Акафист Предтече и Крестителю Господню Иоанну

Если человек хочет пообщаться с Богом, рассказать любому Святому о том, что творится на душе, попросить помощи или просто поблагодарить Всевышние Силы за то, что они всегда рядом, то акафист – это самая нужная вещь в таких случаях. Акафист Иоанну Предтече (или Иоанну Крестителю) помогает укрепить свою веру в Господа Бога и утешает даже в самый ненастный час.

Об авторе О книге

Значение акафиста Иоанна Предтече

Молитва Святому Иоанну считается одной из самых сильных в мире христианства. Обращение к Крестителю очень сильно укрепляет веру человека во Всевышнего, а в трудные минуты молитва действительно может успокоить. Чем помогает акафист Иоанну Предтече? Обычно, к иконе Святого Лика встают с мольбами, чтобы:

попросить о хорошем урожае;
даровать чувство покаяния;
вразумить нагрешивших;
приобщить к вере тех, кто отказывается верить в Господа Бога, кто еще не крещён или входит в секту;
Бог дал знак свыше на указания грехов человека.

Как читать акафист Иоанну Предтече?

Каждый акафист состоит из 25 молитв: кондаки и икосы. Особых правил не существует, поэтому обращаться к Богу можно в любое время, будь то вы в церкви или дома перед иконой. Но есть одно но: читать акафист Иоанну Предтече в период Великого Поста не желательно.

Работа курьером в Яндекс.Еда (до 3400 рублей за смену) оставить заявку →

Остальные дни в году вполне разрешены, чтобы можно было обращаться к Крестителю. Читать акафист в разном порядке так же нельзя, необходимо соблюдать последовательность каждого обращения. Следовать необходимо четкой инструкции, это очень важно. Как только все хвалебные песни к Святому Иоанну будут прочитаны, необходимо закончить свой разговор со Всевышними силами молитвой к Святому, к которому и был направлен акафист. Говорят, что акафист Иоанну Предтече читается даже в тех случаях, когда верующий испытывает сильные головные боли – многие молятся Крестителю Господню в таких ситуациях.

№23 (680) / 11 июня ‘12

Молитва
Иоанн Креститель занимает второе после Божией Матери место в Небесной иерархии. Пресвятая Богородица стоит выше всех тварей, ангелов и людей, поэтому мы поминаем Ее первую в отпустах и других молитвах чинопоследования. А затем идет Иоанн Предтеча – начальник покаяния. К нему особенно надо прибегать, дорогие братья и сестры, чтобы обратить наших ближних – детей, мужа, родственников, тех, к кому мы проявляем любовь и кто нам небезразличен – к вере и покаянию. Ему надо читать акафист, заказывать молебны, просить его святых молитв, сами понимаете, он имеет перед Богом великое дерзновение, ведь Сам Господь принимал у него Крещение. Есть великолепный акафист св. Иоанну Предтече, написанный патриархом Константинопольским Исидором в XIV веке (им также написаны акафисты Архистратигу Михаилу, святителю Николаю, Похвальный канон с акафистом Божией Матери).

Был такой случай: в начале 70-х годов одна верующая женщина уже в возрасте, жившая на Урале, обливалась слезами, скорбела и убивалась, как ей отвратить от гибельной жизни и обратить к покаянию свою любимую племянницу, безбожницу и блудницу, которая жила на Украине в г. Николаеве. Эта женщина молилась каждый день, читала акафист св. Иоанну Крестителю. И вот дело было летом на пляже. Безоблачное небо, солнце изрядно палило, а племянница в купальнике со своим сожителем загорала. Она лежала на спине, открыла глаза и вдруг увидела, как огромный мужчина, одетый только в набедренную повязку, весь в ослепительном свете, высотой несколько сотен метров стоит в устье реки при впадении Южного Буга в Черное море. Этот мужчина стоял несколько минут, и она, и ее сожитель созерцали это видение. Они не могли сдвинуться с места от его взгляда: и страх, и удивление, и какая-то любовь к нему, потому что зрение святых угодников Божиих и ангелов не вызывает такого ощущения страха, как при явлении бесов или злых духов. И вот, через несколько минут святой – а это был св. Иоанн Креститель – начал постепенно исчезать. И когда он скрылся из виду, тут же они оба от страха бросились переодеваться и бежать. Девушка, кусая локти и рвя на себе волосы, со слезами побежала в храм, приняла Крещение и покаялась в своих грехах. С тех пор она стала проводить чистую богоугодную жизнь. Вот насколько сильны молитвы верующих людей Иоанну Крестителю!

Из проповеди архимандрита Петра (Кучера)

Вопрос в редакцию: «Покаяние и Исповедь – это одно и то же или нет? Если моя Исповедь не приводит к изменению моей души, значит ли это, что покаяния во мне нет?»

Николай, г. Сызрань

Святитель Иннокентий, митрополит Московский, писал: «Не должно одинаково понимать покаяние и Исповедь; покаяние значит одно, а Исповедь – другое; покаяние может быть и без Исповеди, а Исповеди без покаяния не может быть; каяться или раскаиваться пред Богом в грехах своих можно и должно всегда во всякое время, а исповедоваться можно только пред духовником и в свое время; покаяние, или раскаяние во грехах, приближает человека к Царствию Небесному и приближает к человеку Духа Святого, а Исповедь без покаяния и раскаяния нисколько не приносит человеку пользы, и не только не приносит пользы, но притворная и не истинная Исповедь губит человека, делая его большим преступником, потому что Исповедь есть и должна быть действием покаяния».

Молитва пророку, Предтече и Крестителю господню Иоанну

Крестителю Христов, проповедниче покаяния, кающагося не презри мене, но совокупляяся с вои Небесными, молися ко Владыце за мене, недостойнаго, унылаго, немощнаго и печальнаго, во многия беды впадшаго, утружденнаго бурными помыслы ума моего.

Аз бо есмь вертеп злых дел, отнюдь не имеяй конца греховному обычаю, пригвожден бо есть ум мой земным вещем.

Что сотворю? Не вем. И к кому прибегну, да спасена будет душа моя?

Токмо к тебе, святый Иоанне, благодати тезоимените, яко тя пред Господем по Богородице вем больша быти рожденных всех, ты бо сподобился еси коснутися верху Царя Христа, вземлющаго грехи мира, Агнца Божия.

Егоже моли за грешную мою душу, да поне отныне, в первый надесять час, понесу тяготу благую и прииму мзду с последними.

Ей, Крестителю Христов, честный Предтече, крайний Пророче, первый во благодати мучениче, постников и пустынников наставниче, чистоты учителю и ближний друже Христов!

Тя молю, к тебе прибегаю: не отрини мене от твоего заступления, но возстави мя, низверженнаго многими грехи.

Обнови душу мою покаянием, яко вторым Крещением, понеже обоего начальник еси: Крещением омываяй прародительный грех, покаянием же очищаяй коегождо дело скверно.

Очисти мя, грехами оскверненнаго, и понуди внити, аможе ничтоже скверно входит, в Царствие Небесное. Аминь.

В других номерах:

Немного из жизни Святого Иоанна

Иоанн Предтече был долгожданным сыном, который появился на свет немного раньше, чем Иисус Христос. Господь не просто так дал родителям такого чистого и светлого ребенка, он возложил на него особую миссию пророка. Назвали Святого именно таким именем, потому что сам Архангел Гавриил так сказал, явившись к священнику Захарию прямо в церкви.

Мать Иоанна неразрывно связана с Девой Марией, так как была ее далекой родственницей. Возможно, поэтому Крестителя считают одним из самых сильных Святых – ведь он родственник Иисусу Христу. Иоанн выбрал праведный путь, постоянно беседовал с Господом, отправился в необитаемую Иудейскую пустыню и странствовал до 30 лет, каждую минуту молясь Всевышнему. Иоанн ждал, когда же сам Бог позволит ему выполнять самое главное дело – общественное служение.

Люди знали, что Предтече ведет правильный образ жизни и приходили к нему молиться и исповедовать все свои грехи. Иоанн предупреждал всех и каждого, что совсем скоро появится Тот, кто будет для людей настоящим спасением – и это Иисус Христос. Крестителя называли «светлою утреннею звездою», настоящим пророком, который предсказывал пришествие Сильного Человека. Именно Иоанн Предтече завершает историю Ветхого Завета и открывает новую главу – Новый Завет. Сына Божьего Иисуса Христа крестил в реке Иордан именно Предтече.

Сегодня церковь празднует несколько дней памяти в честь Святого Иоанна: 23 сентября – зачатие Иоанна, 24 июня – рождение пророка, 29 августа – усекновение главы Иоанна Предтече, 24 февраля – первое и второе обретение главы, 12 октября – перенесение десной руки в Гатчину.

Акафист святому Иоанну Предтече читается об обращении к вере и покаянию страдающих безбожием или пороками, особо к покаянию осознавших тяжесть греха аборта, о побуждении к Таинству Крещения.

Кондак 1

Избранный от лет древних быти Предтечею и Крестителем Спасителя мира Христа Бога, Иоанне богохвальне, прославляюще прославльшаго тя Господа, похвальная восписуем ти, яко большему всех рожденных женами, во плоти Ангелу, покаяния проповеднику; ты же, яко имеяй велие дерзновение ко Господу, от всяких бед свобождай и к покаянию воздвизай нас, любовию тебе зовущих:

Радуйся, великий Иоанне, Пророче, Предтече и Крестителю Господень.

Икос 1

Архангел Гавриил, предстояй пред Богом, послан бысть ко иерею Захарии, егда той, служа по чину чреды своея, вниде покадити в церковь Господню; и, представ одесную олтаря кадильнаго, благовествоваше о твоем рождестве, великий Иоанне, возвещая Захарии радость и веселие, и яко мнози о рождестве твоем возрадуются. Сего ради и мы, дивному о тебе Божию благоволению чудящеся и радующеся, со благоговением в похвалу тебе вопием:

Радуйся, Совета Божия неизреченнаго таинниче; радуйся, дивнаго смотрения Его исполнение.

