Акафист Пресвятой Богородице пред иконой «Всех скорбящих Радосте»

А҆ка́ѳїстъ прест҃ѣ́й влⷣчцѣ на́шей бцⷣѣ въ че́сть і҆кѡ́ны є҆ѧ̀ всѣ́хъ скорбѧ́щихъ ра́досте.

Конда́къ а҃.

Взбра́ннѣй воево́дѣ побѣди́тельнаѧ, ꙗ҆́кѡ и҆зба́вльшесѧ ѿ вѣ́чныѧ сме́рти блгⷣтїю ѿ тебє̀ ро́ждшагѡсѧ хрⷭ҇та̀ бг҃а на́шегѡ и҆ твои́мъ мт҃рнимъ пред̾ ни́мъ хода́тайствомъ, бл҃года́рствєннаѧ восписꙋ́емъ тѝ, рабѝ твоѝ: ꙗ҆́кѡ и҆мꙋ́щаѧ держа́вꙋ непобѣди́мꙋю, ѿ всѧ́кихъ на́съ бѣ́дъ и҆ ско́рбныхъ ѡ҆бстоѧ́нїй свободѝ, зовꙋ́щихъ:

Ра́дꙋйсѧ, блгⷣтнаѧ бцⷣе дв҃о, всѣ́хъ скорбѧ́щихъ ра́досте.

І҆́косъ а҃.

А҆́гг҃лъ предста́тель по́сланъ бы́сть съ нб҃сѐ рещѝ бцⷣѣ: ра́дꙋйсѧ, возвѣща́ѧ бжⷭ҇твеннымъ воплоще́нїемъ хрⷭ҇то́вымъ хотѧ́щꙋю роди́тисѧ ѿ неѧ̀ ра́дость всемꙋ̀ мі́рꙋ, въ ско́рби погиба́ющꙋ. Тѣ́мже и҆ мы̀, грѣхмѝ ѡ҆бремене́ннїи, наде́ждꙋ спⷭ҇нїѧ въ тебѣ̀ ᲂу҆лꙋчи́вше, ᲂу҆ми́льнѡ взыва́емъ тѝ:

Ра́дꙋйсѧ, бж҃їе ко грѣ̑шнымъ бл҃говоле́нїе: ра́дꙋйсѧ, ка́ющихсѧ пред̾ гдⷭ҇емъ бг҃омъ крѣ́пкое застꙋпле́нїе.

Ра́дꙋйсѧ, па́дшагѡ а҆да́ма воззва́нїе: ра́дꙋйсѧ, сле́зъ є҆́ѵиныхъ и҆збавле́нїе.

Ра́дꙋйсѧ, грѣхо́внꙋю ѿ̾е́млющаѧ скве́рнꙋ: ра́дꙋйсѧ, ба́не, ѡ҆мыва́ющаѧ со́вѣсть.

Ра́дꙋйсѧ, ро́ждшаѧ и҆зба́вителѧ, беззакѡ́нїѧ на̑ша тꙋ́не ѡ҆чища́ющаго: ра́дꙋйсѧ, всечꙋ́дное всѣ́хъ къ бг҃ꙋ примире́нїе.

Ра́дꙋйсѧ, мо́сте, вои́стиннꙋ преводѧ́й на́съ ѿ сме́рти къ животꙋ̀: ра́дꙋйсѧ, мі́ръ ѿ пото́па грѣхо́внагѡ сп҃сшаѧ.

Ра́дꙋйсѧ, лѣ́ствице нбⷭ҇наѧ, є҆́юже гдⷭ҇ь къ на́мъ сни́де: ра́дꙋйсѧ, вина̀ всѣ́хъ ѡ҆боже́нїѧ.

Ра́дꙋйсѧ, блгⷣтнаѧ бцⷣе дв҃о, всѣ́хъ скорбѧ́щихъ ра́досте.

Конда́къ в҃.

Ви́дѧще то́ки чꙋде́съ, и҆злива́ємыѧ ѿ ст҃ы́ѧ твоеѧ̀ і҆кѡ́ны, бл҃га́ѧ бг҃ороди́тельнице, ꙗ҆́кѡ ты̀ є҆сѝ молѧ́щихсѧ бл҃га́ѧ помо́щница, ѡ҆би́димыхъ застꙋ́пница, ненадѣ́ющихсѧ наде́жда, печа́льныхъ ᲂу҆тѣше́нїе, а҆́лчꙋщихъ корми́тельница, наги́хъ ѡ҆дѣѧ́нїе, дѣ́вственныхъ цѣломⷣрїе, стра́нныхъ наста́вница, трꙋжда́ющихсѧ по́мощь, слѣпы́хъ прозрѣ́нїе, глꙋхи́хъ бл҃гослы́шанїе, больны́хъ и҆сцѣле́нїе, бл҃года́рственнѣ вопїе́мъ ѡ҆ тебѣ̀ бг҃ꙋ: А҆ллилꙋ́їа.

І҆́косъ в҃.

Ра́зꙋмъ недоразꙋмѣ́нный находѧ́щихъ на ны̀ лю́тыхъ скорбе́й разꙋмѣ́ти и҆́щꙋще, къ тебѣ̀ прибѣга́емъ, ѽ, мт҃и и҆ дв҃о, ᲂу҆тѣше́нїѧ тре́бꙋюще. Ты́ же, ꙗ҆́кѡ бл҃га́ѧ, наꙋчѝ ны̀ разꙋмѣ́ти въ ни́хъ бл҃га́гѡ сн҃а твоегѡ̀ млⷭ҇рдое промышле́нїе во спⷭ҇нїе дꙋ́шъ на́шихъ и҆ ѡ҆чище́нїе мно́гихъ согрѣше́нїй, да взыва́емъ тѝ ра́достнѡ:

Ра́дꙋйсѧ, ѡ҆бꙋрева́емыхъ ти́хое приста́нище: ра́дꙋйсѧ, сꙋмнѧ́щихсѧ и҆звѣ́стное ᲂу҆твержде́нїе.

Ра́дꙋйсѧ, є҆ди́на мт҃и млⷭ҇рдїѧ: ра́дꙋйсѧ, ско́раѧ помо́щнице сꙋ́щымъ въ бѣда́хъ и҆ напа́стехъ.

Ра́дꙋйсѧ, скорбьмѝ грѣхѝ на́шѧ ѡ҆чища́ющаѧ: ра́дꙋйсѧ, печа́лїю на́шѧ не́мѡщи дꙋшє́вныѧ врачꙋ́ющаѧ.

Ра́дꙋйсѧ, сꙋ́єтныѧ ра́дѡсти мі́ра сегѡ̀ презира́ти на́съ наꙋча́ющаѧ: ра́дꙋйсѧ, ѿ мі́ра къ премі̑рнымъ ᲂу҆́мъ на́шъ возводѧ́щаѧ.

Ра́дꙋйсѧ, ѿ любвѐ земны́ѧ къ нбⷭ҇нѣй бж҃їей любвѝ на́съ привлека́ющаѧ: ра́дꙋйсѧ, въ са́мыхъ страда́нїѧхъ на́шихъ ᲂу҆тѣше́нїе и҆ блгⷣтнꙋю жи́знь на́мъ подаю́щаѧ.

Ра́дꙋйсѧ, ѡ҆бѣтова́нїе бла̑гъ вѣ́чныхъ: ра́дꙋйсѧ, хода́таице вѣ́чныѧ ра́дости.

Ра́дꙋйсѧ, блгⷣтнаѧ бцⷣе дв҃о, всѣ́хъ скорбѧ́щихъ ра́досте.

Конда́къ г҃.

Си́лою свы́ше ᲂу҆крѣпѝ мѧ̀, бл҃га́ѧ влⷣчце, недꙋ́гꙋюща тѣ́ломъ и҆ дꙋше́ю, и҆ посѣще́нїѧ твоегѡ̀ сподо́би и҆ промышле́нїѧ, мра́къ ᲂу҆ны́нїѧ и҆ ско́рби, ѡ҆блежа́щїй мѧ̀ ѿгонѧ́юще, да сп҃са́емый тобо́ю, непреста́нно вопїю̀ бг҃ꙋ: А҆ллилꙋ́їа.

І҆́косъ г҃.

И҆мꙋ́щи бога́тство млⷭ҇рдїѧ неизрече́нное, всѣ̑мъ скорбѧ́щымъ рꙋ́кꙋ по́мощи простира́еши, недꙋ́ги врачꙋ́ющи, стра̑сти и҆сцѣлѧ́ющи. Не пре́зри и҆ менѐ, бл҃га́ѧ влⷣчце, на ѻ҆дрѣ̀ не́мощи моеѧ̀ низлежа́ща и҆ вопїю́ща тѝ:

Ра́дꙋйсѧ, млⷭ҇ти сокро́вище многоцѣ́нное: ра́дꙋйсѧ, ѿча́ѧнныхъ є҆ди́на наде́ждо.

