Икона Божией Матери «Млекопитательница»: в чем помогает, о чем молятся

Чудо материнства почитается практически в каждой культуре и традиции и, конечно, особенное положение занимает Богоматерь в православной традиции. Вариантов иконописных образов существует огромное количество и каждый имеет какую-то собственную «специализацию». В частности, икона Млекопитательница используется для того, чтобы получить особое благословение на лактацию молока и выполнение других материнских функций.

Дата празднования: 25 января

Особым почтением пользуется икона кормящая Богородица у тех, кто сам непосредственно относится к материнству, то есть у кормящих женщин, а также тех, кто вынашивает ребенка или относительно недавно разрешился от бремени. На изображении предстает сама Дева Мария, которая кормит младенца Христа собственной грудью.

История иконы

Наиболее древняя икона Божией Матери Млекопитательница была создана в далеком пятом веке. После этого образ на протяжении семи веков пребывал в Иерусалиме и после этого отправился на Афон. Там образ хранился до 19 века после чего отправился на территорию Курской области, где был создан специальный храм для молитвы иконе.

На протяжении всей истории образа фиксировались различные факты исцеления и помощи. В частности, из того в чем помогает икона Божией матери Млекопитательница чаще всего отмечают:

выздоровление от гинекологических недугов;
получение беременности;
устранение трудностей при беременности;
прибавка количества молока;
легкие роды.

На ранних вариантах изображались небесные светила, которые указывали наземной мир. В свою очередь фигуры матери и младенца также несли символическое значение, они говорили о духовном питании верующих. Ведь Богородица посылает свою милость всем верующим, хранит и помогает каждому.

LiveInternetLiveInternet

Акaфист пресвятей Владычице нaшей Богородице в чeсть и пaмять явлeния чудотворныя Ея иконы, именyемыя «Млекопитaтельница»

Кондaк 1 Возбрaнной Воеводе Владычице нaшей Богородице, млекопитaтельнице Спаса нaшего, похвaльное пение приносим мы, недостойнии, о явлeнии чудотворныя иконы Твоея, всеблагaя; Ты же, яко имyщая милосeрдие неисчeтное, соблюди и спаси от всяких бед рабы Твоя, с верою и любовию вопиющия Ти: Рaдуйся, благодатная Богородице Дево, млекопитaтельнице Спаса дyш нaших.

Икос 1 Архaнгел Гавриил послан бысть к Тебе, Богородице, благовестити нетленное рождение от Тебе Бога Слова, иже и рече Тебе со стрaхом и любовию: «Рaдуйся, благодатная, Господь с Тобою!», емyже подражaюще и мы, смирeннии, дерзaем вопити к Тебе таковaя: Рaдуйся, человеков спасeние; Рaдуйся, пророчих глагол исполнeние. Рaдуйся, средостение вражды дрeвния разрушившая; Рaдуйся, вочеловечению единаго от Троицы непорочно послужившая. Рaдуйся, Творца небесе и земли воплотившая; Рaдуйся, питaтеля вселeнныя млекопитaвшая. Рaдуйся, чудесы божеcтвенными просиявшая; Радуйся, знамения силою Сына Твоего сотворшая. Рaдуйся, мира горняго утешeние; Рaдуйся, мира дольнаго заступлeние. Рaдуйся, благодатная Богородице Дево, млекопитaтельнице Спаса дyш нaших.

Кондaк 2 Видяще Тя на иконе Твоeй святей, Богомати Владычице, Богомладенца Христа на рукaх Твоих держaщую и от сосцу Твоею Его млекопитaющую, умиляемся душaми нaшими и, благоговейно покланяющеся Тебе и рождшемуся от Тебе Господу, рaбски Ему вопиeм: Аллилуия.

Икос 2 Рaзум человеческий превосходит вeлие тaинство воплощeния от Тебе, Богородице, единаго от Троицы, Христа жизнодaвца, Егоже ни ангели небеcнии постигнути могут; мы же, земнии и пeрстнии, непостижимому дивящеся и крaйнее снисхождeние Владычне прославляюще, Тебе, служительнице тaинства и млекопитaтельнице Жизни нaшея, благоумилeнно глаголем: Рaдуйся, Иоакима и Анны прозябeние святое; Рaдуйся неплодныя утробы плод богодаровaнный. Рaдуйся, в зачaтии Твоeм чудесы прославлeнная; Рaдуйся, в рождeнии Твоeм благодатию Божиею осенeнная. Рaдуйся, в благовещении Твоeм смирeние святое показaвшая; Рaдуйся, девство и мaтерство пречyдно в себе сочетaвшая. Рaдуйся, Спасителя миру нетленно рождшая; Рaдуйся, яко младенца Его млекопитaвшая. Рaдуйся, вeлие вселeнныя чyдо; Рaдуйся, непостижимая разумению тaйно. Рaдуйся, Божеcтва кивоте освящeнный; Рaдуйся, святaя, святых большая. Рaдуйся, благодатная Богородице Дево, млекопитaтельнице Спаса дyш нaших.

Кондaк 3 Сила вышняго осени Тя, Марие Богоневестная, и Дух Святый нaйде на Тя с благовещением архaнгеловым, емyже смиренномyдренно внeмлющи, зачала еси во утробе Твоeй предвечнаго Бога и явилася еси палaта преукрашeнная воплотившагося Слова, Емyже, яко Творцу и Создaтелю нaшему, брeнными усты вопиeм: Аллилуия.

Икос 3 Имyщи любовь вeлию к людем, искуплeнным чеcтною кровию Сына Твоего и Бога, Владычице преблагaя, прияла еси от Него влaсть строити и покрывaти род христиaнский, емyже во утешeние и цельбу икону Твою святyю милостиво даровaла еси, чудeс благодатию прослaвленную во вселeнней. О сeм убо благодаряще Тя, яко благодетельницу нaшу, сице Тебе зовeм: Рaдуйся, звездо пресветлая, являющая нaм Солнце прaвды; Рaдуйся, одеянная в боголепную ризу милоcердия и щедрот. Рaдуйся, приeмшая влaсть превышши всякия влaсти; Рaдуйся, получившая вeлие дерзновeние к Сыну Твоему и Богу. Рaдуйся, выну ходaтайствующая пред Ним за род христиaнский; Рaдуйся, присно умоляющая Его за людская согрешения. Рaдуйся, скорая нaша помощнице; Рaдуйся, милоcтивая нaша застyпнице. Рaдуйся, грешных спорyчнице; Рaдуйся, бедствующих избaвительнице. Рaдуйся, отрaдо нaша пресвятaя; Рaдуйся, надeждо нaша всеблагaя. Рaдуйся, благодатная Богородице Дево, млекопитaтельнице Спаса дyш нaших.

Кондaк 4 Бyрею недоумения и рaдости содержим, первосвятитель сeрбский Сaвва благоговейно прият чудотворную икону Твою «Млекопитaтельницу», Богородице Дево, от рyк преподобных отцев великия лaвры великаго во отцех Сaввы Освящeннаго, по егоже завету икона сия от них ныне ему даровaся, и благодaрно слaвляше сей многопетое имя Твое, зовя рождшемуся от Тебе Христу Богу: Аллилуия.

Икос 4 Слышавше иноцы святыя горы Афонския, яко чудотворная икона Твоя «Млекопитaтельница», Богородице Владычице, от Иерусалима к ним грядeт, с рaдостию и благоговением текоша в сретение ея и, узревше ю, рукaма святителя Сaввы носимую, усeрдно ей поклоняхуся и с весeлием духовным сице Тебе вопияху: Рaдуйся, рaдосте нaша святaя; Рaдуйся утешительнице нaша благaя. Рaдуйся, гору Афонскую в жрeбий Себе избрaвшая; Рaдуйся, иконы Твоя чудотворныя в нeй умножившая. Рaдуйся, от Иерусалима утешeние нaм в иконе Твоeй ниспослaвшая; Рaдуйся, оною обитель хилендaрскую облагодетельствовавшая. Рaдуйся, стрaнствия нaшего тихое прибежище; Рaдуйся, спасeния нaшего небyрное пристaнище. Рaдуйся, иноков покровительнице; Рaдуйся, пустынножителей посетительнице. Рaдуйся, отшeльников собеседнице; Рaдуйся, затворников укрепительнице. Рaдуйся, благодатная Богородице Дево, млекопитaтельнице Спаса дyш нaших.

Кондaк 5 Боготeчная звезда икона Твоя святaя, Богомaти пречиcтая, от Иерусалима на Афон пренесeнная святителем Сaввою, в типикaрнице пустынней от него постaвлена бысть, в нeйже и доныне пребывaет, и исцеления недужным источaет, подвизaющи верных слaвити Тя и пети прослaвльшему Тя Богу: Аллилуия.

Икос 5 Видяще, Владычице, зде на земли святyю икону Твою, исцелeний струи точaщую, познaем величие и всемогyщество Твое на небеси и к славословию милоcтей и чудeс Твоих возбуждaемся, моляще усeрдно, да, якоже ныне Тя зрим на иконе, тaко да узрим Тя по смeрти в Сионе горнем, мaтерски на нaс взирaющу и милости Твоея не лишaющу, и тaко Тебе да поeм: Рaдуйся Сиона горняго первейшее украшeние; Рaдуйся живyщих долу благонадeжное заступлeние. Рaдуйся, дев непорочных присное величaние; Рaдуйся, матрей детородящих нетрyдное разрешeние. Рaдуйся, вдов попечительнице; Рaдуйся, сирот окормительнице. Рaдуйся, нищих призрение; Рaдуйся, болящих исцелeние. Рaдуйся, заблyдших путеводительнице; Рaдуйся, юных к целомyдрию настaвнице. Рaдуйся, немyдрых вразумительнице; Рaдуйся, даров благодатных независтная подaтельнице. Рaдуйся, благодатная Богородице Дево, млекопитaтельнице Спаса дyш нaших.

Кондaк 6 Проповедует милости и чудеса Твоя Святоафонская обитель святaго пророка Илии, стяжaвши икону Твою чудотворную, «Млекопитaтельница» именyемую, Богородице всеблагaя, от неяже исцелeний множество излияся и помощь Твоя благодатная подаeтся всем трeбующим, верно вопиющим Сыну Твоему Христу Богу: Аллилуия.

Икос 6 Воссияла еси лучaми предивных чудeс, Богородице Дево, от иконы Твоея святыя не токмо в обители Свято-Илиинстей на Афоне, но и в России, в нюже пренесeся сия от благоговейнаго инока Игнaтия на благyю потрeбу обители его святыя и множество исцелeний источи недужным, о нихже благодаряще Тя, целительницу благyю, хвалeбно Тебе зовeм: Рaдуйся, от горних высот всех нaс мaтернею любовию Твоeю назирaющая; Рaдуйся, юдоль земнyю многоскорбную благодеянии Твоими посещaющая. Рaдуйся, стaрца смирeннаго и бескнижнаго к прославлeнию иконы Твоея святыя избрaвшая; Рaдуйся, чрез него многия милоcти Твоя людем проявишая. Рaдуйся, не токмо на Афоне, но и в России чудесы икону Твою прослaвльшая; Рaдуйся, немaло врeмя тaмо иконе Твоeй пребыти благоволившая. Рaдуйся, в сиротстве от нея обитель Твою не остaвльшая; Рaдуйся, икону Твою в ню милостивно возвратившая. Рaдуйся, лицезрением чудотворнаго образа Твоего доныне нaс утешaющая; Рaдуйся, его святым осенeнием от всяких бед нaс спасaющая. Рaдуйся, Церкве Христовы сияющая лепото; Рaдуйся, христиaн правослaвных крепкое уповaние. Рaдуйся, благодатная Богородице Дево, млекопитaтельнице Спаса дyш нaших.

Кондaк 7 Хотящим нaм, Владычице, благоговейно лобызaти чудотворный образ Твой, не возбрани нaм сие грехов рaди нaших, всеблагaя, но сице и недостойных с любовию приими и благослови и вся прошения наша в благо исполни; вемы бо, Царице, милоcердие Твое неисчeтное, и сего рaди со уповaнием благим к Тебе припaдаем и, слaвяще чудеса Твоя, поeм Богу: Аллилуия.

Икос 7 Дивно прослaвила еси чудесы икону Твою, «Млекопитaтельница» именyемую, Богородице Дево, на нeйже доброту Твою девственную созерцaюще и рукaма Твоима держимаго, краснейшаго пaче сынов человеческих, Богомладенца Иисуса видяще, на славословие Твое подвизаемся и сице Тебе зовeм: Рaдуйся, девства цвете неувядaемый; Рaдуйся, мaтерей похвало и слaво; Рaдуйся, мироположнице благоухaния Христова; Рaдуйся, алавaстре врачевaния, на всяк недyг врачевство содержaй; Рaдуйся, светоносная палaто святейшаго Слова; Рaдуйся, преукрашeнная ложнице Царя царeй. Рaдуйся, горо святaя, снитием Божиим прослaвленная; Рaдуйся, всезлатaя стaмно мaнны божественныя. Рaдуйся, клеще тaинственная; Рaдуйся, купино неопалимая. Рaдуйся, глубино неудобозримая; Рaдуйся, невесто неневестная. Рaдуйся, благодатная Богородице Дево, млекопитaтельнице Спаса дyш нaших.

