Акафист Пресвятой Богородице пред иконой «Иерусалимская»
Кондак 1
Избранной от всех родов преблагословенной Деве похвальное приносим Ти пение, яко Мати сущи Бога. Земнородным явилася еси милосердая Матерь, страждущим подающи отраду, болящим различными недугами исцеление и от наветов вражиих защиту, всем же молящимся Тебе скорое услышание. Темже в радости и умилении вопием Ти: Радуйся, радосте наша, избави нас от всякия нужды и печали.
Иерусалимская икона Божией Матери
Икос 1
Архангелов и ангелов лики на небеси и человеков множество на земли славят Тя, Царицу всех и Богородицу, яко даровала еси нам велию радость и утешение: образ Твой святый, пред нимже благоговейно предстояще, умиленно Тебе зовем:
Радуйся от века предусмотренная Господом и Царем славы;
Радуйся, предочищенная чрез роды и роды праведников.
Радуйся, святейшая Дево, самим Богом избранная в Матерь Сыну Божию;
Радуйся, достойный плод безгрешных Твоих родителей Иоакима и Анны.
Радуйся, Невесте Божия, воспитанная в земном доме Царя Небесного;
Радуйся, обрадованная благовестием архангела Божия Гавриила.
Радуйся, возвеличенная паче всех жен рождением от Тебе Спасителя миру;
Радуйся, радосте наша, избави нас от всякия нужды и печали.
Кондак 2
Честние херувимы и славнейшие серафимы, окружающии вседержавный престол Пресвятыя Троицы, в благоговении пламенне взирают на Тя, яко в славе тамо предстоящи, моляся милосердому Богу за род христианский. Мы же зде на земли предстояще Твоей святей иконе, всем сердцем радующеся благоговейно взываем ко Всевышнему: Аллилуиа.
Икос 2
Проразумеша духом Божиим апостоли Христовы, коль вожделенно будет для верующих начертание на деке святейшего лика Пречистой Девы Богоматери, избраша из среды себе божественного Луку, яко живописца предивна. И той, испроси Матернее от Тебе благословение, подкрепляемый постом и молитвою, написа первую икону Тебе Владычеце, к ней же Сама рекла еси: С Тобою будут благодать Моя и сила. Сего ради со умилением зовем Ти:
Радуйся, яко не токмо не возбранила, но Сама благоизволила еси, да изображен будет на деке лик Твой Пречистый;
Радуйся, яко восходя к небеси, начертание лика Твоего в залог любви Твоей нам оставила еси.
Радуйся, яко по отшествии Твоем на небо, образ Твой святый истинное утешение бысть всем верующим;
Радуйся, яко христиане вси стекахуся в Гефсиманию образу Твоему, яко живей Ти сущей, поклонитися.
Радуйся, яко взиравший тогда на образ Твой облегчение в скорбех душевных обретаху;
Радуйся, яко со слезами молившиися пред иконою Твоею исцеление в болезнех приимаху.
Радуйся, яко и ныне вси молящиися пред Пречистым образом Твоим исполнение прошений приемлют;
Радуйся, радосте наша, избави нас от всякия нужды и печали.
Кондак 3
Сила благодатная, Тобою дарованная первописанной иконе Твоей, такожде проявися и в инех многих подобиях Ея, егда преданная чада Твоя моляху апостолов, да умножат им иконы Твоя, да вси имут их кийждо в дому своем, и радуяся и благоговея, прославляют Тя, святейшую Матерь всесильнаго Бога, вопиюще ему: Аллилуиа.
Икос 3
Имущи безмерную любовь к богодарованным Ти чадам Божиим, благословила еси святых апостолов содеяти даже до тридесяти начертаний лика Твоего Пречистаго, на утешение и радость словесных овец стада святейшаго Сына Твоего. Темже вседушно благоговея, зовем Ти:
Радуйся, ангелами хвалимая и воспеваемая от серафимов;
Радуйся, яко Тобою вся вселенная радости и веселия исполняется.
