Икона Божией Матери «Споручница грешных»
АКАФИСТ ПРЕСВЯТЕЙ БОГОРОДИЦЕ В ЧЕСТЬ ИКОНЫ ЕЯ «СПОРУЧНИЦА ГРЕШНЫХ»
Кондак 1
Избранней от Всевышняго, грешных Споручнице, преклоняющей на милосердие Сына Своего, да спасет яже созда рукою Своею, благодарственное пение приносим Ти, Мати Дево и Владычице, о явлении дивныя Твоея и чудотворныя иконы, Ты же яко предстательство ко Господу имущи, потщися от обстояний многообразных избавити ны и вечное спасение нам соделати, да, воспевающе, вопием Ти:
Радуйся, грешным Споручнице, всегда о нас руце Свои в поручение Богу приносящая.
Икос 1
Ангелов лики благоговейно Тебе служат и святии вси немолчными гласы Тя ублажают, Богородице Дево, яко рождшую Ангелов Царя, Христа Бога нашего, мы же, грешнии, подражати им дерзающе и благохвалити Тя недоумеюще, смиренномудренно архангельский глас вопием Ти, Чистая:
Радуйся, Благодатная, Господь с Тобою; радуйся, Преблагословенная в женах, Дево Всенепорочная.
Радуйся; Дщи Отца Небеснаго; радуйся, Мати Сына Превечнаго.
Радуйся, Духа Святаго селение; радуйся, Ангелов и человек непрестанное удивление.
Радуйся, Честнейшая Херувим; радуйся, Славнейшая без сравнения Серафим.
Радуйся, грешным Споручнице, всегда о нас руце Свои в поручение Богу приносящая.
Кондак 2
Видящи Премилосердная Матерь Божия земное скорбное житие наше, немощи и болезни, благоизволи дати нам в благословение и утешение, в радость и спасение и от всяких бед и напастей ограждение икону Свою святую, Споручницею грешным в ней нарекшися, да, радостная пред сею иконою Ей приносяще, радостно всегда поют Богу: Аллилуиа.
Икос 2
Разум небесный открывающи, Богородице Дево, благоизволила еси многими чудесы прославити икону Твою святую, Споручница грешных именуемую, да вси, ведуще таковое Твое о ней благоволение, песненно Тебе зовут:
Радуйся, Милосердная, всех нас о Христе Мати; радуйся, неистощимая сокровищнице Божественныя благодати.
Радуйся, Тобою бо нисходит к нам Божие благоволение; радуйся, Тобою бо имамы вящее к Богу дерзновение.
Радуйся, молитвы всех христиан приемлющая; радуйся, и самых отчаянных грешников моления не отвергающая.
Радуйся, яко предстательством Твоим спастися уповаем; радуйся, яко молитвами Твоими Царство Небесное получити чаем.
Радуйся, грешным Споручнице, всегда о нас руце Свои в поручение Богу приносящая.
Кондак 3
Сила благодатная осеняет всех, Преблагословенная Матерь Божия, с верою к Тебе, яко Споручнице грешных, притекающих и святей иконе Твоей поклоняющихся: Единей бо токмо Тебе дадеся дар всякое благое прошение скоро исполняти и грешных миловати и спасати, и Едина токмо Ты можеши воистину всем помощи елика хощеши, Богу поющим: Аллилуиа.
Икос 3
Имеющи Матернее о всех всеблагое промышление,Ты, Всеблагая Мати Божия, и самых отчаянных грешников ко спасению призываеши, глаголющи: Аз есмь Споручница грешных к Сыну Моему и Богу, Иже и обеща Мне слышати Мя всегда, да радостная Мне приносящии вечно радоватися будут чрез Мене. Сего ради мы, грешнии, Тебе, яко Споручнице нашей, радостно зовем:
Радуйся, Заступнице усердная, от Бога нам дарованная; радуйся, к Небесному отечеству Путеводительнице наша Благодатная.
Радуйся, от рова погибели исхищающая; радуйся, безпомощных на Свои всемощныя руце приемлющая.
Радуйся, непрестанное уныние отгоняющая; радуйся, падших ко благодати возставляющая.
Радуйся, слово премудрости просящим дарующая; радуйся, и неразумных разумными соделывающая.
Радуйся, грешным Споручнице, всегда о нас руце Свои в поручение Богу приносящая.