Кондaк 8 Стрaнствие нaше земное, многоскорбное и многомятeжное, услаждaеши нaм, Владычице, иконою Твоeю святою, на нюже взирaюще с верою и любовию, уверяемся, яко имамы Тя на небеси матерь и покровительницу всеблагyю, присно готовую помогaти нaм в жизни, в смeрти и по смeрти; о сeм убо рaдующеся и благодаряще Тя от глубины души, вопиeм Создaтелю нaшему: Аллилуия.

Икос 8 Вeсь мир христиaнский слaвит преблагоcловeнное имя Твое, Марие Богородице, и всякому верному слaдостно и утешительно есть взирaти на пречиcтую Твою икону, от неяже обыкла еси являти многия милоcти и чудеса бедствующим и болящим человеком. Сего рaди и мы, смирeннии, чудотворному образу Твоему благоговейно покланяемся, Владычице всеблагaя, и с любовию сице Тебе зовeм: Рaдуйся, святостию херувимы превыщaющая; Радуйся, чистотою серафимы превосходящая. Радуйся, яко горняя и дольняя поют рождеству Твоему немолчныя хвалы. Рaдуйся, яко небо и зeмлю воедино совокyпила еси. Рaдуйся, кaющихся грешников с Богом примирeние; Рaдуйся, рaйских двeрей отверзeние. Рaдуйся, хлеба, сшeдшаго с небeс, трапeзо пресвятaя; Рaдуйся, ниво неорaнная, клaс спасительный миру израстившая. Рaдуйся, лозо благоcловeнная, грозд святый плодопринeсшая; Рaдуйся, чaше драгaя, в нeйже нaс рaди уготовася плоть и кровь Христова. Рaдуйся, источниче божеcтвенный, воду жизни нaм источивый; Радуйся, облаче легкий, имже к нам Сын Божий прииде. Рaдуйся, благодатная Богородице Дево, млекопитaтельнице Спаса дyш нaших.

Кондaк 9 Всяку похвалу превосходит слaва Твоя, преблагоcловeнная и препрослaвленная Мaти Господа нaшего; недоумеют и умове бесплотнии пети Тя по достоянию, пaче же нaм, земным и перстным сие неудобно есть; но, любовию Твоeю побеждaеми, дерзaем приносити Тебе смирeнное пение, хвалы и благодарения за премногую милоcть Твою к роду человеческому, егоже возлюбила еси и емyже благотворити не престаeши, всеблагaя, и сим подвизaеши нaс благодaрно пети Богу: Аллилуия.

Икос 9 Витии суемyдрии человечестии не могут постигнути вeлию тaйну Твоего приснодевства, Богородице: кaко в рождеcтве и по рождеcтве Дева пребыла еси? Утаи бо сие Господь от премудрых мира и верою откры смиренным, трепeщущим словeс Его, от нихже правослaвно и несумненно Приснодева быти проповедуешися. Приими убо о сeм и нaше исповедание вседушeвное, о Мати и Дево, и укрепи нaс последовати Тебе непорочным житиeм и сердeчною чcтотою, да возможем неосуждeнно пети Тебе: Рaдуйся, святых обителей покрове и снабдение; Рaдуйся, иноков и инокинь благое вразумлeние. Рaдуйся, ревнyющим о целомyдрии и чистоте присная покровительнице; Рaдуйся, девственных полков святaя предводительнице. Рaдуйся, едина непорочная и добрая в женaх; Рaдуйся, нетленная и неискусобрaчная агнца и пaстыря Мати. Рaдуйся, о Тебе бо рaдуется ангельский собор; Рaдуйся, о Тебе бо торжествyет человеческий род. Рaдуйся, в ложеснaх Твоих Бога нетесно вместившая; Рaдуйся, сего яко младенца млекопитaвшая. Рaдуйся, обителе прекрaсная Духа Святaго; Рaдуйся, таиннице Престыя и Единосyщныя Троицы. Рaдуйся, благодатная Богородице Дево, млекопитaтельнице Спаса дyш нaших.

Кондaк 10 Спасительное прибежище в скорбех и бедaх являешися христоименитым людем, Богородице Дево, и иконою Твоeю святою утешeние и помощь нaм подаeши яко Мaти всеблагaго Бога. Темже поeм чудеса Твоя и слaвим неисчeтную милость Твою к христиaнскому роду, зовyще о Тебе благих подaтелю Господу: Аллилуия.

Икос 10 Стена еси девам, Богородице Дево, и иноческим собором, Тобою хвaлящимся и на Тя по Бозе все уповaние спасeния возлагaющим, икону же Твою святyю благоговейно чествyющим, Тебе бо даровaся от Господа благодать всемирнаго заступлeния и верных в девстве и чистоте утверждeния. Темже иноческаго жития рачителие под мaтерний Твой покров от бyри страстeй прибегaют и благотишие душeвное обретaют, верно к Тебе взывaюще: Рaдуйся, преподобных трудом ходaтаице блажeннаго упокоeния; Рaдуйся, иноком благоподвизaющимся подaтельнице вечнаго рaдования. Рaдуйся, в тaйне Богу работающих тaйное награждeние; Рaдуйся, юношей и дев к святому девственному житию приведeние. Рaдуйся, неверных в веру чудесы Твоими обращaющая; Радуйся, верных благодатными дары ущедряющая. Рaдуйся, всяк возраст матерняго благопопечeния Твоего сподобляющая; Радуйся, коемуждо по его потребе вся благоподавающая. Рaдуйся, благочестивых домов и семeйств благоcловeние; Рaдуйся, враждyющих любвеoбильное примирeние. Рaдуйся, обидимых и гонимых присно готовое заступлeние; Рaдуйся, обидящих всегрозное обличeние; Рaдуйся, благодатная Богородице Дево, млекопитaтельнице Спаса дyш нaших.

Кондaк 11 Пение хвалeбное приносим Ти, всепетая Владычице, о явлeнии чудотворныя Твоея иконы и светло прaзднуем прaздник Твой всечеcтный, возвещaюще милоcти Твоя и чудеса, имиже обогатися вся вселeнная. Ты же, всеблагaя, сама научи нaс благоприятно слaвити Тя, да не явимся пред Тобою безответны и изженeмся от пречистаго лица Твоего яко недостойнии, но да прослaвим Тя с достойными, зовyще Богу: Аллилуия.

Икос 11 Светлыми лучaми чудeс Твоих, Богородице Владычице, благодатно озаряеши мрaк греховный, нaс обдержaщий, и на стезю спасeния приводиши блуждaющих в дeбрех страстeй. Молим убо Тя, всеблагaя, приведи нaс к тихому пристaнищу благочестиваго и богоугоднаго жития, да в мире глубоце принесeм Ти песни таковыя: Рaдуйся, величием чудeс Твоих превосходящая рaзум человеческий; Рaдуйся, сиянием слaвы Твоея удивляющая умы ангельския. Рaдуйся, низлагaющая бесов и всю их тeмную силу; Рaдуйся, подвижников благочeстия укрепляющая в брaни духовной со враги невидимыми. Рaдуйся, в чaс кончины помогaющая любовь и веру к Тебе имyщим; Рaдуйся, на мытарствах воздyшных заступaющая Тя слaвящих. Рaдуйся, Судии прaведнаго известное умолeние; Рaдуйся, стяжaвшая к нему матернее дерзновeние. Рaдуйся, при кресте Сына Твоего всех нaс усыновившая; Рaдуйся, благочeстно верующим в Него мaти по благодати явльшаяся. Рaдуйся, от востока и до зaпада непрестaнно слaвимая; Рaдуйся, от ангел и человек превозносимая. Рaдуйся, благодатная Богородице Дево, млекопитaтельнице Спаса дyш нaших.

Кондaк 12 Благодать и милоcть испроси нaм, всеблагоcловeнная Владычице, у Сына Твоего Христа Бога и, простeрши к Нему богоприемныя рyце Твои, умоли Его вся ны спасти и избaвити от погибели вечныя – много бо может молитва Твоя матерняя ко благосeрдию Владыки и ничтоже невозможно всесильному пред Ним ходaтайству Твоему, о нeмже рaдующеся, поeм триединому Богу: Аллилуия.

Икос 12 Поюще преславная чудеса Твоя, Богородице Дево, от иконы Твоея святыя явленная и присно являемая, хвaлим, слaвим и величaем Тя, возвеличившую род нaш непорочною Твою чистотою; Ты же, всеблагaя, освяти и спаси слaвящия Тя и сподоби нaс причaстники быти слaвы небeсныя, да рaдостно Тебе взывaем; Рaдуйся, голубице кроткая и незлобивая; Рaдуйся, Мати чадолюбивая. Рaдуйся, агнице, Агнца Божия во чрeве Твоeм упaсшая; Рaдуйся, от сосцу Твоею Его млекопитaвшая. Рaдуйся, пророческая светлая похвало; Рaдуйся, апостольская нетленная слaво. Рaдуйся, мучеников укреплeние; Рaдуйся, святителей утешeние. Рaдуйся, преподобных пречеcтный венче; Рaдуйся, праведных непрестающее удивлeние. Рaдуйся, всех святых присное рaдование; Рaдуйся, христиaн непостыдное прибежище. Рaдуйся, благодатная Богородице Дево, млекопитaтельнице Спаса дyш нaших.

Кондaк 13 О всепетая Мaти и млекопитaтельнице святых святейшаго Слова! Нынешнее нaше приeмши хвалeбное пение, пред святою Твоeю иконою днeсь приносимое, от всякия свободи мyки всех верно Тя слaвящих и вопиющих Сыну Твоему, Христу Богу: Аллилуия. Этот Кондак читается трижды, затем 1-й Икос и 1-й Кондак.

Молитва 1 О пречистая и преблагоcловeнная Мати Господа нaшего Иисуса Христа, пресвятaя Дево Богородице Марие, нетленно рождшая и млекопитaвшая Спаcителя дyш нaших, спасeния рaди нaшего во объятиих Твоих носитися и от сосцу Твоею питaтися изволившаго! К Тебе, яко многомощней предстaтельнице и благоприятней к Нему молитвеннице, прибегaем мы, грешнии и недостойнии, и, припaдающе к чудотворней иконе Твоeй, усeрдно молимся: моли благость Его, яко да отвратит от нaс гнев за бесчисленная прегрешения наша, обратит нaс на пyть покаяния и спасeния. Огради молитвами Твоими в мире живот нaш, и во всeм благом благое поспешeние испроси, вся яже к животу и благочeстию потребная нaм дaрующи. Избaви нaс от всяких напaстей и бед и напрaсныя смeрти предстaтельством Твоим святым и от всех враг видимых и невидимых защити. Сохрани в мире, здрaвии и долгодeнствии держaву нaшу и всeй стране нaшей бyди оплот твeрд и укреплeн, яко да тихое и безмолвное житие поживeм во всяком благочeстии и чистоте и, тaко в мире врeменное сие житие прешeдше, в вечный достигнем покой, идеже да сподобимся небеcнаго царствия Христа Бога, слaвяще Его со Отцeм и Святым Духом во веки веков. Аминь.

Молитва 2, о иночествующих во обители О преблагaя и всещeдрая Мати Богородице Дево, млекопитaтельнице сладчaйшаго и прелюбeзнаго Господа Иисуса! Услыши нaс, грешных, молящихся Тебе пред святою и чудотворною иконою Твоeю, и множества рaди грехов нaших не отыми покрова Твоего святaго от обители, в нeйже знaменьми и чудесы прослaвися святaя сия и чудотворная икона Твоя, но соблюди ю твeрду и непоколeблему от всех враг видимых и невидимых и от всех напaстей и бед невредиму сохрани. Бyди помощница благaя всем благочeстно живyщим и добре труждaющимся в нeй, и избaви нaс от недyгов и глaда, от потопа и огня, от напрaсныя смeрти и смертоносныя язвы, и от всякаго зла. Отжени от нaс мысленнаго волка губителя, ищуща пожрaти и во ад свести дyши нaша, огради нaс от искушeний и соблaзнов мирских и от развлечeний сyетных и душеврeдных. Утверди сердца наша в смирeнии, кротости, послушaнии, безмолвии, воздержaнии, терпении, непамятозлобии и любви, яже о Христе Иисусе, Господе нaшем, и во всяцем деле блaзе и подвизех иноческих укрепи. Упаси убо, всеблагaя, стaдо Твое на пaжитех Христовых зaповедей, и вся словесныя овцы Христовы, во дворе Твоeм собранныя, сохрани целы и невредимы от искушeний врaжиих, яко да, благочeстно поживше в обители Твоeй на земли, с миром отыдем во обители небеcнаго царствия, идеже сонми прaведных и святых кyпно с Тобою непрестaнно слaвят пресвятое и благоcловeнное имя Отца и Сына и Святaго Духа во веки веков. Аминь.

