Прославление великого благоверного князя Московского Дмитрия Донского в лике святых стала возможной благодаря его огромным заслугам перед Отечеством и Церковью. Своим личным благочестивым примером Димитрий Донской показал, как во благо и спасение ближних, приносится жертва во имя Христа. И как сам Господь помогает в богоугодных делах.
Димитрий Донской был воспитанником святителя Алексия Московского, уже в юном возрасте проявил себя талантливым государственным правителем. Ратовал за единство русских территорий, потому звали его собирателем русских земель. Святой Димитрий был освободителем Руси от монгольского ига. На свою решающую историческую Куликовскую битву благоверный князь Димитрий получил благословение у великого святого Сергия Радонежского. Преподобный Сергий дал благоверному воину Димитрию в помощники своих монахов-схимников Алексея и Александра. Куликовская битва была доблестно выиграна великим князем Димитрием. История русского воинства ещё не знала такой победы. Рядом с Куликовым полем течёт река Дон, поэтому и победителя битвы Димитрия стали называть Димитрий Донской.
Значение иконы «Благоверный князь Димитрий Донской»
На иконе Дмитрия Донского часто изображают на фоне храмов и держащим на руке храм. Значение этого фона говорит о том, что святой князь Димитрий прилагал значительные усилия для получения свободы от Константинополя для Русской Православной Церкви. При его правлении было построено множество храмов и монастырей. Они являются действенной духовной защитой границ Отечества от внешних врагов и в настоящее время.
По просьбе великого князя Димитрия в храмах постоянно служились панихиды в память о погибших воинах. Благоверный князь Димитрий стал учредителем новых традиций в истории церковного устава. Это поминальная Димитриевская суббота и ещё одно чудо — событие, связанное с обретением мощей прославленного святого воина Александра Невского.
Мощи Александра Невского хранятся в Успенском Владимирском соборе, и в ночь перед битвой князя Димитрия с монголами, служители храма увидели, как из алтаря вышли два старца, одетые в облачения митрополитов. Они подошли к гробнице Александра Невского и сказали: «Восстань Александре, будь скор на помощь правнуку своему, великому князю Димитрию, одолеваему сущу от иноплеменников». Князь Александр Невский восстал и видение исчезло.
Почему Дмитрий Донской причислен к лику святых
До конца своих дней он сражался за Родину, канонизирован в 1988 году как защитник веры и Отечества. Положил начало избавлению земли православной от иноверцев.
1380 год праздник Рождества Богородицы — великое множество православных воинов полегло на Куликовом поле. Оплакивая павших ратников, великий князь ещё больше воспрял мыслью объединения Отчизны. К чему и стремился, невзирая на преграды и опасности, значительно расширив территорию Московского княжества.
Дальновидный и храбрый властитель заключил союз с суздальской княжной Евдокией, перетянув Великий Новгород под эгиду Москвы. В благочестивом единении родилось 12 детей. Своей христианской семьёй являл символ богобоязненного брака.
В историю народа взошёл как деятельный храмостроитель. Им была установлена Дмитриевская Родительская Суббота, как дань бойцам, не вернувшимся с поля.
В чём помогает икона Дмитрия Донского
Историки отмечают высокоморальные качества великого князя Димитрия, его почитание Бога и сила духа стали непоколебимой стеной для внешних врагов.
Данный образ помогает проявить силу воли и бесстрашие
Молитвенное обращение к иконе святого Дмитрия Донского помогает:
- разрешить и устранить проблемы, связанные с политическими вопросами;
- решить дела государственного устроения;
- в урегулировании военных конфликтов.
Икона святого Дмитрия будет полезна для людей, занимающих посты управления самого высокого государственного значения, дипломатов, политиков. В жизни князь Димитрий, несмотря на статус полководца и суровое военное время, проявлял великодушие, милосердие и хорошее отношение к подчинённым.
Перед иконой Дмитрия Донского молятся не только о масштабных глобальных вопросах. Его просят о помощи в создании крепкой христианской семьи. Личная супружеская жизнь святого Димитрия была примером для подражания. Своим детям он завещал глубокое почитание их матери. Ещё икона Дмитрия Донского помогает в наше неспокойное время в защите дома от нежелательного вторжения.
День почитания святого благоверного князя Димитрия Донского отмечается 1 июня
Житие святого благоверного князя Дмитрия Донского
Появление на свет в столице 1350 года предопределённо свыше. В девятилетнем возрасте, лишившись отца, обретает духовную поддержку митрополита Москвы Алексия.
Избранник Божий с младенчества воспитывался в добродетели и чистоте, впитывая атмосферу христианской морали. Никогда больше великий правитель не отступит от постулатов православия.
Безграничное упование на Бога, строгие посты, молитвенные и духовные подвиги соединились с милосердием и благотворительностью, попечительством о своих подчинённых и русском народе.
Молитва иконе
О, святый угодниче Божий, праведне Димитрие! Подвигом добрым подвизався на земли, восприял еси на Небесех венец правды, егоже уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтем святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.
(4 оценок, среднее: 4,00 из 5)
Дмитрий: именины (день ангела). История праздника
С того самого времени народ понял, что у него появился заступник, который может противостоять Орде. Куликовская битва стала переломной, ведь если бы тогда князь Донской не победил, то Русь могла вообще исчезнуть с карты мира. Об этом говорят слова Мамая, которые и раскрыли его цели на счет Руси. Он хотел сотворить с Русью то же, что сделал Батый, только еще хуже — извести русских князей, народ поработить, построить мечети и заставить поклоняться Аллаху. Второго такого тирана Святая Русь не смогла бы выдержать. Но господство Золотой Орды пошатнулось и ускорило ее распад, а за этим последовало освобождение Руси.
Теперь у православных есть день ангела Дмитрия, отмечается он 1 июня. В этот день читаются хвалебные молитвы в честь святого князя Дмитрия Донского, чтобы он защитил от невзгод и помог в добрых делах.
Краткое житие
Будущий святой родился в Москве 12 октября 1350 года. Отцом его был Иоанн Иоаннович Красный. Из-за ранней кончины отца и старшего брата на московский престол Димитрий взошел уже в 1359 г., когда ему было всего 9 лет. Регентом при нем стал прославленный впоследствии в лике святых митрополит Алексий.