Ра́дꙋйсѧ, тѣ́ла моегѡ̀ врачева́нїе: ра́дꙋйсѧ, дꙋшѝ моеѧ̀ спⷭ҇нїе.

Ра́дꙋйсѧ, тве́рдаѧ крѣ́посте немощны́хъ: ра́дꙋйсѧ, и҆знемога́ющихъ застꙋ́пнице и҆ ᲂу҆крѣпле́нїе.

Ра́дꙋйсѧ, гнѣ́въ бж҃їй твои́мъ моле́нїемъ ско́рѡ ᲂу҆толѧ́ющаѧ: ра́дꙋйсѧ, стра̑сти на́шѧ си́лою мл҃твъ твои́хъ ᲂу҆кроща́ющаѧ.

Ра́дꙋйсѧ, слѣпы́хъ зрѣ́нїе, глꙋхи́хъ слы́шанїе: ра́дꙋйсѧ, хромы́хъ хожде́нїе, нѣмы́хъ глаго́ланїе.

Ра́дꙋйсѧ, болѧ́щихъ бл҃гонаде́жное посѣще́нїе: ра́дꙋйсѧ, ꙗ҆́кѡ тобо́ю по мѣ́рѣ вѣ́ры подаю́тсѧ блгⷣтнаѧ и҆сцѣлє́нїѧ всѣ̑мъ немощствꙋ́ющымъ.

Ра́дꙋйсѧ, блгⷣтнаѧ бцⷣе дв҃о, всѣ́хъ скорбѧ́щихъ ра́досте.

Конда́къ д҃.

Бꙋ́рѧ мно́гихъ бѣ́дъ и҆ напа́стей ѡ҆бдержи́тъ мѧ̀, и҆ волне́нїѧ не ктомꙋ̀ терплю̀: ты́ же, ꙗ҆́кѡ млⷭ҇тиваѧ мт҃и сп҃са моегѡ̀ и҆ бг҃а, воздви́гни рꙋ́цѣ къ сн҃ꙋ твоемꙋ̀, молѧ́щи є҆го̀, да при́зритъ на лю́тꙋю ско́рбь се́рдца моегѡ̀ и҆ воздви́гнетъ мѧ̀ и҆з̾ пꙋчи́ны ѿча́ѧнїѧ, вопїю́щаго є҆мꙋ̀: А҆ллилꙋ́їа.

І҆́косъ д҃.

Слы́шащи, прест҃а́ѧ дв҃о и҆ мт҃и, сѷмеѡ́на првⷣнагѡ прорече́нїе: тебѣ̀ же само́й дꙋ́шꙋ про́йдетъ ѡ҆рꙋ́жїе, слага́ла є҆сѝ въ се́рдцѣ твое́мъ всѧ̑ глаго́лы сїѧ̑, разꙋмѣва́ющи, ꙗ҆́кѡ ра́дость мт҃рнѧгѡ се́рдца ѡ҆ ча́дѣхъ мно́гихъ печа́лей въ мі́рѣ се́мъ быва́етъ прича́стна. Тѣ́мже, ꙗ҆́кѡ и҆скꙋше́ннѣй по всѧ́чєскимъ и҆ спострада́ти мт҃рней ско́рби могꙋ́щей, взыва́емъ тѝ:

Ра́дꙋйсѧ, ра́дость мі́рꙋ хрⷭ҇та̀ сп҃си́телѧ ро́ждшаѧ: ра́дꙋйсѧ, мі́ръ ѿ скорбе́й и҆збавлѧ́ющаѧ.

Ра́дꙋйсѧ, хꙋлє́нїѧ и҆ клеветы̑ на сн҃а твоего̀ терпѣ́вшаѧ: ра́дꙋйсѧ, страда́нїємъ є҆гѡ̀ спострада́вшаѧ.

Ра́дꙋйсѧ, ско́рбныхъ ма́терей ᲂу҆тѣше́нїе: ра́дꙋйсѧ, ча̑дъ и҆̀хъ блгⷣтное ѡ҆хране́нїе.

Ра́дꙋйсѧ, въ бѣда́хъ ско́рое на́мъ застꙋпле́нїе: ра́дꙋйсѧ, заблꙋ́ждшихъ и҆справле́нїе.

Ра́дꙋйсѧ, младе́нцєвъ пита́нїе: ра́дꙋйсѧ, ю҆́ныхъ наставле́нїе.

Ра́дꙋйсѧ, мт҃и сиро́тствꙋющихъ: ра́дꙋйсѧ, вдѡ́въ застꙋпле́нїе.

Ра́дꙋйсѧ, блгⷣтнаѧ бцⷣе дв҃о, всѣ́хъ скорбѧ́щихъ ра́досте.

Конда́къ є҃.

Бг҃ото́чнꙋю кро́вь сн҃а твоегѡ̀, на крⷭ҇тѣ̀ за спⷭ҇нїе на́ше и҆злива́емꙋю, зрѧ́щи, ꙗ҆́кѡ раба̀ гдⷭ҇нѧ, смире́ннѡ во́ли ѻ҆ц҃а̀, и҆́же на нбⷭ҇ѣ́хъ, повинꙋ́ющаѧсѧ, на́мъ ѡ҆́бразъ ѕлострада́нїѧ и҆ терпѣ́нїѧ ꙗ҆ви́ла є҆сѝ, да и҆ мы̀, въ пещѝ и҆скꙋше́нїй и҆ бѣ́дъ сꙋ́щїи, вопїе́мъ смире́ннѡ бг҃ꙋ: А҆ллилꙋ́їа.

І҆́косъ є҃.

Ви́дѧ тѧ̀ сн҃ъ тво́й и҆ бг҃ъ при крⷭ҇тѣ̀ стоѧ́щꙋю съ возлю́бленнымъ ᲂу҆ченико́мъ и҆ се́рдцемъ є҆мꙋ̀ сраспина́ющꙋюсѧ, глаго́лаше: же́но, сѐ сы́нъ тво́й, и҆ ᲂу҆ченикꙋ̀: сѐ, мт҃и твоѧ̀, всыновлѧ́ѧ тебѣ̀ всѧ̑ вѣ́рꙋющыѧ въ него̀. Мы́ же, ꙗ҆́кѡ ѡ҆́бщницы ско́рби и҆ страда́нїй сн҃а твоегѡ̀, и҆мѣ́юще въ тебѣ̀ бл҃гꙋ́ю мт҃рь, на тѧ̀ всѐ ᲂу҆пова́нїе въ ско́рби возлага́юще, вопїе́мъ тѝ:

Ра́дꙋйсѧ, мт҃и ро́да хрⷭ҇тїа́нскагѡ: ра́дꙋйсѧ, ᲂу҆сынови́вшаѧ на́съ при крⷭ҇тѣ̀ сн҃а твоегѡ̀.

Ра́дꙋйсѧ, бг҃а съ человѣ̑ки соедини́вшаѧ: ра́дꙋйсѧ, вѣ́рныхъ гдⷭ҇еви сочета́вшаѧ.

Ра́дꙋйсѧ, а҆́гнице, ро́ждшаѧ а҆́гнца, взе́мшаго грѣхѝ мі́ра: ра́дꙋйсѧ, ча́ше, че́рплющаѧ на́мъ ра́дость ѿ и҆сто́чника безсме́ртїѧ.

Ра́дꙋйсѧ, спорꙋ́чнице спⷭ҇нїѧ грѣ́шныхъ: ра́дꙋйсѧ, взыска́нїе поги́бшихъ.

Ра́дꙋйсѧ, неча́ѧннаѧ грѣ́шныхъ ра́досте: ра́дꙋйсѧ, па́дшихъ воста́нїе.

Ра́дꙋйсѧ, цѣли́тельнице всѣ́хъ не́мощей: ра́дꙋйсѧ, ᲂу҆толе́нїе всѧ́кїѧ печа́ли.

Ра́дꙋйсѧ, блгⷣтнаѧ бцⷣе дв҃о, всѣ́хъ скорбѧ́щихъ ра́досте.

Конда́къ ѕ҃.

Проповѣ́дꙋютъ млⷭ҇ти твоѧ̑, бг҃омт҃и, всѝ концы̀ вселе́нныѧ, и҆́бо чⷭ҇тны́мъ покро́вомъ твои́мъ покрыва́еши ве́сь ро́дъ хрⷭ҇тїа́нскїй, ѡ҆ не́мже непреста́нно мо́лишисѧ хрⷭ҇тꙋ̀ сп҃си́телю на́шемꙋ и҆ и҆збавлѧ́еши ѿ всѣ́хъ бѣ́дъ бл҃гонра̑вныѧ и҆ бг҃обоѧ́щыѧсѧ рабы̑, вѣ́рнѡ вопїю́щїѧ бг҃ꙋ: А҆ллилꙋ́їа.

І҆́косъ ѕ҃.