Радуйся, прежде лет многих пророчеством Исаии проявленный; радуйся, вестниче пред лицем Господним, древле прореченный.

Радуйся, предназначенный быти великим пророком Вышняго; радуйся, по обетованию Ангела рожденный.

Радуйся, еще во чреве матере твоея Духа Святаго исполненный; радуйся, прежде рождества твоего на великое служение освященный.

Радуйся, неплодства родителей разрешение; радуйся, иерея Божия радость и веселие.

Радуйся, дщере Аароновы прозябение; радуйся, плод молитвы Богодарованный.

Радуйся, великий Иоанне, Пророче, Предтече и Крестителю Господень.

Кондак 2

Видя Захария явльшагося ему Ангела, смутися, и страх нападе нань, и не верова словесем благовестия его о рождестве твоем; егда же за неверие немотою связан бысть, удивляшеся преславному чудеси, всем сердцем вопия Богу: Аллилуиа.

Икос 2

Разум неуразумеваемый разумети ищуще людие, ждуще Захарию, и чудяхуся, умедлившу ему в церкви; изшедшу же ему и не могущу глаголати к ним, но токмо помавающу, разумеша вси, яко видение виде в церкви. Мы же, прославляюще дивнаго Творца чудес, Бога, вопием тебе таковая:

Радуйся, благий виновниче безгласия отча; радуйся, слез матере твоея пременение на радость.

Радуйся, тоя поношения в людех отъятие; радуйся, великое рождшим тя утешение.

Радуйся, яко в шестый месяц о зачатии твоем Пресвятая Дева Мария в Назарете от Ангела известися; радуйся, яко о рождестве твоем мнози возвеселишася.

Радуйся, яко имя благодатное, от Ангела нареченное, получивый; радуйся, яко именем твоим немотствование отца твоего Захарии разрешися.

Радуйся, яко имя Божие о тебе отцем твоим благословися; радуйся, яко о чуднем рождестве твоем страх и удивление в окрест живущих явися.

Радуйся, яко по всей стране Иудейстей о дивнем рождестве твоем возвестися; радуйся, яко тобою спасение многим в мире сем явися.

Радуйся, великий Иоанне, Пророче, Предтече и Крестителю Господень.

Кондак 3

Сила Вышняго разреши неплодство заматоревшия во днех своих праведныя Елисаветы: зачат бо тя, славный Предтече Господень, и таяшеся месяц пять, глаголющи: яко тако мне сотвори Господь во дни, в няже призре отъяти поношение мое в человецех. Егда же прия Имущую во чреве Христа, исполнися Духа Свята и возопи гласом велиим: «Откуду мне сие, яко прииде Мати Господа моего ко мне!» С Неюже радующися, взываше Богу: Аллилуиа.

Икос 3

Имеяй предыти пред Господем духом и силою Илииною, еще из чрева матере твоея исполнился еси Духа Святаго, отонудуже и Пророк дивный показался еси, егда во утробе матере твоея сый, взыгрался еси радощами пришествию Матери Господней. Бога бо познал еси носима в ложеснах Благодатныя и Того матерним гласом проповедал еси: подобаше бо Божественных вещей преславным быти началом. Сему убо благоговейно удивляющеся, с радостию тебе вопием:

Радуйся, еще во утробе матерней предпославшаго тя Господа чудным веселием предъявивый; радуйся, яко тебе ради и матери твоей Елисавете воплощение Христово открыся.

Радуйся, яко и та исполнися Духа Свята; радуйся, яко и она предивная пророчица явися.

Радуйся, яко от нея Пресвятая Дева Мария Блаженною в женах наречеся; радуйся, яко тою Она и Материю Господа наименовася.

Радуйся, яко и безсеменный плод Тоя Благословенным пронаречеся; радуйся, Премудросте Божественныя предъявление.

Радуйся, святаго супружества благословение; радуйся, неплодных ложесн дивное прозябение.

Радуйся, рождением твоим удививый люди; радуйся, светлый Слова гласе.

Радуйся, великий Иоанне, Пророче, Предтече и Крестителю Господень.

Кондак 4

Бурею сомнения смущенный, иерей Захария не можаше, по словеси ангельскому, проглаголати. Егда же по рождестве твоем, Предтече Господень, написа благодатное имя твое, абие отверзошася уста и язык его, и глаголаше, благословя Бога, и пророчествова, глаголя: благословен Господь Бог Израилев, яко посети и сотвори избавление людем Своим, и ты, отроча, Пророк Вышняго наречешися, поя Тому: Аллилуиа.

Икос 4

Слышаша окрест живущии людие о преславнем и чуднем рождестве твоем, со удивлением глаголаху в себе: «Что убо отроча сие будет?» Мы же тя, преславный Предтече Господень, яко больша всех рожденных женами, достойно чтуще, ублажаем сице:

Радуйся, от зачатия твоего благодатных явлений исполненный; радуйся, в рождестве твоем Богом прославленный.

Радуйся, во младенчестве твоем от отца твоего Пророком Вышняго нареченный; радуйся, во отрочестве твоем Духом Святым просвещенный и укрепленный.

Радуйся, Бога воплотившагося сродник по плоти бывый; радуйся, от Бога высокое звание Предтечи и Крестителя приемый.

Радуйся, заре, Свет новый миру возвестившая; радуйся, звездо, путь, ведущий ко Христу, осветившая.

Радуйся, деннице Солнца незаходимаго; радуйся, светильниче Света неугасаемаго.

Радуйся, путь грядущему Христу уготовляяй; радуйся, Ангела и человека в себе являяй.

Радуйся, великий Иоанне, Пророче, Предтече и Крестителю Господень.

Кондак 5

Богопротивное веление беззаконнаго детоубийцы Ирода изгна тя из дому отча в непроходную пустыню, носима материю, Предтече Господень, идеже и пребывал еси до дне явления твоего ко Израилю, ядый акриды и мед дивий и Богу вопия: Аллилуиа.

Икос 5

Видяще дивное Божие о тебе промышление, Иоанне богохвальне, яко от младенческих пелен постническаго жития любитель показался еси, отонудуже волею Вышняго послан был еси проповедати людем грядущее во Христе спасение, сего ради со удивлением и любовию тебе взываем:

Радуйся, яко, еще младенец сый, царя Ирода устрашил еси; радуйся, от напраснаго убиения тем десницею Вышняго сохраненный.

Радуйся, пустыни шипок благовонный; радуйся, высотою подвигов твоих всех удививый.

Радуйся, праваго пути верный указателю; радуйся, чистоты и целомудрия предивный хранителю.

Радуйся, евангельскаго самоотвержения образе совершенный; радуйся, монашествующих покрове и утверждение.

Радуйся, богословствующих умов просвещение; радуйся, грешным милосердия Божия двери отверзаяй.

Радуйся, кающимся грешником от Господа прощение подаваяй; радуйся, плоды достойны покаяния творити помогаяй.

Радуйся, великий Иоанне, Пророче, Предтече и Крестителю Господень.

Кондак 6

Проповедник славный ты, божественный Предтече, показался еси в пустыни Иорданстей во дни явления Христа Бога миру. Сего бо, Грядущаго к тебе, показал еси людем, глаголя: «Се, Агнец Божий, вземляй грехи мира!»; Егоже мы верою познавше, поем Ему: Аллилуиа.

Икос 6

Возсиял еси свет истины, Иоанне богопросвещенне, всем являяй Славы Отчия сияние, явльшееся плотски нас ради. Вопиял бо еси в пустыни людем: «Покайтеся, приближи бо ся Царствие Небесное: сотворите плоды достойны покаяния. Се бо грядет по мне, Иже крестит вы водою и Духом». Сего ради похвальная тебе вопием:

Радуйся, пришествия Мессии возвестителю; радуйся, путей Господних уготователю.

Радуйся, ветхия и новыя благодати ходатаю; радуйся, пророков пределе и начало Апостолов.

Радуйся, гласе Слова благознаменитый; радуйся, покаяния проповедниче велегласный.

Радуйся, многих сынов Израилевых ко Господу обративый; радуйся, люди совершенны Господеви уготовавый.

Радуйся, фарисеев и саддукеев дерзновенно обличивый; радуйся, плоды достойны покаяния творити научивый.

Радуйся, просвещения духовнаго указателю; радуйся, ищущым предстательства твоего неусыпный заступниче.

Радуйся, великий Иоанне, Пророче, Предтече и Крестителю Господень.

Кондак 7

Хотящу от тебе креститися Господу Иисусу, Иоанне богоблаженне, глаголал еси: «Аз требую Тобою креститися», обаче повинуяся, рекшу Тому: «Остави ныне», воздвигл еси десницу твою на главу Его и, крестив не требующаго очищения, вопиял еси: Аллилуиа.

Икос 7

Новую подая благодать креститися изволивый от тебе Господь, сподоби тя Духа пришествие видети и глас Отческий с Небесе, свидетельствующий Его Сыновство, слышати. Отонудуже в Триех Лицех Единому Богу покланятися нас научил еси. Егоже бренными прославляюще устнами, в похвалу сия тебе приносим:

Радуйся, Троическаго Богоявления первый проповедниче; радуйся, в Триех Лицех Единаго Бога истинный поклонниче.

Радуйся, Духа Святаго в виде голубине яснозрителю; радуйся, снисхождения Его от Отца на Сына свидетелю.

Радуйся, гласа с Небесе от Бога Отца слышателю; радуйся, явления любве Отчи к Сыну созерцателю.

Радуйся, Сына Божия избранный Крестителю; радуйся, воли Его святыя исполнителю.

Радуйся, славнаго служения спасению рода человеческаго ревностный рачителю; радуйся, великаго Таинства Крещения первый совершителю.