Интересный факт
Митрополита Алексия уже при жизни почитали как чудотворца. Хан Джанибек однажды попросил прислать святителя в Орду, чтобы исцелить ослепшую царицу Тайдулу. Перед отъездом митрополит совершил молебен в Успенском соборе, во время которого, как свидетельствует летопись, «свеча зажглась сама собой». Часть этой свечимитрополит взял с собой.
Он зажег ее в ханском шатре, прочел молитву и окропил Тайдулу святой водой. Царица прозрела, и с той поры Алексий пользовался поддержкой влиятельных ханш.
С особым старанием постигал взрослеющий князь ратную науку. Он ежедневно ездил верхом, стрелял из лука и практиковался в рукопашном бое. Со временем он стал настоящим богатырем.
К тому же он оказался мудрым политиком. Даже женился он во благо государства. Его избранницей стала юная княжна Евдокия, дочь враждовавшего с Москвой правителя Суздаля. В этом браке родилось 12 детей.
Золотая Орда в середине XIV века уже не была таким сплоченным и организованным государством как во времена Чингиз-хана. Потомки его жестоко враждовали друг с другом за право восседать на ханской кошме, и Димитрий Иоаннович хорошо понимал, что если объединиться с другими русскими правителями, то вполне можно противостоять монголам.
Он сделал к этому первый шаг: созвал в 1374 г. в Переславль-Залесский всех князей на съезд, на которомбыло решено не подчиняться ханскому ставленнику Михаилу Тверскому, а объединяться вокруг московского князя, создавая общее войско.
К битве с Ордой готовились обстоятельно. Ордынская рать состояла не только из кочевников. К ней присоединились генуэзская пехота, черкесская конница и заключивший с ханом союз литовский князь. Чтобы одолеть 150-тысячное неприятельское войско русским непременно нужна была духовная поддержка.
Сергий Радонежкий
И тогда Димитрий обратился за благословением к«игумену Земли Русской» прп. Сергию Радонежскому, которого уж при жизни почитали в народе как великого подвижника и угодника Божьего. Преподобный благословил русских воинов и послал вместе с Димитрием двух своих схимников – Александра Пересвета и Андрея Ослабю.
Вот что писал об этом событии ученик преподобного Сергия и первый его биограф Епифаний Премудрый:
«Известно стало, что Божиим попущением за грехи наши ордынский князь Мамай собрал силу великую, всю орду безбожных татар, и идет на Русскую землю; и были все люди страхом великим охвачены. Князем же великим, скипетр Русской земли державшим, был тоща прославленный и непобедимый великий Дмитрий. Он пришел к святому Сергию, потому что великую веру имел в старца, и спросил его, прикажет ли святой ему против безбожных выступить: ведь он знал, что Сергий — муж добродетельный и даром пророческим обладает. Святой же, когда услышал об этом от великого князя, благословил его, молитвой вооружил и сказал:
«Следует тебе, господин, заботиться о порученном тебе Богом славном христианском стаде. Иди против безбожных, и если Бог поможет тебе, ты победишь и невредимым в свое Отечество с великой честью вернешься».
Великий же князь ответил: «Если мне Бог поможет, отче, поставлю монастырь в честь пречистой Богоматери». И, сказав это и получив благословение, ушел из монастыря и быстро отправился в путь».
Кем были монахи?
Начальник Кавказского Свято-Троицкого подворья Валаамского монастыря схиигумен Гавриил (Виноградов-Лакербая) поясняет:
«Мы все хорошо знаем, что на Куликово поле прп. Сергий отправил с князем Димитрием Донским двух схимников. Кто были эти схимники? Это были воеводы, которых сегодня мы бы назвали генералами. То есть это были опытные воины, которые к тому времени уже были монахами. То есть они, отслужив свою службу, пришли в монастырь. Вероятно, участвуя в боевых действиях, им приходилось убивать, и они пришли в обитель замаливать грехи – те невольные убийства, которые приходилось совершать, защищая Родину».
Решающее сражение состоялось в день Рождества Пресвятой Богородицы – 8 (21) сентября 1380 года. Исход битвы решил засадный полк, вступивший в битву в тот момент, когда ордынцы и их союзники совсем обессилели. Князь Димитрий участвовал в сражении в доспехах простого ратника и был тяжело ранен.Его нашли без сознания, заваленным упавшим деревом.
После сражения князь прожил еще 9 лет, и скончался 19 мая (1 июня) 1389 года. Его мощи покоятся в Архангельском соборе Московского Кремля.
Когда и почему назвали «Донским»?
Донским его прозвали по названию реки Дон, на правом берегу которой у впадения в нее реки Непрядвы 8 сентября 1380 года состоялась знаменитая Куликовская битва.
В 1560 г. в «Степенной книге царского родословия» князь Димитрий впервые назван Донским.
Интересный факт
Недалеко от Куликова поля есть святой источник, который именуют в народе «Прощеный колодец». По Преданию, он образовался от удара молнии во время грозы. Считается, что здесь после сражения омывали свои раны русские воины и здесь же они прощались с павшими. Это место известно многими дивными исцелениями.
Храм св. Димитрия Донского
Акафист благоверному князю Димитрию Донскому
Кондак 1
Избранному воеводе земли Русския святому благоверному великому князю Димитрию благодарственная пения приносим мы, сынове и дщери российския, яко избавившему Русь Святую от ига и нашествия агарянскаго и призвавшаго многия русския люди свято стояти за веру Христову, за Отечество Православное и за други своя, и душей не страшитися смерти телесной за веру Божию и всегда готовыми быти положити на поле брани главы своя. Сего ради с верою и любовию вопием: Радуйся, святый благоверный великий княже и воеводо Донской Димитрие, православной веры и Святой Руси защитниче.
Икос 1
Ангельское от младых ногтей стяжав житие, святе княже Димитрие и от юности возлюбив Бога, воспитан убо бысть во благочестии с наставлениями душеполезными. Темже прославляюще Господа, вознесшаго в славянских землях избранника Божиего и воеводу дивнаго, вопием тако: Радуйся, княже Димитрие, благочестие от родителей унаследовавый. Радуйся, кротостию нрава украшенный. Радуйся, славянский род имевый от святыя великия равноапостольныя княгини Ольги. Радуйся, пречестная леторасль святаго великаго равноапостольнаго князя Владимира. Радуйся, правнук явивыйся святому великому князю Александру Невскому. Радуйся, благомужество и мудрость сего восприявый. Радуйся, измлада Бога возлюбивый. Радуйся, Ему единому себя всецело предавый. Радуйся, всякую праздность возненавидевый. Радуйся, добродетели христианския в сердце своем носивый. Радуйся, святый благоверный великий княже и воеводо Донской Димитрие, православной веры и Святой Руси защитниче.