Радуйся, яко иконы Твоя на молитвенное с Тобою общение нам даровала еси;
Радуйся, яко чрез них благодеяния различны миру всему источаеши.
Радуйся, яко силу Твою благодатную и сей иконе обильно пресуществила еси;
Радуйся, яко облистая нас святою иконою Твоею, Сама невидимо среди нас пребываеши.
Радуйся, предстояще славней иконе Твоей, Самой Тебе истенней Матери Божией поклоняемся;
Радуйся, радосте наша, избави нас от всякия нужды и печали.
Кондак 4
Треволнениями житейскими обуреваемии и соблазны греховными соодолеваемии, смиреннии и грешнии раби Твои, под Твой милостивый покров прибегающе, яко в тихое и безмолвное пристанище, прилежно молим Тя: пролей невидимо живительную благодать Твою в души наша и умиротвори удрученная сердца наша, до чистым умом и нескверными устами вопием всегда: Аллилуиа.
Икос 4
Слышав царь Лев греческий, яко чудес великое множество и благодеяния неисчетная исходят от иконы Богоматерни, якоже во Иерусалиме, восхоте имети ю во стране своей, и егда принесена 6ысть во святый Царьград, источи великия чудеса. Людие же видевши таковую милость к ним Божию, в несказанной радости взываху к Благословенней:
Радуйся, Прерадованная, страну нашу осенившая твоим пришествием;
Радуйся, благодатная Дево, христианом всех стран сердобольная Мати.
Радуйся, яко от всякой души христианской всяко прошение приемлеши;
Радуйся, яко вси гласы, призывающая Тя, отвсюду во вселенной слышиши.
Радуйся, яко покровом Твоим весь род христианский покрываеши;
Радуйся, яко благодать Твою и милости Твоя на всех ближних и дальних простираеши.
Радуйся, яко всем вся благая в жизни сей подаеши милостиво;
Радуйся, радосте наша, избави нас от всякия нужды и печали.
Кондак 5
Взирая на образ Твой и чуя близость Твою к чадам Твоим, вси искупленнии кровию Сына Твоего спешно текут к Тебе, поведая кийждо нужды своя и потребы. Овии убо молят Тя утолити скорби их душевныя и телесныя, инии же в начало путей своих благословение и благопоспешество в делех своих прияти от Тебе чают, друзии мира семейного, согласия и любви даровати им просят. Угнетаемии же от злых человеков защиты и покрова у Тебе ищут, и вся сия приемлюще, радостно вопиют: Аллилуиа.
Икос 5
Видеша людие страны греческия, яко икона Твоя не токмо пучина чудес и неисчерпаемый источник им бысть, но и мощное одоление на супостатов, многажды изношаху ю пред полчища вражия, и тии бяху побеждаемии и разбегахуся, такожде и скифов до конца победи. Людие же благочестивии видевши сие, в радостном трепете восклицаху:
Радуйся, взбранная Воеводо, враги побеждающая;
Радуйся, яко безоружным нам на всеоружных победу подаеши.
Радуйся, ужас и устрашение на неверных иконою Твоею наводящая;
Радуйся, непобедимая Воеводо ратий христианских в брани на врагов.
Радуйся, иконою Твоею, яко стеною нерушимою, люди Твоя ограждающая;
Радуйся, от бед, всяких зол и напастей многоразличных нас спасающая.
Радуйся, яко и бесноватии пред иконою Твоею от демонского удручения свобождаются;
Радуйся, радосте наша, избави нас от всякия нужды и печали.
Кондак 6
Проповедницы богоноснии, святии апостоли, обстояще пречистый образ Твой, прославляют Тя, всех Царицу и Владычицу, и от Тебе рождшемуся Христу Богу нашему вкупе с вои святых мучеников, невидимых сподвижников Твоих в деле ратном, непрестанно вопиют: Аллилуиа.