Радуйся, Божественныя радости вестниче; радуйся, Новаго Завета первый учителю.

Радуйся, великий Иоанне, Пророче, Предтече и Крестителю Господень.

Кондак 8

Странное и неизреченное смирение воплотившагося Бога Слова видев, богоблаженне Крестителю, Божественную Свою главу приклонивша и рабское крещение приемша, ты и сам весь исполнился еси великаго смирения. Испроси убо боголюбезную добродетель сию и нам, одержимым гордостию, яко да от сердца смиренна вопием Ему: Аллилуиа.

Икос 8

Радуйся, Закона и оправданий Господних насадителю; радуйся, Иродова беззакония обличителю.

Радуйся, о исправлении того рачителю; радуйся, правды ради темничное заключение и узы претерпевый.

Радуйся, за истину во главу усеченный; радуйся, яко тело твое от учеников твоих честне погребеся.

Радуйся, яко Божиим смотрением глава твоя нетленна соблюдеся; радуйся, яко та на утешение, освящение и цельбы христианом дадеся.

Радуйся, яко и деснице твоей, крестившей Господа, вернии благочестне покланяются; радуйся, яко от тебе многая чудеса теми доныне совершаются.

Радуйся, яко тобою вернии от страстей безчестия избавляются; радуйся, яко тобою грешнии к покаянию воздвизаются.

Радуйся, великий Иоанне, Пророче, Предтече и Крестителю Господень.

Кондак 9

Все естество ангельское удивися высоте служения твоего, и Церковь благоговейно прославляет тя, яко друга Христа Бога, предшедшаго пред Ним духом и силою Илииною. Ревнуя бо по истине, дерзновенно обличал еси фарисеев и беззаконнаго Ирода, от него же и мученическую кончину приял еси. Покланяющеся убо честней главе твоей, молимся ти: избави нас от страстей безчестия, да чистым сердцем и усты поем: Аллилуиа.

Икос 9

Витийство всякое земнородных не довлеет достойно восхвалити тя, Иоанне богохвальне: тебе бо уста Христовы похвалиша, высша пророков и больша всех рожденных женами тя наименоваша. Отонудуже достойную похвалу принести тебе недоумевающе, вопием ти сицевая:

Радуйся, Церкве Христовы великая славо; радуйся, Ангелов предивное чудо.

Радуйся, праотцев радость и прославление; радуйся, пророков высокая похвало.

Радуйся, Апостолов богосветлый венче; радуйся, святителей велелепая красото.

Радуйся, мучеников в новой благодати начало; радуйся, преподобных совершение.

Радуйся, праведных удобрение; радуйся, девственников и постников основание.

Радуйся, всех христиан великое утешение; радуйся, яко от всех христианских родов имя твое прославляется.

Радуйся, великий Иоанне, Пророче, Предтече и Крестителю Господень.

Кондак 10

Спасти мир пришедшаго во плоти Христа Бога благовестил еси и сущим во аде: якоже бо денница, предходящая солнцу, осветил еси во тьме и сени смертней седящих. Отонудуже вскоре Господем изведен был еси со всеми от века праведными, поя Ему, яко Избавителю и Победителю смерти: Аллилуиа.

Икос 10

Стена и прибежище спасительное всем, молитвенно к тебе притекающим, божественный Иоанне: сего ради песньми похвальными ублажаем тя сице:

Радуйся, мощный заступниче наш и верный от бед хранителю; радуйся, злостраждущих от духов злобы скорый помощниче и избавителю.

Радуйся, неплодствующим благословение от Бога низпосылаяй; радуйся, притекающих к тебе с верою от треволнения страстей избавляяй.

Радуйся, во вражде сущих скоро умиротворяяй; радуйся, во всякой нужде и печали усердно притекающим к тебе скорую помощь подаваяй.

Радуйся, благотекущих от самообольщения и прелести изымаяй; радуйся, вручающим себе твоему ходатайству в час смертный помогаяй.

Радуйся, любящих тя от воздушных мытарств предстательством твоим свобождаяй; радуйся, почитающих славную память твою вечныя жизни молитвами твоими сподобляяй.

Радуйся, нищих и вдовиц и сирот заступление; радуйся, по Бозе и Богородице христианом прибежище и упование.

Радуйся, великий Иоанне, Пророче, Предтече и Крестителю Господень.

Кондак 11

Пение всякое не довлеет по достоянию доблестей твоих восхвалити тя, Крестителю Господень; но мы, любовию понуждени, дерзаем воспевати величия твоя, еже милостивно приими от нас, первостоятелю у Престола Пресвятыя Троицы, и моли свободитися нам от всякия скверны греховныя, да чистым сердцем и устнами поем Богу: Аллилуиа.

Икос 11

Светильника Света неприступнаго и всесветлых благодатных дарований всего исполнена тя, Иоанне богопросвещенне, ведуще, радостно приносим ти таковая:

Радуйся, самовидче озарившаго тя свыше Божественнаго Света; радуйся, светом добродетелей твоих прославивый Бога.

Радуйся, Пресвятыя Троицы велелепую славу явивый; радуйся, правый и дивный путь к Небеси показавый.

Радуйся, и сущим во аде Бога, явльшагося во плоти, благовестителю; радуйся, душ праведных, от века в преисподней держимых, возвеселителю.

Радуйся, Владыки Христа Бога друже искренний; радуйся, явивый миру Свет истинный.

Радуйся, светозарное света евангельскаго сияние; радуйся, рода христианскаго прославление.

Радуйся, Совета Божия исполнение; радуйся, яко от восток солнца даже до запад хвально имя твое.

Радуйся, великий Иоанне, Пророче, Предтече и Крестителю Господень.

Кондак 12

Благодати тезоименитый, Крестителю Господень, и тою обогатився, победоносец преславный показался еси: победил бо еси враги и всякую злобу, и великое служение твое мученическим подвигом запечатлел еси. Ныне же, предстоя Престолу Царя царствующих, моли Его даровати верным победы на враги и во всем благопоспешение, в добродетелех же благодатное укрепление, поющым Ему: Аллилуиа.

Икос 12

Радуйся, вселенский Апостоле и Новаго Завета первомучениче; радуйся, явлением Христа на земли открывшагося Царствия Небеснаго первый проповедниче.

Радуйся, языков Божественное призвание предвозвестивый; радуйся, безвестная и тайная премудрости Божия миру явивый.

Радуйся, божественными деянии плодоносен паче иных явивыйся; радуйся, яко светом дел твоих прославися Отец Небесный.

Радуйся, яко в памяти твоей Церковь Христову веселиши неизреченно; радуйся, яко ныне вечнаго наслаждаешися веселия изобильно.

Радуйся, божественными лучами Трисолнечнаго Света осияваемый; радуйся, яко со безплотными Трисвятую песнь Богу немолчно вопиеши.

Радуйся, яко ныне, зерцалом разрешшимся, несредственне зриши Святую Троицу.

Радуйся, великий Иоанне, Пророче, Предтече и Крестителю Господень.

Кондак 13

О великий и преславный Предтече и Крестителю Господень Иоанне, приими от нас ныне приносимое тебе моление и твоими богоприятными к Богу молитвами избави нас от всякаго зла, и вечныя изми муки, и наследниками Царствия Небеснаго соделай, да во веки поем Богу: Аллилуиа.

Этот кондак читается трижды, затем 1-й икос «Архангел Гавриил…» и 1-й кондак «Избранный от лет…».

Икос 1

Радуйся, Совета Божия неизреченнаго таинниче; радуйся, дивнаго смотрения Его исполнение.

Радуйся, предназначенный быти великим пророком Вышняго; радуйся, по обетованию Ангела рожденный.

Радуйся, неплодства родителей разрешение; радуйся, иерея Божия радость и веселие.

Радуйся, дщере Аароновы прозябение; радуйся, плод молитвы Богодарованный.

Радуйся, великий Иоанне, Пророче, Предтече и Крестителю Господень.

Кондак 1

Избранный от лет древних быти Предтечею и Крестителем Спасителя мира Христа Бога, Иоанне богохвальне, прославляюще прославльшаго тя Господа, похвальная восписуем ти, яко большему всех рожденных женами, во плоти Ангелу, покаяния проповеднику; ты же, яко имеяй велие дерзновение ко Господу, от всяких бед свобождай и к покаянию воздвизай нас, любовию тебе зовущих:

Радуйся, великий Иоанне, Пророче, Предтече и Крестителю Господень.

Молитва

Крестителю Христов, проповедниче покаяния, кающагося не презри мене, но, совокупляяся с вои Небесными, молися ко Владыце за мене, недостойнаго, унылаго, немощнаго и печальнаго, во многия беды впадшаго, утружденнаго бурными помыслы ума моего. Аз бо есмь вертеп злых дел, отнюд не имеяй конца греховному обычаю: пригвожден бо есть ум мой земным вещем. Что сотворю, не вем, и к кому прибегну, да спасена будет душа моя, токмо к тебе, святый Иоанне, благодати тезоимените, яко тя пред Господем, по Богородице, вем больша быти рожденных всех: ты бо сподобился еси коснутися верху Царя Христа, вземлющаго грехи мира, Агнца Божия.

Егоже моли за грешную мою душу, да поне отныне, в первыйнадесять час, понесу тяготу благую и прииму мзду с последними. Ей, Крестителю Христов, честный Предтече, крайний пророче, первый во благодати мучениче, постников и пустынников наставниче, чистоты учителю и ближний друже Христов, тя молю, к тебе прибегаю, не отрини мене от твоего заступления, но возстави мя, падшагося многими грехи: обнови душу мою покаянием, яко вторым крещением, понеже обоего начальник еси: крещением омываяй грех, покаяние же проповедуяй во очищение когождо дел скверных: очисти убо мя, грехми оскверненнаго и понуди внити, аможе ничтоже скверно входит в Царствие Небесное. Аминь.