Кондак 2
Видя святитель московский Алексий юность отрока Димитрия сиротствующего и заменивше ему его родителя, явился яко друг богомудрый и скорый советник юнну князю Димитрию Иоанновичу. Сего же архиерея Божия Алексия, за доброту души его зело любляху вси, наипаче же почитаху его в доме великокняжеском, тако Богу пещися изволившему о благочестии наследника престола московскаго Димитрия, ему же поем: Аллилуиа.
Икос 2
Разум великий даровал ти Господь от юности твоея, великий княже Димитрие. Ибо егда изыде великий князь Иоанн с тобою и многим духовенством и народом за град Москву на встречу первосвятителя своего, возвратившагося из татарской Орды, ты рекл еси, юный княже святителю Божию тако: «Владыко, что воздадим ти за труды твоя? Ты даруеши нам живот мирен.» Поминая сие праведное смирение и почитание святителя Божия, со умилением вопием ти: Радуйся, смирение Христово стяжавый. Радуйся, гордыню диавольскую далече от себя отгнавый. Радуйся, по успении родителя своего к святителю Алексию прилепивыйся. Радуйся, к среде русскаго подвижничества издетска приобщивыйся. Радуйся, детство свое под покровом митрополита-старца проведший. Радуйся, яко окормитель твой другом преподобному Сергию пребывавый. Радуйся, общение и единомыслие со учениками сего святаго игумена имевый. Радуйся, яко Божие Провидение дарова ти пестунов и мудрых советников. Радуйся, яко молитвами их дух твой укрепляшеся. Радуйся, на великое служение Всевидящим Богом предъизбранный. Радуйся, святый благоверный великий княже и воеводо Донской Димитрие, православной веры и Святой Руси защитниче.
Кондак 3
Силой свыше укрепляемый святый благоверный княже, егда святитель Алексий благослови тебе по успении великаго князя Иоанна путешествие в Орду Мамаеву совершити, дабы своими очима узрети агарян зело мучивших народ русский более ста лет. Мы же благодаряще Бога, давшему ти таковую любовь к Отечеству земному, поем: Аллилуиа.
Икос 3
Имея, святе Димитрие, в сердце своем веру крепкую, надежду несумненную, любовь истинную ко Творцу Богу всяческих, посему и возлюбил еси княже, благословенную Землю Русскую, на ней же рожден и воспитан бысть в вере православной, разделяя вся тяготы и скорби с людьми земли своея. И Бог взирая на сердце избранника своего, болезнующего о славе Руси Святой, содела тя великим князем московским. Мы же радующиеся сему, вопием: Радуйся, отрок сущ летами, мудростию же зело украшенный. Радуйся, Богу ти поспешествующу, древний обряд вокняжения восприявый. Радуйся, под руководством святителя Алексия разум державнаго правителя приобретый. Радуйся, стольный град Москву возвысивый. Радуйся, Московское княжество укрепивый. Радуйся, яко святою Владимирскою иконою святитель Алексий на великокняжение тя благословивый. Радуйся, в единомыслии единодержавия Святую Русь сплотивый. Радуйся, усердный попечителю в великом и спасительном деле бывый. Радуйся, уме чистый, Бога зрящий. Радуйся, благия желания седрца своего единому Господу посвящавый. Радуйся, святительское благословение Божиего архиерея на всякое доброе дело браша. Радуйся, ибо на всех твоих великокняженских делах благодать святителя Алексия почиваше. Радуйся, святый благоверный великий княже и воеводо Донской Димитрие, православной веры и Святой Руси защитниче.
Кондак 4
Бурю внутрь имеяй дванадесятилетний князь, Божий отрок Димитрий, егда взем в немощныя свои руце кормило правления государства Русскаго, повсюду же раздробленнаго, теснимаго извне игом магометан и возмущаемаго и раздираемаго внутренним междуусобием меж князьми и простым людом. Кто возможет изрещи многия скорби и страдания подъятыя на рамена твоя, святе княже Димитрие? Мы же вопием ко Господу Божиих Сил: Аллилуиа.
Икос 4
Слыша благоверный князь, святой Димитрий, яко суть нестроения в Суздальском княжестве и соблаговоли скоро укрепити союз с сею землею через венчание с княжною Евдокиею, дабы положить зачало возвышению Москвы в доброй славе. Ибо тако явися воля Божия благочестно упрочити князю Димитрию семейными узами собственный дом. Мы же дивящеся мудрости княжеской, вопием сице: Радуйся, яко супруга твоя подвижническое житие на земли провождаше. Радуйся, яко трие чада твои крещение от великаго игумена Сергия прияша. Радуйся, яко в целомудрии и святости с супружницею поживый. Радуйся, многия алчущия хлебом княжеским щедро напитавый. Радуйся, многия жаждущия добре напоивый. Радуйся, обидимых покровителю. Радуйся, сирот призрение. Радуйся, вдов заступление. Радуйся, нагих одеяние. Радуйся, Земли Русския печальниче. Радуйся, святый благоверный великий княже и воеводо Донской Димитрие, православной веры и Святой Руси защитниче.
Кондак 5
Боготечней звезде подобен был еси, святый благоверный княже Димитрие, обходя Землю Русскую и спасая ея от врагов внешних и внутренних. И особо присныя княжества: Нижегородское, Рязанское и Тверское. Мы же хвалим Бога, давшему ти разум духовный и вопием: Аллилуиа.