Кондак 4
Бурею сомнений искушаемая некая жена не хотяше веровати чудесем, от иконы Твоея, Споручницы, бываемым, но внезапну язвою смертоносною пораженная, позна силу Твою всемощную, Владычице, и чудотворныя иконы Твоея благодать, и, раскаявшися, слезно моляше Тя о прощении неверствия ея, милосердием же Твоим исцеленная, благодарственно Богу о Тебе всегда вопияше: Аллилиуа.
Икос 4
Слышит Господь Твоя о нас на Небеси ходатайства, Царице Небесная, и исполняет Твоя прошения, мы же, грешнии, яко всеблагую Скоропослушницу и Споручницу нашу, просим и молим Тя: Владычице, скоро услыши моления наша и вся наша печали на радость преложи, и прошения всех зде молящихся скоро исполни, да радостно всегда поем Ти:
Радуйся, приносящая к Сыну Твоему и Богу моления верных; радуйся и Сама у престола Сына Твоего всегда о нас молящаяся.
Радуйся, Споручнице грешных; радуйся, Взыскание погибших.
Радуйся, нечаянную радость верным дарующая; радуйся, и наша прошения скоро исполняющая.
Радуйся, Милостивая, всегда нас милующая; радуйся, житие наше доброе устрояющая.
Радуйся, грешным Споручнице, всегда о нас руце Свои в поручение Богу приносящая.
Кондак 5
Яко лучезарную звезду, весь мир озаряющую, подавала еси нам, Владычице Мира, честную Твою икону, Споручницею грешных именуемую, на нюже взирающе, Самой Тебе, истинней Божией Матери и Деве, поклоняемся, глаголюще: Владычице, приими молитвы раб Твоих и избави ны от всякия нужды и печали, восхваляющих Тя и Богу воспевающих: Аллилуиа.
Икос 5
Некий благоговейный муж страхом велиим преисполнися, егда в нощь Светлаго Христова Воскресения виде икону Твою, Споручнице Всеблагая, светом Небесным блистающуюся и, яко дождевныя капли, миро источающую и молниевидныя искры испущающую, познав в сем знамении милости Твоея к людем, со слезами умиления и благодарения радостно воспе Тебе, Преблагословенней Матери Божией:
Радуйся, Огнь Божественный неопально державшая, Имже грехи наша попаляются; радуйся, Свет неприкосновенный носившая, Имже души наша просвещаются.
Радуйся, руце Свои в поручение о нас Богу приносящая; радуйся, вход в Царство Небесное и нам, грешным, отверзающая.
Радуйся, яко молния тьму грехов наших разсекающая; радуйся, яко миро благовонное, сердца наша умягчающая.
Радуйся, источники чудес всюду источающая; радуйся, иконою Твоею вся люди возвеселяющая.
Радуйся, грешным Споручнице, всегда о нас руце Свои в поручение Богу приносящая.
Кондак 6
Весь мир христианский проповедует милости и чудеса Твоя, Препрославленная Мати Господа, и светлокрасуется многими чудотворными Твоими иконами, среди коих икона Твоя, Споручница грешных именуемая, яко луна полная, лучами милости Твоея и чудес немерцаемо сияет, просвещающи и освещающи души наша светом Божия благодати, подвизающи нас хвалебно Богу взывати: Аллилуиа.
Икос 6
Возсия в одну из нощей свет небесный в храме Николо-Хамовническом, егда прият образ Твой чудотворный, Споручнице грешным, светильники тогда и лампады невидимою силою в храме сем возжигахуся, свеща горящая, аки в служении, незримо кем окрест престола ношашеся. Людие же, вне храма стоявшии и сия вся видевше, дивляхуся, славяще Тя, Мати Божия, и Сына Твоего, мы же, воспоминающе дивное сие видение, с умилением Тебе глаголем:
Радуйся, скорби наша в радость претворяющая; радуйся, ненадеющихся несомненною надеждою возвеселяющая.
Радуйся, Свеще, у престола Божия присногорящая; радуйся, Лампадо, елеем Божественным светящая.
Радуйся, Свете лучезарный, путь жизни нам показующий; радуйся, Храме одушевленный, всех нас освящающий.
Радуйся, уповающим на Тя непостыдную жизнь дарующая; радуйся, и по смерти неотступно о них пред Богом ходатайствующая.
Радуйся, грешным Споручнице, всегда о нас руце Свои в поручение Богу приносящая.