Икос 6
Возсия пречудная икона Матери Божия и всей земли русской, егда могучий князь русский Владимир, с великою ратью, вниде в пределы греческия, но не хотя пролития крови христианской, точию же грехи своя омыти святым крещением, прият веру Православную, греческую, и вси спутницы его. Тогда дадеся ему оная святая икона Иерусалимская, дар безценен, и принесе ю в стольный град свой Киев. Людие же российстии, светом Христовым просвещеннии, Царице Небесной во умилении взываху:
Радуйся, Честнейшая херувим и Превосходящая без сравнения вся небесныя силы;
Радуйся, горе превознесенная и долу смиренно живущым человеком всегда радушно внемлющая.
Радуйся, всем хотящая спастися, к нам иконою Твоею спасти нас пришла еси;
Радуйся, яко нас во тме греховней седящих на Своя всемощныя попечения и материнския заботы прияла еси.
Радуйся, светом Божественным от иконы Твоея всех нас просвещающая;
Радуйся, ко Христу Бога всех нас приводящая.
Радуйся, райския двери всем нам отверзающая;
Радуйся, радосте наша, избави нас от всякия нужды и печали.
Кондак 7
Вседушно восхотев привлещи ко Христу вся люди, сущии в державе Его, и вся отдаленныя концы земли русской просветити светом истинного боговедения, благоверный князь Владимир повеле, святую икону Иерусалимскую перенести из града Киева в великий Новгород, и бе тамо икона сия лета многа, донележе принесена бысть в град Москву, да источает чудеса в сердце России и в пределах московских, и оттоле люди православнии милостей и благодати Богоматери исполненнии, хвалебную песнь Богу воспевают: Аллилуиа.
Икос 7
Удивил еси на нас милости Твоя, Господи, умножив чудотворныя иконы Пречистыя Твоея Матери в отечествии нашем, ихже яко звезды небесныя разсеял еси по всему лицу земли русской, подавая чрез них великия и неисчислимые благодеяния благочестивым насельником Ея. Темже благоговея пред величеством славы Твоея и преклоняя колена сердца пред Пречистым образом Преблагославенной Матери Твоей, умильно вопием Ей:
Радуйся, Владычице, страну российскую в жребий и достояние Себе избравшая;
Радуйся, окрестность нашу тако возлюбившая.
Радуйся, икону Твою чудодейственную в наследие неоцененное нам от лет древних даровавшая;
Радуйся, яко сею иконою обтекая грады и веси, аки облаком, благодатию и милостию всех покрываеши.
Радуйся, яко принесением иконы Твоея всяко место освящается и люди обновляются;
Радуйся, яко от иконы Твоея источники чудес всюду источаются.
Радуйся, яко и мы, грешнии, избавляемся от бед и напастей чрез Твою святую икону;
Радуйся, Радосте наша, избави нас от всякия нужды и печали.
Кондак 8
Странно есть уму человеческому, но дивно сердцу верующему, еже како совершися явление сея иконы Богоматери, како от доски сухия, на нейже изображен бяше лик Твой Пречистый, паче естественная начаша совершатися, сила бо многа от иконы Твоея исходяща, долгонедужным и расслабленным стягнув исцели, вси же видевше чудеса сии, в Божественном восторге вкупе с исцелевшими, радостно восклицаху хвалу Богу: Аллилуиа.
Икос 8
Ко всем сострадание имущи и всем благотворя чтущым Тя, благоволила еси прославити икону Твою в день лют чумной смертности, воньже страхом велиим сердца всех одержими бяху. Темже вси в покаянии тогда приходившии и умиленно молившиися Тебе во храме Твоем и в домах своих принесенней убо бывшей к ним сей иконе Твоей, внезапной смерти избегаху, и в радостном трепете взываху Тебе благодарственная пения таковая:
Радуйся, теплая о нас ходатаице пред милосердым Богом;
Радуйся, яко Твоими Матерними молитвами гнев Божий на нас утоляется.