Икос 5
Ведуще благоверный князь Димитрий вкупе со святителем Алексием, яко суть многочисленны полчища Ольгерда литовскаго движущиеся чрез Русскую Землю к Москве и всякия непотребства творяща на пути своем, не попустиша его, но затворишася в стольнем граде Москве и помолишася Богу. Борзяся прииде же Ольгерд литовский и смути его вид каменнаго Кремля московскаго и последи триех дний возвратися вспять. Мы же видяще сию силу молитв великаго князя и святителя Божия, вопием вси: Радуйся, яко Бог ти во бранех не токмо земных, но и духовных помогаше. Радуйся, яко верою Христовою всех врагов Отечества своего превозмогаше. Радуйся, и ныне Православной Российстей стране крепкий страже. Радуйся, яко вси святии земли Русския ти помогаху и молитвами своими от козней вражеских ограждаху. Радуйся, правым путем выну шествовавый. Радуйся, святителя Алексия во всю жизнь свою помощником себе имевый. Радуйся, яко же горести и радости с ним вкупе разделивый. Радуйся, благодушно вся посылаемыя испытания от Бога приимавый. Радуйся, с Новуградом и Псковом союз чрез князя Владимира заключивый. Радуйся, яко князья Смоленский и Брянский за помощь Литве достойное Господнее наказание претерпеша. Радуйся, яко силою духовною тя Всеблагий Бог снабдивый. Радуйся, яко ты сподобился еси верным сыном Святой Славы Божией Руси быти наследником. Радуйся, святый благоверный великий княже и воеводо Донской Димитрие, православной веры и Святой Руси защитниче.
Кондак 6
Проповедует страна Российская подвиги твоя и болезни, подъятыя ради земнаго Отечества и ближних. Егда Тверской князь Михаил изыде к Мамаю просити ярлык для своего великокняжения. Ты же никакоже сего убояхся, но предаваясь на волю Божию, пел еси: Аллилуиа.
Икос 6
Возсиял аки солнце великое в Русской стране, святе княже Димитрие, праведностью и благомужеством своим. Сего ради, бояся тя злочестивый хан Мамай. И многажды наблюдахом за тобою, устрашился, яко ты не восхочеши дань платити. Посему и пригласи тя во град Владимир на великопрестольное венчание Михаила, ты же сие приглашение мужественно отвергл еси. Сего ради вопием ти: Радуйся, яко бы богоблажен еси, ибо Единаго Господа Иисуса Христа крепце возлюбивый. Радуйся, на Него же все упование свое возложивый. Радуйся, яко святый великомученик Димитрий Солунский явлейся твоим небесным покровителем. Радуйся, яко и оный сей святый бысть на земли Русской воеводою. Радуйся, град Владимир Тверскому князю не отдавый. Радуйся, в Переяславле своя ратники поставивый. Радуйся, яко по слову Господню мудрость змиину в управлении Московским княжеством проявивый. Радуйся, ордынскому послу христианскую любовь показавый. Радуйся, безбоязненно путешествие в Орду сотворивый. Радуйся, на сие благословение святительское имевый. Радуйся, святый благоверный великий княже и воеводо Донской Димитрие, православной веры и Святой Руси защитниче.
Кондак 7
Восхотел еси Русской Земле Божию Славу стяжати, не убоялся великий княже Димитрие отправитися в Орду, ибо имел еси на сие благословение Святой Церкви Христовой в лице благочестиваго старца-митрополита Алексия, его же молитвенное провождение имел еси до града Коломны. Святый же архиерей, велию значимость придавал сему путешествию воспитанника своего, и уповая на помощь Божию, пел еси: Аллилуиа.
Икос 7
Дивен Бог во святых своих, ибо молитвами святителя Алексия, преподобнаго Сергия и святаго Феодора Симановскаго, твое благочестивое мужество благословенно бысть, благочестне княже Димитрие, егда свое богоугодное путешествие в Орду предпринял еси, и егда со славою с правом великокняжения из Орды возвратился еси, паки в радосте благословляху и моляшеся за тя, княже, сии святии мужи, всегда имеющие велие дерзновение пред Господем. Мы же дивящиеся силе Божиего Духа в тебе обитающаго, воспеваем и рцем ти: Радуйся, с Богом вся творящий и за Него ратоборствовавший. Радуйся, царским саном облаченный. Радуйся, житие великоняжеское ангельски проводивый. Радуйся, в посте и воздержании строго пребывавый. Радуйся, в молитвах неленостно упражнявыйся. Радуйся, крест Христов на раменах своих носивый. Радуйся, седяй на престоле высоцем, сердцем же об отшельническом житии помышлявый. Радуйся, всякий день в монашеския ризы облещися желавый. Радуйся, в чистоте все божественные дни поста Церкви Православной соблюдавый. Радуйся, святых Христовых Тайн всякую неделю приобщавыйся. Радуйся, святый благоверный великий княже и воеводо Донской Димитрие, православной веры и Святой Руси защитниче.
Кондак 8
Всяк возраст и всяк мужеский и женский род Земли Русския свято чтит память твою, великославный княже Димитрие, ибо несть более той любви, да кто душу свою положит за други своя, еяже ты имел еси. Светло рек Господь наш и Спаситель мира во евангельской проповеди священныя сии словеса, кои наипаче сильно и дивно исполнишася на тебе, великий княже Донской Димитрие. Мы же удивляшеся благородству души твоея, поем Богу велегласно: Аллилуиа.
Икос 8
Весь был исполнен ревности о вере православной, встал еси на защиту Отечества рода славянскаго, избавляя народ свой от нечестивых агарян, и подвизаясь на битву с врагами, Бога имел помощником себе. И сие благочествие почитаем в тебе, доблестный княже Димитрие, егда ты тридесят лет укрепляше дух свой богомудрым наставничеством и молитвами святых мужей, добре воинствовал еси с врагами Отечества твоего. Мы же зряще благодатный плод веры твоей, крепость духа и силу воинскую, воспеваем тако: Радуйся, Успенский Стромынский монастырь в Москве основавый. Радуйся, благословением на сие святым игуменом аввой Сергием покровенный. Радуйся, боголюбезных молитвенников Земли Русския в сию обитель собравый. Радуйся, из молитвами духовно укрепити всю Русь пред решающей бранью вожделевый. Радуйся, игуменом в сию обитель богобоязненнаго Леонтия поставивый. Радуйся, благочестиваго сего ученика преподобнаго Сергия почтивый. Радуйся, за Божию веру биться с врагами и за Бога Христа пострадати восхотевый. Радуйся, в походе на Волжскую Булгарию успех возымевый. Радуйся, воеводу Бегича славно победиша. Радуйся, яко сия брань преддверием великаго сражения быша. Радуйся, святый благоверный великий княже и воеводо Донской Димитрие, православной веры и Святой Руси защитниче.