Разные традиции

Нужно сказать, значение иконы Богородицы Млекопитательница особым образом отмечалось не только в православии, католичество тоже активно использовало этот сюжет. Даже, если со временем в православии такая композиция стала по большей части нетипичным и «узкоспециализированным» вариантом, то в католичестве Мадонна с младенцем стала распространенным образом.

Как известно, в католичестве изображения носят более художественный характер, они представляют собой фактически картины, только на религиозную тематику. Поэтому художникам тут предоставлялась возможность использовать множество эффектных приемов. В частности, в сюжете Млекопитательница икона Божией матери есть возможность работать с тонкими деталями лица Марии, подчеркивать различные эмоции, создавать удивительный образ непорочного материнства.

Многие художники, к примеру, Леонардо да Винчи создавали подобные образы. Однако после 16 века эта художественная традиция прервалась, так как католики создали запрет об изображении обнаженных тел, частью этого запрета стало и изображение Девы Марии, кормящей младенца.

Акафист Пресвятой Богородице пред иконой «Млекопитательница»

А҆ка́ѳїстъ прест҃ѣ́й бцⷣѣ въ че́сть є҆ѧ̀ і҆кѡ́ны, и҆менꙋ́емыѧ млекопита́тельница.

Конда́къ а҃.

Взбра́нной воево́дѣ, влⷣчцѣ на́шей бцⷣѣ, похва̑льнаѧ пѣ̑нїѧ прино́симъ тѝ рабѝ твоѝ ѡ҆ ꙗ҆вле́нїи чꙋдотво́рныѧ і҆кѡ́ны твоеѧ̀. Ты́ же ꙗ҆́кѡ и҆мꙋ́щаѧ млⷭ҇рдїе неизрече́нное, соблюдѝ и҆ сп҃сѝ ѿ всѧ́кихъ бѣ́дъ рабы̑ твоѧ̑, съ вѣ́рою и҆ любо́вїю вопїю́щыѧ тѝ:

Ра́дꙋйсѧ, бцⷣе дв҃о, млⷭ҇тїю твое́ю при́снѡ на́съ пита́ющаѧ.

І҆́косъ а҃.

А҆рха́гг҃лъ гаврїи́лъ съ нб҃сѐ прїи́де къ тебѣ̀, бцⷣе, бл҃говѣсти́ти непостижи́мое рожде́нїе ѿ тебє̀ бг҃а сло́ва, и҆ речѐ: ра́дꙋйсѧ, бл҃года́тнаѧ, гдⷭ҇ь съ тобо́ю. Тѣ́мже и҆ мы̀ смире́ннїи дерза́емъ вопи́ти къ тебѣ̀ си́це:

Ра́дꙋйсѧ, а҆́гг҃лѡвъ ра́досте: ра́дꙋйсѧ, человѣ́кѡвъ сп҃се́нїе.

Ра́дꙋйсѧ, па́дшагѡ мі́ра ѡ҆бновле́нїе: ра́дꙋйсѧ, средостѣ́нїѧ вражды̀ разрꙋше́нїе.

Ра́дꙋйсѧ, прⷪ҇ро́ческихъ глагѡ́лъ и҆сполне́нїе: ра́дꙋйсѧ, зако́на дре́внѧгѡ премѣне́нїе.

Ра́дꙋйсѧ, а҆́гнца и҆ па́стырѧ во чре́вѣ твое́мъ ᲂу҆па́сшаѧ: ра́дꙋйсѧ, творца̀ нб҃сѐ и҆ землѝ пло́тїю ро́ждшаѧ.

Ра́дꙋйсѧ, пита́телѧ вселе́нныѧ млекопита́вшаѧ: ра́дꙋйсѧ, млеко́мъ бг҃опозна́нїѧ вѣ́рныхъ пита́тельнице.

Ра́дꙋйсѧ, пови́вшаѧ повива́ющаго не́бо ѻ҆́блаки: ра́дꙋйсѧ, дла́ньма носѧ́щаѧ на херꙋві́мѣхъ носи́маго.

Ра́дꙋйсѧ, бцⷣе дв҃о, млⷭ҇тїю твое́ю при́снѡ на́съ пита́ющаѧ.

Конда́къ в҃.

Ви́дѧ і҆ѡ́сифъ цѣломꙋ́дренный чⷭ҇тꙋю дв҃ꙋ непра́зднꙋ сꙋ́щꙋ, восхотѣ̀ та́й пꙋсти́ти ю҆̀: ᲂу҆вѣ́дѣвъ же во чре́вѣ и҆мꙋ́щꙋ ѿ дх҃а ст҃а, ᲂу҆диви́сѧ непостижи́мѣй та́йнѣ воплоще́нїѧ, и҆ до конца̀ вѣ́ренъ храни́тель чⷭ҇тоты̀ є҆ѧ̀ пребы́сть: мы́ же грѣ́шнїи, сла́вѧще є҆́же ѡ҆ на́съ гдⷭ҇не смотре́нїе, во ᲂу҆миле́нїи серде́цъ на́шихъ бл҃гоговѣ́йнѡ покланѧ́емсѧ тѝ, дв҃о чⷭ҇таѧ, вопїю́ще ро́ждшемꙋсѧ ѿ тебє̀ бг҃ꙋ: А҆ллилꙋ́їа.

І҆́косъ в҃.

Ра́зꙋмъ человѣ́ческїй недоразꙋмѣва́етъ пости́гнꙋти ве́лїе та́инство воплоще́нїѧ ѿ тебє̀, пречⷭ҇таѧ, хрⷭ҇та̀ бг҃а на́шегѡ, и҆ а҆́гг҃ли нбⷭ҇нїи недоꙋмѣ́ннѡ дивѧ́тсѧ, ка́кѡ на́съ ра́ди человѣ̑къ, влⷣки хрⷭ҇та̀ съ нб҃сѐ на зе́млю низхожде́нїе и҆ ѿ дв҃ы воплоще́нїе бы́сть, мы́ же земноро́днїи, тебѣ̀ бл҃годаре́нїе приносѧ́ще, ра́достнѡ глаго́лемъ:

Ра́дꙋйсѧ, првⷣныхъ і҆ѡакі́ма и҆ а҆́нны ст҃о́е прозѧбе́нїе: ра́дꙋйсѧ, непло́дныѧ ᲂу҆тро́бы пло́дъ бл҃гослове́нный.

Ра́дꙋйсѧ, въ зача́тїи твое́мъ чꙋде́снѣмъ просла́вленнаѧ: ра́дꙋйсѧ, въ рожде́нїи твое́мъ бл҃года́тїю бж҃їею ѡ҆сѣне́ннаѧ.

Ра́дꙋйсѧ, бл҃говѣ́щенїе а҆рха́гг҃лово во смире́нїи ра́достнѡ прїе́мшаѧ: ра́дꙋйсѧ, двⷭ҇тво и҆ дѣторожде́нїе пречꙋ́днѡ въ себѣ̀ сочета́вшаѧ.

Ра́дꙋйсѧ, сп҃си́телѧ мі́ра нетлѣ́ннѡ ро́ждшаѧ: ра́дꙋйсѧ, дв҃о пренепоро́чнаѧ и҆ бцⷣе пречⷭ҇таѧ.

Ра́дꙋйсѧ, бг҃а ꙗ҆́кѡ ѻ҆троча̀ мла́до па́стырємъ ꙗ҆ви́вшаѧ: ра́дꙋйсѧ, влⷣкꙋ, ꙗ҆́кѡ пе́рвенца, првⷣномꙋ сѷмеѡ́нꙋ прине́сшаѧ.

Ра́дꙋйсѧ, кївѡ́тѣ бжⷭ҇тва̀ ѡ҆сщ҃е́нный: ра́дꙋйсѧ, вмѣсти́лище бжⷭ҇твенныхъ ѿкрове́нїй.

Ра́дꙋйсѧ, бцⷣе дв҃о, млⷭ҇тїю твое́ю при́снѡ на́съ пита́ющаѧ.

Конда́къ г҃.

Си́ла вы́шнѧгѡ ѡ҆сѣни́ тѧ, мр҃і́е бг҃оневѣ́стнаѧ, и҆ дх҃ъ ст҃ы́й на́йде на тѧ̀ по бл҃говѣ́стїю а҆рха́гг҃ловꙋ. Тѣ́мже бл҃года́тїю ст҃а́гѡ дх҃а ѡ҆сѣнѧ́ема, зачала̀ є҆сѝ во ᲂу҆тро́бѣ твое́й и҆ ꙗ҆ви́ласѧ є҆сѝ ѡ҆дꙋшевле́нный кївѡ́тъ сло́ва воплоще́ннагѡ, є҆мꙋ́же прера́достнѡ вопїе́мъ: А҆ллилꙋ́їа.

І҆́косъ г҃.

И҆мꙋ́щи любо́вь къ человѣ́кѡмъ, и҆скꙋпле́ннымъ кро́вїю сн҃а твоегѡ̀, пребл҃га́ѧ влⷣчце, прїѧ́ла є҆сѝ ѿ бг҃а бл҃года́ть покрыва́ти ро́дъ хрⷭ҇тїа́нскїй, є҆мꙋ́же въ ᲂу҆тѣше́нїе і҆кѡ́нꙋ твою̀ сїю̀ ст҃ꙋ́ю, чꙋде́съ бл҃года́тїю просла́вленнꙋю, млⷭ҇тивнѡ дарова́ла є҆сѝ. Тѣ́мже бл҃года́рственнѡ вопїе́мъ тѝ:

Ра́дꙋйсѧ, пресвѣ́тлаѧ ѕвѣздо̀, ꙗ҆влѧ́ющаѧ мі́рови сл҃нце пра́вды: ра́дꙋйсѧ, пресла́внаѧ пала́то, въ ню́же всели́сѧ хрⷭ҇то́съ.

Ра́дꙋйсѧ, ѿ всѣ́хъ родѡ́въ ᲂу҆бл҃жа́емаѧ: ра́дꙋйсѧ, ве́лїе дерзнове́нїе къ сн҃ꙋ твоемꙋ̀ и҆ бг҃ꙋ стѧжа́вшаѧ.

Ра́дꙋйсѧ, вы́нꙋ хода́тайствꙋющаѧ пред̾ ни́мъ за ро́дъ хрⷭ҇тїа́нскїй: ра́дꙋйсѧ, при́снѡ ᲂу҆молѧ́ющаѧ є҆гѡ̀ за лю́ди согрѣши́вшыѧ.

Ра́дꙋйсѧ, ско́раѧ на́ша помо́щнице: ра́дꙋйсѧ, млⷭ҇тиваѧ на́ша застꙋ́пнице.

Ра́дꙋйсѧ, грѣ́шникѡвъ ка́ющихсѧ спорꙋ́чнице: ра́дꙋйсѧ, сꙋ́щихъ въ ско́рбехъ и҆ напа́стехъ и҆зба́вительнице.

Ра́дꙋйсѧ, тве́рдое на́ше ѡ҆гражде́нїе ѿ находѧ́щихъ на ны̀ ѡ҆ѕлобле́нїй: ра́дꙋйсѧ, непосты́днаѧ на́ша наде́ждо.

Ра́дꙋйсѧ, бцⷣе дв҃о, млⷭ҇тїю твое́ю при́снѡ на́съ пита́ющаѧ.

Конда́къ д҃.

Бꙋ́рное мо́ре преплы́въ, са́вва ст҃ы́й, се́рбскїѧ цр҃кве первост҃и́тель, за́повѣдь и҆спо́лнь вели́кагѡ са́ввы ѡ҆сщ҃е́ннагѡ, прїѧ̀ бл҃гоговѣ́йнѡ чꙋдотво́рнꙋю і҆кѡ́нꙋ твою̀, млекопита́тельнице, ѿ рꙋ́къ прпⷣбныхъ ѻ҆тє́цъ ла́ѵры є҆гѡ̀ и҆ ра́достнѡ возопѝ къ носи́момꙋ на рꙋка́хъ твои́хъ сн҃ꙋ бж҃їю: А҆ллилꙋ́їа.

І҆́косъ д҃.

Слы́шавше и҆́ноцы ст҃ы́ѧ горы̀ а҆ѳѡ́нскїѧ, ꙗ҆́кѡ чтⷭ҇на́ѧ і҆кѡ́на твоѧ̀, бцⷣе, ѿ і҆ерⷭ҇ли́ма къ ни́мъ грѧде́тъ, съ ра́достїю и҆зыдо́ша въ срѣ́тенїе є҆ѧ̀, и҆ ᲂу҆зрѣ́вше ю҆̀, рꙋка́ма ст҃и́телѧ са́ввы носи́мꙋю, бл҃гоговѣ́йнѡ поклони́шасѧ и҆ съ весе́лїемъ си́це тебѣ̀ вопїѧ́хꙋ:

Ра́дꙋйсѧ, ꙗ҆влѧ́ющаѧ на́мъ ди́вное застꙋпле́нїе: ра́дꙋйсѧ, сладча́йшее дꙋ́шъ на́шихъ ᲂу҆тѣше́нїе.