Тропарь на рождество Иоанна Крестителя, глас 4

Пророче и Предтече пришествия Христова, достойно восхвалити тя недоумеем мы, любовию чтущии тя: неплодство бо рождшия и отчее безгласие разрешися славным и честным твоим рождеством, и воплощение Сына Божия мирови проповедуется.

Кондак на рождество Иоанна Крестителя, глас 3

Прежде неплоды днесь Христова Предтечу раждает, и той есть исполнение всякаго пророчества: Егоже бо пророцы проповедаша, на Сего во Иордане руку положив, явися Божия Слова пророк, проповедник, вкупе и Предтеча.

Величание на рождество Иоанна Крестителя

Величаем тя, Предтече Спасов Иоанне, и чтим еже от неплодове преславное рождество твое.

Тропарь на усекновение главы Иоанна Крестителя, глас 2

Память праведнаго с похвалами, тебе же довлеет свидетельство Господне, Предтече: показал бо ся еси воистинну и пророков честнейший, яко и в струях крестити сподобился еси Проповеданнаго. Темже за истину пострадав, радуяся благовестил еси и сущим во аде Бога, явльшагося плотию, вземлющаго грех мира и подающаго нам велию милость.

Кондак на усекновение главы Иоанна Крестителя, глас 5

Предтечево славное усекновение смотрение бысть некое Божественное: да и сущим во аде Спасово проповесть пришествие. Да рыдает убо Иродия, беззаконное убийство испросивши: не закон бо Божий, ни живый век возлюби, но притворный, привременный.

Величание на усекновение главы Иоанна Крестителя.

Величаем тя, Крестителю Спасов Иоанне, и почитаем вси честныя твоея главы усекновение.

Текст Акафиста Иоанну Предтече

Конда́к 1.

Избра́нный от ле́т дре́вних бы́ти Предте́чею и Крести́телем Спаси́теля ми́ра Христа́ Бо́га, Иоа́нне богохва́льне, прославля́юще просла́вльшаго тя́ Го́спода, похва́льная воспису́ем ти́, я́ко бо́льшему все́х рожде́нных жена́ми, во пло́ти А́нгелу, покая́ния пропове́днику; ты́ же, я́ко име́яй ве́лие дерзнове́ние ко Го́споду, от вся́ких бе́д свобожда́й и к покая́нию воздвиза́й на́с, любо́вию тебе́ зову́щих:
Ра́дуйся, вели́кий Иоа́нне, Проро́че, Предте́че и Крести́телю Госпо́день.

И́кос 1.

Арха́нгел Гаврии́л, предстоя́й пред Бо́гом, по́слан бы́сть ко иере́ю Заха́рии, егда́ то́й, служа́ по чи́ну чреды́ своея́, вни́де покади́ти в це́рковь Госпо́дню; и, предста́в одесну́ю олтаря́ кади́льнаго, благовествова́ше о твое́м рождестве́, вели́кий Иоа́нне, возвеща́я Заха́рии ра́дость и весе́лие, и я́ко мно́зи о рождестве́ твое́м возра́дуются. Сего́ ра́ди и мы́, ди́вному о тебе́ Бо́жию благоволе́нию чудя́щеся и ра́дующеся, со благогове́нием в похвалу́ тебе́ вопие́м:
Ра́дуйся, Сове́та Бо́жия неизрече́ннаго таи́нниче; ра́дуйся, ди́внаго смотре́ния Его́ исполне́ние.
Ра́дуйся, пре́жде ле́т мно́гих проро́чеством Иса́ии проявле́нный; ра́дуйся, ве́стниче пред лице́м Госпо́дним, дре́вле прорече́нный.
Ра́дуйся, предназна́ченный бы́ти вели́ким проро́ком Вы́шняго; ра́дуйся, по обетова́нию А́нгела рожде́нный.
Ра́дуйся, еще́ во чре́ве ма́тере твоея́ Ду́ха Свята́го испо́лненный; ра́дуйся, пре́жде рождества́ твоего́ на вели́кое служе́ние освяще́нный.
Ра́дуйся, непло́дства роди́телей разреше́ние; ра́дуйся, иере́я Бо́жия ра́дость и весе́лие.
Ра́дуйся, дще́ре Ааро́новы прозябе́ние; ра́дуйся, пло́д моли́твы Богодарова́нный.
Ра́дуйся, вели́кий Иоа́нне, Проро́че, Предте́че и Крести́телю Госпо́день.

Конда́к 2.

Ви́дя Заха́рия я́вльшагося ему́ А́нгела, смути́ся, и стра́х нападе́ на́нь, и не ве́рова словесе́м благове́стия его́ о рождестве́ твое́м; егда́ же за неве́рие немото́ю свя́зан бы́сть, удивля́шеся пресла́вному чудеси́, все́м се́рдцем вопия́ Бо́гу: Аллилу́иа.

И́кос 2.

Ра́зум неуразумева́емый разуме́ти и́щуще лю́дие, жду́ще Заха́рию, и чудя́хуся, уме́длившу ему́ в це́ркви; изше́дшу же ему́ и не могу́щу глаго́лати к ни́м, но то́кмо помава́ющу, разуме́ша вси́, я́ко ви́дение ви́де в це́ркви. Мы́ же, прославля́юще ди́внаго Творца́ чуде́с, Бо́га, вопие́м тебе́ такова́я:
Ра́дуйся, благи́й вино́вниче безгла́сия о́тча; ра́дуйся, сле́з ма́тере твоея́ премене́ние на ра́дость.
Ра́дуйся, тоя́ поноше́ния в лю́дех отъя́тие; ра́дуйся, вели́кое ро́ждшим тя́ утеше́ние.
Ра́дуйся, я́ко в шесты́й ме́сяц о зача́тии твое́м Пресвята́я Де́ва Мари́я в Назаре́те от А́нгела извести́ся; ра́дуйся, я́ко о рождестве́ твое́м мно́зи возвесели́шася.
Ра́дуйся, я́ко и́мя благода́тное, от А́нгела нарече́нное, получи́вый; ра́дуйся, я́ко и́менем твои́м немотствова́ние отца́ твоего́ Заха́рии разреши́ся.
Ра́дуйся, я́ко и́мя Бо́жие о тебе́ отце́м твои́м благослови́ся; ра́дуйся, я́ко о чу́днем рождестве́ твое́м стра́х и удивле́ние в о́крест живу́щих яви́ся.
Ра́дуйся, я́ко по все́й стране́ Иуде́йстей о ди́внем рождестве́ твое́м возвести́ся; ра́дуйся, я́ко тобо́ю спасе́ние мно́гим в ми́ре се́м яви́ся.
Ра́дуйся, вели́кий Иоа́нне, Проро́че, Предте́че и Крести́телю Госпо́день.

Конда́к 3.

Си́ла Вы́шняго разреши́ непло́дство заматоре́вшия во дне́х свои́х пра́ведныя Елисаве́ты: зача́т бо тя́, сла́вный Предте́че Госпо́день, и тая́шеся ме́сяц пя́ть, глаго́лющи: я́ко та́ко мне́ сотвори́ Госпо́дь во дни́, в ня́же призре́ отъя́ти поноше́ние мое́ в челове́цех. Егда́ же прия́ Иму́щую во чре́ве Христа́, испо́лнися Ду́ха Свя́та и возопи́ гла́сом ве́лиим: «Отку́ду мне́ сие́, я́ко прии́де Ма́ти Го́спода моего́ ко мне́!» С Не́юже ра́дующися, взыва́ше Бо́гу: Аллилу́иа.

И́кос 3.

Об авторе О книге

Име́яй предыти́ пред Го́сподем ду́хом и си́лою Илиино́ю, еще́ из чре́ва ма́тере твоея́ испо́лнился еси́ Ду́ха Свята́го, отону́дуже и Проро́к ди́вный показа́лся еси́, егда́ во утро́бе ма́тере твоея́ сы́й, взыгра́лся еси́ ра́дощами прише́ствию Ма́тери Госпо́дней. Бо́га бо позна́л еси́ носи́ма в ложесна́х Благода́тныя и Того́ ма́терним гла́сом пропове́дал еси́: подоба́ше бо Боже́ственных веще́й пресла́вным бы́ти нача́лом. Сему́ у́бо благогове́йно удивля́ющеся, с ра́достию тебе́ вопие́м:
Ра́дуйся, еще́ во утро́бе ма́терней предпосла́вшаго тя́ Го́спода чу́дным весе́лием предъяви́вый; ра́дуйся, я́ко тебе́ ра́ди и ма́тери твое́й Елисаве́те воплоще́ние Христо́во откры́ся.
Ра́дуйся, я́ко и та́ испо́лнися Ду́ха Свя́та; ра́дуйся, я́ко и она́ преди́вная проро́чица яви́ся.
Ра́дуйся, я́ко от нея́ Пресвята́я Де́ва Мари́я Блаже́нною в жена́х нарече́ся; ра́дуйся, я́ко то́ю Она́ и Ма́терию Го́спода наименова́ся.
Ра́дуйся, я́ко и безсе́менный пло́д Тоя́ Благослове́нным пронарече́ся; ра́дуйся, Прему́дросте Боже́ственныя предъявле́ние.
Ра́дуйся, свята́го супру́жества благослове́ние; ра́дуйся, непло́дных ложе́сн ди́вное прозябе́ние.
Ра́дуйся, рожде́нием твои́м удиви́вый лю́ди; ра́дуйся, све́тлый Сло́ва гла́се.
Ра́дуйся, вели́кий Иоа́нне, Проро́че, Предте́че и Крести́телю Госпо́день.

Конда́к 4.