Кондак 9
Ветии многовещанныя не возмогут достойно изрещи твое смирение и мужество, благоверне княже Димитрие. Егда ты падше коленопреклоненно пред святым аввой Сергием, игуменом Радонежским и слезно умоляше его о помощи духовной, кротко моля себе благословение на святую брань с полчищем поганским. На смирение же твое и кротость твою слезно воззрел великий авва Сергий, и яко велий пророк Бога Вышняго предрек ти победу над войском Мамая, прорекая и о многих венцах на главах православных воинов святаго войска княжескаго. Сих же великих знаменательных событий вспоминающе, поем Триединому Богу в Троице Живоначальней славяще: Аллилуиа.
Икос 9
Всякое естество Ангельское и Архангельское возвеселишася, богосветлые небесные соборы святых мучеников, великомучеников подвигнулись, праведные, преподобные мужи и жены, сонмы святителей и Божии угодники возрадовашеся, предстоя у престола Бога Вседержителя и с небес восхваляху и благословляху тя, благоверне княже Димитрие, егда видяще твою решимось и безстрашие идти на священную битву противу врагов Отечества твоего Православнаго. Сего ради мы токмо рцем вси: Радуйся, беседою с великим святым Земли Русския преподобным игуменом Сергием утешенный. Радуйся, на его богомощныя молитвы и на всю небесную Божию помощь уповавый. Радуйся, велие благословение Божие от преподобнаго старца Сергия получивый. Радуйся, яко сим благословением на битву с Мамаем, яко на великое правое дело поспешивый. Радуйся, и нас уповати на Бога в скорбях сущих научаяй. Радуйся, извещение от аввы Сергия, светоча Земли Русския, о победе многочисленных и гордых агарян паки приявый. Радуйся, яко двух монахов в святое войско твое от иноческаго лика преподобный Сергий на сопротивных в помощь тебе давый. Радуйся, яко прежде битвы Александр и Родион от рук великаго игумена Сергия пострижением схимническим освященные. Радуйся, яко оные два монаха-воина от святаго игумена Богом благословенные. Радуйся, яко тии два монаха Александр Пересвет и Родион Ослабя бишася в первых рядах против супостатов. Радуйся, яко в лице сих двух схимонахов, аки сам авва Сергий идяше на брань с тобою. Радуйся, яко от сугубаго благословения старца Сергия новы силы в себе ощутивый. Радуйся, яко в лице схимонаха Александра Пересвета сам авва Сергий против галиафскаго воина мамаева противоставый и победивый. Радуйся, яко и ты княже молитвами преподобнаго Сергия, к Богу вопия, на враги победу сотворил еси. Радуйся, святый благоверный великий княже и воеводо Донской Димитрие, православной веры и Святой Руси защитниче.
Кондак 10
Спасти хотяще Всемогущий Бог Землю Русскую от нечестивых агарян показа чудо и силу Божию, еже бысть во граде Владимире. Егда бяху сама собою открышася рака со святыми мощами благовернаго великаго князя Александра Невскаго. Сие же Божие знамение узре инок-пономарь среди нощи и зело удивляшеся, яко свещи пред гробницею сами собою возжегошася. Разумея же присутствие Божие, и мы со страхом и трепетом воспоем Непостижимому Богу: Аллилуиа.
Икос 10
Яко велия адамантова стена и Господнее заступление, явишися сие знамение Божие, укрепляше тебя, всечестный княже Димитрие, егда прадед твой святый благоверный великий князь Александр Невский, востал из раки мощей своих духом своим, и аки лев пробужденный в силе и славе Божией потек на брань с нечестивыми агарянами. Сие же страшно бысть, егда узрел пономарь, и паки двух светолепных старцев, пришедших из алтаря ко гробу великаго князя, повелевая и взываше к нему, дабы скоро шел на помощь и пособствовал в победе правнуку своему, князю Димитрию. Мы же сему таковому Божиему явлению дивящеся, вопием: Радуйся, княже Димитрие Божественным сим знамением укрепленный. Радуйся, на врагов видимых, яко горний орлан, безстрашно ополчивыйся. Радуйся, поле Куликово к велией битве избравый. Радуйся, яко пред святою бранью с Мамаем мощи твоего прадеда великаго князя Невскаго нетленными обреташеся. Радуйся, яко помощь Господня от прадеда твоего незримо прииде на тя. Радуйся, по пути идеже избранна поле битвы, икона с образом святителя Мир-Ликийскаго Николая чудесно обретеся. Радуйся, яко сие место богоявления от хлада смертной битвы тя угреша. Радуйся, яко знамение явленной иконы сей благоприятный знак тебе быша. Радуйся, яко сие началом основания Николо-Угрешскому монастырю явишися. Радуйся, ибо самим великим святителем Николаем сие место благословися. Радуйся, яко велием белокаменным храмом на месте сем в Божией славе возвеличися. Радуйся, яко не всуе приял еси от князя Владислава Серпуховскаго престол великокняжения, а благовременно. Радуйся, яко той князь уступиша тебе престол Московский, да объединиши земли русския смиренномудренно. Радуйся, святый благоверный великий княже и воеводо Донской Димитрие, православной веры и Святой Руси защитниче.
Кондак 11
Пение всеумиленное приносим ти, святе княже Димитрие, егда во смирении сердца своего возвысил еси глас свой пред воины своими, призывая их мужественно сражаться и не посрамиться в день празднования Рождества Царицы Пресвятой Богородицы. Дивно бысть, яко ты, великокняже Димитрие, в молитвах призывал еси Триединаго Бога, Силу Честнаго Креста и Богородицу, с сокрушенным сердцем возложив всю печаль свою и надежду победы на Господа Саваофа. И мы зде смиренно помолимся Богу, времена и лета во своей власти положившему, и воспоем Ему победную песнь: Аллилуиа.
