской./ Темже купно с ним молися о чадех твоих, блаженная.
Пред кончиною твоею, мати преподобная,/ образ Казанския иконы Пресвятыя Богородицы на перси твоя возложила еси/ и тако с миром душу твою Богу предала еси.
Моли милостиваго Бога, преподобная мати наша Александро,/ яко дерзновение к Нему имущая,/ да и мы с тобою сподобимся славити Его во Царствии Небеснем.
Богородичен: Спаси, Пречистая Владычице, к Тебе прибегающия от беды и напастей,/ от греха и бури страстей плотских,/ от волнений и обстояний житейских,/ и будущаго осуждения.
Светилен:
Егда убо честныя мощи твоя, преподобная мати Александро, обретошася,/ тогда благоухание из гроба твоего изыде и благодать велия явися,/ недуги исцеляющи и духи лукавыя отгоняющи.
Слава, и ныне, Богородичен:
Славо вселенныя, Преславная Дево,/ Бога Преславнаго славно рождшая,/ славы сподоби Божественныя,/ яко Богородицу присно Тя славящия.
На хвалитех стихиры, глас 5.
Подобен: Радуйся, Живоносный Кресте:
Радуйся, мати Александро,/ звездо пресветлая от Дивеева возсиявшая/ и Российскую страну благодатно озарившая!/ Радуйся, славная подвижнице,/ древним богоносным отцем уподобившаяся,/ душу твою дом Духа Святаго соделавшая,/ храмы Божия и обитель инокинем воздвигшая!/ Молися мир мирови даровати/ и душам нашим велию милость.
Радуйся, предстательнице наша,/ преподобная мати Александро!/ Ускори на помощь нам, немощным и сирым,/ и вознеси святыя молитвы твоя ко Господу,/ данною же ти от Него благодатию/ недуги наша душевныя и телесныя исцели,/ мирови мир даровати испроси/ и душам нашим велию милость.
Радуйся, преподобная мати Александро!/ Первоначальнице обители Дивеевския,/ сосуде благодати Божия/ и избраннице Царицы Небесныя./ Радуйся, болящих исцеление,/ малодушных укрепление,/ заблуждших путеводительнице,/ монашествующих богомудрая наставнице!/ Помяни и нас в молитвах твоих ко Господу,/ просящи душам нашим велию милость.
Радуйся, богомудрая мати Александро,/ велия в женах и преподобных красото!/ Восхваляем смирение твое/ и любовь ко всем нелицемерную,/ имиже благодать Святаго Духа стяжала еси./ Темже честную память твою совершающим/ подаждь дары целебныя/ и моли Христа Бога/ мир мирови даровати/ и душам нашим велию милость.
Слава, глас 3:
Преподобная мати Александро,/ кто исповесть подвиги многотруднаго жития твоего/ и милости Божия, чрез тя явленныя, кто исчислит?/ Мы же, избранницу тя Пречистыя Богородицы ведуще/ и на дерзновение твое пред Богом уповающе,/ во умилении сердечнем зовем ти:/ о, преподобная мати наша!/ Помолися за ны/ и помяни нас во Царствии Небеснем.
И ныне, Богородичен, глас тойже:
Без семене зачала еси от Духа Святаго/ и родила еси Сына Божия,/ сего ради, славословяще, воспеваем Ти:/ радуйся, Пресвятая Дево.
Славословие великое и отпуст.
На Литургии
Блаженны от канона песни 3-я и 6-я. Прокимен, глас 4: Дивен Бог во святых Своих,/ Бог Израилев. Стих: В церквах благословите Бога, Господа от источник Израилевых. Апостол к Галатом, зачало 208. Аллилуиа, глас 1: Терпя потерпех Господа, и внят ми, и услыша молитву мою. Евангелие Матфеа, зачало 104. Причастен: В память вечную будет праведник, от слуха зла не убоится.
Молитва
О, святая угоднице Божия, преподобная мати Александро! Приими недостойныя молитвы наша, с верою и любовию к тебе возносимыя, и помози нам христианския добродетели стяжати, веру крепкую и любовь к Богу и ближним имети, крест скорбей и болезней с терпением носити. О, блаженная мати наша! Многими труды и подвиги благодать у Бога обретши, помяни нас во Царствии Небеснем, помолися за нас, да твоими молитвами спасаеми в нынешнем веце, и в будущем удостоимся хвалити и воспевати всесвятое Имя Отца и Сына и Святаго Духа во веки веков. Аминь.