Возсїѧ̀ блгⷣть свѣтоза́рнаѧ ѿ пречꙋ́дныѧ і҆кѡ́ны твоеѧ̀, бг҃омт҃и, пред̾ не́юже со слеза́ми припа́дающе, мо́лимъ тѝ сѧ̀: ѿженѝ ѡ҆́блакъ наше́дшихъ на ны̀ и҆скꙋше́нїй, да вопїе́мъ тѝ ра́достнѡ:

Ра́дꙋйсѧ, приносѧ́щаѧ къ сн҃ꙋ твоемꙋ̀ и҆ бг҃ꙋ молє́нїѧ вѣ́рныхъ: ра́дꙋйсѧ, и҆ сама̀ ᲂу҆ прⷭ҇то́ла сн҃а твоегѡ̀ непреста́нно молѧ́щаѧсѧ ѡ҆ на́съ.

Ра́дꙋйсѧ, предста́тельнице къ бг҃ꙋ, мі́ръ ѿ бѣ́дъ сп҃са́ющаѧ: ра́дꙋйсѧ, застꙋ́пнице ро́да хрⷭ҇тїа́нскагѡ, ѿ бг҃а на́мъ дарова́ннаѧ.

Ра́дꙋйсѧ, дре́во бл҃госѣнноли́ственное, и҆́мже покрыва́ютсѧ мно́зи: ра́дꙋйсѧ, дре́во свѣтлоплодови́тое, и҆́мже пита́ютсѧ вѣ́рнїи.

Ра́дꙋйсѧ, покро́ве мі́рꙋ, ши́ршїй ѡ҆́блака: ра́дꙋйсѧ, землѐ ѡ҆бѣтова́нїѧ, и҆з̾ неѧ́же тече́тъ ме́дъ и҆ млеко̀.

Ра́дꙋйсѧ, свѣ́тлый ѡ҆́блаче, вѣ̑рныѧ непреста́ннѡ ѡ҆свѣща́ющїй: ра́дꙋйсѧ, сто́лпе ѻ҆́гненный, наставлѧ́ѧй и҆збра̑нныѧ къ нбⷭ҇номꙋ наслѣ́дїю.

Ра́дꙋйсѧ, ни́во, растѧ́щаѧ ѻ҆би́лїе щедрѡ́тъ: ра́дꙋйсѧ, пода́тельнице всѧ́кїѧ бл҃гости.

Ра́дꙋйсѧ, блгⷣтнаѧ бцⷣе дв҃о, всѣ́хъ скорбѧ́щихъ ра́досте.

Конда́къ з҃.

Хотѧ́щи ꙗ҆ви́ти то́ки чꙋде́съ ѿ своеѧ̀ і҆кѡ́ны, всѣ́хъ скорбѧ́щихъ ра́дости, повелѣ́ла є҆сѝ, влⷣчце, болѧ́щей є҆ѵфи́мїи молє́бнаѧ пѣ̑нїѧ пред̾ то́ю соверша́ти, и҆ полꙋчи́вши и҆сцѣле́нїе, всѣ̑мъ проповѣ́дати млⷭ҇ти, ра́ди тоѧ̀ і҆кѡ́ны ꙗ҆влє́нныѧ, да не сокры́тъ бꙋ́детъ и҆сто́чникъ блгⷣтныхъ и҆сцѣле́нїй всѣ̑мъ тре́бꙋющымъ. Тѣ́мже и҆ мы̀ не таи́мъ твои́хъ бл҃годѣѧ́нїй, но бл҃года́рственнѣ прославлѧ́юще бг҃а, вопїе́мъ є҆мꙋ̀: А҆ллилꙋ́їа.

І҆́косъ з҃.

Но́ваѧ кꙋпѣ́ль сїлѡа́мскаѧ па́че ѻ҆́ныѧ дре́внїѧ ꙗ҆ви́сѧ, пречⷭ҇таѧ влⷣчце, хра́мъ тво́й, въ не́мже покланѧ́емсѧ чꙋдотво́рнѣй і҆кѡ́нѣ твое́й: и҆́бо не є҆ди́ною въ лѣ́то и҆ то́кмѡ пе́рвѣе входѧ́щымъ здра́вїе тѣ́ла подае́ши, но всегда̀ всѧ́кїй недꙋ́гъ и҆ всѧ́кꙋю ꙗ҆́звꙋ дꙋше́внꙋю и҆ тѣле́снꙋю врачꙋ́еши съ вѣ́рою и҆ любо́вїю къ тебѣ̀ прибѣга́ющихъ. Сегѡ̀ ра́ди вопїе́мъ тѝ:

Ра́дꙋйсѧ, кꙋпѣ́ль, въ не́йже всѧ̑ скѡ́рби на́шѧ погрꙋжа́ютсѧ: ра́дꙋйсѧ, ча́ше, є҆́юже ра́дость и҆ спⷭ҇нїе воспрїе́млемъ.

Ра́дꙋйсѧ, ка́меню, напои́вшїй жа́ждꙋщыѧ жи́зни: ра́дꙋйсѧ, дре́во, ᲂу҆слажда́ющее сла́ныѧ во́ды жите́йскагѡ мо́рѧ.

Ра́дꙋйсѧ, животво́рныѧ воды̀ неистощи́мый и҆сто́чниче: ра́дꙋйсѧ, ба́не, ѡ҆мыва́ющаѧ грѣхо́внꙋю скве́рнꙋ.

Ра́дꙋйсѧ, скорбе́й на́шихъ ᲂу҆слажде́нїе: ра́дꙋйсѧ, печа́лей на́шихъ ᲂу҆толе́нїе.

Ра́дꙋйсѧ, болѣ́зней на́шихъ врачева́нїе: ра́дꙋйсѧ, бѣ́дъ и҆збавле́нїе.

Ра́дꙋйсѧ, де́монѡвъ попра́нїе: ра́дꙋйсѧ, врагѡ́въ посрамле́нїе.

Ра́дꙋйсѧ, блгⷣтнаѧ бцⷣе дв҃о, всѣ́хъ скорбѧ́щихъ ра́досте.

Конда́къ и҃.

Стра́нницы и҆ прише́льцы всѝ є҆смы̀ на землѝ се́й, по глаго́лꙋ а҆пⷭ҇ловꙋ: бѣды̑ ѿ врагѡ́въ, бѣды̑ ѿ срѡ́дникъ, бѣды̑ ѿ лжебра́тїи терпѧ́ще въ лише́нїихъ мно́гихъ и҆ ско́рбехъ. Ты́ же, влⷣчце, ꙗ҆́кѡ бл҃га́ѧ ѻ҆диги́трїе, наста́ви на́съ къ ти́хомꙋ приста́нищꙋ, и҆ молѝ сн҃а твоегѡ̀ проще́нїю прегрѣше́нїй на́мъ пре́жде конца̀ дарова́тисѧ, да непреста́нно вопїе́мъ бг҃ꙋ: А҆ллилꙋ́їа.

І҆́косъ и҃.

Всѐ житїѐ на́ше на землѝ болѣ́зненнѡ и҆ печа́ли и҆спо́лнено ѿ клеветы̀, досажде́нїѧ, ᲂу҆коре́нїѧ и҆ и҆ны́хъ многови́дныхъ бѣ́дъ и҆ напа́стей: немощствꙋ́етъ бо тѣ́ло, и҆знемога́етъ и҆ дꙋ́хъ на́шъ. Къ тебѣ̀ ᲂу҆̀бо прибѣга́емъ, бг҃омт҃и, пред̾ пречⷭ҇тою і҆кѡ́ною твое́ю припа́дающе, и҆спо́лни ра́дости и҆ весе́лїѧ скѡ́рбнаѧ сердца̀ на̑ша, да вопїе́мъ тѝ:

Ра́дꙋйсѧ, пꙋтеводи́тельнице, къ нбⷭ҇номꙋ ѻ҆те́чествꙋ на́съ рꙋководѧ́щаѧ: ра́дꙋйсѧ, цр҃и́це нб҃а и҆ землѝ, врата̀ ра́йскаѧ на́мъ ѿверза́ющаѧ.

Ра́дꙋйсѧ, млⷭ҇тиваѧ, на́съ ми́лꙋющаѧ: ра́дꙋйсѧ, домострои́тельнице, житїѐ на́ше до́брѣ ᲂу҆строѧ́ющаѧ.

Ра́дꙋйсѧ, рꙋно̀ ѡ҆роше́нное, є҆́же гедеѡ́нъ предви́дѣ: ра́дꙋйсѧ, бл҃же́нное чре́во, невмѣсти́магѡ всѣ́ми бг҃а вмѣсти́вшее.

Ра́дꙋйсѧ, кꙋпино̀ неѡпали́маѧ: ра́дꙋйсѧ, нерꙋши́маѧ стѣно̀.

Ра́дꙋйсѧ, живоно́сный и҆сто́чниче: ра́дꙋйсѧ, цвѣ́те неꙋвѧда́емый.

Ра́дꙋйсѧ, ᲂу҆мѧгче́нїе ѕлы́хъ серде́цъ: ра́дꙋйсѧ, ᲂу҆миле́нїе бл҃ги́хъ.