Икос 11
Светоприемным светильником святаго княжескаго рода явился ты еси пред воинами своими, благоверне княже Димитрие, призывая всех доблестно сражатися Господа ради на поле брани с врагами Божиими, и тако же ревностно хранити святыни Христовых церквей и чистоту веры православной. Ты же, болезнуя о славе Святой Руси, многажды взываху к воинам своим: не убойтеся смерти и врагов, души не могущих убити. Стойте за Русь Святую! Ибо смертию за Божию веру и Отечество Богохранимое, обретем себе живот вечный. Мы же, поклоняемся ти, святый великий княже Димитрие, яко светлому воеводе войска русскаго, и поминая твою любовь к Богу, егда по-архангельски призывал ратников своих, непрестанно увещевая их, никогдаже в бою с врагами помышляти о земных вещех, но паче всего ревновати о венцах небесных. И мы преклоенные пред мужеством твоим, поем ти умиленно: Радуйся, в день Рождества Пресвятыя девы Богородицы брань на агарянские полчища сотворивый. Радуйся, живота своего ради любви к ближним своим не щадивый. Радуйся, избранниче Божией Матери преизрядный. Радуйся, чистотою сердца своего Ей благочестне угодивый. Радуйся, рекший воинам своим: «Яко аще будем живы, ради Господа своего». Радуйся, паки рекший: «Яко аще смерть приимем, ради Господа своего». Радуйся, с образом Нерукотворнаго Спаса на знамении воинском ратовати изволивый. Радуйся, благочестию предков своих поревновавый. Радуйся, на тебе воистину сбыстся слова: «не в силе Бог, а в правде». Радуйся, частицу Животворящего Древа Креста Господня при себе имевый. Радуйся, яко первый твой воин Александр Пересвет скоротечно на вызов сопротивника отозвашеся. Радуйся, яко оный благословенный воин старца Сергия за всю Святую Русь в единоборство с гордым Челубеем славне вступися. Радуйся, идеже изнемогает плоть, тамо побеждает Дух Божий. Радуйся, княже, яко твой воин Александр не шлемом и кольчугой, а схимонашескими крестами покровенный. Радуйся, яко той Александр-инок, воинским копием и верою Христовою против иноземца вооруживыйся. Радуйся, яко княжеский инок за вся воинства Державы Русския бой держаше. Радуйся, яко на поле брани вся земля Русская от удара двух сошедшихся воинов содрогнушася и пробудишася. Радуйся, яко самый сильный воин агарянский низложися. Радуйся, яко славный воин Пересвет мертв сущ в седле удержася. Радуйся, яко той жив сущ в гриву своего коня заблаговременно крепце вцепися. Радуйся, яко сидением своим в седле, всех воинов-братиев свих воодушевивый и приободривый. Радуйся, яко сие добрым знаком явися. Радуйся, яко и мертвый Пересвет, на том коне по всему полю до конца битвы скакаше и победу предвозвещаше. Радуйся, княже Димитрие, яко твоим воином Святая Русь во вся веки прославися. Радуйся, яко и ты не в великокняжеских одеяниях, но в рубищных одеждах простого воина в первых рядах ревностно сражавыйся. Радуйся, яко многими ранами за веру святую изъязвленный. Радуйся, святый благоверный великий княже и воеводо Донской Димитрие, православной веры и Святой Руси защитниче.
Кондак 12
Благодать ти дана от Бога, святый княже, изначала юнна возраста, во еже добре правити страной Русской и народом ея православным. Темже благодарим Господа, даровавшего Российской земле храбраго воеводу, пламеннаго молитвенника, мудраго строителя церковных святынь, смиреннаго послушника и собеседника святых угодников Божиих, и русскаго победоносца, столь дивную победу над врагами иноплеменными сотворшему. Мы же доблесть твою почитаем и победу твою над Мамаем помним, и духовно преданные тебе, трепетно глаголем из уст в уста святое житие твое, из рода в род нами хранимое, прославляя и поя Христу Спасителю и Богу нашему: Аллилуиа.
Икос 12
Поюще священные подвиги твоя, святолепный княже Димитрие, содеянные в сей временней жизни, наипаче же победу в побоище над Мамаем одержавшего и спасшего через сие Отечество наше православное от зловерия агарянскаго. Поклоняемся ти, яко течение свое добре совершил еси, веру соблюл и ныне венцем нетленным увенча тя Бог Христос, Небесный Царь и подвигоположник нашего спасения. Сего ради молим тя, святе княже Димитрие, яко ты имаши дерзновенно предстательствовать о нас у Престола Царя Славы, к тебе же радостно вопием вси: Радуйся, в лютой брани на реке Доне Донским нареченный. Радуйся, богомощным искусным полководцем в бранях с врагами явленный. Радуйся, знак Божий в сопростивном ветре распознавый и засадный полк богомудро удержавый. Радуйся, яко той полк обоюдоострым мечем на сокрушение врагов соблюдашеся. Радуйся, и на поле брани верный исполнителю слов Христовых, рекшего, яко никто не может без Мене творити ничесоже. Радуйся, яко в явленном благоприятном ветре волю Божию усмотревше и своевременно вступити в бой князю волынскому повелеша. Радуйся, яко полк засадный в сече русских с погаными благоприятный исход битвы принесоша. Радуйся, боголюбивый ратоборче, яко в сем ветре сам Господь с тобою пребываше. Радуйся, яко той ветер тебе помогаше разверзая знамя с ликом Господним, дабы всех врагов погубити. Радуйся, яко светлые ангелы во главе с Архистратигом Михаилом помогаху ти воинствовати. Радуйся, яко с тобою и с воинами твоими святии мученицы шествоваху по небеси. Радуйся, яко с тобою и с твоими воинами спребывал Георгий Победоносче, Димитрий Мироточивый и страстотерпцы Глебе и Борисе. Радуйся, яко из облака Божиего множество венцев опускахуся на главы православных воинов. Радуйся, яко в предначалии брани многия моления ко Спасу и Богородице сотворивый. Радуйся, яко сама Пресвятая Небесная Царице со святыми Апостолами души убиенных воинов на поле брани отпевала. Радуйся, яко Мати Божия их, яко чад своих в свои пречистыя руце принимала. Радуйся, яко полки поганых агарян в три раза числом превосходящих Божиею помощию победивый. Радуйся, малым числом своих воинов, яко малым стадом Христовым сатанинскую силу посрамивый. Радуйся, в надежде на заступничество и ходатайства аввы Сергия преподобнаго не посрамил тя Бог Христос. Радуйся, яко Господь сохрани тя в брани сей живым суща. Радуйся, паки благодарне посетивый преподобнаго игумена и службы по убиенным воином в Троицкой обители со многими слезами совершивый. Радуйся, яко вся силы телесныя во смертном бою истощивый, Духом же Божиим не угасший. Радуйся, и по ныне коегождо лето память творят вси православные русские чада во церквях по всем убиенным воином в субботу Димитриевскую. Радуйся, яко ты сподобился христианскими таинствами пред своею кончиною от рук преподобнаго Сергия приобщитися. Радуйся, святый благоверный великий княже и воеводо Донской Димитрие, православной веры и Святой Руси защитниче.