Когда б вы знали, из какого сора…
Прекрасная собой женщина со средствами, оставив все ради любви к Богу, приняла постриг, ушла из родного дома в дичь и глушь, чистила хлевы, мыла крестьянских детей, стирала монашеские портянки, строила храмы, молилась и не торопилась.
Через 20 лет под ее началом возникла маленькая община женщин, стремящихся к Богу. Их поручили человеку, который в страшном сне не мечтал «руководить» монахинями. Но обещал заботиться о них по послушанию духовнику, которого очень любил, и предсмертному слову матери-основательнице, которую называл «великой святой».
Правда, он тоже не торопился. Перед тем, как воспитывать монахинь, 25 лет пробыл в затворе, воспитывая свою душу. Вышел известным старцем – Серафимом Саровским. В общине м. Александры к тому времени собралось 50 сестер.
По знаку свыше
Вид на Киево – Печерскую Лавру с другого берега Днепра. Изображение с сайта co6op.narod.ru
Агафье Семеновне Мельгуновой (1720 – 1789) не было и 20 лет, когда она осталась вдовой с грудным ребенком и немалым богатством. Она поехала в Киев, в Киево-Печерскую лавру, говорила с ее духовниками. Отцы, несмотря на ее молодость, увидели перед собой зрелого человека и благословили на монашество. Агафья приняла постриг во Флоровском монастыре, там и хотела остаться.
Но однажды услышала слова Богородицы: «Иди на север и обходи все великорусские места обителей Моих и будет место, где Я укажу тебе, где окончить богоугодную жизнь твою, ибо в месте жительства твоего я осную обитель Мою».
Получив Богородичный наказ, могла бы сразу пойти исполнять, но мать Александра была, как и будущее покажет, очень трезвым человеком. Реалистом. О своем видении она рассказала не только духовному отцу, но и еще нескольким отцам Киево-Печерской лавры, известным своим опытом. После долгих молитв отцы признали явление Богородицы истинным.
Но так как время для Церкви было непростым, реформаторским, многие монастыри указом Екатерины II «сокращались» (было закрыто около 500 монастырей – более половины в стране, а прошения о создании новых отклонялись, «бродить» монахам строжайше запрещалось), отцы посоветовали Александре на время скрыть свое монашество и хлопотать о деле как богатой помещице Мельгуновой. Совет киевских отцов полностью оправдал себя.
А тайной монахиней м. Александра пробыла почти всю свою жизнь и именовалась Агафьей Семеновной. Только незадолго до смерти будет она пострижена в схиму с тем же именем – Александры.
В своей келье
В небольшом домике были две комнатки и две каморки. В одной из каморок возле печки – маленькая лежанка из кирпичей, возле которой было совсем немного места. Другая каморка была темной, без окон: она служила молельней для матушки Александры. В ней могла поместиться только сама матушка. Она здесь молилась перед большим Распятием с зажженной лампадой.
К себе м. Александра относилась строго: борясь с изнеженностью, в пику изящному воспитанию, она носила жесткую власяницу под одеждой, натиравшей кожу. У матушки часто болела голова, поэтому она всегда носила шапочку, отороченную заячим мехом. На ногах были лапти, лишь к старости одна благодетельница подарила ей легкие сапожки, и мать Александра приняла.
Начало монастыря
Дивеево, 1876 год. Изображение с сайта sarpust.ru
Только за полгода до смерти м. Александры возникло то, что стало началом Дивеевского монастыря. Одна из помещиц села Дивеева подарила м. Александре большой земельный участок рядом с храмом. М. Александра построила три кельи, обнесла оградой. В одной келье она жила сама, в другой останавливались на ночлег паломники, шедшие в Саров, а в третью она пригласила жить послушниц, среди которых были сироты и вдовы крестьянского происхождения. Так и начался будущий Дивеевский монастырь.
Сама м. Александра при жизни не увидела никакой его «славы», она не старалась сделать дело поскорее, поскорее построить, наладить, образовать, организовать, привлечь побольше сестер. Она работала и молилась, не корректируя своей волей волю Божию, которой полностью доверилась.
Община жила по строгому саровскому уставу. Кроме молитвы и милостыни, сестры вместе с матушкой шили, вязали, стирали для монахов Сарова. А с саровской трапезной сестрам каждый день привозили пищу.