Ра́дꙋйсѧ, блгⷣтнаѧ бцⷣе дв҃о, всѣ́хъ скорбѧ́щихъ ра́досте.

Конда́къ ѳ҃.

Всѧ́каѧ жите́йскаѧ въ мі́рѣ се́мъ сла́дость печа́ли быва́етъ прича́стна: сла́ва не стои́тъ, бога́тство мимотече́тъ, лѣ́пота и҆ здра́вїе ᲂу҆вѧда́ютъ, дрꙋ́зи и҆ и҆́скреннїи сме́ртїю ѿ̾е́млютсѧ. Оу҆сладѝ ᲂу҆̀бо на́шѧ скѡ́рби, бл҃ги́хъ вино́внаѧ, твою̀ нетлѣ́ннꙋю даю́щи ра́дость на́мъ, вопїю́щымъ бг҃ꙋ: А҆ллилꙋ́їа.

І҆́косъ ѳ҃.

Вѣті̑ѧ многовѣща́ннїи недоꙋмѣ́ютъ, кі́ими словесы̀ скорбѧ́щыѧ ᲂу҆тѣша́ти, но сама̀, влⷣчце, возглаго́ли сердца́мъ на́шымъ ᲂу҆тѣше́нїе, блгⷣти твоеѧ̀ лꙋча́ми ѡ҆́блакъ ско́рби на́шеѧ и҆ мра́къ ᲂу҆ны́нїѧ разгонѧ́ющи, да взыва́емъ тѝ:

Ра́дꙋйсѧ, ѡ҆бра́довавшаѧ надѣ́ѧнїемъ на тѧ̀ всѣ́хъ хрⷭ҇тїа́нъ: ра́дꙋйсѧ, ра́досте и҆ ᲂу҆мире́нїе мі́рꙋ.

Ра́дꙋйсѧ, пода́тельнице бжⷭ҇твенныѧ бл҃гости: ра́дꙋйсѧ, наде́ждо бл҃гъ вѣ́чныхъ.

Ра́дꙋйсѧ, кораблю̀ хотѧ́щихъ сп҃сти́сѧ: ра́дꙋйсѧ, приста́нище жите́йскихъ пла́ванїй.

Ра́дꙋйсѧ, вѣ́рнаѧ храни́тельнице ᲂу҆пова́ющихъ на тѧ̀ по бз҃ѣ: ра́дꙋйсѧ, ѻ҆де́ждо наги́хъ дерзнове́нїѧ.

Ра́дꙋйсѧ, храни́тельнице всѣ́хъ и҆ ᲂу҆твержде́нїе: ра́дꙋйсѧ, всѣ́хъ вѣ́рныхъ ѡ҆гражде́нїе и҆ сщ҃е́нное прибѣ́жище.

Ра́дꙋйсѧ, по́моще вѣ́рнѡ молѧ́щихсѧ тебѣ̀: ра́дꙋйсѧ, свѣ́тлое блгⷣти позна́нїе.

Ра́дꙋйсѧ, блгⷣтнаѧ бцⷣе дв҃о, всѣ́хъ скорбѧ́щихъ ра́досте.

Конда́къ і҃.

Сп҃стѝ хотѧ́й ро́дъ человѣ́ческїй ѿ вѣ́чныѧ мꙋ́ки и҆ непрестаю́щыѧ ско́рби, чл҃колю́бецъ гдⷭ҇ь въ приснодв҃ственнꙋю ᲂу҆тро́бꙋ твою̀ всели́сѧ и҆ тебѐ, мт҃рь свою̀, дарова̀ погиба́ющымъ въ по́мощь, покро́въ и҆ защище́нїе, да бꙋ́деши печа̑льнымъ ᲂу҆тѣше́нїе, скорбѧ́щымъ ра́дованїе, ѿча̑ѧннымъ наде́жда, вѣ́чныѧ мꙋ́ки свои́мъ хода́тайствомъ и҆збавлѧ́ющаѧ и҆ къ нбⷭ҇номꙋ весе́лїю приводѧ́щаѧ всѣ́хъ, вѣ́рнѡ вопїю́щихъ сн҃ꙋ твоемꙋ̀ и҆ бг҃ꙋ на́шемꙋ: А҆ллилꙋ́їа.

І҆́косъ і҃.

Стѣна̀ є҆сѝ дѣ́вамъ, бцⷣе дв҃о, и҆ всѣ̑мъ къ твоемꙋ̀ покро́вꙋ прибѣга́ющымъ. Тѣ́мже мо́лимъ тѧ̀: застꙋпѝ, покры́й и҆ соблюдѝ всѣ́хъ си́рыхъ и҆ безпомо́щныхъ ѿ и҆скꙋше́нїй, ѡ҆ѕлобле́нїй и҆ бѣ́дъ, тебѣ̀ съ любо́вїю взыва́ющихъ:

Ра́дꙋйсѧ, сто́лпе дѣ́вства: ра́дꙋйсѧ, чⷭ҇тоты̀ и҆ цѣломꙋ́дрїѧ сосꙋ́де и҆збра́нный.

Ра́дꙋйсѧ, во́инствꙋющымъ на пло́ть цѣломꙋ́дрїемъ и҆зрѧ́дное вѣнча́нїе: ра́дꙋйсѧ, во и҆́ночествѣ бл҃госкорбѧ́щымъ пода́тельнице вѣ́чнагѡ ра́дованїѧ.

Ра́дꙋйсѧ, пла́мень страсте́й и҆змѣнѧ́ющаѧ: ра́дꙋйсѧ, мра́къ и҆скꙋше́нїй прогонѧ́ющаѧ.

Ра́дꙋйсѧ, наста́внице цѣломꙋ́дрїѧ: ра́дꙋйсѧ, чⷭ҇тоты̀ ѡ҆гражде́нїе.

Ра́дꙋйсѧ, и҆справле́нїе человѣ́кѡвъ: ра́дꙋйсѧ, є҆́юже ѿ паде́нїѧ воста́хомъ.

Ра́дꙋйсѧ, тве́рдое вѣ́ры ᲂу҆твержде́нїе: ра́дꙋйсѧ, прїѧ́тное мл҃твы кади́ло.

Ра́дꙋйсѧ, блгⷣтнаѧ бцⷣе дв҃о, всѣ́хъ скорбѧ́щихъ ра́досте.

Конда́къ а҃і.

Пѣ́нїе всеꙋмиле́нное прино́симъ тѝ, рабѝ твоѝ, бцⷣе, ꙗ҆́кѡ всеси́льнѣй застꙋ́пницѣ ро́да на́шегѡ: ᲂу҆толѝ болѣ́зни многовоздыха́ющихъ дꙋ́шъ на́шихъ, ᲂу҆кротѝ гнѣ́въ бж҃їй, пра́веднѡ на ны̀ дви́жимый грѣ̑хъ ра́ди на́шихъ, и҆зба́ви на́съ ѿ всѧ́кїѧ лю́тыѧ ско́рби и҆ болѣ́зни, вопїю́щихъ ѡ҆ тебѣ̀ бг҃ꙋ: А҆ллилꙋ́їа.

І҆́косъ а҃і.

Свѣтопрїе́мнаѧ свѣща̀, ᲂу҆́глемъ блгⷣти бж҃їѧ возжже́ннаѧ, ꙗ҆ви́сѧ на́мъ пречⷭ҇тна́ѧ і҆кѡ́на твоѧ̀, влⷣчце, на ѡ҆сщ҃е́нїе на́ше и҆ ᲂу҆тѣше́нїе. Мы́ же, любо́вїю чтꙋ́ще ю҆̀ и҆ съ вѣ́рою припа́дающе къ не́й, вопїе́мъ тѝ:

Ра́дꙋйсѧ, си́льнымъ твои́мъ застꙋпле́нїемъ ѿ всѣ́хъ бѣ́дъ на́съ и҆збавлѧ́ющаѧ: ра́дꙋйсѧ, ѿ трꙋ́са и҆ пото́па на́съ защища́ющаѧ.

Ра́дꙋйсѧ, ѿ гла́да дꙋше́внагѡ и҆ тѣле́снагѡ на́съ снабдѣва́ющаѧ: ра́дꙋйсѧ, ѻ҆́гнь росо́ю мл҃твъ твои́хъ ᲂу҆гаша́ющаѧ.

Ра́дꙋйсѧ, ѿ сме́ртнагѡ гꙋби́тельства на́съ сп҃са́ющаѧ: ра́дꙋйсѧ, въ бра́нехъ крѣ́пкаѧ помо́щнице.

Ра́дꙋйсѧ, ѿ наше́ствїѧ и҆ноплеме́нныхъ на́съ ѡ҆гражда́ющаѧ: ра́дꙋйсѧ, ѿ междоꙋсо́бныѧ бра́ни ѡ҆хранѧ́ющаѧ.

Ра́дꙋйсѧ, пла́вающихъ ле́гкое по вода́мъ прехожде́нїе: ра́дꙋйсѧ, пꙋтеше́ствꙋющихъ до́браѧ води́тельнице.