Кондак 13
О, великий русский воеводо и храбрый воине земный, благоверный княже, избранниче Божий, гражданине небеснаго Царствия вышняго Иерусалима, святый добропобедный Христов страстотерпче Димитрие! Приими от нас ныне возносимыя тебе мольбы и спаси Отечество Российское и Церковь Русскую и люди Божии от ига иноплеменников. Умоли Господа Небесных Сил, да подаст нам силу свыше к погублению врагов видимых и невидимых. Буди ходатай крепкий о славянском народе Божием, да и мы грешные и недостойные потомки Великой Державый твоей вкупе с тобою на земли, яко и на небеси воспоем славу Живоначальней Пресвятой Троице вечно благодарственную песнь: Аллилуиа.
Трижды, затем Икос 1 и Кондак 1
Молитва ко святому благоверному князю Димитрию Донскому
Восхваляя, величаем тя, святе благоверне великий княже Димитрие! Благодарение приносим триединому Богу Отцу, Сыну и Святому Духу, в Троице единосущней сславимому и исповедуемому, яко на небеси и на земли. Восхваляя, ублажаем Пресвятую Богородицу, и паче всего Сына Ея, Господа нашего Иисуса Христа, Подвигоположника и вечно царствующего военноначальника и Победоносца над всеми врагами видимыми и невидимыми, яко издревле изволившему воздвигнути нам от народа русскаго дивно просвященнаго верой Христовою великаго угодника Божиего, славнаго князя Донского Димитрия, зело великаго защитника веры православной и все Святой Руси. Иже велий оный князь Димитрй, бысть нам совершенный образ, како подобает всем сердцем любити Отечество Российское и охраняти Царство Божие на земле, хранить веру Православную и заветы великих святых своих предков. Но паче всего показа нам Господь самоотверженную любовь твою, яже к Богу Спасу Христу и ближним, какая явлена тобою, святый княже Димитрие, на поле брани Куликова побоища, слава коей битвы возсияла в земле Русской, юже славне просвятил державный сродник твой святый великий равноапостольный князь Владимир, ибо оный державный просветитель благовременно, промыслительно и богомудренно изволил крестити славянский народ в веру Божию православную. Не остави нас и ныне, великий и славный княже Донской Димитрие, услыши нас вскоре и помоги сохранити в благочестивой вере Христовой Землю Русскую, научи нас в заповедях Господних ходити и самоотверженною Божиею любовию ближних своих любити. Огради нас мощными молитвами своими от нашествия иноплеменников и пленения иноземных супостат, от их гибельных ересей и расколов, от разорения земли Русской, от глада и греховной нечистоты. Молим тя, избранниче Божий, благоверный княже Димитрие, ибо ты в животе земнаго бытия явился еси миротворцем мудрейшим и собирателем разрозненных и враждующих князей Отечества земли Славянской. На всякое время и час являл свое попечительство и ревность о Божией доброй славе единодержавия Святой Руси. Попекися и ныне о людях Божиих, живущих в землях славянских и пошли им свою небесную помощь и разум Божий созидающий, сплочающий и умножающий Царство Божие в православной стране российской. Всех же разрушителей Отечества Православнаго и всех губителей и растлителей народа русскаго христианскаго низложи, да твоим праведным ратоборством враги Христовые скоротечно приимут позор и погибель на славянской земле. И аще Богу вся невозможная возможно, силою Креста Господня и помощию Богородицы, изгони из Отечества нашего поганых и коварных врагов. Молим тя, святый богоносный княже Димитрие, испроси у Господа Отца Светов и Бога Сына Иисуса Христа, просвещающего весь мир Духом Святым, да снидет на нас свыше Дух Истины, дарующий прозрение российскому народу во тьме и сени смертней лежащему, да возсияет Слава Божия в сынах российских, да приидет полнота познания православной веры и любовь Божия, да совершит нас Христовым совершенством: благочестию навыкнути, страх Божий внутрь сердца стяжати, веру святую и благородство имети, почтения к родителям не оставляти, родителям Божией мудростию обладати, в страхе Божием своих чад сохраняти, воином же в вере православной стояти и Отечество свое охраняти. Подвизающимся на пути Христовом испроси дух ревности богомудренной, не токмо об Отечестве земном, но и о небесном Отечестве ревновати. Молитвами своими, княже Димитрие, наполни сердца малодушных храбростию в ратоборствах с врагами видимыми и невидимыми. Укрепи блюстителей благочестивых и стражей земли Русской, испроси им от Бога имети орлиную зоркость на все козни вражии, всегда хранити верность друг ко другу и нелицеприятие. Православных пастырей подвигни имети попечение и любовь к чадам Христовой Церкви, мирским людям испроси разум Божий и дух смирения быти послушными к учению Евангельскаго душеспасительнаго слова, к учениям Святых Апостолов и поучениям святых отцев Церкви. Святителям боголюбивым пособствуй ограждати им вверенное стадо Христово от различных волков льстивых, приходящих вкрадчиво разделяти, расхищати и соблазняти христианския души, богатых вразуми быти милосердными и милостивыми к бедным и обездоленным, и всем вся нужная даруй молитвами своими, да не погибнут от уныния и отчаяния, старых поддержи, немощных укрепи, болящих исцели, да всяким благополезным твоим ходатайством приобщимся и мы, грешные рабы Божии (имена) к делам веры Христовой и сподобимся стяжати в себе полноту любви Божией, еяже плодами питаемые, последуем за тобою в небесных обителях, светлый княже Димитрие, идеже ты ныне следуеши путями Господа нашего Иисуса Христа, да и мы сподобится оной райской сладости в царстве Бога Христа, и ныне получим утешительный небесный покров Преблагословенной Богородицы, скорой Заступницы всего рода христианскаго, Ея же мольбами и Материнскою любовию чаем улучити и достигнути богоугодно земнаго благоденствия и вечнаго наследия Небеснаго Царствия, идеже ты, святый княже Димитрие, в сонме святых праведников солнцевидно сияеши и в безконечные веки веселишися и огнезрачным ликом Бога Христа Святейшим Светом Его наслаждаешися и насыщаешися, вкупе со всеми угодниками Божиими, воспевая трисвятую песнь Троице Животворящей и Нераздельней, Богу Отцу, Сыну и Святому Духу. Аминь.