Бу́рею сомне́ния смуще́нный, иере́й Заха́рия не можа́ше, по словеси́ а́нгельскому, проглаго́лати. Егда́ же по рождестве́ твое́м, Предте́че Госпо́день, написа́ благода́тное и́мя твое́, а́бие отверзо́шася уста́ и язы́к его́, и глаго́лаше, благословя́ Бо́га, и проро́чествова, глаго́ля: благослове́н Госпо́дь Бо́г Изра́илев, я́ко посети́ и сотвори́ избавле́ние лю́дем Свои́м, и ты́, отроча́, Проро́к Вы́шняго нарече́шися, поя́ Тому́: Аллилу́иа.

И́кос 4.

Слы́шаша о́крест живу́щии лю́дие о пресла́внем и чу́днем рождестве́ твое́м, со удивле́нием глаго́лаху в себе́: «Что́ у́бо отроча́ сие́ бу́дет?» Мы́ же тя́, пресла́вный Предте́че Госпо́день, я́ко бо́льша все́х рожде́нных жена́ми, досто́йно чту́ще, ублажа́ем си́це:
Ра́дуйся, от зача́тия твоего́ благода́тных явле́ний испо́лненный; ра́дуйся, в рождестве́ твое́м Бо́гом просла́вленный.
Ра́дуйся, во младе́нчестве твое́м от отца́ твоего́ Проро́ком Вы́шняго нарече́нный; ра́дуйся, во о́трочестве твое́м Ду́хом Святы́м просвеще́нный и укрепле́нный.
Ра́дуйся, Бо́га воплоти́вшагося сро́дник по пло́ти бы́вый; ра́дуйся, от Бо́га высо́кое зва́ние Предте́чи и Крести́теля прие́мый.
Ра́дуйся, заре́, Све́т но́вый ми́ру возвести́вшая; ра́дуйся, звездо́, пу́ть, веду́щий ко Христу́, освети́вшая.
Ра́дуйся, денни́це Со́лнца незаходи́маго; ра́дуйся, свети́льниче Све́та неугаса́емаго.
Ра́дуйся, пу́ть гряду́щему Христу́ уготовля́яй; ра́дуйся, А́нгела и челове́ка в себе́ явля́яй.
Ра́дуйся, вели́кий Иоа́нне, Проро́че, Предте́че и Крести́телю Госпо́день.

Конда́к 5.

Богопроти́вное веле́ние беззако́ннаго детоуби́йцы И́рода изгна́ тя́ из до́му о́тча в непрохо́дную пусты́ню, носи́ма ма́терию, Предте́че Госпо́день, иде́же и пребыва́л еси́ до дне́ явле́ния твоего́ ко Изра́илю, яды́й акри́ды и ме́д ди́вий и Бо́гу вопия́: Аллилу́иа.

И́кос 5.

Ви́дяще ди́вное Бо́жие о тебе́ промышле́ние, Иоа́нне богохва́льне, я́ко от младе́нческих пеле́н по́стническаго жития́ люби́тель показа́лся еси́, отону́дуже во́лею Вы́шняго по́слан бы́л еси́ пропове́дати лю́дем гряду́щее во Христе́ спасе́ние, сего́ ра́ди со удивле́нием и любо́вию тебе́ взыва́ем:
Ра́дуйся, я́ко, еще́ младе́нец сы́й, царя́ И́рода устраши́л еси́; ра́дуйся, от напра́снаго убие́ния те́м десни́цею Вы́шняго сохране́нный.
Ра́дуйся, пусты́ни шипо́к благово́нный; ра́дуйся, высото́ю подвиго́в твои́х все́х удиви́вый.
Ра́дуйся, пра́ваго пути́ ве́рный указа́телю; ра́дуйся, чистоты́ и целому́дрия преди́вный храни́телю.
Ра́дуйся, ева́нгельскаго самоотверже́ния о́бразе соверше́нный; ра́дуйся, мона́шествующих покро́ве и утвержде́ние.
Ра́дуйся, богосло́вствующих умо́в просвеще́ние; ра́дуйся, гре́шным милосе́рдия Бо́жия две́ри отверза́яй.
Ра́дуйся, ка́ющимся гре́шником от Го́спода проще́ние подава́яй; ра́дуйся, плоды́ досто́йны покая́ния твори́ти помога́яй.
Ра́дуйся, вели́кий Иоа́нне, Проро́че, Предте́че и Крести́телю Госпо́день.

Конда́к 6.

Пропове́дник сла́вный ты́, боже́ственный Предте́че, показа́лся еси́ в пусты́ни Иорда́нстей во дни́ явле́ния Христа́ Бо́га ми́ру. Сего́ бо, Гряду́щаго к тебе́, показа́л еси́ лю́дем, глаго́ля: «Се́, А́гнец Бо́жий, взе́мляй грехи́ ми́ра!»; Его́же мы́ ве́рою позна́вше, пое́м Ему́: Аллилу́иа.

И́кос 6.

Возсия́л еси́ све́т и́стины, Иоа́нне богопросвеще́нне, все́м явля́яй Сла́вы О́тчия сия́ние, я́вльшееся пло́тски на́с ра́ди. Вопия́л бо еси́ в пусты́ни лю́дем: «Пока́йтеся, прибли́жи бо ся Ца́рствие Небе́сное: сотвори́те плоды́ досто́йны покая́ния. Се́ бо гряде́т по мне́, И́же крести́т вы́ водо́ю и Ду́хом». Сего́ ра́ди похва́льная тебе́ вопие́м:
Ра́дуйся, прише́ствия Месси́и возвести́телю; ра́дуйся, путе́й Госпо́дних угото́вателю.
Ра́дуйся, ве́тхия и но́выя благода́ти хода́таю; ра́дуйся, проро́ков преде́ле и нача́ло Апо́столов.
Ра́дуйся, гла́се Сло́ва благознамени́тый; ра́дуйся, покая́ния пропове́дниче велегла́сный.
Ра́дуйся, мно́гих сыно́в Изра́илевых ко Го́споду обрати́вый; ра́дуйся, лю́ди соверше́нны Го́сподеви угото́вавый.
Ра́дуйся, фарисе́ев и саддуке́ев дерзнове́нно обличи́вый; ра́дуйся, плоды́ досто́йны покая́ния твори́ти научи́вый.
Ра́дуйся, просвеще́ния духо́внаго указа́телю; ра́дуйся, и́щущым предста́тельства твоего́ неусы́пный засту́пниче.
Ра́дуйся, вели́кий Иоа́нне, Проро́че, Предте́че и Крести́телю Госпо́день.

Конда́к 7.

Хотя́щу от тебе́ крести́тися Го́споду Иису́су, Иоа́нне богоблаже́нне, глаго́лал еси́: «А́з тре́бую Тобо́ю крести́тися», оба́че повину́яся, ре́кшу Тому́: «Оста́ви ны́не», воздви́гл еси́ десни́цу твою́ на главу́ Его́ и, крести́в не тре́бующаго очище́ния, вопия́л еси́: Аллилу́иа.

И́кос 7.

Но́вую подая́ благода́ть крести́тися изво́ливый от тебе́ Госпо́дь, сподо́би тя́ Ду́ха прише́ствие ви́дети и гла́с О́тческий с Небесе́, свиде́тельствующий Его́ Сыновство́, слы́шати. Отону́дуже в Трие́х Ли́цех Еди́ному Бо́гу покланя́тися на́с научи́л еси́. Его́же бре́нными прославля́юще устна́ми, в похвалу́ сия́ тебе́ прино́сим:
Ра́дуйся, Тро́ическаго Богоявле́ния пе́рвый пропове́дниче; ра́дуйся, в Трие́х Ли́цех Еди́наго Бо́га и́стинный покло́нниче.
Ра́дуйся, Ду́ха Свята́го в ви́де голуби́не яснозри́телю; ра́дуйся, снисхожде́ния Его́ от Отца́ на Сы́на свиде́телю.
Ра́дуйся, гла́са с Небесе́ от Бо́га Отца́ слы́шателю; ра́дуйся, явле́ния любве́ О́тчи к Сы́ну созерца́телю.
Ра́дуйся, Сы́на Бо́жия избра́нный Крести́телю; ра́дуйся, во́ли Его́ святы́я исполни́телю.
Ра́дуйся, сла́внаго служе́ния спасе́нию ро́да челове́ческаго ре́вностный рачи́телю; ра́дуйся, вели́каго Та́инства Креще́ния пе́рвый соверши́телю.
Ра́дуйся, Боже́ственныя ра́дости ве́стниче; ра́дуйся, Но́ваго Заве́та пе́рвый учи́телю.
Ра́дуйся, вели́кий Иоа́нне, Проро́че, Предте́че и Крести́телю Госпо́день.

Конда́к 8.

Стра́нное и неизрече́нное смире́ние воплоти́вшагося Бо́га Сло́ва ви́дев, богоблаже́нне Крести́телю, Боже́ственную Свою́ главу́ приклони́вша и ра́бское креще́ние прие́мша, ты́ и са́м ве́сь испо́лнился еси́ вели́каго смире́ния. Испроси́ у́бо боголюбе́зную доброде́тель сию́ и на́м, одержи́мым го́рдостию, я́ко да от сердца́ смире́нна вопие́м Ему́: Аллилу́иа.

И́кос 8.

