Неделя 4-я Великого поста. Преподобного Иоанна Лествичника


Неделя 4-я Великого поста. Преподобного Иоанна Лествичника


Лествица. Фрагмент иконы

Покаяние – это наше примирение с Богом. Святой Иоанн Лествичник

Пост – время покаяния, время, когда наши окаменевшие сердца должны силой Божией из бесчувственных стать чуткими, из холодных и жестких – теплыми и открытыми для других и для Самого Бога.

Пост – это время обновления, когда, как весной, все опять становится новым; когда наша жизнь, постепенно сошедшая на нет, едва мерцающая, снова оживает с силой, которую Бог может дать нам, приобщая нас к Своему Святому Духу, делая нас в Святых Тайнах и в прямом даре Самого Себя причастниками Божественной природы.

Это время примирения, а примирение – это радость Божия и наша радость; это – новое начало.

Сегодня совершается память святого Иоанна Лествичника, и я хочу прочитать вам несколько его слов, особенно значительных для того периода церковного года, который мы сейчас переживаем: «Покаяние – это наше возвращение к Богу, обновление нашего крещения; это подвиг, чтобы обновить наш союз с Богом, наш обет изменить свою жизнь. Это время, когда мы можем научиться смирению, то есть миру: миру с Богом, миром с самими собой, миру со всей тварью. Покаяние рождается от надежды и решительного отказа от отчаяния. И кающийся – это тот, который заслуживает осуждения, но уходит с предстояния суду без стыда и позора, потому что покаяние – это наше примирение с Богом. И достигается это через достойную жизнь, через войну с грехами, которые мы совершали в прошлом. Покаяние – это очищение нашей совести. Покаяние – это готовность, без слова ропота и в преображении любовью, понести всякую печаль и всякую боль».

И если мы спросим себя, как, каким путем достичь этого, как мы можем отозваться Богу, Который принимает нас, как отец принял блудного сына; Богу, Который столько ждал нас, с тоской, когда мы отвергли Его, и никогда не отвернулся от нас – как мы можем отозваться такому Богу? На это вот еще короткий отрывок о молитве: «Не изощряйся в молитвенном красноречии; потому что нашего Небесного Отца часто радует и застенчивый, немудреный лепет детей. Не многословь, когда разговариваешь с Богом, потому что иначе, изыскивая слова, ты запутаешься в них. За одно только слово Бог помиловал мытаря; одно слово веры спасло разбойника на кресте. Многословие в молитве рассеивает ум и наполняет его обилием образов. Единое же слово, обращенное к Богу, собирает ум в Его присутствии. И если, когда молишься, какое слово ударило тебя в сердце, достигло самых твоих глубин, – держись этого слова, повторяй его, ибо в такие минуты сам ангел-хранитель молится с тобой, потому что тогда мы правдивы и верны самим себе и Богу».

Станем же помнить, что говорит святой Иоанн Лествичник, даже если забудутся мои пояснения; станем помнить его слова, потому что он был человеком, который знал, что значит обратиться к Богу и остаться с Ним, быть радостью для Бога и радоваться о Нем. Память и личность святого Иоанна Лествичника предлагаются нам сейчас, когда мы восходим к страстным дням, в пример того, как благодать Божия может обыкновенного, простого человека претворить в светильник миру.

Научимся от него, станем следовать его примеру, станем радоваться о том, что Бог может Своей силой сделать с человеком; и с уверенностью, с надеждой, с ликующей и вместе с этим тихой, невозмутимой радостью последуем этому совету прислушаться к Богу, умоляющему нас найти путь жизни и говорящему нам, что с Ним, в Нем мы будем живы, потому что Он есть Истина, но так же и Путь, и Жизнь вечная. Аминь.

Митрополит Антоний Сурожский

Тропарь святому Иоанну Лествичнику

Слез твоих теченьми пустыни безплодное возделал еси, и иже из глубины воздыханьми во сто трудов уплодоносил еси, и был еси свтильник вселенней, сияя чудесы, Иоанне отче наш, моли Христа Бога, спастися душам нашим.

Кондак святому Иоанну Лествичнику

Плоды прсноцветущия, от твоея книги принося учения премудре, услаждаеши сердца, сим с трезвением внемлющих блаженне: лествица бо есть души возводящая от земли к небесней и пребывающей славе, верою чтущих тя.