Радуйся, яко Тобою кающымся грешником прощение подается;
Радуйся, обращающая на путь истинный закоснелых грешников.
Радуйся, гордых склоняющая к смирению и жестокосердых приводящая во умиление;
Радуйся, в грозный день гнева Божия Материнскую любовь и крайнее снисхождение нам являющая.
Радуйся, радосте наша, избави нас от всякия нужды и печали.
Кондак 9
Вся окрестность наша под осенением честныя иконы Твоея пребывающая и сильным предстательством Твоим хранима, непрестанно молим Тя, благую Матерь, да сохраниши всем нам мир и тишину, да избавиши нас от волнений и смут, от крамол и междоусобных браней, и от всяких смертоносных язв, да вси в благочестии пребывающе, в тихом и безмолвном житии благодушно хвалу Богови воспевают: Аллилуиа.
Икос 9
Кий мудрец возможет изглаголати силу благодати, Тобою иконе сей дарованную, кая ли песнь сладкопевца достойна будет восхвалити вся чудеса Твоя, яко принесением иконы Твоея во всяко место благодеяния различны источаются: идеже жар, засуха, тамо дожди обильны проливаются, а идеже пагубное безведрие, тамо солнце возсияет, но и поветрия зловредны изменяются, человецы же Тобою тако помилованнии и облагодетельствованнии из глубины души взывают Ти:
Радуйся, пренепорочная Юница, крайним смирением Твоим небеса долу приклонившая к схождению в Тя Сына Божия;
Радуйся, Царице небеси и земли, ейже суша и море повинуются.
Радуйся, Владычице, яко Тобою дожди благовременны и благорастворения воздуха нам ниспосылаются;
Радуйся, теплая Предстательнице наша, пагубныя удары грома и молнии от нас отводящая.
Радуйся, яко огнь, поядающий домы и пажити людския, росою молитв Твоих угашающая;
Радуйся, яко принесением сея иконы Твоея заразы смертныя люди избегают.
Радуйся, радосте наша, избави нас от всякия нужды и печали.
Кондак 10
Спасительное пристанище верным среди бурь и волнений моря житейскаго, паказующее всем нам добрый путь ко пристанищу вечному небесному, помоги нам безпорочно пройти путь жизни сей временней, соверши нас во всякой добродетели и соблюди всех в чистоте и святости, приведи нас в блаженное царствие Сына Твоего, да и мы Тобою спасеннии, возможем тамо со ангелы и лики святых вечно воспевати хвалебную песнь: Аллилуиа.
Икос 10
Непреложно веруем, Владычице, яко невидимым Твоим предстательством, аки стеною крепкою, ограждаеши всех нас от искушений и бед, и всяких злокозненных действий врагов наших видимых и невидимых. Сего ради со слезами вопием Ти:
Радуйся, Хранительнице наша, от злобы бесовской невидимо нас ограждающая;
Радуйся, зависть и коварство на нас злых человек премудро разрушающая.
Радуйся, на всех стезях жизни нашея милостиво нас оберегающая;
Радуйся, вся наша мысли от злых приражений и суетных мечтаний бдительно охраняющая.
Радуйся, вся наша желания во благо и спасение всегда направляющая;
Радуйся, яко добро точию творити во славу Божию тайно нас наставляющая.
Радуйся, Жизневодительнице наша, к небесам нас во блаженное отечество руководящая;
Радуйся, радосте наша, избави нас от всякия нужды и печали.
Кондак 11
Пение хвалебное немолчно воспеваем Ти, Богородительнице, яко молитвами Твоими к Сыну Твоему и Богу нашему, грады и веси от злых обстояний сохраняеши, мир и изобилие и вся благая в жизни всем чтущым Тя подаеши, всяк возраст на путь спасения наставляеши, и всех вразумляеши воспевати милосердому Человеколюбцу Богу: Аллилуиа.