Перед смертью матушка Александра приняла схиму. Она просила, чтобы о. Пахомий (Назаров), настоятель Сарова, заботился о ее сестрах. Старец Пахомий на ее просьбы ответил: «Матушка, не даю тебе слово, ибо я стар и слаб, но как же браться за то, не зная, доживу ли до этого времени. А вот иеродиакон Серафим, – духовность его тебе известна, и он молод, – доживет до этого; ему и поручи это великое дело».
Женщина в церкви
Когда заканчивалось воскресное богослужение, матушка Александра выходила на площадь возле церкви и проповедовала. По рассказам духовных лиц из Дивеевской летописи свщм. Серафима (Чичагова),
«она была умна, как редко бывают мужчины. Знала лучше всех духовных в округе все уставы и положения церковные.
К м. Александре обращались за советами и наставлениями, и если где-то освещался храм, просили мать Александру быть распорядительницей, чтобы все шло по чину и был порядок. Народу приезжало множество и казалось невозможным обойтись без суеты и неразберихи, но м. Александра все устраивала как нельзя лучше: и саму церковную церемонию, и угощение после освещения храма, прием гостей и пр».
Работа монахини – тайная милость
Гривенник 1735 года. Изображение с сайта moneta-russia.ru
В Осиновке м. Александра поселяется у приходского священника Василия Дертева (уважаемого в Сарове), выстроив себе отдельный домик. В нем она проводит следующие 20 лет. Бывшая помещица и будущая игуменья чистит хлев у о. Василия (помогая престарелому батюшке), ходит за его скотиной, стирает белье.
Когда наступала горячая пора по уборке урожая и все взрослые уходили на целые дни в поле, мать Александра шла в дома, где оставались дети без присмотра родителей, топила печки, пекла хлеб, варила еду, мыла детишек, переодевала их и стирала грязное белье.
Когда в семье была крайняя нужна – она тайно оставляла деньги. Тайно подбрасывала бедным невестам приданое.
В Дивеево заводы, шум и драки
Наиболее старое изображение Саровской пустыни, относящееся к середине 18 века. Изображение с сайта sarpust.ru
Несколько лет ушло у м. Александры на поиск места для обители на севере России. В 1760 году она оказалась вблизи села Дивеева. Там ей вновь явилась Пресвятая Богородица: «Вот то самое место, которое Я повелела тебе искать. Живи здесь и угождай Господу Богу, а Я всегда буду с тобой».
М. Александра пошла в Дивеево и пришла в ужас. В селе стоял страшный шум от работы железных заводов, вечерами множество пьяных и хулиганства, драки, даже разбои. Как же строить монастырь?
И опять, как в Киеве, она нашла помощь у отцов Саровской пустыни, которая в то время считалась обителью подвижников (многие саровские отцы отказывались от священства, один даже отказался от епископского звания, только бы сохранить молитвенную жизнь в уединении).
Саровские отцы посоветовали м. Александре поселиться в деревне Осиновка в двух верстах от Дивеева. И опять совет оправдал себя: вскоре одна местная помещица отказала в нем земли под монастырь.
А потом заболела и умерла десятилетняя дочь м. Александры. Для нее это становится знаком окончательного разрыва с миром. Она едет домой, чтобы продать имение и распорядиться имуществом: отпускает на волю крестьян, обеспечивает немало бедняков.
Часть денег от продажи имения отдает на строительство церквей, вкладом в монастыри, часть оставляет на будущую обитель. На ее средства было построено и возобновлено более 12 храмов, в том числе и Успенский собор Саровской пустыни.
Пугачев недалеко от Сарова
Портрет Емельяна Пугачёва, написанный поверх портрета Екатерины Второй. Неизвестный художник, 1773 год. Изображение с сайта mediashm.ru
На том месте, где недалеко от Дивеева ей явилась Пресвятая Богородица, матушка Александра начала строить каменный храм в честь Казанской иконы Божией Матери.
В это время в Дивеево был неурожай и голод. М. Александра привлекла к строительству храма местных детей. Она просила их подносить кирпичи кладчикам. После работы матушка кормила детей и выдавала зарплату – по пятаку.
Время постройки храма пришлось на пугачевский бунт. Гибли люди, стояла смута, беспорядки. В 1774 году Пугачев взял город Темников и был недалеко от Сарова. М. Александра просила Богородицу, чтобы Она отвела опасность от мест, где строится ее обитель. И ей опять был ответ: война минует ее селение. Спустя некоторое время пугачевские отряды остановились.