Кондак 7
Хотя Долготерпеливый Господь явити Бездну Своего человеколюбия и щедрот, избра Тебе, Пресвятая Дево, в Матерь Себе и яви Тя неисчерпаемым источником милостей Своих, да аще кто праведным судом Божиим осуждения достоин, Твоим ходатайством, яко грешным Споручницы, сохранен будет, велегласно зовый: Аллилуиа.
Икос 7
Дивная дела Твоя показал еси нам, Господи, в Пречистей Твоей Матери и дивну даровал еси нам Ея икону, паче лучей солнечных просвещающу люди, яко Самую зрящих Богородицу и верою сердечною от души любовию, яко Божией Матери и Деве, Ей вопиющих:
Радуйся, Купеле, в Нейже вся скорби наша погружаются; радуйся, Чаше, Еюже радость и спасение вси восприемлем.
Радуйся, Живоносный Источниче, всех нас оживотворяющий; радуйся, Цвете неувядаемый, всех нас облагоухающий.
Радуйся, скорбей наших услаждение; радуйся, печалей наших утоление.
Радуйся, болезней наших врачевание; радуйся, от бед скорое наше избавление.
Радуйся, грешным Споручнице, всегда о нас руце Свои в поручение Богу приносящая.
Кондак 8
Странники и пришельцы есмы на земли и, по глаголу Апостола, не имамы зде пребывающаго града. Но к кому прибегнем, Владычице, в скорбех жития нашего, аще не к Тебе, Всеблагая Споручнице о нас грешных! Не отвержи нас, Мати Божия, и не рцы нам: Не вем вас грехов ради ваших, но помилуй нас, сирых и безпомощных, и приими нас в вечныя кровы, Покровительнице наша, да радостно вопием во славе Небесней Царю славы Христу: Аллилиуа.
Икос 8
Всем верным утешительно есть взирати на святую икону Твою, Владычице, Споручнице грешным, на нейже зрим Тя, на руку Твоею держащую Превечнаго Младенца, Господа нашего Иисуса Христа, Ему же покланяющеся боголепно, яко Творцу и Богу нашему, Тебе, истинней Богородице, умильно глаголем: Владычице, помози, на ны милосердовавши, потщися, погибаем от множества прегрешений, не отврати Твоя рабы тщы, Тебе вопиющия:
Радуйся, алчущих Питательнице; радуйся, нагих одеяние.
Радуйся, вдов Защитительнице; радуйся, сирот Покровительнице.
Радуйся, гонимых и обидимых Заступнице; радуйся, страждущих и плененных скорая Освободительнице.
Радуйся, грешным Споручнице, всегда о нас руце Свои в поручение Богу приносящая.
Кондак 9
Все естество ангельское похвальныя песнопения приносит Тебе, Божией Матери и Споручнице всех припадающих Тебе и просящих Твоея помощи и Твоего утешения, яко твердым и крепким Твоим предстательством праведных веселиши, грешных заступаеши и от бед избавляеши и печали утоляеши, и молишися о всех, верою зовущих о Тебе Богу: Аллилуиа.
Икос 9
Витийствующий всяк язык недоумеет благохвалити Тя по достоянию, изумевает же ум и премирный пети Тя, Богородице; обаче, Благая сущи, веру приими, ибо любовь веси божественную нашу; Ты бо христиан еси Предстательница, Тебе зовущих:
Радуйся, сиянием Пречистыя души Твоея всю землю просветившая; радуйся, чистотою телесе Твоего вся небеса возвеселившая.
Радуйся, всех нас при Кресте Сына Твоего усыновившая; радуйся, всегда Матернюю любовь Твою к нам являющая.
Радуйся, всех даров духовных и телесных всемощная Подательнице; радуйся, благ временных и вечных усердная нам Ходатаице.
Радуйся, двери Царствия Христова верным отверзающая; радуйся, и на земли радостию и веселием сердца наша исполняющая.
Радуйся, грешным Споручнице, всегда о нас руце Свои в поручение Богу приносящая.
Кондак 10
Спасти хотя род человеческий от вечныя муки и непрестающия скорби, Человеколюбец Господь Тебе, Матерь Свою, дарова земным на помощь, глаголя: сынове человечестии, се Мати Моя покров и прибежище вам да будет, печальным — утешение, скорбящим — радование, обидимым — Заступница, бедствующим — помощь, больным — Целительница, грешным — Споручница, да всех из глубины греховныя воздвигнет, вопиющих: Аллилуиа.