Ра́дꙋйсѧ, го́рꙋ а҆ѳѡ́нскꙋю бл҃года́тнымъ покро́вомъ ѡ҆сѣни́вшаѧ: ра́дꙋйсѧ, і҆кѡ̑ны твоѧ̑ чꙋдотвѡ́рныѧ въ не́й ᲂу҆мно́жившаѧ.

Ра́дꙋйсѧ, ѿ і҆ерⷭ҇ли́ма прише́ствїемъ твои́мъ но́вое зна́менїе млⷭ҇ти твоеѧ̀ на́мъ ꙗ҆ви́вшаѧ: ра́дꙋйсѧ, і҆кѡ́ною твое́ю насе́льникѡвъ ст҃ы́ѧ горы̀

бл҃года́тнѡ ѡ҆зари́вшаѧ.

Ра́дꙋйсѧ, стра́нствїѧ на́шегѡ ти́хое прибѣ́жище: ра́дꙋйсѧ, сп҃се́нїѧ на́шегѡ немѡ́лчнаѧ хода́таице.

Ра́дꙋйсѧ, и҆́нокѡвъ премꙋ́драѧ ᲂу҆чи́тельнице: ра́дꙋйсѧ, ст҃а́гѡ а҆ѳѡ́на бг҃одарова́ннаѧ влⷣчце.

Ра́дꙋйсѧ, затво́рникѡвъ сла́дкаѧ собесѣ́днице: ра́дꙋйсѧ, ѿше́льникѡвъ наде́жнаѧ покрови́тельнице.

Ра́дꙋйсѧ, бцⷣе дв҃о, млⷭ҇тїю твое́ю при́снѡ на́съ пита́ющаѧ.

Конда́къ є҃.

Бг҃оте́чною ѕвѣздо́ю води́мїи волсвѝ достиго́ша хра́мины, въ не́йже ᲂу҆зрѣ́ша ѻ҆троча̀ съ мр҃і́ею, мт҃рїю є҆гѡ̀, и҆ па́дше поклони́шасѧ є҆мꙋ̀. Сегѡ̀ ра́ди и҆ мы̀ грѣ́шнїи, предстоѧ́ще чтⷭ҇нѣ́й і҆кѡ́нѣ твое́й, бг҃омт҃и, ꙗ҆́кѡ само́й тѝ сꙋ́щей съ на́ми и҆ держа́щей на ѡ҆б̾ѧ́тїихъ твои́хъ бг҃омлⷣнца, со ᲂу҆миле́нїемъ покланѧ́емсѧ є҆мꙋ̀, непреста́ннѡ вопїю́ще: А҆ллилꙋ́їа.

І҆́косъ є҃.

Ви́дѧще, влⷣчце, ст҃ꙋ́ю і҆кѡ́нꙋ твою̀ съ бг҃омлⷣнцемъ і҆и҃сомъ, є҆го́же, ꙗ҆́кѡ бл҃же́ннаѧ мт҃и, ѿ сосцꙋ̑ твоє́ю пита́еши, велича́емъ ди́вное смотре́нїе є҆гѡ̀ ѡ҆ на́съ грѣ́шныхъ, и҆ ᲂу҆миле́ннѡ вопїе́мъ тѝ такова̑ѧ:

Ра́дꙋйсѧ, пода́тельнице дꙋхо́вныѧ ра́дости: ра́дꙋйсѧ, а҆́гнице, ро́ждшаѧ а҆́гнца бж҃їѧ, взе́млющаго грѣхѝ мі́ра.

Ра́дꙋйсѧ, лѣ́ствице і҆а́кѡвлѧ, земна̑ѧ съ нбⷭ҇ными соедини́вшаѧ: ра́дꙋйсѧ, въ слѣ́дъ тебє̀ дѣ̑вы цр҃ю̀ приводѧ́щаѧ.

Ра́дꙋйсѧ, ско́рбныхъ ма́терей ᲂу҆тѣше́нїе: ра́дꙋйсѧ, ча̑дъ и҆́хъ бл҃года́тное ѡ҆хране́нїе.

Ра́дꙋйсѧ, вдѡ́въ непремѣ́ннаѧ застꙋ́пнице: ра́дꙋйсѧ, си́рыхъ ско́раѧ ᲂу҆тѣ́шительнице.

Ра́дꙋйсѧ, а҆́лчꙋщихъ ще́драѧ пита́тельнице: ра́дꙋйсѧ, болѧ́щихъ неча́емаѧ цѣли́тельнице.

Ра́дꙋйсѧ, заблꙋ́ждшихъ пꙋтеводи́тельнице: ра́дꙋйсѧ, ю҆́ныхъ цѣломꙋ́дрїю наста́внице.

Ра́дꙋйсѧ, бцⷣе дв҃о, млⷭ҇тїю твое́ю при́снѡ на́съ пита́ющаѧ.

Конда́къ ѕ҃.

Проповѣ́дꙋемъ млⷭ҇ти, ꙗ҆влє́нныѧ тобо́ю ст҃ѣ́й горѣ̀ а҆ѳѡ́нстѣй, бг҃омт҃и, и҆ ѡ҆ покро́вѣ твое́мъ всечⷭ҇тнѣ́мъ при́снѡ ра́дꙋемсѧ, ви́димъ бо, ꙗ҆́кѡ и҆ ны́нѣ ѿ і҆кѡ́ны твоеѧ̀ и҆сцѣле́нїй мно́жество быва́етъ всѣ̑мъ вѣ́рою просѧ́щымъ и҆ ᲂу҆миле́ннѡ вопїю́щымъ бг҃ꙋ: А҆ллилꙋ́їа.

І҆́косъ ѕ҃.

Возсїѧ́ла є҆сѝ лꙋча́ми преди́вныхъ чꙋде́съ твои́хъ, бцⷣе дв҃о, ѿ і҆кѡ́ны твоеѧ̀ ст҃ы́ѧ, на не́йже двⷭ҇твеннꙋю лѣ́потꙋ твою̀ созерца́юще, и҆ рꙋка́ма твои́ма держи́маго краснѣ́йшаго па́че сынѡ́въ человѣ́ческихъ бг҃омлⷣнца ви́дѧще, къ славосло́вїю твоемꙋ̀ подвиза́емсѧ и҆ та́кѡ глаго́лемъ:

Ра́дꙋйсѧ, цвѣ́те дѣ́вства неꙋвѧда́емый: ра́дꙋйсѧ, ма́терей сла́во и҆ похвало̀.

Ра́дꙋйсѧ, мѷрополо́жнице бл҃гоꙋха́нїѧ хрⷭ҇то́ва: ра́дꙋйсѧ, а҆лава́стре, на всѧ́къ недꙋ́гъ врачева̑нїѧ подаю́щїй.

Ра́дꙋйсѧ, предста́тельнице ᲂу҆ прⷭ҇то́ла прест҃ы́ѧ и҆ є҆диносꙋ́щныѧ трⷪ҇цы: ра́дꙋйсѧ, ста́мно злата́ѧ ст҃ы́хъ ст҃ѣ́йшагѡ сло́ва.

Ра́дꙋйсѧ, преꙋкраше́нный черто́гъ цр҃ѧ̀ ца́рствꙋющихъ: ра́дꙋйсѧ, горо̀ ст҃а́ѧ, низхожде́нїемъ бж҃їимъ просла́вленнаѧ.

Ра́дꙋйсѧ, цр҃кве хрⷭ҇то́вы сїѧ́ющаѧ лѣ́пота: ра́дꙋйсѧ, всегѡ̀ мі́ра ᲂу҆добре́нїе.

Ра́дꙋйсѧ, нбⷭ҇наѧ цр҃и́це, па́че со́лнца свѣтлѣ́йшаѧ: ра́дꙋйсѧ, влⷣчце, ѿ всѣ́хъ чинѡ́въ а҆́гг҃льскихъ покланѧ́емаѧ.

Ра́дꙋйсѧ, бцⷣе дв҃о, млⷭ҇тїю твое́ю при́снѡ на́съ пита́ющаѧ.

Конда́къ з҃.

Хотѧ́щымъ на́мъ, бг҃ороди́тельнице, бл҃гоговѣ́йнѡ лобыза́ти чꙋдотво́рный тво́й ѻ҆́бразъ, не возбранѝ, всебл҃га́ѧ, грѣхѡ́въ ра́ди на́шихъ, но а҆́ще и҆ недосто́йныхъ, съ любо́вїю прїимѝ и҆ всѧ̑ прошє́нїѧ бл҃га̑ѧ на̑ша и҆спо́лни: вѣ́мы бо, цр҃и́це, ꙗ҆́кѡ млⷭ҇рдїе твоѐ неисче́тно. Сегѡ̀ ра́ди съ ᲂу҆пова́нїемъ неѿстꙋ́пнымъ къ тебѣ̀ прибѣга́емъ, и҆ сла́вѧще чꙋдеса̀ твоѧ̑, пое́мъ бг҃ꙋ: А҆ллилꙋ́їа.

І҆́косъ з҃.

Но́вꙋю млⷭ҇ть ꙗ҆ви́ла є҆сѝ, бцⷣе, є҆гда̀ неисчерпа́емый и҆сто́чникъ и҆сцѣле́нїй и҆ бл҃года́тнꙋю по́мощь всѣ̑мъ съ вѣ́рою притека́ющымъ ко ст҃ѣ́й і҆кѡ́нѣ твое́й дарова́ла є҆сѝ. Сегѡ̀ ра́ди бл҃годарѧ́ще тѧ̀ и҆ пречꙋ́дномꙋ ѻ҆́бразꙋ твоемꙋ̀ со ᲂу҆миле́нїемъ припа́дающе, хвале́бнѡ зове́мъ тѝ:

Ра́дꙋйсѧ, ѿ го́рнихъ высо́тъ всѣ́хъ на́съ мт҃рнею любо́вїю твое́ю назира́ющаѧ: ра́дꙋйсѧ, ю҆до́ль земнꙋ́ю многоско́рбнꙋю млⷭ҇рдїемъ твои́мъ посѣща́ющаѧ.

Ра́дꙋйсѧ, ᲂу҆се́рднаѧ сп҃се́нїѧ на́шегѡ споспѣ́шнице: ра́дꙋйсѧ, ди́вный сосꙋ́дъ бл҃года́тнагѡ врачева́нїѧ.

Ра́дꙋйсѧ, прославлѧ́ющихъ тѧ̀ прославлѧ́ющаѧ: ра́дꙋйсѧ, и҆ не почита́ющихъ і҆кѡ́ны твоеѧ̀ на покаѧ́нїе призыва́ющаѧ.

Ра́дꙋйсѧ, во дни̑ бра́ни правосла̑внымъ во́инѡмъ крѣ́пость подаю́щаѧ: ра́дꙋйсѧ, во дни̑ ми́ра сердца̀ вѣ́рныхъ веселѧ́щаѧ.

Ра́дꙋйсѧ, наги́хъ и҆ безкро́вныхъ при́снѡ покрыва́ющаѧ: ра́дꙋйсѧ, сиро́тъ и҆ вдови́цъ никогда́же ѡ҆ставлѧ́ющаѧ.

Ра́дꙋйсѧ, хожде́нїе хромы̑мъ подаю́щаѧ: ра́дꙋйсѧ, ѻ҆́чи слѣпы̑мъ ѿверза́ющаѧ.

Ра́дꙋйсѧ, бцⷣе дв҃о, млⷭ҇тїю твое́ю при́снѡ на́съ пита́ющаѧ.

Конда́къ и҃.

Стра́нствїе на́ше земно́е многоско́рбное и҆ многомѧте́жное ᲂу҆слажда́еши, влⷣчце, і҆кѡ́ною твое́ю ст҃о́ю, къ не́йже притека́юще съ вѣ́рою и҆ любо́вїю, ᲂу҆пова́емъ, ꙗ҆́кѡ и҆́мамы тѧ̀ на нб҃сѝ мт҃рь и҆ покрови́тельницꙋ всебл҃гꙋ́ю, при́снѡ споспѣшествꙋ́ющꙋю на́мъ въ жи́зни се́й и҆ по сме́рти на́съ не ѡ҆ставлѧ́ющꙋю. Ѡ҆ се́мъ ра́дꙋющесѧ и҆ и҆з̾ глꙋбины̀ се́рдца бл҃годарѧ́ще тѧ̀, вопїе́мъ бг҃ꙋ: А҆ллилꙋ́їа.

І҆́косъ и҃.

Всѝ ро́ди хрⷭ҇тїа́нстїи при́снѡ бл҃жа́тъ тѧ̀, бцⷣꙋ сꙋ́щꙋю, и҆ на ли́къ тво́й пречⷭ҇тый бл҃гоговѣ́йнѡ взира́юще, съ вѣ́рою покланѧ́ютсѧ тебѣ̀, ꙗ҆́кѡ чⷭ҇тнѣ́йшей херꙋві̑мъ и҆ сла́внѣйшей без̾ сравне́нїѧ серафі̑мъ. Тѣ́мже и҆ мы̀ грѣ́шнїи съ любо́вїю вопїе́мъ тѝ:

Ра́дꙋйсѧ, цр҃и́це, ꙗ҆́кѡ пресла̑внаѧ глаго́лашасѧ ѡ҆ тебѣ̀: ра́дꙋйсѧ, влⷣчце, ꙗ҆́кѡ нбⷭ҇наѧ и҆ земна̑ѧ пѣ́ти тебѐ не ᲂу҆молка́ютъ.