Ра́дꙋйсѧ, плѣ́нныхъ свобожде́нїе: ра́дꙋйсѧ, ѿ належа́щагѡ првⷣнагѡ преще́нїѧ бж҃їѧ ско́рое и҆збавле́нїе.

Ра́дꙋйсѧ, блгⷣтнаѧ бцⷣе дв҃о, всѣ́хъ скорбѧ́щихъ ра́досте.

Конда́къ в҃і.

Бл҃года́ти зало́гъ восхотѣ́вши да́ти ро́дꙋ на́шемꙋ, цѣльбоно́снꙋю і҆кѡ́нꙋ твою̀ ꙗ҆ви́ла є҆сѝ на́мъ, бг҃омт҃и, ѿ неѧ́же то́ки чꙋде́съ съ вѣ́рою приходѧ́щымъ и҆сточа́ютсѧ, недꙋ́зи врачꙋ́ютсѧ и҆ скѡ́рби ᲂу҆толѧ́ютсѧ. Сегѡ̀ ра́ди ра́достнѡ ѡ҆ тебѣ̀ вопїе́мъ бг҃ꙋ: А҆ллилꙋ́їа.

І҆́косъ в҃і.

Пою́ще твоѧ̑ млⷭ҇ти и҆ чꙋдеса̀, бг҃ороди́тельнице, хва́лимъ тѧ̀ всѝ, ꙗ҆́кѡ тве́рдꙋю предста́тельницꙋ на́шꙋ, и҆ со ᲂу҆миле́нїемъ покланѧ́емсѧ тебѣ̀, молѧ́щейсѧ ѡ҆ на́съ, и҆ про́симъ: воздви́гни рꙋ́цѣ къ сн҃ꙋ твоемꙋ̀, да всегда̀ въ се́й жи́зни и҆ по сме́рти на́шей млⷭ҇рдїе є҆гѡ̀ неѿстꙋ́пнѡ бꙋ́детъ ѿ на́съ, взыва́ющихъ тѝ:

Ра́дꙋйсѧ, непосты́дное на́ше ᲂу҆пова́нїе въ животѣ̀ и҆ по преставле́нїи на́шемъ: ра́дꙋйсѧ, ᲂу҆пова́ющымъ на тѧ̀ ми́ренъ коне́цъ житїѧ̀ сегѡ̀ подаю́щаѧ.

Ра́дꙋйсѧ, въ де́нь сꙋ́дный на́ша наде́ждо и҆ защище́нїе: ра́дꙋйсѧ, сꙋдїѝ првⷣнагѡ ᲂу҆моле́нїе.

Ра́дꙋйсѧ, гее́нны вѣ́чныѧ и҆збавле́нїе: ра́дꙋйсѧ, наде́ждо вѣ́чнагѡ спⷭ҇нїѧ.

Ра́дꙋйсѧ, ключꙋ̀ црⷭ҇твїѧ хрⷭ҇то́ва: ра́дꙋйсѧ, две́ре ра́йскаѧ.

Ра́дꙋйсѧ, мо́сте, къ нб҃се́мъ приводѧ́й: ра́дꙋйсѧ, всѣ́хъ ка́ющихсѧ грѣ́шникѡвъ прибѣ́жище и҆ бл҃га́ѧ застꙋ́пнице.

Ра́дꙋйсѧ, а҆́гг҃лѡвъ ра́досте: ра́дꙋйсѧ, всѣ́хъ првⷣныхъ сла́во и҆ ᲂу҆тѣше́нїе.

Ра́дꙋйсѧ, блгⷣтнаѧ бцⷣе дв҃о, всѣ́хъ скорбѧ́щихъ ра́досте.

Конда́къ г҃і.

Ѽ, всепѣ́таѧ бг҃оѡбра́дованнаѧ мт҃и, ро́ждшаѧ на ра́дость нб҃ꙋ и҆ землѝ цр҃ѧ̀ хрⷭ҇та̀, бг҃а на́шегѡ! Оу҆слы́ши гла́съ скорбѧ́щихъ ра̑бъ твои́хъ, и҆ прїе́мши сїѐ ма́лое моле́нїе на́ше, и҆зба́ви на́съ ѿ всѧ́кихъ бѣ́дъ, скорбе́й и҆ напа́стей: недꙋ́ги на́ша и҆сцѣлѝ, напра́сныѧ клевєты̀ потребѝ, всѧ́кꙋ ѕло́бꙋ и҆ враждꙋ̀ ѿженѝ ѿ на́съ и҆ бꙋ́дꙋщыѧ и҆змѝ мꙋ́ки ѡ҆ тебѣ̀ вопїю́щихъ: А҆ллилꙋ́їа.

Се́й конда́къ глаго́ли три́жды, посе́мъ а҃-й і҆́косъ и҆ а҃-й конда́къ.

І҆́косъ а҃.

Ра́дꙋйсѧ, па́дшагѡ а҆да́ма воззва́нїе: ра́дꙋйсѧ, сле́зъ є҆́ѵиныхъ и҆збавле́нїе.

Ра́дꙋйсѧ, грѣхо́внꙋю ѿ̾е́млющаѧ скве́рнꙋ: ра́дꙋйсѧ, ба́не, ѡ҆мыва́ющаѧ со́вѣсть.

Ра́дꙋйсѧ, лѣ́ствице нбⷭ҇наѧ, є҆́юже гдⷭ҇ь къ на́мъ сни́де: ра́дꙋйсѧ, вина̀ всѣ́хъ ѡ҆боже́нїѧ.

Ра́дꙋйсѧ, блгⷣтнаѧ бцⷣе дв҃о, всѣ́хъ скорбѧ́щихъ ра́досте.

Конда́къ а҃.

Ра́дꙋйсѧ, блгⷣтнаѧ бцⷣе дв҃о, всѣ́хъ скорбѧ́щихъ ра́досте.

Мл҃тва.

Ѽ, прест҃а́ѧ влⷣчце бцⷣе, вы́шшаѧ херꙋві̑мъ и҆ честнѣ́йшаѧ серафі̑мъ, бг҃оизбра́ннаѧ ѻ҆трокови́це, всѣ́хъ скорбѧ́щихъ ра́досте. Пода́ждь ᲂу҆тѣше́нїе и҆ на́мъ, въ ско́рби сꙋ́щымъ: ра́звѣ бо тебѐ и҆но́гѡ прибѣ́жища и҆ по́мощи не и҆́мамы. Ты̀ є҆ди́на є҆сѝ ра́дости на́шеѧ хода́таица, и҆ ꙗ҆́кѡ мт҃рь бж҃їѧ и҆ мт҃и млⷭ҇рдїѧ, предстоѧ́щи ᲂу҆ прⷭ҇то́ла прест҃ы́ѧ трⷪ҇цы, мо́жеши на́мъ помощѝ: никто́же бо притека́ѧй къ тебѣ̀ посра́мленъ ѿхо́дитъ. Оу҆слы́ши ᲂу҆́бѡ и҆ на́съ, ны́нѣ въ де́нь ско́рби пред̾ твое́ю і҆кѡ́ною припа́дающихъ и҆ со слеза́ми тебѣ̀ молѧ́щихсѧ: ѿженѝ ѿ на́съ належа́щыѧ на на́съ ско́рби и҆ печа́ли въ се́й вре́меннѣй жи́зни, не лише́ны же ны̀ сотворѝ твои́мъ всеси́льнымъ хода́тайствомъ и҆ вѣ́чныѧ несконча́емыѧ ра́дости въ црⷭ҇твїи сн҃а твоегѡ̀ и҆ бг҃а на́шегѡ. А҆ми́нь.

Акафист Пресвятой Богородице пред иконами Ея, именуемыми «Взыскание погибших» и «Всех скорбящих Радосте»

Кондак 1

Взбранней Воеводе победительная, яко избавльшеся от вечныя смерти благодатию от Тебе рождшагося Христа Бога нашего и Твоим Матерним пред Ним ходатайством, благодарственная восписуем Ти, раби Твои: яко имущая державу непобедимую, от всяких нас бед и скорбных обстояний свободи, зовущих: Радуйся, Благодатная Богородице Дево, погибших Взыскание и всех скорбящих Радосте.

Икос 1

Ангел предстатель послан бысть с Небесе рещи Богородице: Радуйся, Благословенная в женах, предреченная Мати Христа, Сына Божия. Темже и мы, грехми обремененнии, надежду спасения в Тебе улучивше, умильно взываем Ти: Радуйся, Божие ко грешным благоволение; Радуйся, кающихся пред Господем Богом крепкое заступление. Радуйся, падшаго Адама воззвание; Радуйся, слез Евиных избавление. Радуйся, греховную отъемлющая скверну; Радуйся, бане, омывающая совесть. Радуйся, рождшая Избавителя, беззакония наша милостиво очищающаго; Радуйся, всечудное всех к Богу примирение. Радуйся, мосте, воистину преводяй нас от смерти к животу; Радуйся, мир от потопа греховнаго спасшая. Радуйся, лествице небесная, еюже Господь к нам сниде; Радуйся, вина всех обожения. Радуйся, Благодатная Богородице Дево, погибших Взыскание и всех скорбящих Радосте.