Молитва благоверному князю Димитрию Донскому
О, святы́й уго́дниче Бо́жий, пра́ведне Дими́трие! По́двигом до́брым подвиза́вся на земли́, восприя́л еси́ на Небесе́х вене́ц пра́вды, его́же угото́вал есть Госпо́дь всем лю́бящим Его́. Те́мже взира́юще на святы́й твой о́браз, ра́дуемся о пресла́внем сконча́нии жи́тельства твоего́ и чтим святу́ю па́мять твою́. Ты же, предстоя́ Престо́лу Бо́жию, приими́ моле́ния на́ша и ко Всеми́лостивому Бо́гу принеси́, о е́же прости́ти нам вся́кое прегреше́ние и помощи́ нам ста́ти проти́ву ко́знем диа́вольским, да изба́вльшеся от ско́рбей, боле́зней, бед и напа́стей и вся́каго зла, благоче́стно и пра́ведно поживе́м в ны́нешнем ве́це и сподо́бимся предста́тельством твои́м, а́ще и недосто́йни есмы́, ви́дети блага́я на земли́ живы́х, сла́вяще Еди́наго во святы́х Свои́х сла́вимаго Бо́га, Отца́ и Сы́на и Свята́го Ду́ха, ны́не и во ве́ки веко́в. Ами́нь.
Молитва вторая благоверному князю Димитрию Донскому
Во́йска ру́сскаго Христо́ва собира́телю, сла́вне кня́же и воево́до Донской Дими́трие, му́дрый военноначальниче, му́ченическаго со́нма святы́х Христо́вых во́инов предводи́телю, со мно́гими кня́зи, подру́чными слуга́ми и ве́рными дру́гами ду́шу свою́ за ве́ру Святу́ю и Правосла́вное Оте́чество положи́вый, от преподо́бнаго Се́ргия Ра́донежскаго благослове́нный, Богоро́дицею возлю́бленный, моли́ся ко Пресвяте́й Тро́ице, да вси́ Бо́жии во́ины в земле́ росси́йстей меж собо́ю разобще́нныя и ду́хом зло́бы сатанинской разделе́нныя во еди́но ста́до Христо́во со́браны бу́дут, ве́рою правосла́вною и любо́вию Бо́жией дру́г со друго́м сплоченные и тобо́ю водительствуемые, на поля́х духо́вной бра́ни и в битвах земны́х все́х враго́в ненави́дящих Бо́га победить ско́ро и́мут, и сла́ву Свято́й Руси́ умно́жат, благода́ть на зе́млю Ру́сскую привлеку́т, и правосла́вное Ца́рство Бо́жие на свое́й росси́йской земле́ у́зрят; досто́йный пло́д покая́ния о греха́х свои́х принесу́т; и я́ко ве́лий да́р Бо́жий, богопомазанным царе́м в земле́ славянской увенчаны бу́дут; и от сего́ Богоизбра́ннаго Правосла́внаго самодержа́внаго ру́сскаго царя́ благослове́ние прии́мут; и под святи́тельскою его́ вла́сти благоче́стию правосла́вных вернопо́дданных навы́кнут; и́го сатани́нское сокруша́т и чистоту́ ева́нгельскаго све́та всему́ ми́ру явя́т, я́коже и ты́, всечестны́й кня́же Дими́трие, зри́ши ны́не Ца́рство Небе́сное, и стои́ши пред Вели́ким Архиере́ем, Го́сподом и Спа́сом Иису́сом Христо́м, и от всевышней Его́ Бо́жией Бла́гости, ве́руем, я́ко испросить на́м великие ми́лости мо́жеши, да и мы́ при́сно Сла́ву Бо́га Отца́, Бо́га Сы́на и Бо́га Свята́го Ду́ха всегда́ велича́ющии, наипа́че же твое́ свято́е вели́кое княжеское предстоя́ние за Ру́сь Святу́ю, я́ко вели́каго воево́ду в вели́кой битве помина́ем и почита́ем, иде́же сла́ва пра́ведней жи́зни твое́й, кня́же Дими́трие, сия́ет пред все́ми небе́сными А́нгелами и Архангелами, святы́ми челове́ками и гре́шными людьми́, и на́м на земле́ при́сно явля́емая, все́х на́с за ве́ру Христо́ву, Оте́чество и Царя́ до сме́рти стоять вдохновляемая, всегда́, ны́не, при́сно и во ве́ки веко́в. Ами́нь.
Молитва третья благоверному князю Димитрию Донскому
О, святы́й благове́рный вели́кий кня́же Дими́трие! А́ще и не мно́зи бы́ша дни́е земна́го жития́ твоего́, оба́че вели́к жре́бий прия́л еси́ от Соде́теля всех Го́спода, е́же просла́витися в земли́ Росси́йстей и блаже́нство ве́чное на Небесе́х получи́ти. Услы́ши нас, моли́твенниче те́плый, предста́телю наш пред Го́сподем неусы́пный! Во дни ми́ра и в годи́ну нестрое́ний не оста́ви нас попече́нием твои́м, научи́ ны поко́рны бы́ти Боже́ственному Промышле́нию, вся в житии́ на́шем ко бла́гу направля́ющему, оте́чество на́ше моли́твами твои́ми от наше́ствий вра́жиих, раздо́ров и нестрое́ний защити́ и укрепи́ те́плым твои́м предста́тельством. О свя́тче Бо́жий! Моли́, ку́пно со свято́ю супру́жницею и сподви́жницею твое́ю благове́рною княги́нею Евдоки́ею, да зна́менается на нас свет лица́ Бо́жия, и, тем наставля́еми, дости́гнем Ца́рства Пра́вды Христо́вы, несконча́емаго и ве́чнаго. Ами́нь.
Тропарь
глас 3
Вели́ка обре́те в беда́х тя побо́рника земля́ Ру́сская,/ язы́ки побежда́юща./ Я́коже на Дону́ Мама́еву низложи́л еси́ горды́ню,/ на по́двиг сей прия́в благослове́ние преподо́бнаго Се́ргия,/ та́ко, кня́же Дими́трие,/ Христу́ Бо́гу моли́ся,// дарова́ти нам ве́лию ми́лость.
Кондак
глас 2
По́двиги твои́ми, свя́те Дими́трие,/ страну́ на́шу Бог сохрани́,/ да́вый тебе́ си́лу непобеди́мую./ И ны́не, предста́телю кре́пкий,/ соблюда́й моли́твами святы́ми/ град твой Москву́ невреди́м// от всех наве́т вра́жиих.