Ве́сь благода́тных дарова́ний испо́лненный, тече́ние вре́менныя жи́зни скончава́я, Иоа́нне богознамени́те, все́х поуча́л еси́ исполне́нием Зако́на и покая́нием благоугожда́ти Го́сподеви. Сего́ ра́ди благода́рственное хвале́ние тебе́, вели́кому учи́телю и́стины, воспева́ем:
Ра́дуйся, Зако́на и оправда́ний Госпо́дних насади́телю; ра́дуйся, И́родова беззако́ния обличи́телю.
Ра́дуйся, о исправле́нии того́ рачи́телю; ра́дуйся, пра́вды ра́ди темни́чное заключе́ние и у́зы претерпе́вый.
Ра́дуйся, за и́стину во главу́ усече́нный; ра́дуйся, я́ко те́ло твое́ от ученико́в твои́х че́стне погребе́ся.
Ра́дуйся, я́ко Бо́жиим смотре́нием глава́ твоя́ нетле́нна соблюде́ся; ра́дуйся, я́ко та́ на утеше́ние, освяще́ние и цельбы́ христиа́ном даде́ся.
Ра́дуйся, я́ко и десни́це твое́й, крести́вшей Го́спода, ве́рнии благоче́стне покланя́ются; ра́дуйся, я́ко от тебе́ мно́гая чудеса́ те́ми доны́не соверша́ются.
Ра́дуйся, я́ко тобо́ю ве́рнии от страсте́й безче́стия избавля́ются; ра́дуйся, я́ко тобо́ю гре́шнии к покая́нию воздвиза́ются.
Ра́дуйся, вели́кий Иоа́нне, Проро́че, Предте́че и Крести́телю Госпо́день.

Конда́к 9.

Все́ естество́ а́нгельское удиви́ся высоте́ служе́ния твоего́, и Це́рковь благогове́йно прославля́ет тя́, я́ко дру́га Христа́ Бо́га, предше́дшаго пред Ни́м ду́хом и си́лою Илиино́ю. Ревну́я бо по и́стине, дерзнове́нно облича́л еси́ фарисе́ев и беззако́ннаго И́рода, от него́ же и му́ченическую кончи́ну прия́л еси́. Покланя́ющеся у́бо честне́й главе́ твое́й, мо́лимся ти́: изба́ви на́с от страсте́й безче́стия, да чи́стым се́рдцем и усты́ пое́м: Аллилу́иа.

И́кос 9.

Вити́йство вся́кое земноро́дных не довле́ет досто́йно восхвали́ти тя́, Иоа́нне богохва́льне: тебе́ бо уста́ Христо́вы похвали́ша, вы́сша проро́ков и бо́льша все́х рожде́нных жена́ми тя́ наименова́ша. Отону́дуже досто́йную похвалу́ принести́ тебе́ недоумева́юще, вопие́м ти́ сицева́я:
Ра́дуйся, Це́ркве Христо́вы вели́кая сла́во; ра́дуйся, А́нгелов преди́вное чу́до.
Ра́дуйся, пра́отцев ра́дость и прославле́ние; ра́дуйся, проро́ков высо́кая похвало́.
Ра́дуйся, Апо́столов богосве́тлый ве́нче; ра́дуйся, святи́телей велеле́пая красото́.
Ра́дуйся, му́чеников в но́вой благода́ти нача́ло; ра́дуйся, преподо́бных соверше́ние.
Ра́дуйся, пра́ведных удобре́ние; ра́дуйся, де́вственников и по́стников основа́ние.
Ра́дуйся, все́х христиа́н вели́кое утеше́ние; ра́дуйся, я́ко от все́х христиа́нских родо́в и́мя твое́ прославля́ется.
Ра́дуйся, вели́кий Иоа́нне, Проро́че, Предте́че и Крести́телю Госпо́день.

Конда́к 10.

Спасти́ ми́р прише́дшаго во пло́ти Христа́ Бо́га благовести́л еси́ и су́щим во а́де: я́коже бо денни́ца, предходя́щая со́лнцу, освети́л еси́ во тьме́ и се́ни сме́ртней седя́щих. Отону́дуже вско́ре Го́сподем изведе́н бы́л еси́ со все́ми от ве́ка пра́ведными, поя́ Ему́, я́ко Изба́вителю и Победи́телю сме́рти: Аллилу́иа.

И́кос 10.

Стена́ и прибе́жище спаси́тельное все́м, моли́твенно к тебе́ притека́ющим, боже́ственный Иоа́нне: сего́ ра́ди пе́сньми похва́льными ублажа́ем тя́ си́це:
Ра́дуйся, мо́щный засту́пниче на́ш и ве́рный от бе́д храни́телю; ра́дуйся, злостра́ждущих от духо́в зло́бы ско́рый помо́щниче и изба́вителю.
Ра́дуйся, непло́дствующим благослове́ние от Бо́га низпосыла́яй; ра́дуйся, притека́ющих к тебе́ с ве́рою от треволне́ния страсте́й избавля́яй.
Ра́дуйся, во вражде́ су́щих ско́ро умиротворя́яй; ра́дуйся, во вся́кой нужде́ и печа́ли усе́рдно притека́ющим к тебе́ ско́рую по́мощь подава́яй.
Ра́дуйся, благотеку́щих от самообольще́ния и пре́лести изыма́яй; ра́дуйся, вруча́ющим себе́ твоему́ хода́тайству в ча́с сме́ртный помога́яй.
Ра́дуйся, лю́бящих тя́ от возду́шных мыта́рств предста́тельством твои́м свобожда́яй; ра́дуйся, почита́ющих сла́вную па́мять твою́ ве́чныя жи́зни моли́твами твои́ми сподобля́яй.
Ра́дуйся, ни́щих и вдови́ц и сиро́т заступле́ние; ра́дуйся, по Бо́зе и Богоро́дице христиа́ном прибе́жище и упова́ние.
Ра́дуйся, вели́кий Иоа́нне, Проро́че, Предте́че и Крести́телю Госпо́день.

Конда́к 11.

Пе́ние вся́кое не довле́ет по достоя́нию до́блестей твои́х восхвали́ти тя́, Крести́телю Госпо́день; но мы́, любо́вию пону́ждени, дерза́ем воспева́ти вели́чия твоя́, е́же ми́лостивно приими́ от на́с, первостоя́телю у Престо́ла Пресвяты́я Тро́ицы, и моли́ свободи́тися на́м от вся́кия скве́рны грехо́вныя, да чи́стым се́рдцем и устна́ми пое́м Бо́гу: Аллилу́иа.

И́кос 11.

Свети́льника Све́та непристу́пнаго и всесве́тлых благода́тных дарова́ний всего́ испо́лнена тя́, Иоа́нне богопросвеще́нне, ве́дуще, ра́достно прино́сим ти́ такова́я:
Ра́дуйся, самови́дче озари́вшаго тя́ свы́ше Боже́ственнаго Све́та; ра́дуйся, све́том доброде́телей твои́х просла́вивый Бо́га.
Ра́дуйся, Пресвяты́я Тро́ицы велеле́пую сла́ву яви́вый; ра́дуйся, пра́вый и ди́вный пу́ть к Небеси́ показа́вый.
Ра́дуйся, и су́щим во а́де Бо́га, я́вльшагося во пло́ти, благовести́телю; ра́дуйся, ду́ш пра́ведных, от ве́ка в преиспо́дней держи́мых, возвесели́телю.
Ра́дуйся, Влады́ки Христа́ Бо́га дру́же и́скренний; ра́дуйся, яви́вый ми́ру Све́т и́стинный.
Ра́дуйся, светоза́рное све́та ева́нгельскаго сия́ние; ра́дуйся, ро́да христиа́нскаго прославле́ние.
Ра́дуйся, Сове́та Бо́жия исполне́ние; ра́дуйся, я́ко от восто́к со́лнца да́же до за́пад хва́льно и́мя твое́.
Ра́дуйся, вели́кий Иоа́нне, Проро́че, Предте́че и Крести́телю Госпо́день.

Конда́к 12.

Благода́ти тезоимени́тый, Крести́телю Госпо́день, и то́ю обогати́вся, победоно́сец пресла́вный показа́лся еси́: победи́л бо еси́ враги́ и вся́кую зло́бу, и вели́кое служе́ние твое́ му́ченическим по́двигом запечатле́л еси́. Ны́не же, предстоя́ Престо́лу Царя́ ца́рствующих, моли́ Его́ дарова́ти ве́рным побе́ды на враги́ и во все́м благопоспеше́ние, в доброде́телех же благода́тное укрепле́ние, пою́щым Ему́: Аллилу́иа.

И́кос 12.

Пою́ще Бо́га, ди́вно в тебе́ просла́вльшагося, хва́лим тя́, богоблаже́нне Крести́телю, я́ко и́скренняго дру́га Христо́ва, прославля́ем вели́кия по́двиги твоя́, ублажа́ем му́ченическую кончи́ну твою́ и сицева́я ра́достно вопие́м ти́:
Ра́дуйся, вселе́нский Апо́столе и Но́ваго Заве́та первому́чениче; ра́дуйся, явле́нием Христа́ на земли́ откры́вшагося Ца́рствия Небе́снаго пе́рвый пропове́дниче.
Ра́дуйся, язы́ков Боже́ственное призва́ние предвозвести́вый; ра́дуйся, безве́стная и та́йная прему́дрости Бо́жия ми́ру яви́вый.
Ра́дуйся, боже́ственными дея́нии плодоно́сен па́че ины́х яви́выйся; ра́дуйся, я́ко све́том де́л твои́х просла́вися Оте́ц Небе́сный.
Ра́дуйся, я́ко в па́мяти твое́й Це́рковь Христо́ву весели́ши неизрече́нно; ра́дуйся, я́ко ны́не ве́чнаго наслажда́ешися весе́лия изоби́льно.
Ра́дуйся, боже́ственными луча́ми Трисо́лнечнаго Све́та осиява́емый; ра́дуйся, я́ко со безпло́тными Трисвяту́ю пе́снь Бо́гу немо́лчно вопие́ши.
Ра́дуйся, я́ко ны́не, зерца́лом разре́шшимся, несре́дственне зри́ши Святу́ю Тро́ицу.
Ра́дуйся, вели́кий Иоа́нне, Проро́че, Предте́че и Крести́телю Госпо́день.

Конда́к 13.

О вели́кий и пресла́вный Предте́че и Крести́телю Госпо́день Иоа́нне, приими́ от на́с ны́не приноси́мое тебе́ моле́ние и твои́ми богоприя́тными к Бо́гу моли́твами изба́ви на́с от вся́каго зла́, и ве́чныя изми́ му́ки, и насле́дниками Ца́рствия Небе́снаго соде́лай, да во ве́ки пое́м Бо́гу: Аллилу́иа.