Икос 10
Царю Небесный, Сыне и Боже Мой, — тако молит за нас всегда Небесная Царица, — приими всякаго человека, славящаго Тя и призывающаго Имя Твое Святое, и прославляющих Мя Имени Твоего ради, и не отрини их от лица Твоего, но благоволи в них и приими от них всякое благое моление и всех от бед избави. Мы же, грешнии, надеющиися на Твоя Матерния молитвы, зовем Ти:
Радуйся, яко Ты еси Молитвенница наша к Богу теплая; радуйся, яко Твоя молитва всегда пред Богом многомощна.
Радуйся, Твоими молитвами и наша убогая моления богоприятными соделовающая; радуйся, и наше недостоинство Твоим предстательством восполняющая.
Радуйся, кающихся грешников непостыдная Споручнице; радуйся, всех христиан православных Заступнице.
Радуйся, вся наша болезни исцеляющая; радуйся, облак страстей и искушений разгоняющая.
Радуйся, грешным Споручнице, всегда о нас руце Свои в поручение Богу приносящая.
Кондак 11
Пение всеумиленное приими от нас, Небесная Споручнице наша, и молитву, приносимую Тебе, Дево Богородице, скоро услыши; к Тебе бо в напастех, скорбех и печалех прибегаем и пред Тобою в бедах наших слезы проливаем и молим: Владычице, утоли печали и приими молитвы раб Твоих, о Тебе поющих: Аллилуиа.
Икос 11
Светлыми лучами знамений и чудес немерцаемо сияет святая икона Твоя, Богородице Дево, и всех благодатно озаряет, с верою пред нею Тебе молящихся, прогоняющи всякое вражие действо силою Божиею, от нея исходящею. Темже радуемся мы, грешнии, имуще таковую чудную икону Твою в храме своем, яко залог Твоего к нам и храму нашему благоволения, и Тебе, Споручнице нашей и Скоропослушнице молений наших, благодарственно взываем:
Радуйся, радость благодатную нам изливающая; радуйся, утешение духовное скоро нам подающая.
Радуйся, желания богоугодныя исполняющая; радуйся, во всяких скорбных обстояниих на помощь нам поспешающая.
Радуйся, в вере и благочестии живущих зело любящая; радуйся, сердца их любовию к Богу и людям воспламеняющая.
Радуйся, в час недоумения мысль благу на сердце полагающая; радуйся, во всем упование на Бога имети нас научающая.
Радуйся, грешным Споручнице, всегда о нас руце Свои в поручение Богу приносящая.
Кондак 12
Благодать Божия, присущая святей Твоей иконе, Споручницею грешных именуемой, Богомати Владычице, влечет к ней всех скорбящих и грехми многими и напастьми обремененных, и не тщи отходят они от сего источника многообразных Твоих милостей и щедрот, но в скорбех — отраду, в напастех — защиту, в болезнех — цельбу и вся для души и телес благопотребныя неоскудно получают от чудотворнаго образа Твоего, Всеблагая, аще по Бозе все упование на Тя возлагают, поюще: Аллилуиа.
Икос 12
Поюще неизреченное Твое Матернее к нам грешным милосердие, хвалим Тя, яко Всемощную Споручницу нашу, благословим Тя, яко Всеблагую Скоропослушницу молений наших, и со умилением поклоняемся Тебе в честней Твоей иконе, веруем бо и уповаем, яко и ныне испросиши нам у Сына Твоего и Бога, да в жизни сей и по смерти нашей милосердие Его неотступно будет о всех, с любовию поющих Ти:
Радуйся, Твоими молитвами весь мир спасающая; радуйся, Твоими ходатайствы всю Вселенную заступающая.
Радуйся, яко всем с верою притекающим скоро помогающая; радуйся, и Небеснаго Царствия им испрошающая.
Радуйся, яко на икону Твою взирающе, Самой Тебе, истинней Богородице, поклоняемся; радуйся, Твоим предстательством вся благая желания наша скоро исполняющая.
Радуйся, и в час смертный верных Своих не оставляющая; радуйся, и по смерти о вечно блаженнем их упокоении ходатайствующая.
Радуйся, грешным Споручнице, всегда о нас руце Свои в поручение Богу приносящая.