Ра́дꙋйсѧ, свѣщѐ неꙋгаси́маѧ, ве́сь мі́ръ сїѧ́нїемъ твои́мъ ѡ҆зарѧ́ющаѧ: ра́дꙋйсѧ, бл҃гоꙋха́нный крі́не двⷭ҇тва и҆ чⷭ҇тоты̀.

Ра́дꙋйсѧ, любвѐ и҆ млⷭ҇ти и҆сто́чниче живоно́сный: ра́дꙋйсѧ, мл҃твеннице бл҃гопрїѧ́тнаѧ за ны̀ грѣ̑шныѧ ко хрⷭ҇тꙋ̀ бг҃ꙋ.

Ра́дꙋйсѧ, грѣ́шныхъ ко творцꙋ̀ приводѧ́щаѧ: ра́дꙋйсѧ, првⷣный гнѣ́въ є҆гѡ̀ на млⷭ҇ть прелага́ющаѧ.

Ра́дꙋйсѧ, ни́во неѡра́ннаѧ, кла́съ сп҃си́тельный мі́рꙋ и҆зрасти́вшаѧ: ра́дꙋйсѧ, трапе́зо прест҃а́ѧ, живоно́сный хлѣ́бъ на́мъ дарова́вшаѧ.

Ра́дꙋйсѧ, лѣ́ствице, ѿ тьмы̀ грѣхо́вныѧ ко сп҃се́нїю возводѧ́щаѧ: ра́дꙋйсѧ, ѕвѣздо̀ пресвѣ́тлаѧ, пꙋ́ть къ нб҃сє́мъ показꙋ́ющаѧ.

Ра́дꙋйсѧ, бцⷣе дв҃о, млⷭ҇тїю твое́ю при́снѡ на́съ пита́ющаѧ.

Конда́къ ѳ҃.

Всѧ́каѧ похвала̀ не довлѣ́етъ сла́вѣ твое́й, бцⷣе дв҃о: ты́ бо сн҃а ѿ дх҃а ст҃а́гѡ зачала̀ є҆сѝ и҆ невмѣсти́маго бг҃а во чре́вѣ вмѣсти́ла є҆сѝ: тобо́ю сп҃се́нїе мі́ра возвѣща́етсѧ, па́дшїй же ро́дъ человѣ́чь пречⷭ҇тны́мъ ржⷭ҇тво́мъ твои́мъ ѿ вѣ́чныѧ сме́рти свобожда́етсѧ. Сегѡ̀ ра́ди и҆з̾ глꙋбины̀ дꙋшѝ возсыла́емъ тѝ бл҃года́рствєннаѧ хвалє́нїѧ, и҆ ꙗ҆́кѡ и҆зба́вленнїи ѿ ѕлы́хъ, пое́мъ бг҃ꙋ: А҆ллилꙋ́їа.

І҆́косъ ѳ҃.

Вѣті̑и многовѣща́ннїи не мо́гꙋтъ пости́гнꙋти ве́лїю та́йнꙋ твоегѡ̀ прⷭ҇нодв҃ства, бцⷣе, ка́кѡ въ ржⷭ҇твѣ̀ и҆ по ржⷭ҇твѣ̀ дв҃а пребыла̀ є҆сѝ. Мы́ же вѣ́рою правосла́внѡ велича́юще тѧ̀ ꙗ҆́кѡ приснодв҃ꙋ и҆ мт҃рь предвѣ́чнагѡ живота̀, прино́симъ тѝ и҆з̾ глꙋбины̀ серде́цъ и҆сповѣ́данїе на́ше и҆ любо́вїю вопїе́мъ тѝ:

Ра́дꙋйсѧ, и҆́нокѡвъ и҆ и҆́нокинь правосла́вныхъ бл҃го́е наставле́нїе: ра́дꙋйсѧ, ревнꙋ́ющихъ ѡ҆ чистотѣ̀ и҆ цѣломꙋ́дрїи тве́рдое ѡ҆гражде́нїе.

Ра́дꙋйсѧ, дѣ́вственныхъ чинѡ́въ ст҃а́ѧ предводи́тельнице: ра́дꙋйсѧ, и҆ бра́ка чтⷭ҇на́гѡ защи́то и҆ покро́ве.

Ра́дꙋйсѧ, въ ложесна́хъ твои́хъ бг҃а нетѣ́снѡ вмѣсти́вшаѧ: ра́дꙋйсѧ, є҆ди́на непоро́чнаѧ въ жена́хъ.

Ра́дꙋйсѧ, нетлѣ́ннаѧ и҆ неискꙋсобра́чнаѧ а҆́гнца и҆ па́стырѧ мт҃и: ра́дꙋйсѧ, мт҃рнимъ твои́мъ къ немꙋ̀ дерзнове́нїемъ сп҃се́нїе мі́рꙋ ᲂу҆строѧ́ющаѧ.

Ра́дꙋйсѧ, ꙗ҆́кѡ ѡ҆ тебѣ̀ ра́дꙋетсѧ а҆́гг҃льскїй собо́ръ: ра́дꙋйсѧ, ꙗ҆́кѡ ѡ҆ тебѣ̀ торжествꙋ́етъ человѣ́ческїй ро́дъ.

Ра́дꙋйсѧ, всѣ́ми добродѣ́тельми преꙋкраше́ннаѧ: ра́дꙋйсѧ, ѿ всѣ́хъ хрⷭ҇тїа́нскихъ родѡ́въ почита́емаѧ и҆ ᲂу҆бл҃жа́емаѧ.

Ра́дꙋйсѧ, бцⷣе дв҃о, млⷭ҇тїю твое́ю при́снѡ на́съ пита́ющаѧ.

Конда́къ і҃.

Сп҃стѝ хотѧ̀ мі́ръ, предвѣ́чное сло́во и҆збра̀ тѧ̀, пречⷭ҇таѧ, и҆ и҆з̾ чтⷭ҇ны́хъ крове́й твои́хъ и҆стка̀ себѣ̀ пло́ть, ꙗ҆ви́сѧ на землѝ и҆ сп҃се́нїе мі́рꙋ содѣ́ла. Тѣ́мже пѣсносло́вимъ тѧ̀ ꙗ҆́кѡ всепѣ́тꙋю мт҃рь и҆зба́вителѧ, бл҃года́рственнѡ вопїю́ще є҆мꙋ̀: А҆ллилꙋ́їа.

І҆́косъ і҃.

Стѣ́нꙋ неѡбори́мꙋ и҆ покро́въ нерꙋши́мъ и҆мѣ́ютъ тѧ̀, бцⷣе дв҃о, во ѻ҆би́телехъ и҆́ноческихъ подвиза́ющїисѧ и҆ помо́щницꙋ держа́внꙋ всѝ, на тѧ̀ по бз҃ѣ всѐ ᲂу҆пова́нїе своѐ возлага́ющїи, тебѣ́ бо даде́сѧ ѿ гдⷭ҇а бл҃года́ть мл҃твеннагѡ застꙋпле́нїѧ, и҆ ты̀ є҆сѝ вѣ́рныхъ въ дѣ́вствѣ и҆ чистотѣ̀ ᲂу҆твержде́нїе. Тѣ́мже и҆ мы̀ грѣ́шнїи, бл҃гоѡти́шїе дꙋше́вное въ тебѣ̀ ѡ҆брѣта́юще, ᲂу҆се́рднѡ взыва́емъ:

Ра́дꙋйсѧ, до́брѣ подвиза́ющымсѧ хода́таице бл҃же́ннагѡ ᲂу҆покое́нїѧ: ра́дꙋйсѧ, и҆́нокѡмъ, на пло́ть во́инствꙋющымъ, пода́тельнице вѣ́чнагѡ ра́дованїѧ.

Ра́дꙋйсѧ, безмо́лвствꙋющихъ бл҃года́тное ѡ҆сѣне́нїе: ра́дꙋйсѧ, ста́рцєвъ бл҃гоговѣ́йныхъ ѿра́до и҆ ᲂу҆тѣше́нїе.

Ра́дꙋйсѧ, ста́рицъ бг҃олюби́выхъ крѣ́посте и҆ ᲂу҆твержде́нїе: ра́дꙋйсѧ, ю҆́ношей и҆ дѣ́въ въ дѣ́вственномъ житїѝ застꙋпле́нїе.

Ра́дꙋйсѧ, ма́терей ражда́ющихъ и҆ млеко́мъ пита́ющихъ ѿ бѣ́дъ ѡ҆гражда́ющаѧ: ра́дꙋйсѧ, всѧ́къ во́зрастъ вѣ́рныхъ мт҃рнѧгѡ бл҃гопопече́нїѧ твоегѡ̀ сподоблѧ́ющаѧ.

Ра́дꙋйсѧ, бл҃гочести́выхъ домѡ́въ покро́ве и҆ бл҃гослове́нїе: ра́дꙋйсѧ, ѡ҆би́димыхъ и҆ гони́мыхъ гото́вое застꙋпле́нїе.

Ра́дꙋйсѧ, ѡ҆би́дѧщихъ гро́зное ѡ҆бличе́нїе: ра́дꙋйсѧ, враждꙋ́ющихъ любвеѻби́льное примире́нїе.

Ра́дꙋйсѧ, бцⷣе дв҃о, млⷭ҇тїю твое́ю при́снѡ на́съ пита́ющаѧ.

Конда́къ а҃і.

Пѣ́нїе хвале́бное прино́симъ тѝ, хрⷭ҇тѐ цр҃ю̀, въ верте́пѣ ро́ждшемꙋсѧ и҆ во ꙗ҆́слехъ возле́гшемꙋ сп҃се́нїѧ на́шегѡ ра́ди. Тѣ́мже въ пѣ́снехъ велича́емъ и҆ пречⷭ҇тꙋю мт҃рь твою̀, приснодв҃ꙋ мр҃і́ю, пред̾ чтⷭ҇но́ю і҆кѡ́ною є҆ѧ̀ возвѣща́юще млⷭ҇ти и҆ чꙋдеса̀, и҆́миже ѡ҆богати́сѧ всѧ̀ вселе́ннаѧ. Ты́ же, всебл҃га́ѧ, сама̀ наꙋчѝ на́съ вы́нꙋ взыва́ти бг҃ꙋ: А҆ллилꙋ́їа.

І҆́косъ а҃і.

Свѣ́тлыми лꙋча́ми чꙋде́съ твои́хъ, бцⷣе дв҃о, мра́къ грѣхо́вный ѿгонѧ́еши, всѣ́хъ на́съ на стезю̀ сп҃се́нїѧ наставлѧ́ющи. Тѣ́мже мо́лимъ тѧ̀, всебл҃га́ѧ, приведѝ на́съ къ ти́хомꙋ приста́нищꙋ твоемꙋ̀, да со ᲂу҆миле́нїемъ прино́симъ тѝ хвалє́бнаѧ пѣ̑нїѧ сицева̑ѧ:

Ра́дꙋйсѧ, пренепоро́чнаѧ влⷣчце, сл҃нце пра́вды вѣ̑рнымъ возсїѧ́вшаѧ: ра́дꙋйсѧ, пла́чꙋщымъ и҆ скорбѧ́щымъ нбⷭ҇ное ᲂу҆тѣше́нїе низпосыла́ющаѧ.

Ра́дꙋйсѧ, ни́щихъ и҆ ᲂу҆бо́гихъ бога́тство неѡскꙋдѣва́емое: ра́дꙋйсѧ, подви́жникѡвъ бл҃гоче́стїѧ во бра́ни дꙋхо́внѣй ᲂу҆крѣпле́нїе тве́рдое.

Ра́дꙋйсѧ, предста́тельство къ бг҃ꙋ на́ше крѣ́пкое: ра́дꙋйсѧ, въ ча́съ кончи́ны ѡ҆гражде́нїе на́ше неѡбори́мое.

Ра́дꙋйсѧ, въ ра́йскихъ селе́нїихъ хода́тайствомъ твои́мъ на́съ водворѧ́ющаѧ: ра́дꙋйсѧ, бл҃гоче́стнѡ живꙋ́щымъ мт҃рнее млⷭ҇рдїе ꙗ҆влѧ́ющаѧ.

Ра́дꙋйсѧ, ѿ восто́ка до за́пада непреста́ннѡ сла́вимаѧ: ра́дꙋйсѧ, ѿ а҆́гг҃лъ и҆ человѣ̑къ въ пѣ́снехъ ра́достнѡ превозноси́маѧ.

Ра́дꙋйсѧ, рꙋ́къ на́шихъ дѣла̀ и҆справлѧ́ющаѧ: ра́дꙋйсѧ, скѡ́рби лю̑тыѧ въ ра́дость претворѧ́ющаѧ.