Этот конда́к читается трижды, затем 1-й и́кос «Арха́нгел Гаврии́л…» и 1-й конда́к «Избра́нный от ле́т…».

Акафист Иоанну Крестителю
Молитва Иоанну Предтече об успокоении — здесь
Акафист Иоанну Кронштадтскому —

Стать курьером сервиса Яндекс.Еды прямо сейчас (до 3400 рублей за смену) оставить заявку →

Акафист Предтече и Крестителю Господню Иоанну

Мир Вам, дорогие посетители православного сайта “Семья и Вера”

По словам Господа нашего Иисуса Христа, нет в среде святых такого человека, кто бы сравнялся по святости и значимости с Пророком, Предтечей и Крестителем Господним Иоанном. Лишь Пресвятая Богородица, которая превзошла своей чистотой и святостью Херувимов и Серафимов, выше Иоанна Крестителя.

Креститель Христов Иоанн, поистине печальник и молитвенник за весь род человеческий. Он предстательствует перед Богом за всех тех, кто молитвенно к нему обращается.

Каждый вторник недели – посвящен Иоанну Крестителю, и было бы хорошо в этот день читать акафист сему святому (или хотя бы небольшую часть акафиста). И Пророк Божий Иоанн будет особо нам покровительствовать!

Акафист Предтече и Крестителю Господню Иоанну

Кондак 1

Избранный от лет древних быти Предтечею и Крестителем Спасителя мира Христа Бога, Иоанне богохвальне, прославляюще прославльшаго тя Господа, похвальная восписуем ти, яко большему всех рожденных женами, во плоти ангелу, покаяния проповеднику. Ты же, яко имеяй велие дерзновение ко Господу, от всяких бед свобождая и к покаянию воздвизай нас, любовию тебе зовущих: Радуйся, великий Иоанне, Пророче, Предтече и Крестителю Господень.

Икос 1

Архангел Гавриил, предстояй пред Богом послан бысть ко иерею Захарии, егда той служа по чину чреды своея, вниде покадити в церковь Господню, и, представ одесную алтаря кадильнаго, благовествоваше о твоем рождестве, великий Иоанне, возвещая Захарии радость и веселие и яко мнози о рождестве твоем возрадуются. Сего ради и мы, дивному о тебе Божию благоволению чудящеся и радующеся, со благоговением в похвалу тебе вопием: Радуйся, Совета Божия неизреченного таинниче; радуйся, дивнаго смотрения Его исполнение. Радуйся, прежде лет многих пророчеством Исаии проявленный; радуйся, вестниче пред лицем Господним, древне прореченный. Радуйся, предназначенный быти великим пророком Вышняго; радуйся, по обетованию Ангела рожденный. Радуйся, еще во чреве матере твоея Духа Святаго исполненный; радуйся, прежде рождества твоего на великое служение извещенный. Радуйся, неплодства родителей разрешение; радуйся, иерея Божия радость и веселие. Радуйся, дщере Аароновы прозябение; радуйся, плод молитвы Богодарованный. Радуйся, великий Иоанне, Пророче, Предтече и Крестителю Господень.

Кондак 2

Видя Захария явльшагося ему Ангела, смутися, и страх нападе нань, и не верова словесем благовестия его о рождестве твоем: егда же за неверие немотою связан быстъ, удивляшеся преславному чудеси, всем сердцем вопия Богу: Аллилуиа.

Икос 2

Разум неуразумеваемый разумети ищуще людие, ждуще Захарию, чудяхуся, умедлившу ему в церкви; изшедшу же ему и не могущу глаголати к ним, но токмо помавающу, разумеша вси, яко видение виде в церкви. Мы же, прославляюще дивнаго Творца чудес, Бога, вопием тебе таковая: Радуйся, благий виновниче безгласия отча; радуйся, слез матере твоея пременение на радость. Радуйся, тоя поношения в людех отъятие; радуйся, великое рождшим тя утешение. Радуйся, яко в шестый месяц о зачатии твоем Пресвятая Дева Мария в Назарете от Ангела известися; радуйся, яко о рождестве твоем мнози возвеселишася. Радуйся, яко имя благодатное от Ангела нареченное, получивый; радуйся, яко именем твоим немотствование отца твоего Захарии разрешися. Радуйся, яко Имя Божие о тебе отцем твоем благословися; радуйся, яко о чуднем рождестве твоем страх и удивление в окрест живущих явися. Радуйся, яко по всей стране Иудейстей о дивнем рождестве твоем возвестися; радуйся, яко тобою спасение многим в мире сем явися. Радуйся, великий Иоанне, Пророче, Предтече и Крестителю Господень.

Кондак 3

Икос 3

Имеяй предъити пред Господем духом и силою Илииною, еще из чрева матере твоея исполнился еси Духа Святаго, отонудуже и Пророк дивный показался еси, егда во утробе матере твоея сый, взыгрался еси радощами пришествию Матере Господни. Бога бо познал еси носима в ложеснах Благодатный и Того матерниим гласом проповедал еси: подобаше бо Божественных вещей преславным быти началом. Сему убо благоговейно удивляющеся, с радостию тебе вопием: Радуйся, еще во утробе матерней предпославшаго тя Господа чудным веселием предъявивый; радуйся, яко тебе ради и матери твоей Елисавете воплощение Христово открыся. Радуйся, яко и та исполнися Духа Свята; радуйся, яко и она предивная пророчица явися. Радуйся, яко от нея Пресвятая Дева Мария Блаженною в женах наречеся; радуйся, яко тою Она и Материю Господа наименовася. Радуйся, яко и безсеменный плод Тоя Благословенным пронаречеся; радуйся, Премудросте Божественныя предъявление. Радуйся, святаго супружества благословение; радуйся, неплодных ложесн дивное прозябение. Радуйся, рождением твоим удививый люди; радуйся, светлый Слова гласе. Радуйся, великий Иоанне, Пророче, Предтече и Крестителю Господень.

Кондак 4

Бурею сомнения смущенный, иерей Захария не можаше, по словеси ангельскому, проглаголати. Егда же по рождестве твоем Предтече Господень, написа благодатное имя твое, абие отверзошася уста и язык его, и глаголаше, благословя Бога, и пророчества, глаголя: Благословен Господь Бог Израилев, яко посети и сотвори избавление людем Своим, и ты, отроча, Пророк Вышняго наречешися, поя Тому: Аллилуиа.

Икос 4

Слышаша окрест живущии людие о преславном и чудном рождестве твоем, со удивлением глаголаху в себе: «Что убо отроча сие будет?» Мы же тя, преславный Предтече Господень, яко больша всех рожденных женами, достойно чтуще, ублажаем сице: Радуйся, от зачатия твоего благодатных явлений исполненный; радуйся, в рождестве твоем Богом прославленный. Радуйся, во младенчестве твоем от отца твоего Пророком Вышняго нареченный; радуйся, во отрочестве твоем Духом Святым просвещенный и укрепленный. Радуйся, Бога воплотившегося сродник по плоти бывый; радуйся, от Бога высокое звание Предтечи и Крестителя приемый. Радуйся, заре, свет новый миру возвестившая; радуйся, звездо, путь, ведущий ко Христу, осветившая. Радуйся, деннице Солнца незаходимаго; радуйся, светильниче Света неугасаемаго. Радуйся, путь грядущему Христу уготовляяй; радуйся, ангела и человека в себе являяй. Радуйся, великий Иоанне, Пророче, Предтече и Крестителю Господень.

Кондак 5

Икос 5

Видяще дивное Божие о тебе промышление, Иоанне богохвальне, яко от младенческих пелен постническаго жития любитель показался еси, отонюдуже волею Вышняго послан был еси проповедати людем грядущее во Христе спасение. Сего ради со удивлением и любовию тебе взываем: Радуйся, яко, еще младенец сый, царя Ирода устрашил еси; радуйся, от напраснаго убиения тем десницею Вышняго сохраненный. Радуйся, пустыни шипок благовонный; радуйся, высотою подвигов твоих всех удививый. Радуйся, праваго пути верный указателю; радуйся, чистоты и целомудрия предивный хранителю. Радуйся, евангельскаго самоотвержения образе совершенный; радуйся, монашествующих покрове и утверждение. Радуйся, богословствующих умов просвещение; радуйся, грешным милосердия Божия двери отверзаяй. Радуйся, кающимся грешником от Господа прощение подаваяй; радуйся, плоды достойны покаяния творити помогаяй. Радуйся, великий Иоанне, Пророче, Предтече и Крестителю Господень.

Кондак 6

Проповедник славный ты, божественный Предтече, показался еси в пустыни Иорданстей во дни явления Христа Бога миру. Сего бо, Грядущаго к тебе, показал еси людем, глаголя: се, Агнец Божий, вземляй грехи мира; Егоже мы верою познавше, поем Ему: Аллилуиа.

Икос 6

Возсиял еси свет истины, Иоанне богопросвещение:, всем являяй Славы Отчия сияние, явльшееся плотски нас ради. Вопиял бо еси в пустыни людем: «Покайтеся, приближи бо ся Царствие Небесное: сотворите плоды достойны покаяния. Се бо грядет по мне, Иже крестит вы водою и духом». Сего ради похвальная тебе вопием: Радуйся, пришествия Мессии возвестителю; радуйся, путей Господних уготователю. Радуйся, ветхия и новыя благодати ходатаю; радуйся, пророков пределе и начало апостолов. Радуйся, гласе Слова благознаменитый; радуйся, покаяния проповедниче велегласный. Радуйся, многих сынов Израилевых ко Господу обративый; радуйся, люди совершенны Господеви уготовавый. Радуйся, фарисеев и саддукеев дерзновенно обличивый; радуйся, плоды достойны покаяния творити научивый. Радуйся, просвещения духовнаго указателю; радуйся, ищущим предстательства твоего неусыпный заступниче. Радуйся, великий Иоанне, Пророче, Предтече и Крестителю Господень.