Кондак 13
О, Всепетая Мати, Всеблагая Споручнице спасения грешных, Богородице Дево! Приими милостиво и нынешнее наше моление, еже от усердия нашего во благодарение Ти принесохом, и испроси нам у Всещедраго Бога в вере православней непоколебимость, в любви христианской преспеяние и грехов наших прощение, да предстательством Твоим унаследим Царствие Небесное и сподобимся со всеми святыми пети Богу: Аллилуиа.
Этот кондак читается трижды, затем 1-й икос «Ангелов лики …» и 1-й кондак «Избранней от Вышняго …».
Молитва
О Владычице Преблагословенная, Защитнице рода христианскаго, прибежище и спасение притекающих к Тебе! Вем, воистину вем, яко зело согреших и прогневах, Премилостивая Госпоже, рожденнаго плотию от Тебе Сына Божия, но имам многии образы прежде мене прогневавших Его благоутробие: мытари, блудницы и прочия грешники, имже дадеся прощение грехов их, покаяния ради и исповедания. Тыя убо образы помилованных очесем грешныя души моея представляя и на толикое Божие милосердие, онех приемшее, взирая, дерзнух и аз, грешный, прибегнути с покаянием ко Твоему благоутробию. О Всемилостивая Владычице, да подаси ми руку помощи и испросиши у Сына Твоего и Бога Матерними и святейшими Твоими молитвами тяжким моим грехом прощение. Верую и исповедую, яко Той, Егоже родила еси, Сын Твой, есть воистину Христос, Сын Бога Живаго, Судия живых и мертвых, воздаяй комуждо по делом его. Верую же паки и исповедую Тебе быти истинную Богородицу, милосердия источник, утешение плачущих, взыскание погибших, сильную и непрестающую к Богу Ходатаицу, зело любящую род христианский, и Споручницу покаяния. Воистину бо несть человеком иныя помощи и покрова, разве Тебе, Госпоже Премилостивая, и никтоже, уповая на Тя, постыдеся когда и, Тобою умоляя Бога, никтоже оставлен бысть. Того ради молю Твою неисчетную благость: отверзи двери милосердия Твоего мне, заблуждшему и падшему в тимение глубины, не возгнушайся мене, сквернаго, не презри грешнаго моления моего, не остави мене, окаяннаго, яко в погибель злобный враг похитити мя ищет, но умоли о мне рожденнаго от Тебе милосердаго Сына Твоего и Бога, да простит великия моя грехи и избавит мя от пагубы моея; яко да и аз со всеми, получившими прощение, воспою и прославлю безмерное милосердие Божие и Твое непостыдное о мне заступление в жизни сей и в нескончаемом веце. Аминь.
Тропарь, глас 4
Умолкает ныне всякое уныние и страх отчаяния исчезает, грешницы в скорби сердца обретают утешение и Небесною любовию озаряются светло: днесь бо Матерь Божия простирает нам спасающую руку и от Пречистаго образа Своего вещает, глаголя: Аз Споручница грешных к Моему Сыну, Сей дал Мне за них руце слышати Мя выну. Темже, людие, обремененнии грехи многими, припадите к подножию иконы Ея, со слезами вопиюще: Заступнице мира, грешным Споручнице, умоли Матерними Твоими молитвами Избавителя всех, да Божественным всепрощением покрыет грехи наша и светлыя двери райския отверзет нам, Ты бо еси предстательство и спасение рода христианскаго.
Ин тропарь, глас 3
Тебе, милосердия источнику приснотекущему и Споручнице грешных, недостойнии раби Твои, Богородице, припадающе, скорбяще, вопием Ти: спасай нас от бед, Владычице, и матерним Твоим ходатайством испроси всем нам вечное спасение.
Кондак, глас 1
Честное жилище бывшее неизреченнаго естества Божественнаго выше слова и паче ума и грешным еси Споручница, подаваеши благодать и исцеление, яко Мати всех Царствующаго: моли Сына Твоего получити нам милость в День судный.
Когда лучше всего читать молитвы?
Наибольший эффект от чтения молитв перед иконой Божьей Матери «Споручница грешных» достигается в дни почитания этой иконы, которые по православному календарю отмечаются трижды в году:
- Первый день выпадает на четверг Пятидесятницы;
- Второй — 20 марта (7 марта по старому стилю);
- Третий — 11 июня (29 мая по старому стилю).