Ра́дꙋйсѧ, бцⷣе дв҃о, млⷭ҇тїю твое́ю при́снѡ на́съ пита́ющаѧ.

Конда́къ в҃і.

Бл҃года́ть и҆ млⷭ҇ть и҆спросѝ, пребл҃гослове́ннаѧ мт҃и, ѿ сн҃а твоегѡ̀, хрⷭ҇та̀ бг҃а на́шегѡ, и҆ воздѣва́ющи къ немꙋ̀ бг҃опрїе́мнѣи рꙋ́цѣ твоѝ, ᲂу҆молѝ є҆го̀ всѧ̑ ны̀ сп҃стѝ и҆ и҆зба́вити ѿ ги́бели вѣ́чныѧ: мно́гѡ бо мо́жетъ мл҃тва твоѧ̀ мт҃рнѧѧ ко бл҃госе́рдїю влⷣки: тѣ́мже ра́дꙋющесѧ, пое́мъ ро́ждшемꙋсѧ и҆з̾ тебѣ̀: А҆ллилꙋ́їа.

І҆́косъ в҃і.

Пою́ще пресла̑внаѧ чꙋдеса̀ твоѧ̑, бцⷣе дв҃о, ѿ і҆кѡ́ны твоеѧ̀ ст҃ы́ѧ при́снѡ ꙗ҆влѧ́ємаѧ, велича́емъ тѧ̀, возвели́чившꙋю ро́дъ на́шъ. Ты́ же, всебл҃га́ѧ, ѡ҆ст҃ѝ и҆ сп҃сѝ вопїю́щыѧ тѝ сицева̑ѧ:

Ра́дꙋйсѧ, мт҃и, безмꙋ́жнѡ предвѣ́чнаго сн҃а ро́ждшаѧ пло́тїю: ра́дꙋйсѧ, ꙗ҆́кѡ тобо́ю печа̑ли на́шѧ ᲂу҆толѧ́ютсѧ.

Ра́дꙋйсѧ, живоно́сный млⷭ҇тей и҆сто́чникъ всѣ̑мъ къ тебѣ̀ прибѣга́ющымъ: ра́дꙋйсѧ, лꙋчеза́рный свѣти́льниче ѡ҆мраче́нныхъ дꙋ́шъ на́шихъ.

Ра́дꙋйсѧ, прⷪ҇ро́ческаѧ свѣ́тлаѧ похвало̀: ра́дꙋйсѧ, а҆пⷭ҇льскаѧ нетлѣ́ннаѧ сла́во.

Ра́дꙋйсѧ, мч҃нкѡвъ ᲂу҆тѣше́нїе: ра́дꙋйсѧ, ст҃и́телей ᲂу҆крѣпле́нїе.

Ра́дꙋйсѧ, неѿстꙋ́пнаѧ храни́тельнице и҆́ноческихъ ѻ҆би́телей: ра́дꙋйсѧ, првⷣныхъ непреста́нное ра́дованїе.

Ра́дꙋйсѧ, мі́ра влⷣчце: ра́дꙋйсѧ, ꙗ҆́кѡ тобо́ю сп҃се́нїе содѣва́етсѧ.

Ра́дꙋйсѧ, бцⷣе дв҃о, млⷭ҇тїю твое́ю при́снѡ на́съ пита́ющаѧ.

Конда́къ г҃і.

Ѽ всепѣ́таѧ мт҃и, млекопита́тельнице сп҃са на́шегѡ! Оу҆слы́ши сердє́чнаѧ воздыха̑нїѧ на̑ша, бꙋ́ди те́плаѧ застꙋ́пница и҆ мл҃твенница за на́съ пред̾ сн҃омъ твои́мъ и҆ бг҃омъ, ѡ҆ є҆́же и҆зба́витисѧ на́мъ ѿ грѣ̑хъ на́шихъ, да не пребꙋ́демъ внѣ̀ черто́га є҆гѡ̀, но сподо́бимсѧ со всѣ́ми ст҃ы́ми пѣ́ти є҆мꙋ̀: А҆ллилꙋ́їа.

Се́й конда́къ глаго́летсѧ три́жды. И҆ па́ки чте́тсѧ і҆́косъ а҃-й, и҆ конда́къ а҃-й.

І҆́косъ а҃.

Ра́дꙋйсѧ, а҆́гг҃лѡвъ ра́досте: ра́дꙋйсѧ, человѣ́кѡвъ сп҃се́нїе.

Ра́дꙋйсѧ, па́дшагѡ мі́ра ѡ҆бновле́нїе: ра́дꙋйсѧ, средостѣ́нїѧ вражды̀ разрꙋше́нїе.

Ра́дꙋйсѧ, прⷪ҇ро́ческихъ глагѡ́лъ и҆сполне́нїе: ра́дꙋйсѧ, зако́на дре́внѧгѡ премѣне́нїе.

Ра́дꙋйсѧ, пита́телѧ вселе́нныѧ млекопита́вшаѧ: ра́дꙋйсѧ, млеко́мъ бг҃опозна́нїѧ вѣ́рныхъ пита́тельнице.

Ра́дꙋйсѧ, пови́вшаѧ повива́ющаго не́бо ѻ҆́блаки: ра́дꙋйсѧ, дла́ньма носѧ́щаѧ на херꙋві́мѣхъ носи́маго.

Ра́дꙋйсѧ, бцⷣе дв҃о, млⷭ҇тїю твое́ю при́снѡ на́съ пита́ющаѧ.

Конда́къ а҃.

Ра́дꙋйсѧ, бцⷣе дв҃о, млⷭ҇тїю твое́ю при́снѡ на́съ пита́ющаѧ.

Мл҃тва.

Ѽ прест҃а́ѧ влⷣчце бцⷣе, пречⷭ҇таѧ и҆ млⷭ҇тиваѧ млекопита́тельнице! Съ любо́вїю и҆ бл҃гоговѣ́нїемъ припа́дающе ко ст҃о́мꙋ и҆ чꙋдотво́рномꙋ ѻ҆́бразꙋ твоемꙋ̀, на не́мже ви́дѧще всѣ́хъ творца̀ и҆ гдⷭ҇а, ꙗ҆́кѡ млⷣнца, пречⷭ҇тымъ млеко́мъ твои́мъ пита́ема, бл҃гохвалє́нїѧ и҆ поклоне́нїе прино́симъ тѝ грѣ́шнїи и҆ недосто́йнїи рабѝ твоѝ и҆ сле́знѡ мо́лимъ тѧ̀: не ѡ҆ста́ви на́съ без̾ твоеѧ̀ по́мощи и҆ застꙋпле́нїѧ! Се́ бо грѣхмѝ и҆ страстьмѝ разсла́бленни є҆смы̀ и҆ гла́домъ дꙋхо́внымъ погиба́юще, а҆́лчемъ и҆ жа́ждемъ пи́щи нбⷭ҇ныѧ. Ѡ҆скꙋдѣ́ бо въ на́съ вѣ́ра, ᲂу҆пова́нїе бл҃го́е, любо́вь и҆ бл҃гоче́стїе. Несмы́сленни и҆ младоꙋ́мни є҆смы̀, занѐ при́снѡ ᲂу҆мо́мъ и҆ дѣѧ́ньми младе́нствꙋемъ, и҆ во́ли бж҃їѧ не твори́мъ, нижѐ разꙋмѣ́емъ, что̀ є҆́сть бл҃го́е и҆лѝ ѕло́е. Ты́ же, ѽ цр҃и́це нбⷭ҇наѧ, пита́тельница жи́зни на́шеѧ, покро́вомъ млⷭ҇ти твоеѧ̀ покрыва́ющаѧ вселе́ннꙋю всю̀, напита́й на́съ ѿ и҆сто́чника бл҃гости твоеѧ̀ млеко́мъ бг҃опозна́нїѧ, да возраста́емъ въ стра́сѣ бж҃їи и҆ смиренномꙋ́дрїи. Ты̀ є҆сѝ мѵ́ро, и҆злїѧ́нное лю́бѧщымъ тѧ̀ рабѡ́мъ твои̑мъ, росо́ю мл҃твъ твои́хъ бг҃омт҃рнихъ ѡ҆росѝ на́съ, да принесе́мъ бг҃ꙋ плоды̀ покаѧ́нїѧ и҆ житїѐ нескве́рное. Оу҆крѣпѝ на́съ малодꙋ́шныхъ, ѡ҆мраче́нныхъ грѣхмѝ просвѣтѝ, воста́нїе страсте́й на́шихъ ᲂу҆толѝ, ко сп҃се́нїю вѣ́чномꙋ ѡ҆кормѝ, не́мѡщи є҆стества̀ на́шегѡ и҆сцѣлѝ и҆ не ѡ҆ста́ви до конца̀ поги́бнꙋти рабы̑ твоѧ̑, ты́ бо є҆сѝ є҆ди́на застꙋ́пница на́ша и҆ ᲂу҆пова́нїе, и҆ всѝ надѣ́ющїисѧ на тѧ̀ не постыдѧ́тсѧ, ꙗ҆́кѡ да твои́ми те́плыми мл҃твами въ де́нь стра́шнагѡ сꙋда̀ хрⷭ҇то́ва и҆зба́вимсѧ бꙋ́дꙋщагѡ ѡ҆сꙋжде́нїѧ и҆ несконча́емыѧ мꙋ́ки, сподо́бимсѧ же и҆збра́нныхъ ра́дости и҆ весе́лїѧ вѣ́чнагѡ, во є҆́же со всѣ́ми ст҃ы́ми воспѣва́ти сн҃а твоегѡ̀, хрⷭ҇та̀ бг҃а на́шегѡ, є҆мꙋ́же подоба́етъ всѧ́каѧ сла́ва и҆ бл҃годаре́нїе, че́сть и҆ поклоне́нїе со безнача́льнымъ є҆гѡ̀ ѻ҆ц҃е́мъ, и҆ прест҃ы́мъ и҆ бл҃ги́мъ и҆ животворѧ́щимъ є҆гѡ̀ дх҃омъ, ны́нѣ и҆ при́снѡ, и҆ во вѣ́ки вѣкѡ́въ. А҆ми́нь.

О чем молятся перед иконой Божией матери Млекопитательница

Тут следует отметить нерукотворный образ, который был найден в городе Крестогорск пару веков назад. Теперь не составляет труда увидеть в построенной там церкви Успения икону Млекопитательница.

Как правило, приложиться приходят женщины для того, чтобы разрешиться от бремени или просто попросить помощи перед родами.

Даная икона тоже считается чудотворной наподобие Афонской и пользуется почитанием верующих. Каждый год образ, который висит над воротами храма в Крестогорске, спускают для поклонения.

Акафисты Божией Матери

ПОИСК

ФОРУМ

Акафист Пресвятой Богородице перед Ея иконой, именуемой «Млекопитательница»

Кондак 1

Избранней от дщерей человеческих Материю быти Христа Бога нашего принесем от любви нашея песни хвалебныя; Ты же Сына Божия неизреченно родившая и яко Младенца млеком питавшая, сохрани поющих Тя от обышедших нас зол, скорбей и напастей, да зовем Ти немолчно: Радуйся, Богородице Дево, Млекопитательнице, милостию Твоею нас присно питающая.

Икос 1

Ангелов лицы в вертеп приникнувши и узревши тамо Деву чистую, Сына млеком питающую, возопиша Тебе, Благословенней: Радуйся, рождшая мира Творца; радуйся, питающая Питателя вселенной. Радуйся, пеленами повивающая Повивающаго небо облаки; радуйся, дланьми носящая на Херувимех носимаго. Радуйся, яко Детищ мал всех Тобою родился еси; радуйся, яко Младенец плачущ и мирови радость дающ. Радуйся, Богородице Дево, Млекопитательнице, милостию Твоею нас присно питающая.

Кондак 2

Видящи Святая Дева при персех Своих Богомладенца лежаща, глагола Ему: како возмогу Тя питати, Творца Моего, Емуже вся воинства небесная вопиют: Аллилуиа.

Икос 2

Разумная вся тварь недоразумевает како Дева пребываеши, Младенца млеком питаеши. Обаче неизреченному таинству сему веруя, благоговейно взываем: Радуйся, Дево неблазная; радуйся, Девице прекрасная. Радуйся, жен украшение; радуйся, Мати чистотствующая. Радуйся, дев правило; радуйся, Благословенная в женах. Радуйся, Богородице Дево, Млекопитательнице, милостию Твоею нас присно питающая.

Кондак 3

Сила Вышняго осени Тя, Богородице Дево, и подаде Ти крепость повити и питати Егоже вси концы земли величают и поют Ему песнь великую: Аллилуиа.