Кондак 2

Видяще токи чудес, изливаемыя от святыя Твоея иконы, Благая Богородительнице, и разумеюще, яко Ты еси молящихся Благая Помощница, обидимых Заступница, ненадеющихся надежда, печальных утешение, погибших Взыскание, алчущих Кормительница, нагих одеяние, девственных целомудрие, странных Наставница, труждающихся помощь, слепых прозрение, глухих благослышание, больных исцеление, благодарственне вопием о Тебе Богу: Аллилуиа.

Икос 2

Тайну Твоего, Богородице, заступления людей, в скорби погибающих, уразумети хотяще, к Тебе прибегаем, о Мати и Дево. Ты же, яко Благая, научи ны разумети в защищении Благаго Сына Твоего милосердое промышление о спасении душ наших и очищение многих согрешений, да взываем Ти радостно: Радуйся, обуреваемых тихое пристанище; Радуйся, сумнящихся известное утверждение. Радуйся, Едина Мати милосердия; Радуйся, скорая Помощнице сущим в бедах и напастех. Радуйся, скорбьми грехи наша очищающая; Радуйся, печалию наши немощи душевныя врачующая. Радуйся, суетныя радости презирати нас научающая; Радуйся, к вышнему миру ум наш возводящая. Радуйся, от любве земныя к Небесней Божией любви нас привлекающая; Радуйся, в самых страданиих наших утешение и благодатную жизнь нам подающая. Радуйся, обетование благ вечных; Радуйся, Ходатаице вечныя радости. Радуйся, Благодатная Богородице Дево, погибших Взыскание и всех скорбящих Радосте.

Кондак 3

Силою свыше укрепи мя, Благая Владычице, недугующа телом и душею, и посещения Твоего сподоби и промышления, мрак уныния и скорби, облежащии мя, отгоняющи, да, спасаемый Тобою, присно воспою Богу: Аллилуиа.

Икос 3

Имущи богатство милосердия неизреченное, всем скорбящим руку помощи простираеши, недуги врачующи, страсти исцеляющи. Не презри и мене, Благая Владычице, на одре немощи моея низлежаща и вопиюща Ти: Радуйся, милости сокровище многоценное; Радуйся, отчаянных едина надеждо. Радуйся, тела моего врачевание; Радуйся, души моея спасение. Радуйся, твердая крепосте немощных; Радуйся, изнемогающих Заступнице и укрепление. Радуйся, гнев Божий Твоим молением скоро утоляющая; Радуйся, страсти наша силою молитв Твоих укрощающая. Радуйся, слепых зрение, глухих слышание; Радуйся, хромых хождение, немых глаголание. Радуйся, болящих благонадежное посещение; Радуйся, яко Тобою, по мере веры, подаются благодатная исцеления всем немощствующим. Радуйся, Благодатная Богородице Дево, погибших Взыскание и всех скорбящих Радосте.

Кондак 4

Буря многих бед и напастей обдержит мя, и волнения уже не терплю. Ты же, яко Милостивая Мати Спаса моего и Бога, воздвигни руце к Сыну Твоему, молящи Его, да призрит на лютую скорбь сердца моего и воздвигнет мя из пучины отчаяния, вопиющаго Ему: Аллилуиа.

Икос 4

Слышащи, Пресвятая Дево и Мати, Симеона праведнаго проречение: Тебе же Самой душу пройдет оружие, слагала еси в сердце Твоем вся глаголы сия, разумевающи, яко радость матерняго сердца о чадех многих печалей в мире сем бывает причастна. Темже, яко искушенней по всяческим и спострадати матерней скорби, могущей, взываем Ти: Радуйся, радость миру — Христа Спасителя рождшая; Радуйся, мир от скорбей избавляющая. Радуйся, поношение Сына Твоего терпевшая; Радуйся, страданием Его спострадавшая. Радуйся, скорбных матерей утешение; Радуйся, чад их благодатное охранение. Радуйся, в бедах скорое нам заступление; Радуйся, заблуждших исправление. Радуйся, младенцев питание; Радуйся, юных наставление. Радуйся, Мати сиротствующих, Радуйся, вдов заступление. Радуйся, Благодатная Богородице Дево, погибших Взыскание и всех скорбящих Радосте.

Кондак 5

Боготочную Кровь Сына Твоего на Кресте за спасение наше изливаемую зрящи, яко Раба Господня, повинующися воли Отца, Иже на Небесех, нам образ злострадания и терпения явила еси, да и мы, в пещи искушений и бед сущии, вопием смиренно Богу: Аллилуиа.

Икос 5

Видя Тя Сын Твой и Бог, при Кресте стоящую с возлюбленным учеником и сердцем Ему сраспинающуюся, глаголаше: «Жено, се, сын Твой», и ученику: «Се, Мати твоя», всыновляя Тебе вся верующия в Него. Мы же, яко общницы скорби и страданий Сына Твоего, имеюще в Тебе Благую Матерь, на Тя все упование в скорби возлагающе, вопием Ти: Радуйся, Мати рода христианскаго; Радуйся, усыновившая нас при Кресте Сына Твоего. Радуйся, Бога с человеки соединившая; Радуйся, верных Господеви сочетавшая. Радуйся, Агнице, рождшая Агнца, вземшаго грехи мира; Радуйся, чаше, черплющая нам радость от Источника безсмертия. Радуйся, Споручнице спасения грешных; Радуйся, Взыскание погибших. Радуйся, нечаянная грешных Радосте; Радуйся, падших возстание. Радуйся, Целительнице всех немощей; Радуйся, утоление всякия печали. Радуйся, Благодатная Богородице Дево, погибших Взыскание и всех скорбящих Радосте.

Кондак 6

Проповедуют милости Твоя, Богомати, вси концы вселенныя ибо честным покровом Твоим покрывавши весь род христианский, о нем же присно молишися Христу Спасителю нашему и избавляеши от всех бед благонравныя и богобоящияся люди Твоя, верно вопиющия Богу: Аллилуиа.

Икос 6

Возсия благодать светозарны от пречудныя иконы Твоея, Богомати, пред нею же со слезами припадающе, молим Ти ся: отжени облак нашедших на ны искушений, да вопием Ти радостно: Радуйся, приносящая к Сыну Твоему и Богу моления верных; Радуйся, и Сама у Престола Сына Твоего присно молящаяся о нас. Радуйся, Предстательнице к Богу, мир от бед спасающая; Радуйся, Заступнице рода христианскаго, от Бога нам дарованная. Радуйся, древо благосеннолиственное, имже покрываются мнози; Радуйся, древо светлоплодовитое, имже питаются вернии. Радуйся, покрове миру, ширший облака; Радуйся, земле обетования, из нея же течет мед и млеко. Радуйся, ниво, растящая обилие щедрот; Радуйся, Подательнице всякия благости. Радуйся, Благодатная Богородице Дево, погибших Взыскание и всех скорбящих Радосте.

Кондак 7

Хотящи явити токи чудес от святыя иконы Твоея «Взыскание погибших», повелела еси, Владычице, в погибели и печали сущим молебная пения пред тою совершати и получившим исцеление — проповедати милости, ради тоя иконы явленныя, да не сокрыт будет источник благодатных врачеваний всем требующим. Темже и мы не таим Твоих благодеяний, но благодарственно прославляюще Бога, вопием Ему: Аллилуиа.

Икос 7

Новая купель Силоамская паче оныя древния явися, Пречистая Владычице, храм Твой, в немже поклоняемся чудотворней иконе Твоей: ибо не единою в лето и токмо первее входящим здравие тела подаеши, но всякий недуг и всякую язву душевную и телесную врачуеши с верою и любовию к Тебе прибегающих. Сего ради вопием Ти: Радуйся, купель, в нейже вся скорби наша погружаются; Радуйся, чаше, еюже радость и спасение восприемлем. Радуйся, каменю, напаяющий жаждущия жизни; Радуйся, древо, услаждающее сланыя воды житейскаго моря. Радуйся, животворныя воды неистощимый Источниче; Радуйся, бане, омывающая греховную скверну. Радуйся, скорбей наших услаждение; Радуйся, печалей наших утоление. Радуйся, демонов попрание; Радуйся, врагов посрамление. Радуйся, Благодатная Богородице Дево, погибших Взыскание и всех скорбящих Радосте.

Кондак 8

Странники и пришельцы вси есмы на земли сей, по глаголу апостолову: беды от врагов, беды от сродник, беды от лжебратии терпяще в лишениих многих и скорбех. Ты же, Владычице, яко Благая Путеводительница, настави нас к тихому пристанищу и моли Сына Твоего прощению прегрешений нам прежде конца дароватися, да присно вопием Богу: Аллилуиа.