Житие святого преподобного Иоанна Лествичника

Лествица Иоанна Лествичника Угодник Божий, преподобный Иоанн жил в VI веке, родом Сириец, по своему сочинению названный Лествичником или автором «Лествицы», а по месту благочестивых подвигов – Синаит. На 17 году своего возраста Иоанн принес себя в жертву Богу: тело вознес на Синайскую гору, а душу на гору небесную. Пребыв на Синайской горе в подвигах уединения 19 лет – до сорокалетнего своего возраста, преподобный удалился потом в Синайскую пустыню Фола, отстоящую на 5 стадий от Синайской церкви, и здесь в великих подвигах строгого поста и непрестанной молитвы подвизался 40 лет. В продолжение сей необыкновенной Четыредесятницы пост его был столь же необыкновенен, как и самое продолжение времени его пощения. Хотя преподобный не уклонялся от пищи, разрешенной уставом во время поста, чтобы сокрушить, как он сам говорил, рог гордыни; но принимал ее столь мало, что казался более отведывающим, нежели вкушающим; зато от всякой страсти воздерживался он решительно, повелительно говоря к ней: молчи, онемей! Покаяние его было соединено с глубоким сокрушением сердца и слезами. Долго и после его блаженной кончины показывали под горою весьма тесную пещеру – это сокровенное место подвигов покаяния, которое называют слезоточным, и которое настолько отстояло от общежития, сколько нужно было, чтоб рыдания Иоанна не слышали другие.

Преподобный Иоанн, поставленный руководителем (игуменом) других, начал путь нового восхождения к Богу и большого приближения к небу. Подобно Моисею, он, по словам писателя его жизни, приблизился к Богу, принял мыслию Богоначертанный закон и пером духа начертал, по просьбе преподобного Иоанна, игумена Раифского, Богописанные скрижали («Лествицу Рая»), кои передал не только руководимым от него, но и всем желающим восходить на небо.

Восходя далее по степеням духовных совершенств, и с большею ревностию, нежели до принятия начальства над братиею, он изложил книгу к пастырю, и таким образом сделался руководителем самых руководителей.

Преподобный представился 80 лет от рождения своего, около 606 года. Память святого Иоанна Лествичника совершается Церковью 30 марта.

В литургийном Евангелии в воскресный день четвертой седмицы Великого Поста Церковь к утешению и назиданию постящихся, Божественным свидетельством утверждая могущество поста и молитвы, открывшее Иоанну лествицу рая и возведшее его на высоту духовного совершенства, благовествует, что дух злобы изгоняется из человека только молитвою и постом, и вместе предвозвещает приближающуюся радость воскресения Христова (Мк. 17-31).

Протоиерей Г.С. Дебольский, «Дни богослужения Православной Церкви» т. 2

Среда

Тро́ичны гла́са.

По 1-м стихосло́вии седа́льны Кре́стны Осмогла́сника.

По 2-м же стихосло́вии глаго́лем настоя́щий седа́лен господи́на Ио́сифа. Гла́с 6.

Подо́бен: Упова́ние ми́ра:

Воздержа́ния вре́мя, освяща́ющий боже́ственный и всечестны́й Кре́ст в поклоне́ние лежи́т, присту́пим со́вестию чи́стою, почерпе́м освяще́ние, и просвеще́ние, и со стра́хом возопии́м: Человеколю́бче Спа́се на́ш, сла́ва благоутро́бию Твоему́. [Два́жды.]

Крестобогоро́дичен. Подо́бен:

Предстоя́щи Кресту́ Неискусобра́чная Ма́ти, от Нея́ безсе́менно Ро́ждшагося, взыва́ше: ме́чь се́рдце Мое́ про́йде, о Сы́не! не терпя́щи пове́шена на Дре́ве Тя́ зре́ти, Его́же трепе́щут вся́ческая, я́ко Созда́теля и Бо́га, долготерпели́ве, сла́ва Тебе́.

По 3-м стихосло́вии седа́лен, господи́на Фео́дора. Гла́с 1.

Подо́бен: Отча́янная:

Просвети́вшеся доброде́тельми, присту́пим воздержа́ния чистоту́ стяжа́вше, и Кресту́ честно́му вопию́ще поклони́мся: освяти́ на́шя ду́шы и телеса́, сподо́би на́с и пречи́стей стра́сти Твое́й поклони́тися, еди́не Бо́же все́х, да́руй на́м и ми́лости твоя́. [Два́жды.]

Крестобогоро́дичен, гла́с то́йже.

Подо́бен: Гро́б Тво́й:

Зря́щи Тя́ Христе́, Всенепоро́чная Ма́ти, ме́ртва на Кресте́ просте́рта, вопия́ше: Сы́не Мо́й собезнача́льне Отцу́ и Ду́хови, ко́е неизрече́нное смотре́ние Твое́ сие́, и́мже спа́сл еси́ пречи́стых ру́к Твои́х Ще́дре созда́ние?

Кано́н Креста́, его́же краестро́чие: Всечестно́му поклони́мся Дре́ву. Творе́ние господи́на Феофа́на. Гла́с 4.

Пе́снь 1.

Ирмо́с: Отве́рзу уста́ моя́:

Дре́ву свято́му, на не́мже Христо́с простре́ дла́ни, побежда́яй сопроти́вная нача́ла, поклони́мся, посто́м очи́стившеся, в хвалу́ и сла́ву Вседержи́теля.