Кондак 7

Икос 7

Новую подал благодать креститися изволивый от тебе Господь, сподоби тя Духа пришествие видети и глас Отческий с Небесе, свидетельствующий Его Сыновство, слышати. Отнюдуже в Триех Лицех Единому Богу покланятися нас научил еси, Егоже бренными прославляюще устнами, в похвалу сия; тебе приносим: Радуйся, Троическаго Богоявления первый проповедниче; радуйся, в Триех Лицех Единаго Бога истинный поклонниче. Радуйся, Духа Святаго в виде голубине яснозрителю; радуйся, снисхождения Его от Отца на Сына свидетелю. Радуйся, гласа с Небесе от Бога Отца слышателю; радуйся, явление любве Отчи к Сыну созерцателю. Радуйся, Сына Божия избранный Крестителю; радуйся, воли Его святыя исполнителю. Радуйся, славнаго служения спасению рода человеческого ревностный рачителю; радуйся, великаго Таинства Крещения первый совершителю. Радуйся, Божественныя радосте вестниче; радуйся, Новаго Завета первый учителю. Радуйся, великий Иоанне, Пророче, Предтече и Крестителю Господень.

Кондак 8

Икос 8

Весь благодатных дарований исполненный, течение временныя жизни скончавая, Иоанне богознамените, всех поучал еси исполнением Закона и покаянием благоугождати Господеви. Сего ради благодарственное хваление тебе, великому учителю истины, воспеваем: Радуйся, Закона и оправданий Господних насадителю; радуйся, Иродова беззакония обличителю. Радуйся, о исправлении того рачителю; радуйся, правды ради темничное заключение и узы претерпевый. Радуйся, за истину во главу усеченный; радуйся, яко тело твое от учеников твоих честне погребеся. Радуйся, яко Божиим смотрением глава твоя нетленна соблюдеся; радуйся, яко та на утешение, освящение и цельбы христианом дадеся. Радуйся, яко и деснице твоей, крестившей Господа, вернии благочестне покланяются; радуйся, яко от тебе многая чудеса теми доныне совершаются. Радуйся, яко тобою вернии от страстей безчестия избавляются; радуйся, яко тобою грешнии к покаянию воздвизаются. Радуйся, великий Иоанне, Пророче, Предтече и Крестителю Господень.

Кондак 9

Икос 9

Ветийство всякое земнородных не довлеет достойно восхвалити тя, Иоанне богохвальне: тебе бо уста Христова похвалиша, высша пророков и больша всех рожденных женами тя наименоваша. Отнюдуже достойную похвалу принести тебе недоумевающе, вопием ти сицевая: Радуйся, Церкве Христовы великая славо; радуйся. Ангелов предивное чудо. Радуйся, праотцев радость и прославление; радуйся, пророков высокая похвало. Радуйся, апостолов богосветлый венче; радуйся, святителей велелепая красото. Радуйся, мучеников в новой благодати начало; радуйся, преподобных совершение. Радуйся, праведных удобрение; радуйся, девственников и постников основание. Радуйся, всех христиан великое утешение; радуйся, яко от всех христианских родов имя твое прославляется. Радуйся, великий Иоанне, Пророче, Предтече и Крестителю Господень.

Кондак 10

Спасти мир Пришедшаго во плоти Христа Бога благовестил еси и сущим во аде, якоже бо денница, предходящая солнцу, осветил еси во тьме и сени смертней седящих. Отнюдуже вскоре Господем изведен был еси со всеми от века праведными, поя Ему, яко Избавителю и Победителю смерти: Аллилуиа.

Икос 10

Стена еси и прибежище спасительное всем, молитвенно к тебе притекающим, божественный Иоанне. Сего ради песньми похвальными ублажаем тя сице: Радуйся, мощный заступниче наш и верный от бед хранителю; радуйся, злостраждущих от духов злобы скорый помощниче и избавителю. Радуйся, неплодствующим благословение от Бога низпосылаяй; радуйся, притекающих к тебе с верою от треволнения страстей избавляяй. Радуйся, во вражде сущих скоро умиротворяяй; радуйся, во всякой нужде и печали усердно притекающим к тебе скорую помощь подаваяй. Радуйся, благотекущих от самообольщения и прелести изъимаяй; радуйся, вручающим себе твоему ходатайству в час смертный помогаяй. Радуйся, любящих тя от воздушных мытарств предстательством твоим свобождаяй; радуйся, почитающих славную память твою вечныя жизни молитвами твоими сподобляяй. Радуйся, нищих и вдовиц и сирот заступление; радуйся, по Бозе и Богородице христианом прибежище и упование. Радуйся, великий Иоанне, Пророче, Предтече и Крестителю Господень.

Кондак 11

Пение всякое не довлеет по достоянию доблестей твоих восхвалити тя, Крестителю Господень. Но мы, любовию понужедени, дерзаем воспевати величия твоя, еже милостивно приими от нас, первостоятелю у Престола Пресвятыя Троицы, и моли свободитися нам от всякия скверны греховныя, да чистым сердцем и устнами поем Богу: Аллилуиа.

Икос 11

Светильника Света неприступнаго и всесветлых благодатных дарований всего исполнена тя, Иоанне богопросвещенне, ведуще, радостно приносим ти таковая: Радуйся, самовидче озарившаго тя свыше Божественнаго Света; радуйся, светом добродетелей твоих прославивый Бога. Радуйся, Пресвятыя Троицы велелепую славу явивый; радуйся, правый и дивный путь к Небеси показавый. Радуйся, и сущим во аде Бога, явльшагося во плоти, благовестителю; радуйся, душ праведных, от века в преисподней держимых, возвеселителю. Радуйся, Владыки Христа Бога друже искренний; радуйся, явивый миру Свет истинный. Радуйся, светозарное света евангельского сияние; радуйся, рода христианскаго прославление. Радуйся, Совета Божия исполнение; радуйся, яко от восток солнца даже до запад хвально имя твое. Радуйся, великий Иоанне, Пророче, Предтече и Крестителю Господень.

Кондак 12

Благодати тезоименитый Крестителю Господень и тою обогатився, победоносец преславный показался еси: победил бо еси враги и всякую злобу и великое служение твое мученическим подвигом запечатлел еси. Ныне же, предстоя Престолу Царя царствующих, моли его даровати верным победы на враги и во всем благопоспешение, в добродетелех же благодатное укрепление, поющим ему: Аллилуиа.

Икос 12

Поюще Бога, дивно в тебе прославльшагося, хвалим тя, богоблаженне Крестителю, яко искренняго друга Христова, прославляем великия подвиги твоя, ублажаем мученическую кончину твою и сицевая радостно вопием ти: Радуйся, вселенский апостоле и Новаго Завета первомучениче; радуйся, явлением Христа на земли открывшагося Царствия Небеснаго первый проповедниче. Радуйся, языков Божественное призвание предвозвестивый; радуйся, безвестная и тайная премудрости Божия миру явивый. Радуйся, божественными деянии плодоносен паче иных явивыйся; радуйся, яко светом дел твоих прославися Отец Небесный. Радуйся, яко о памяти твоей Церковь Христову веселиши неизреченно; радуйся, яко ныне вечнаго наслаждаешися веселия изобильно. Радуйся, божественными лучами Трисолнечнаго Света осияваемый; радуйся, яко со безплотными Трисвятую песнь Богу немолчно вопиеши. Радуйся, яко ныне, зерцалом разрешшимся, несредственне зриши Святую Троицу. Радуйся, великий Иоанне, Пророче, Предтече и Крестителю Господень.

Кондак 13

Икос 1 (читается повторно)

Кондак 1 (также читается повторно)

Избранный от лет древних быти Предтечею и Крестителем Спасителя мира Христа Бога, Иоанне богохвальне, прославляюще прославльшаго тя Господа, похвальная восписуем ти, яко большему всех рожденных женами, во плоти ангелу, покаяния проповеднику. Ты же, яко имеяй велие дерзновение ко Господу, от всяких бед свобождая и к покаянию воздвизай нас, любовию тебе зовущих: Радуйся, великий Иоанне, Пророче, Предтече и Крестителю Господень.

Молитва Пророку и Крестителю Господню Иоанну

Крестителю Христов, проповедниче покаяния, кающагося не презри мене, но совокупляяся с вои Небесными, молися ко Владыце за мене недостойнаго, унылаго, немощнаго и печальнаго, во многая беды впадшаго, утружденнаго бурными помыслы ума моего: аз бо есмь вертеп злых дел, отнюд не имеяй конца греховному обычаю, пригвожден бо есть ум мой земным вещем: что сотворю, не вем. И к кому прибегну, да спасена будет душа моя? токмо к тебе, святый Иоанне, благодати тезоимените, яко тя пред Господем по Богородице вем больша быти рожденных всех, ибо ты сподобился еси коснутися верху Царя Христа, вземлющаго грехи мира, Агнца Божия. Егоже моли за грешную мою душу, да поне отныне, в первыйнадесять час, понесу тяготу благую и прииму мзду с последними. Ей, Крестителю Христов, честный Предтече, крайний Пророче, первый во благодати мучениче, постников и пустынников наставниче, чистоты учителю и ближний друже Христов, тя молю, к тебе прибегаю: не отрини мене от твоего заступления, но возстави мя падшагося многими грехи; обнови душу мою покаянием, яко вторым крещением, понеже обоего начальник еси: крещением омываяй прародительный грех, покаянием же очищаяй коегождо дело скверно; очисти мя грехами оскверненнаго и понуди внити, аможе ничтоже скверно входит, во Царствие Небесное. Аминь.