Икос 8

Все житие наше на земли болезненно и печали исполнено от клеветы, досаждения, укорения и иных многовидных бед и напастей, немощствует бо тело, изнемогает и дух наш. К Тебе убо прибегаем, Богомати, пред пречистою иконою Твоею припадающе, исполни радости и веселия скорбная сердца наша, да вопием Ти: Радуйся, Путеводительнице, к Небесному отечеству нас руководящая; Радуйся, Царице Неба и земли, врата райская нам отверзающая. Радуйся, Милостивная, нас милующая; Радуйся, Домостроительнице, житие наше добре устрояющая. Радуйся, руно орошенное, еже Гедеон предвиде: Радуйся, блаженное чрево, невместимаго всеми Бога вместившее. Радуйся, Неопалимая Купино; Радуйся, Нерушимая Стено. Радуйся, Живоносный Источниче; Радуйся, Цвете Неувядаемый. Радуйся, умягчение сердец злых; Радуйся, умиление благих. Радуйся, Благодатная Богородице Дево, погибших Взыскание и всех скорбящих Радосте.

Кондак 9

Всякая житейская в мире сем сладость печали бывает причастна: слава не стоит, богатство мимотечет, лепота и здравие увядают, друзи и искреннии смертию отъемлются. Услади убо наша скорби, благих Виновная, Твою нетленную дающи радость нам, вопиющим Богу: Аллилуиа.

Икос 9

Ветия многовещанныя недоумеют, киими словесы скорбящия и погибающия утешати, но Сама, Владычице, возглаголи сердцам нашим утешение, благодати Твоея лучами облак скорби нашея и мрак уныния разгоняющи, да взываем Ти: Радуйся, обрадовавшая надеянием на Тя всех христиан; Радуйся, Радосте и умирение миру. Радуйся, Подательнице Божественныя благости; Радуйся, Надеждо благ вечных. Радуйся, кораблю хотящих спастися; Радуйся, пристанище житейских плаваний. Радуйся, верная Хранительнице уповающих на Тя по Бозе; Радуйся, одеждо нагих дерзновения. Радуйся, Хранительнице всех и утверждение; Радуйся, всех верных ограждение и священное прибежище. Радуйся, помоще верно молящихся Тебе; Радуйся, светлое благодати познание. Радуйся, Благодатная Богородице Дево, погибших Взыскание и всех скорбящих Радосте.

Кондак 10

Спасти хотяй род человеческий от вечныя муки и непрестающия скорби, Человеколюбец Господь в приснодевственную утробу Твою вселися, и Тебе, Матерь Свою, дарова погибающим в помощь, покров и защищение, да будеши печальным утешение, погибшим взыскание, скорбящим радование, отчаянным надежда, вечныя муки Своим ходатайством избавляющая и к Небесному веселию приводящая всех, верно вопиющих Сыну Твоему и Богу нашему: Аллилуиа.

Икос 10

Стена еси девам, Богородице Дево, и всем к Твоему покрову прибегающим. Темже молим Тя, заступи, покрый и соблюди всех погибающих и безпомощных от искушений, озлоблений и бед, Тебе с любовию взывающих: Радуйся, столпе девства; Радуйся, чистоты и целомудрия сосуде избранный. Радуйся, воинствующим на плоть целомудрием изрядное венчание; Радуйся, во иночестве благоскорбящим Подательнице вечнаго радования. Радуйся, пламень страстей изменяющая; Радуйся, мрак искушений прогоняющая. Радуйся, Наставнице целомудрия; Радуйся, чистоты ограждение. Радуйся, человеков исправление; Радуйся, Еюже от падения нашего возстахом. Радуйся, твердое веры утверждение; Радуйся, приятное молитвы кадило. Радуйся, Благодатная Богородице Дево, погибших Взыскание и всех скорбящих Радосте.

Кондак 11

Пение всеумиленное приносим Ти, раби Твои, Богородице, яко всесильней Заступнице рода нашего: утоли болезни к Тебе прибегающих, укроти гнев Божий, праведно на ны движимый грех ради наших, избави нас от всякия лютыя скорби и погибели, вопиющих о Тебе Богу: Аллилуиа.

Икос 11

Светоприемная свеща, углем благодати Божия возжженная, явися нам пречестная икона Твоя, Владычице, на освящение наше и утешение. Мы же, любовию чтуще и с верою припадающе к ней, вопием Ти: Радуйся, сильным Твоим заступлением от всех бед нас избавляющая; Радуйся, от труса и потопа нас защищающая. Радуйся, от глада душевнаго и телеснаго нас снабдевающая; Радуйся, огнь росою молитв Твоих угашающая. Радуйся, от смертнаго губительства нас спасающая; Радуйся, в бранех крепкая Помощнице. Радуйся, от нашествия иноплеменных нас ограждающая; Радуйся, от междоусобныя брани охраняющая. Радуйся, плавающих легкое по водам прохождение; Радуйся, путешествующих добрая Водительнице. Радуйся, пленных свобождение; Радуйся, от належащаго праведнаго прещения Божия скорое избавление. Радуйся, Благодатная Богородице Дево, погибших Взыскание и всех скорбящих Радосте.

Кондак 12

Благодати залог восхотевши дати роду нашему, цельбоносную икону Твою явила еси нам, Богомати, от неяже токи чудес с верою приходящим источаются, недузи врачуются и скорби утоляются. Сего ради радостно о Тебе вопием Богу: Аллилуиа.

Икос 12

Поюще Твоя милости и чудеса, Богородительнице, хвалим Тя вси, яко твердую Предстательницу нашу, и со умилением поклоняемся Тебе, молящейся о нас, и просим: воздвигни руне к Сыну Твоему, да в сей жизни и по смерти нашей милосердие Его неотступно будет о нас, взывающих Ти: Радуйся, непостыдное наше упование в житии и по преставлении нашем; Радуйся, уповающим на Тя мирен конец жития сего подающая. Радуйся, в день судный наша Надеждо и Защищение; Радуйся, Судии Праведнаго умоление. Радуйся, геенны вечныя избавление: Радуйся, Надеждо вечнаго спасения. Радуйся, ключу Царствия Христова; Радуйся, двере райская. Радуйся, мосте, к Небесем преводяй; Радуйся, всех кающихся грешников прибежище и Благая Заступнице. Радуйся, Ангелов Радосте; Радуйся, всех праведных Славо и Утешение. Радуйся, Благодатная Богородице Дево, погибших Взыскание и всех скорбящих Радосте.

Кондак 13

О Всепетая Богообрадованная Мати, рождшая на радость Небу и земли Царя Христа, Бога нашего! Услыши глас скорбящих раб Твоих и, приемши сие малое моление наше, избави нас от всяких бед, скорбей и напастей: недуги наша исцели, клеветы потреби, всяку злобу и вражду отжени от нас и будущия изми муки о Тебе вопиющих: Аллилуиа.

(Этот кондак читается трижды, затем икос 1 и кондак 1)

Молитвы к Пресвятой Богородице перед Ея иконами, именуемыми «Взыскание погибших» и «Всех скорбящих радосте»

Молитва первая

О Пресвятая и Преблагословенная Дево, Владычице Богородице! Призри милостивным Твоим оком на нас, предстоящих пред святою иконою Твоею и со умилением молящихся Тебе; воздвигни нас из глубины греховныя, просвети ум наш, омраченный страстьми, и уврачуй язвы душ и телес наших. Не имамы иныя помощи, не имамы иныя надежды, разве Тебе, Владычице. Ты веси вся немощи и согрешения наша, к Тебе прибегаем и вопием: не остави нас Твоею Небесною помощию, но предстани нам присно и Твоим неизреченным милосердием и щедротами спаси и помилуй нас, погибающих. Даруй нам исправление греховныя жизни нашея и избави нас от скорбей, бед и болезней, от внезапныя смерти, ада и вечныя муки. Ты бо, Царице и Владычице, Скорая Помощница и Заступница еси всем притекающим к Тебе и крепкое прибежище грешников кающихся. Подаждь убо нам, Преблагая и Всенепорочная Дево, христианский конец жития нашего мирен и непостыден и сподоби нас Твоим ходатайством вселитися в Обителях Небесных, идеже непрестанный глас празднующих радостию славит Пресвятую Троицу, Отца и Сына и Святаго Духа, ныне и присно, и во веки веков. Аминь.

Молитва вторая

Заступнице Усердная, Благоутробная Господа Мати, к Тебе прибегаю аз, окаянный и паче всех человек грешнейший; вонми гласу моления моего, вопль мой и стенание услыши. Яко беззакония моя превзыдоша главу мою, и аз, якоже корабль в пучине, погружаюся в море грехов моих. Но Ты, Всеблагая и Милосердная Владычице, не презри мене, отчаяннаго и во гресех погибающаго; помилуй мя, кающагося в злых делех моих, и обрати на путь правый заблудшую окаянную душу мою. На Тебе, Владычице моя, Богородице, возлагаю все упование мое. Ты, Мати Божия, сохрани и соблюди мя под кровом Твоим, ныне и присно и во веки веков. Аминь.