Икос 11
Божественным светом пречистой души Твоей всю вселенную просвещаешь и сею иконою Твоею сердца всех веселия и радости исполняеши, благодать ею всюду вносящи. Сего ради и старии и младии, и юницы и дети, в чувствах глубочайшаго благоговения согласно Тебе зовут:
Радуйся, людям престарелым отраду утешение в сердца их проливающая;
Радуйся, яко младенцем благое воспитание и преуспеяние разума к восприятию полезных учений подаеши.
Радуйся, юных наставляющая целомудрию, в девственной чистоте душы их соблюдающая;
Радуйся, благословенное совершение христианских супружеств.
Радуйся, добрым земледельцем плодородие у Бога испрашивающая;
Радуйся, Тя призывающым путником и по морю плавающым милостиво спутствующая.
Радуйся, радосте наша, избави нас от всякия нужды и печали.
Кондак 12
Благодать велия дана Ти есть от Бога, Преблагословенная Мати Божия, еже убогия назирати, болящыя исцеляти, такожде помогати бедствующим, утешати скорбящыя и всех заблуждающихся на путь спасения обращати. Темже вси труждающиися и обремененнии имея в Тебе благую Матерь, и чрез Тебе неизлаголанныя милости приемлюще, умильно вопиют: Аллилуиа.
Икос 12
Поюще чудеса Твоя, Богородительнице, имиже являеши нам многую любовь Твою и милосердие, восхваляем чудодейственную силу Твою, всемощная Владычице наша, и предстояще Пречистому образу Твоему, молим Тя: утоли наша печали и избави нас от всякаго зла, да всегда молитвами Твоими в любви Твоей пребывающе, во умилении сердечным зовем Ти:
Радуйся, всем скорбящим и обремененным приносящая утешение и радость;
Радуйся, Скоропослушнице наша, сущым нам в бедах и напастех, быструю помощь посылающая.
Радуйся, в болезнех призывающым Тя целебую силу Твою и скорое выздоровление подающая;
Радуйся, всепрощающую любовь Твою на место гнева и ненависти всюду вводящая и ожесточенно враждующих примиряющая.
Радуйся, незримая Воспитательнице малых сирот и бездомным вдовицам неизменная Покровительнице;
Радуйся, единая наша надежда, отрада и утешение в томительный час смерти.
Радуйся, теплая и по смерти нашей Ходатаица о нас грешных у престола Всевышняго;
Радуйся, радосте наша, избави нас от всякия нужды и печали.
Кондак 13
О, Всепетая Мати, Царица небесная, рождшая Христа Сына Божия и Спасителя миру всему. Приими ныне от всего сердца нашего сие приносимое Тебе моление и всесильным Твоим предстательством сохрани нас от всяких бед и напастей в жизни сей, и сподоби нас в блаженстве вечном со всеми святыми хвалу Богу воспевати: Аллилуиа.
(Этот кондак читается трижды, затем икос 1 и кондак 1)
Где находятся знаменитые списки
Во все времена создавалось множество копий подлинной Иерусалимской иконы. Многие из таких образов обладают удивительной силой, исцеляют больных и регулярно проявляют чудо мироточения. На сегодняшний день сохранилось несколько списков с подлинника, признанных чудотворными. Такие святыни хранятся в России и за ее пределами:
- в церкви Рождества Богородицы Успенского собора г. Москвы;
- в столичном Рождественском храме;
- в церкви Живоначальной Троицы в Вешняках;
- в церкви Воскресения Словущего Иерусалимского подворья;
- в Афонском Пантелеймоновском монастыре.
В прошлом один из самых почитаемых списков располагался на Сергиево-Виноградском острове, в Покровском соборе царской усадьбы. В 1932 г. его перенесли в Измайлово, в храм Рождества Христова. Эта икона знаменита тем, что после пожара в соборе не была полностью уничтожена, а необъяснимым образом восстановилась. Сначала образ Богородицы почернел, но затем прояснился без участия человеческой руки. После возрождения Покровского собора великая реликвия была возвращена на прежнее место.