Икос 3

Имея дерзновение велие к Рожденному от Тебе, призри на скорби и беды, нас обышедшия, умоли Питаемаго Тобою за ны грешныя и недостойныя да избавльшеся от лютых напастей, возглаголем Ти тако: Радуйся, Рождшая Сладчайшее Утешение наше; радуйся, произрастившая Благословеннаго благодатию. Радуйся, Мати наша Всеблагая; радуйся, чадами Твоими нас нарекшая. Радуйся, благонадежное наше прибежище; Радуйся, Богородице Дево, Млекопитательнице, милостию Твоею нас присно питающая.

Кондак 4

Буря скорбей и напастей обдержит ны, трепещем да не потонем в мори житейстем, но явися нам, яко голубица Ноева, ветвь надежды подающая нам, вопиющим Богу: Аллилуиа.

Икос 4

Слышащи жена благоразумная глаголы живота вечнаго Сыном Твоим вещаемыя, прослави Тя, вопия Ему: «Благословенно чрево, носившее Тя и сосца яже еси ссал», темже приими и наша немощныя похвалы сицевыя: Радуйся, бисере драгий, Всечудная Мати; радуйся, велия в женах. Радуйся, ветвь присноцветущая; радуйся, животе приемляй Сокровище освящения. Радуйся, чаше златая, Христа — Небесную Манну носящая; радуйся, Хлебом Жизни нас возрождающая. Радуйся, Богородице Дево, Млекопитательнице, милостию Твоею нас присно питающая.

Кондак 5

Боготечныя руце Твоя, Всепетая, простри к нам немощным, воздвигни нас унылых, спаси отчаянных, да в радости душевней, ничем не смущаемей, вопием Сыну Твоему: Аллилуиа.

Икос 5

Виде Тя в Дусе богоглаголивый Исаия, яко имаши Дева сущи во чреве прияти Рожденнаго из Тебе, возгласи Ти: Радуйся, Предвечнаго рождшая; радуйся, яко Тобою с нами Бог бывает. Радуйся, пророчеств сбытие; радуйся, пророков веселие. Радуйся, всего мира чаяние; радуйся, рода нашего утешение. Радуйся, Богородице Дево, Млекопитательнице, милостию Твоею нас присно питающая

Кондак 6

Проповедницы присноглаголемии Твоего милосердия суть чудеса многообразнии, источаемыя от иконы Твоея святыя, ихже обильно нам даровала еси, да покланяющеся Тебе и Богомладенцу Христу, вопием гласы хвалебныя: Аллилуиа.

Икос 6

Возсия во обители Саввы Освященнаго, яко солнце светозарное, всечестная икона Твоя, Млекопитательнице именуемая, пред Нею же преподобный со иноки выну прославляше Тя, вопиюща: Радуйся, обители нашея пречудное украшение; радуйся, от врагов видимых и невидимых твердое заступление и защищение. Радуйся, молениям нашим присновнемлющая; радуйся, прошения наша благоутробно приемлющая. Радуйся, горестная воздыхания наша утишающая; радуйся, слезы наша отирающая. Радуйся, Богородице Дево, Млекопитательнице, милостию Твоею нас присно питающая.

Кондак 7

Хотящи преподобный Савва отъити в жизнь вечную, пророчески рече: яко по мнозех днех приидет во обитель сию царев сын, ему тезоименитый, сей приимет святую икону Владычицы во благословение и воспоет радуяся: Аллилуиа.

Икос 7

Новый угодник Савва, святитель Сербския земли, прииде во обитель древнюю и прият по словеси его святую икону и принесе ю на гору Афонскую во обитель Хиландарскую и вси насельницы ея радостно взываху ко Владычице мира: Радуйся, присно о нас грешных промышляющая; радуйся, николиже нас грешных забывающая. Радуйся, милость Твою тысячекратно во святых чудотворных иконах Твоих обновляющая; радуйся, новыя знамения щедрот Твоих ныне изливающая. Радуйся, любящих и чтущих Тя зело возлюбившая. Радуйся, Богородице Дево, Млекопитательнице, милостию Твоею нас присно питающая.

Кондак 8

Странное чудо и недоразумеваемое есть неверным и суемудренным како от иконы Твоея чудеса истекают, мы же многократными милостями в сем утвержденныя пети Господу Богу, даровавшему таковую Помощницу роду христианскому дерзаем: Аллилуиа.

Икос 8

Весь мир видимый и невидимый блажит Тя, Богородице Дево, яко усердную Заступницу нашу, присно помогающую нам, в море бед и скорбей погибающим, да Тебе Единей нашей Надежде вопием: Радуйся, Сына Твоего за нас грешных умоляющая; радуйся, в бедах и обстояниих скоро помогающая. Радуйся, молений наших скорое услышание; радуйся, горестей жития нашего верное услаждение. Радуйся, мир и упокоение сердцам нашим дарующая; радуйся, веру нашу укрепляющая. Радуйся, крест жизни нашея понести нам помогающая. Радуйся, Богородице Дево, Млекопитательнице, милостию Твоею нас присно питающая.

Кондак 9

Всяко ублажая Тя, Всеблагая, Иоанн Дамаскин рече, яко удобее молчание, неже пети Тя, но любовию понуждаемии, восхваляем Тя и поем Сыну Твоему песнь великую: Аллилуиа.

Икос 9

Витийствовати не хощем, но с любовию и слезами притекаем к Тебе, яко Матери чадолюбивей, и из глубины сердца вопием: Радуйся, Радость наша неизреченная; радуйся, Утешение наше несказанное. Радуйся, домов наших ограждение; радуйся, чад наших покрове. Радуйся, чад наших воспитание; радуйся, юных от путей гибельных охранение. Радуйся, Богородице Дево, Млекопитательнице, милостию Твоею нас присно питающая.

Кондак 10

Спасти всех нас и хощеши и можеши, Пресвятая Дево, аще прибегаем ко всечестному Покрову Твоему, сего ради молим Тя: избави нас от горьких бед и скорбей, нашедших на ны, привлецы сердца наша к благостному прибежищу и научи вопити Богу, из Тебе рождшемуся: Аллилуиа.

Икос 10

Стену нерушиму Тя нарицаем и вемы, яко истину глаголем, уведехом бо, яко зело любиши род христианский, милости и щедроты Твоя присно источаеши вопиющим Тебе: Радуйся, от сетей вражиих нас охраняющая; радуйся, от навета злых человек нас спасающая. Радуйся, вражду сродник наших на любовь пременяющая; радуйся, мир и тишину в домах наших сохраняющая. Радуйся, намерениям благим вспомоществующая; радуйся, советы благия на сердце полагающая. Радуйся, Богородице Дево, Млекопитательнице, милостию Твоею нас присно питающая.

Кондак 11

Пение всякое принесоша Ти, Пренепорочная, пророцы, предзревше безсеменное зачатие и рождение от Тебе Сына Божия; пастырие же и волсви, видевше Тя рождшую и питавшую; и весь мир крещеный хвалит Тя. Веруем, яко до скончания века не умолкнет песнь хвалебная от рода христианскаго Рожденному Тобою: Аллилуиа.

Икос 11

Светило светозарное Ты еси, Пречистая, нам во тьме грехов и страстей погибающим, просвещающее наша темныя очи, сердце озаряющее высшим разумом, поющее Тя: Радуйся, Путь, Истину и Жизнь рождшая; радуйся, истинному Богу нас вручающая. Радуйся, светом Евангелия наши мрачныя души озаряющая; радуйся, мудрость века сего ни во чтоже вменяющая. Радуйся, мудрость превысочайшую, яже есть любовь, в сердцах наших насаждающая; радуйся, помоще всем и во всем. Радуйся, Богородице Дево, Млекопитательнице, милостию Твоею нас присно питающая.

Кондак 12

Благодать Божия явися чудно в земли Российстей от подобия иконы Твоея Млекопитательницы пренесенныя. Темже и гора Афонская и страна наша, ныне люте страждущая, но на милость Твою несуменно уповающая, вопиют милосердому Богу: Аллилуиа.

Икос 12

Поюще Те яко Спаса нашего родившую и пеленами повившую и млеком питавшую, уповаем, яко ни коеже Твое прошение безответно от Него пребудет, понеже Сам Сладчайший Иисус обеща ту; тако имуще в сем твердую надежду, восхваляем Тя, Отрадо и Утешение наше: Радуйся, лютыя скорби в радость претворяющая; радуйся, ожесточение сердец наших любовию Твоею умягчающая. Радуйся, любити Бога и ближняго нас научающая; радуйся, в скорбех наших упование на Бога возлагати наставляющая. Радуйся, наши хладныя молитвы любовию Твоею согревающая; радуйся, молитвы нас грешных и недостойных яко милостивая Матерь приемлющая. Радуйся, Богородице Дево, Млекопитательнице, милостию Твоею нас присно питающая.

Кондак 13

О Всехвальная Богородице Дево, нашего Господа и Владыку млеком питавшая, не презри сего скорбнаго моления нашего, но умоли Сына Твоего, да дарует нам грехов прощение, болезней исцеление, да сохранит нас от глада, мраза, смертоносныя язвы, нечаянныя смерти и от всех бед и обстояний, да избавльшеся сих, радуяся зовем Ему: Аллилуиа.

(Этот кондак читается трижды, затем икос 1 и кондак 1)

Значение иконы

Хотя многие, когда смотрят на Млекопитательницу икону Божией матери, понимают, о чем молиться только исходя из прямых ассоциаций (материнство, лактация и подобное), верующие также могут использовать этот образ более глубоким образом. Ведь речь идет о символизме, который относится к воплощению Христа (Господь родился в образе человека) и взаимоотношениях людей с Господом. Дева Мария заботится о Господе и дает ему питание, фактически возможность существовать, но также и Всевышний дает каждому человеку возможность появиться на свет.

Такая удивительная и неразрывная связь позволяет глубоко осознать веру. Перед образом есть, о чем поразмыслить.

Молитвы перед иконой Млекопитательница

Тропарь, глас 3-й

Без семене от Божественнаго Духа, волею же Отчею зачала еси Сына Божия, от Отца без матери прежде век суща, нас же ради из Тебе без отца бывша, плотию родила еси и Младенца млеком питала еси, темже не престай молити избавитися от бед душам нашим.

Кондак, глас 5-й

Душ наших чувствия очистиши, узрим на иконе таинство преславное, Творца вселенныя и Господа вышних сил, во объятиях держима и от сосцу Твоею яко Младенца питаема, и, со страхом и радостию покланяющеся Тебе и рождшемуся от Тебе Спасу нашему, воззовем: Радуйся, Владычице, жизни нашея Питательница.

Молитва

Приими, Госпоже Богородительнице, слезныя моления рабов Твоих, к Тебе притекающих. Зрим Тя на святей иконе, на руках носящую и млеком питающую Сына Твоего и Бога нашего, Господа Иисуса Христа. Аще и безболезненно родила еси Его, а паче матерние скорби веси и немощи сынов и дщерей человеческих зриши. Темже тепле припадающе к цельбоносному образу Твоему и умиленно сей лобызающе, молим Тя, Всемилостивая Владычице: нас, грешных, осужденных в болезнех родити и в печалех питати чада наша, милостивно пощади и сострадательно заступи, младенцы же наша, такожде и родившия их, от тяжкаго недуга и горькия скорби избави. Даруй им здравие и благомощие, да и питаемии от силы в силу возрастати будут, и питающие их исполнятся радостию и утешением, яко да и ныне предстательством Твоим из уст младенец и ссущих Господь совершит хвалу Свою. О, Мати Сына Божия! Умилосердися на матери сынов человеческих и на немощныя люди Твоя: постигающия нас болезни скоро исцели, належащия на нас скорби и печали утоли, и не презри слез и воздыханий рабов Твоих. Услыши нас в день скорби пред иконою Твоею припадающих и в день радости избавления приими благодарное хваление сердец наших. Вознеси мольбы наша ко престолу Сына Твоего и Бога нашего, да милостив будет ко грехом и немощем нашим и пробавит милость Свою ведущим Имя Его, яко да и мы, и чада наша, прославим Тя, милосердую Заступницу и верную надежду рода нашего, во веки веков. Аминь!

(4 оценок, среднее: 4,00 из 5)

Акафист Пресвятой Богородице перед Ея иконой, именуемой “Млекопитательница”

Кондак 1 Избранней от дщерей человеческих Материю быти Христа Бога нашего принесем от любви нашея песни хвалебныя; Ты же Сына Божия неизреченно родившая и яко Младенца млеком питавшая, сохрани поющих Тя от обышедших нас зол, скорбей и напастей, да зовем Ти немолчно: Радуйся, Богородице Дево, Млекопитательнице, милостию Твоею нас присно питающая.

Икос 1 Ангелов лицы в вертеп приникнувши и узревши тамо Деву чистую, Сына млеком питающую, возопиша Тебе, Благословенней: Радуйся, рождшая мира Творца; Радуйся, питающая Питателя вселенной. Радуйся, пеленами повивающая Повивающаго небо облаки; Радуйся, дланьми носящая на Херувимех носимаго. Радуйся, яко Детищ мал всех Тобою родился еси; Радуйся, яко Младенец плачущ и мирови радость дающ. Радуйся, Богородице Дево, Млекопитательнице, милостию Твоею нас присно питающая.