Молитва третья

О Пресвятая Владычице и Богородице, Высшая Херувим и Честнейшая Серафим, Богоизбранная Отроковице, погибших Взыскание и всех скорбящих Радосте! Подаждь утешение и нам, в погибели и скорби сущим; разве бо Тебе иного прибежища и помощи не имамы. Ты едина еси радости нашея Ходатаица, и яко Матерь Божия и Мати милосердия, предстоящи у Престола Пресвятыя Троицы, можеши нам помощи, никтоже бо притекаяй к Тебе посрамлен отходит. Услыши убо и нас ныне в день погибели и печали пред Твоею иконою припадающих и со слезами Тебе молящихся: отжени от нас належащия на нас скорби и беды в сей временней жизни, не лишены же сотвори Твоим всесильным ходатайством и вечныя нескончаемая радости в Царствии Сына и Бога нашего. Аминь.

Молитва четвертая

Царице моя преблагая, Надеждо моя, Богородице, Приятелище сирым и странным Предстательнице! скорбящим Радосте, обидимым Покровительнице! Зриши мою беду, зриши мою скорбь: помози ми яко немощну, окорми мя яко странна. Обиду мою веси, разреши ту, яко волиши: яко не имам иныя помощи разве Тебе, ни иныя Предстательницы ни благия Утешительницы токмо Тебе, о Богомати, яко да сохраниши мя и покрыеши во веки веков. Аминь.

Молитва пятая

О Владычице Преблагословенная, Защитнице рода христианскаго, прибежище и спасение прибегающих к Тебе! Вем, воистинну вем, яко зело согреших и прогневах, Премилостивая Госпоже, рожденнаго плотию от Тебе Сына Божия. Но имам многия образы прежде мене прогневавших Его милосердие: мытари, блудницы и прочия грешники, имже дадеся прощение грехов их покаяния ради и исповедания. Тыя убо образы помилованных очесем грешныя души моея представляя и на толикое Божие милосердие, оныя приемшее, взирая, дерзнух и аз грешный прибегну с покаянием ко Твоему благосердию. О, Всемилостивая Владычице! Подаждь ми руку помощи и испроси у Сына Твоего и Бога матерними и святейшими Твоими молитвами тяжким моим грехом прощение. Верую и исповедую, яко Той, Егоже родила еси, Сын Твоей есть воистинну Христос, Сын Бога живаго, Судия живых и мертвых, воздаяй коемуждо по делом его; верую же паки и исповедую Тебе быти истинную Богородицу, милосердия источник, утешение плачущих, взыскание погибших, сильную и непрестаюшую к Богу ходатаицу, зело любящую род христианский, и споручницу покаяния; воистинну бо несть нам иныя помощи и покрова, разве Тебе, Госпоже Премилостивая, и никтоже, уповая на Тя, постыдеся когда, и Тобою умоляя Бога, никтоже оставлен бысть. Того ради и аз Твою неисчетную благость молю: отверзи двери милосердия Твоего мне заблуждшему и падшему в тимение глубины, не возгнушайся мене сквернаго, не презри грешнаго моления моего, не остави мене окаяннаго, яко в погибель злобный враг похитити мя ищет, но умоли о мне рожденнаго от Тебе милосердаго Сына Твоего и Бога, да простит великия моя грехи и избавит мя от пагубы моея, яко да и аз, со всеми получившими прощение, воспою и прославлю безмерное милосердие Божие и Твое непостыдное о мне заступление в жизни сей и в нескончаемом веце. Аминь.

Икона Божьей Матери «Всех скорбящих радость»: о чем ей молятся и почему

6 ноября православные верующие отмечают день почитания иконы Божьей Матери «Всех скорбящих радость». Среди богородичных икон есть несколько таких, отношение к которым в народе очень теплое, глубоко личностное. К ним относится и икона «Всех скорбящих радость». Даже ее название говорит о том, что к ней обращаются в скорбях: в болезнях, в нужде, в горе.

В народной памяти сохранилось множество историй о чудесных исцелениях больных, которые совершались после молитв у этой иконы. Самое первое из упомянутых в рукописных документах чудес произошло 6 ноября 1688 года. Именно с него и началось особое почитание этой иконы – сперва в Москве, а потом и в Санкт-Петербурге.

Всех скорбящих радость: в чем помогает икона, что можно и что нельзя делать 6 ноября

Православная церковь в пятницу, 6 ноября

, отмечает
День иконы Божией Матери «Всех скорбящих радость».
На этом образе изображена Дева Мария в окружении бедствующих людей, а также ангелов, совершающих благодеяния. OBOZREVATEL предлагает узнать, каких традиций верующие придерживаются в этот день.

История иконы Божьей Матери «Всеx скорбящих Радость»

Чудотворный образ прославился в 1688 году. Тогда с его помощью в Преображенской церкви получила исцеление родная сестра патриарха Московского Иова Евфимия Папина. По преданию, женщина не вставала с постели и однажды, во время молитвы Богородице, услышала голос: «Евфимия, отчего в страдании твоем не прибегаешь ты к общей Целительнице всех?»

На вопрос изумленной больной о том, где ей найти такую Целительницу, голос ответил: «Есть в храме Преображения Сына Моего образ Мой, именуемый «Всех скорбящих Радость». Стоит он на левой стороне в трапезе, где обыкновенно становятся женщины. Призови к себе из этой церкви священника с этим образом, и когда он отслужит молебен с водосвятием, ты получишь исцеление. Не забывай же тогда Моего к тебе милосердия и исповедуй его в прославление имени Моего». После молебна женщина выздоровела. Впоследствии икона являла еще много чудесных исцелений.

Верующие молятся «Скорбящей Божьей Матери» об утешении в нужде, скорбях и печалях, при неизлечимых болезнях и душевном смятении, о вразумлении близких, потерявших верный путь, облегчении душевных страданий.

Также у иконы «Всех скорбящих радость» просят Богородицу о избавлении от нищеты и пополнении продовольственных запасов, избавлении от наркотической зависимости и алкоголизма, о решении сложных ситуаций на работе, покровительстве сирот и убогих, защите от врагов.

6 ноября верующие посещают храм, чтобы помолиться у чудотворного образа.

С этого дня девушки устраивали зимние посиделки. При свете лучины, которую ставили в светец

(специальное укрепление), ткали и пряли. Отсюда и пошло второе название праздника.

Собирались почти каждый вечер, кроме канунов больших праздников и суббот. Во время работы развлекали себя пением и страшными историями.

Посиделки устраивали, как правило, в большом доме, хозяйкой которого чаще всего была пожилая вдова. Ей платили деньги, собранные в складчину, или помогали по хозяйству. Хозяйка ставила самовар, а девушки приносили с собой выпечку.

Когда работа была закончена, к девушкам присоединялись деревенские парни. Начинались песни, танцы и другие развлечения.

Если лучина трещала – ожидался мороз. Искрила, но не загоралась, – к оттепели.

Какая погода 6 ноября, такая и 6 апреля.

Вороны собираются в стаи – к снегопаду.

Снег в начале ноября обещает теплую зиму.

Ругаться, злиться, конфликтовать, сквернословить, допускать дурные помыслы, желать кому-либо зла.

Небрежно обращаться с посудой и другими хрупкими вещами. Разбить что-то считалось дурным знаком.

Брать угощение от противоположного пола, если оно вам не по душе. Согласно поверью, таким образом человека могут приворожить.

Молитва у иконы «Всех скорбящих радость»

Надеждо ненадежных, сило безпомощных, пристанище обуреваемых, покрове напаствуемых, заступление обидимых, хлебоманно, услаждающая алчущих, нектаре небеснаго упокоения жаждущих, Мати преблагословеннаго Бога, преблагословенная и пренепорочная Дево! К Тебе единой прибегаю, к Твоему покрову вседушно преклоняю колена, Владычице. Не презри плача и слез, утехо плачущих! Аще ужасает мя мое недостоинство и окаянство моих грехов, но уверяет мя цельбоносный сей образ, на немже благодать Твою и силу, яко неисчерпаемое море, вижду: слепых прозревших, скачущих хромых, странствующих аки под сению Твоего призрения Матерне упокоенных и по всякому прошению благоизобильствующих: на оных помилования образ взирая, прибегох, слеп сый душевныма очима и хром душевными чувствы. О, свете незаходимый! Просвети и исправи мя: веси всякую мою скорбь, веси всякую беду: не презри моления моего, о Полезнодательнице! Не возгнушайся мене грешнаго, не презри мене сквернаго: вем, яко вся можеши, елика волиши, о добрая надеждо моя, упование мое от сосцу матере моея. К Тебе привержен есмь от чрева матере моея, Тебе оставлен есмь: не остави мене, не отступи от мене ныне, и присно и во веки веков. Аминь.

Ранее OBOZREVATEL публиковал православный календарь на ноябрь 2020 года: верующие отмечают несколько важных церковных праздников.

Источник