Молитва
Пресвятая Госпожѐ, Владычице Богородице, упова̀ние всех Упова̀ющих на Тя, засту̀пнице печальных, прибежище отча̀янных, вдов и сирот питательнице! Услыши и помилуй ны, грешныя и недостойныя рабы Твоя, со умилением ко пречѝстому Твоему о̀бразу припа̀дающия: умоли, милосердная Владычице, Сына Твоего и Господа нашего Иисуса Христа, да отвратит от нас праведный гнев Свой, да простит Грехѝ и беззакония наша, я̀ко да сподобимся благостию Его скончати житиѐ наше в покаянии и получити милость Его со всеми избра̀нными Его; я̀ко благословенна и препрославлена есѝ во вѐки веко̀в. Аминь.
Описание образа и его значение
Иерусалимская икона Божией Матери
Самая первая икона, написанная апостолом и евангелистом Лукой, слышала молитвы христиан иерусалимской общины. Ее судьба неразрывно связана с историей России, а разнообразные списки и сегодня доносят сокровенные смыслы богодухновенного образа всем прибегающим за помощью.
Памятный день празднования «Иерусалимскому» образу Божией Матери назначен святой Церковью на 13 октября по юлианскому календарю.
Благословенная Путеводительница является одним из самых распространенных иконографических образов Богородицы. К типу Одигитрии относится также икона «Иерусалимская».
Изображенная по пояс, Мария держит Своего возлюбленного Сына и Бога, Иисуса. Положение Младенца в разных вариантах отличается: на одних списках Он находится в левой руке Матери, на других – в правой. Свободная длань Богородицы прижата к Ее груди.
На коленях Божьего Сына свернутый список, а свободной рукой Своей, поднятой вверх, Он подает благословение, сложив два своих перста.
Покорность и принятие воли Отца Небесного в будущем крестном предназначении Своего чада выражено в облике Приснодевы. Несмотря на глубокую печаль в глазах, переживание материнской скорби, Она всецело предает Себя служению Всевышнему, сопереживая в грядущих страданиях Младенцу.
Сцена исключительного взаимопонимания между Святыми здесь указывает на вечность союза Бога и человека. Суть же Промысла Божьего содержится в христианском учении, полноту которого символизирует упомянутый свиток.
Это интересно: Помощница в сложных обстоятельствах — Иерусалимская икона Божьей Матери
История
Предание соотносит возникновение иконы с деятельностью апостола Луки, который написал ее первой из созданных впоследствии образов Девы Марии. По некоторым сведениям, образ появился в Гефсимании спустя 15 лет после Вознесения Христа (48 г.).
Через три столетия икона промыслительно оказалась в Константинополе, вскоре избавив жителей византийской столицы от уничтожения жестокими скифами. В благодарность за скорое спасение греки поместили «Иерусалимскую» во Влахернском храме.
Странствия великой святыни
За время своего существования Иерусалимский образ побывал в различных местах:
- в период правления византийского императора Льва Великого (с 457 г. по 474 г.) картина находилась в константинопольском храме Богоматери;
- при правителе Ираклии (575–641 гг.) икону перенесли во Влахернскую церковь – главный храм Византии, где она оставалась на протяжении трех веков;
- в первой половине Х столетия реликвия попала в Херсонес, а затем по приказу Владимира Святого была доставлена в Киев;
- в дальнейшем икона оказалась в Новгородском храме святой Софии, где находилась около 500 лет;
- в последующие годы Иерусалимский лик пребывал в Москве и хранился в Успенском соборе, куда был перенесен по указу Ивана Грозного.
В 1812 г. в столичном храме произошел крупный пожар, после которого икону так и не удалось обнаружить. О дальнейшей судьбе подлинника по-прежнему ведутся споры. По одной версии, он полностью сгорел. Как утверждает другая, святыню вывезли за пределы России.