Но и в случае духовной тяготы можно обращаться к лику Божией Матери на этой иконе в любое время, в храме, монастыре или дома. Такая молитва – это лучший способ общения с Богом через заступничество Богородицы, которая никогда не отказывала в своей помощи тем, кто прибегает к ней в трудную минуту.
(5 оценок, среднее: 5,00 из 5)
О чем молят Царицу Небесную пред этой святыней
Перед образом молятся:
- о прощении тяжких согрешений, о покаянии и исправлении жизни;
- об исцелении болезней; по неисповедимым судьба Божиим, именно эта икона прославилась помощью больным детям;
- при эпидемиях, стихийных бедствиях.
Царственный Лик Матери Божией – обещание прощения согрешающим, исцеления – больным, поддержки – унывающим. И напоминание о том, что среди наших бед мы никогда не останемся одни.
Московский образ
После первого известного явления чудотворного образа случилось так, что был изготовлен список. Его преподнесли в подарок Дмитрию Бонческулу, проживавшему в Москве (Хамовники). Он отличался любовью к паломникам, с которыми вместе молился перед образом. После Пасхи началось обильное мироточение, что побудило хозяина отдать образ в Николаевский храм, находившийся поблизости.
Об авторе О книге
Благоухающее миро появлялось в виде небольшой капли, которая постепенно увеличивалась и растекалась по всей иконе. Влагу собирали на ткань, раздавали прихожанам. Страждущие получали обильные благословения, свидетельства о них дошли до наших дней.
- Одна женщина получила исцеление от болезни ног, которая приковала ее к постели. Масло из лампады от иконы полностью восстановило подвижность.
- Крестьянин из подмосковной деревни внезапно впал в неподвижное состояние, хотя глаза оставались открыты. Предвидя скорый конец, близкие отвезли его в Никольский храм, где приложили к иконе «Споручница грешных». Он тут же очнулся и сам поднялся на ноги.
- Во время эпидемии холеры в 19 в. многие заболевшие получили исцеление.
- Уже в наше время в рязанской области разыгралась буря. С неба падали градины размером с куриное яйцо, разбивая окна и пробивая шифер. Мальчик, служивший алтарником, попал в непогоду, но вернулся домой совершенно невредимым. Он сказал, что молился «Споручнице грешных», что ему и помогло.
Храм, где «Споручница грешных» находится и сегодня, очень известен в столице. После переноса туда образа, в алтаре было замечено необычное явление. Поздно ночью происходило свечение в виде звезд и огня разной яркости. Это продолжалось несколько дней, при скоплении многих свидетелей.
Чудо вызвало необычайный ажиотаж — ночью люди наблюдали за божественным светом, днем молились около иконы. За первые несколько лет по молитвам у иконы «Споручница грешных» было зафиксировано более сотни чудесных исцелений. Поначалу находились скептики, но со временем образ стала одним из самых почитаемых в Москве. Храм находится недалеко от метро «Парк культуры», двери его открыты для верующих.
История Святого образа
Долгое время эта необычная по написанию икона не пользовалась должным вниманием. Стояла она в старой часовне и находилась в таком заброшенном состоянии, что не было видно надписей, которые затем стали основой для именования образа Царицы Небесной.
Насельники Николаевского монастыря в Брянской области (с. Одрина) ничего не знали о чудотворном образе, пока не произошел удивительный случай. Летом пришла в монастырь купеческая жена с маленьким сынишкой. Мальчик был очень болен — сильные припадки не давали покоя, ничто не помогало. Мать возлагала надежды лишь на Бога и часто проводила время в молитвах. После окончания службы, она решила отстоять молебен перед образом Богородицы, полагаясь на ее поддержку.
Вера матери и заступничество Матери Божией сделали свое дело: малыш сразу после окончания молитвы стал здоров. Рассказывают еще о двух случаях исцелений, которые произошли практически одновременно: прозрел незрячий младенец, паралич оставил сына помещика. Это послужило огромной славе, которую моментально обрел образ «Споручница грешных».
Работа курьером в Яндекс.Еда (до 3400 рублей за смену) оставить заявку →
Монахи почистили икону, перенесли ее в храм на достойное место. Сегодня это самая почитаемая местная святыня. Считается, что до наших дней сохранился тот самый древний образ. К сожалению, авторство осталось загадкой — впрочем, как и многих других известных икон. Считается, что их посылает Сама Богородица, желая явить миру милость и защиту.