Кондак 2 Видящи Святая Дева при персех Своих Богомладенца лежаща, глагола Ему: како возмогу Тя питати, Творца Моего, Емуже вся воинства небесная вопиют: Аллилуиа.

Икос 2 Разумная вся тварь недоразумевает како Дева пребываеши, Младенца млеком питаеши. Обаче неизреченному таинству сему веруя, благоговейно взываем: Радуйся, Дево неблазная; Радуйся, Девице прекрасная. Радуйся, жен украшение; Радуйся, Мати чистотствующая. Радуйся, дев правило; Рмадуйся, Благословенная в женах. Радуйся, Богородице Дево, Млекопитательнице, милостию Твоею нас присно питающая.

Кондак 3 Сила Вышняго осени Тя, Богородице Дево, и подаде Ти крепость повити и питати Егоже вси концы земли величают и поют Ему песнь великую: Аллилуиа.

Икос 3 Имея дерзновение велие к Рожденному от Тебе, призри на скорби и беды, нас обышедшия, умоли Питаемаго Тобою за ны грешныя и недостойныя да избавльшеся от лютых напастей, возглаголем Ти тако: Радуйся, Рождшая Сладчайшее Утешение наше; Рдуйся, произрастившая Благословеннаго благодатию. Радуйся, Мати наша Всеблагая; Радуйся, чадами Твоими нас нарекшая. Радуйся, благонадежное наше прибежище; Радуйся, Богородице Дево, Млекопитательнице, милостию Твоею нас присно питающая.

Кондак 4 Буря скорбей и напастей обдержит ны, трепещем да не потонем в мори житейстем, но явися нам, яко голубица Ноева, ветвь надежды подающая нам, вопиющим Богу: Аллилуиа.

Икос 4 Слышащи жена благоразумная глаголы живота вечнаго Сыном Твоим вещаемыя, прослави Тя, вопия Ему: “Благословенно чрево, носившее Тя и сосца яже еси ссал”, темже приими и наша немощныя похвалы сицевыя: Радуйся, бисере драгий, Всечудная Мати; Радуйся, велия в женах. Радуйся, ветвь присноцветущая; Радуйся, животе приемляй Сокровище освящения. Радуйся, чаше златая, Христа — Небесную Манну носящая; Радуйся, Хлебом Жизни нас возрождающая. Радуйся, Богородице Дево, Млекопитательнице, милостию Твоею нас присно питающая.

Кондак 5 Боготечныя руце Твоя, Всепетая, простри к нам немощным, воздвигни нас унылых, спаси отчаянных, да в радости душевней, ничем не смущаемей, вопием Сыну Твоему: Аллилуиа.

Икос 5 Виде Тя в Дусе богоглаголивый Исаия, яко имаши Дева сущи во чреве прияти Рожденнаго из Тебе, возгласи Ти: Радуйся, Предвечнаго рождшая; Радуйся, яко Тобою с нами Бог бывает. Радуйся, пророчеств сбытие; радуйся, пророков веселие. Радуйся, всего мира чаяние; Радуйся, рода нашего утешение. Радуйся, Богородице Дево, Млекопитательнице, милостию Твоею нас присно питающая

Кондак 6 Проповедницы присноглаголемии Твоего милосердия суть чудеса многообразнии, источаемыя от иконы Твоея святыя, ихже обильно нам даровала еси, да покланяющеся Тебе и Богомладенцу Христу, вопием гласы хвалебныя: Аллилуиа.

Икос 6 Возсия во обители Саввы Освященнаго, яко солнце светозарное, всечестная икона Твоя, Млекопитательнице именуемая, пред Нею же преподобный со иноки выну прославляше Тя, вопиюща: Радуйся, обители нашея пречудное украшение; Радуйся, от врагов видимых и невидимых твердое заступление и защищение. Радуйся, молениям нашим присновнемлющая; Радуйся, прошения наша благоутробно приемлющая. Радуйся, горестная воздыхания наша утишающая; Радуйся, слезы наша отирающая. Радуйся, Богородице Дево, Млекопитательнице, милостию Твоею нас присно питающая.

Кондак 7 Хотящи преподобный Савва отъити в жизнь вечную, пророчески рече: яко по мнозех днех приидет во обитель сию царев сын, ему тезоименитый, сей приимет святую икону Владычицы во благословение и воспоет радуяся: Аллилуиа.

Икос 7 Новый угодник Савва, святитель Сербския земли, прииде во обитель древнюю и прият по словеси его святую икону и принесе ю на гору Афонскую во обитель Хиландарскую и вси насельницы ея радостно взываху ко Владычице мира: Радуйся, присно о нас грешных промышляющая; Радуйся, николиже нас грешных забывающая. Радуйся, милость Твою тысячекратно во святых чудотворных иконах Твоих обновляющая; Радуйся, новыя знамения щедрот Твоих ныне изливающая. Радуйся, любящих и чтущих Тя зело возлюбившая. Радуйся, Богородице Дево, Млекопитательнице, милостию Твоею нас присно питающая.

Кондак 8 Странное чудо и недоразумеваемое есть неверным и суемудренным како от иконы Твоея чудеса истекают, мы же многократными милостями в сем утвержденныя пети Господу Богу, даровавшему таковую Помощницу роду христианскому дерзаем: Аллилуиа.

Икос 8 Весь мир видимый и невидимый блажит Тя, Богородице Дево, яко усердную Заступницу нашу, присно помогающую нам, в море бед и скорбей погибающим, да Тебе Единей нашей Надежде вопием: Радуйся, Сына Твоего за нас грешных умоляющая; Радуйся, в бедах и обстояниих скоро помогающая. Радуйся, молений наших скорое услышание; Радуйся, горестей жития нашего верное услаждение. Радуйся, мир и упокоение сердцам нашим дарующая; Радуйся, веру нашу укрепляющая. Радуйся, крест жизни нашея понести нам помогающая. Радуйся, Богородице Дево, Млекопитательнице, милостию Твоею нас присно питающая.

Кондак 9 Всяко ублажая Тя, Всеблагая, Иоанн Дамаскин рече, яко удобее молчание, неже пети Тя, но любовию понуждаемии, восхваляем Тя и поем Сыну Твоему песнь великую: Аллилуиа.

Икос 9 Витийствовати не хощем, но с любовию и слезами притекаем к Тебе, яко Матери чадолюбивей, и из глубины сердца вопием: Радуйся, Радость наша неизреченная; Радуйся, Утешение наше несказанное. Радуйся, домов наших ограждение; мадуйся, чад наших покрове. Радуйся, чад наших воспитание; Радуйся, юных от путей гибельных охранение. Радуйся, Богородице Дево, Млекопитательнице, милостию Твоею нас присно питающая.

Кондак 10 Спасти всех нас и хощеши и можеши, Пресвятая Дево, аще прибегаем ко всечестному Покрову Твоему, сего ради молим Тя: избави нас от горьких бед и скорбей, нашедших на ны, привлецы сердца наша к благостному прибежищу и научи вопити Богу, из Тебе рождшемуся: Аллилуиа. Икос 10 Стену нерушиму Тя нарицаем и вемы, яко истину глаголем, уведехом бо, яко зело любиши род христианский, милости и щедроты Твоя присно источаеши вопиющим Тебе: Радуйся, от сетей вражиих нас охраняющая; Радуйся, от навета злых человек нас спасающая. Радуйся, вражду сродник наших на любовь пременяющая; Радуйся, мир и тишину в домах наших сохраняющая. Радуйся, намерениям благим вспомоществующая; Радуйся, советы благия на сердце полагающая. Радуйся, Богородице Дево, Млекопитательнице, милостию Твоею нас присно питающая.

Кондак 11 Пение всякое принесоша Ти, Пренепорочная, пророцы, предзревше безсеменное зачатие и рождение от Тебе Сына Божия; пастырие же и волсви, видевше Тя рождшую и питавшую; и весь мир крещеный хвалит Тя. Веруем, яко до скончания века не умолкнет песнь хвалебная от рода христианскаго Рожденному Тобою: Аллилуиа.

Икос 11 Светило светозарное Ты еси, Пречистая, нам во тьме грехов и страстей погибающим, просвещающее наша темныя очи, сердце озаряющее высшим разумом, поющее Тя: Радуйся, Путь, Истину и Жизнь рождшая; Радуйся, истинному Богу нас вручающая. Радуйся, светом Евангелия наши мрачныя души озаряющая; Радуйся, мудрость века сего ни во чтоже вменяющая. Радуйся, мудрость превысочайшую, яже есть любовь, в сердцах наших насаждающая; Радуйся, помоще всем и во всем. Радуйся, Богородице Дево, Млекопитательнице, милостию Твоею нас присно питающая.

Кондак 12 Благодать Божия явися чудно в земли Российстей от подобия иконы Твоея Млекопитательницы пренесенныя. Темже и гора Афонская и страна наша, ныне люте страждущая, но на милость Твою несуменно уповающая, вопиют милосердому Богу: Аллилуиа.

Икос 12 Поюще Те яко Спаса нашего родившую и пеленами повившую и млеком питавшую, уповаем, яко ни коеже Твое прошение безответно от Него пребудет, понеже Сам Сладчайший Иисус обеща ту; тако имуще в сем твердую надежду, восхваляем Тя, Отрадо и Утешение наше: Радуйся, лютыя скорби в радость претворяющая; Радуйся, ожесточение сердец наших любовию Твоею умягчающая. Радуйся, любити Бога и ближняго нас научающая; Радуйся, в скорбех наших упование на Бога возлагати наставляющая. Радуйся, наши хладныя молитвы любовию Твоею согревающая; Радуйся, молитвы нас грешных и недостойных яко милостивая Матерь приемлющая. Радуйся, Богородице Дево, Млекопитательнице, милостию Твоею нас присно питающая.

Кондак 13 О Всехвальная Богородице Дево, нашего Господа и Владыку млеком питавшая, не презри сего скорбнаго моления нашего, но умоли Сына Твоего, да дарует нам грехов прощение, болезней исцеление, да сохранит нас от глада, мраза, смертоносныя язвы, нечаянныя смерти и от всех бед и обстояний, да избавльшеся сих, радуяся зовем Ему: Аллилуиа.

(Этот кондак читается трижды, затем икос 1 и кондак 1)

Молитва первая Приими, Госпоже Богородительнице, слезная моления рабов Твоих, к Тебе притекающих. Зрим Тя на святей иконе, на руках носящую и млеком питающую Сына Твоего и Бога нашего, Господа Иисуса Христа. Аще и безболезненно родила еси Его, обаче матерния скорби веси и немощи сынов и дщерей человеческих зриши. Темже тепле припадающе к цельбоносному образу Твоему и умиленно сей лобызающе, молим Тя, всемилостивая Владычице: нас, грешных, осужденных в болезнех родити и в печалех питати чада наша, милостивно пощади и сострадательно заступи, младенцы же наша, такожде и родившия их, от тяжкаго недуга и горькия скорби избави. Даруй им здравие и благомощие, да и питаемии от силы в силу возрастати будут, и питающия их исполнятся радостию и утешением, яко да и ныне предстательством Твоим из уст младенец и ссущих Господь совершит хвалу Свою. О Мати Сына Божия! Умилосердися на матери сынов человеческих и на немощныя люди Твоя: постигающия нас болезни скоро исцели, належащия на нас скорби и печали утоли, и не презри слез и воздыхании рабов Твоих. Услыши нас в день скорби пред иконою Твоею припадающих, и в день радости и избавления приими благодарная хваления сердец наших. Вознеси мольбы наша к престолу Сына Твоего и Бога нашего, да милостив будет ко грехом и немощем нашим и пробавит милость Свою ведущим имя Его, яко да и мы, и чада наша, прославим Тя, милосердую Заступницу и верную надежду рода нашего, во веки веков. Аминь.

Молитва вторая О Пресвятая Госпоже Владычице наша Богородице, Небесная наша Царице, млеком Христа Бога нашего питавшая, и нас недостойных и многогрешных Твоею богатою милостию питаеши. Спаси и избави нас грешных рабов Твоих от напрасныя клеветы, от всякия беды и напасти и внезапныя смерти. Помилуй нас в дневных часех, во утренних и вечерних и во всякое время сохрани нас: стоящих, сидящих соблюди и на всяких путех ходящих и в ночных часех спящих покрый и заступи. Защити нас, Владычице Богородице, от всех наших враг видимых и невидимых и от всякаго злаго обстояния. На всяком месте и на всякое время буди нам, Мати Преблагая, необоримая стена и крепкое заступление, всегда, ныне и присно, и во веки веков. Аминь.

Тропарь, глас 3: Без семене от Божественного Духа волею же Отчею, зачала еси Сына Божия. От Отца без матере прежде век суща, нас же ради из Тебе без отца бывша плотию познала еси Младенца и млеком питала еси. Темже не престай молити избавитися от скорбей душам нашим.

Величание: Величаем Тя, Пресвятая Дево, Млекопитательнице Спаса нашего, и чтим образ Твой святый, от негоже благодать исцеления нам присно подаеши.