Ви́дится предлежи́мь, освяще́ние подава́яй, Кре́ст спаси́тельный, к сему́ присту́пим, очи́стивше и те́ло и се́рдце, и почерпе́м благода́ть спаси́тельную.

Огне́м мя́ очи́сти за́поведей Твои́х, Человеколю́бче, и Твоя́ спаси́тельная пода́ждь ми́ стра́сти ны́не ви́дети, и любо́вию поклони́тися, Кресто́м огражда́ему, и соблюда́ему.

Богоро́дичен: Вознесе́ние ви́дящи на Кресте́ Твое́ Человеколю́бче, рыда́ше зову́щи Тя́ Ро́ждшая: ка́ко осужде́н, хотя́й все́м суди́ти, ви́дится вися́й сла́вы Госпо́дь?

Пе́снь 3.

Ирмо́с: Твоя́ песносло́вцы:

Поста́ водо́ю сердца́ очи́стивше, дре́во Кре́стное ве́рно объи́мем, на не́мже Христо́с ви́ся, во́ду на́м оставле́ния я́ко Благоде́тель источи́.

Кре́стным ве́трилом окрили́вшеся, кора́бль спаси́тельный се́ поста́ преполови́вше, Месси́а Иису́се Бо́же, и́мже на́с стра́сти Твоея́ к приста́нищу окорми́.

Образова́ше Моисе́й тя́ на горе́ враго́в на убие́ние, Кре́сте: мы́ же вообража́ем тя́ се́рдцем, и зря́ще тя́, и покланя́ющеся, побежда́ем враги́ безпло́тныя си́лою твое́ю.

Богоро́дичен: Хоте́нием Твои́м Челове́к бы́л еси́, Бо́г сы́й, и все́х Творе́ц: и ны́не на Кресте́ Тя ви́сима зрю́, Сы́не Мо́й, Христе́, Тя́ ро́ждшая глаго́лаше, и се́рдцем уязвля́юся.

Трипе́снец, гла́с 6:

Пе́снь 3.

Ирмо́с: Госпо́дь сы́й все́х:

Госпо́дь сы́й все́х, и Зижди́тель Бо́г, посреде́ земли́ на Кресте́ возне́слся еси́, к Себе́ вознося́ челове́ческое существо́, па́дшее злы́м врага́ сове́том. Те́мже Тя́ ве́рно сла́вим, стра́стию Твое́ю утвержда́еми.

Очи́стивше чу́вства поще́ния све́том, Креста́ мы́сленными луча́ми, бога́тно ве́рнии озари́мся, и се́й благогове́йно предлежа́щий дне́сь зря́ще, устна́ми чи́стыми, и усты́ и се́рдцем целу́ем.

Ме́сту, на не́мже стоя́сте но́зе Христо́вы, поклони́мся боже́ственному Кресту́, на ка́мени Бо́жиих за́поведей утверди́тися нога́м прося́ще души́ на́шея, напра́витися сея́ стопа́м на пу́ть ми́рный, Боже́ственною благода́тию.

Богоро́дичен: Из Отрокови́цы безму́жныя проше́л еси́ Христе́, прии́м от Сея́ пло́ть мы́сленную и одушевле́нную, и Кресто́м Твои́м врага́ потреби́в, истле́вшее челове́ческое существо́ па́ки обнови́л еси́: те́мже сла́вим благоутро́бие Твое́.

И́ный. Гла́с 1.

Ирмо́с: Утверди́ Го́споди:

Восплещи́те вси́ концы́ пе́сньми, зря́ще покланя́емое Дре́во, на не́мже Христо́с пове́шен бы́сть, и диа́вол уязви́ся.

Предлага́ется дне́сь живоно́сная ра́дость, прииди́те вси́ поклони́мся со стра́хом Христо́ву честно́му Кресту́, да прии́мем Ду́ха Свята́го.

Тро́ичен: Трилу́чное Со́лнце, трисия́нный Све́те, Бо́же О́тче, Сы́не, и Святы́й Ду́ше, безнача́льное Естество́, и сла́во, пою́щыя Тя́ изба́ви от бе́д.

Богоро́дичен: Пою́т Тя́ чи́ни а́нгельстии, благослове́нная Богоро́дице всепе́тая и Де́во, с ни́миже ны́не Тя́ ро́д челове́ческий, я́ко Безневе́стную славосло́вит.

Сла́ва Тебе́ Бо́же на́ш сла́ва Тебе́.

Гряды́й прикосну́тися тебе́ живоно́сный Кре́сте, ужаса́юся язы́ком и мы́слию, прови́дя, я́ко на тебе́ излия́ся Го́спода моего́ Боже́ственная кро́вь.

Ирмо́с: Утверди́ Го́споди Це́рковь Твою́, ю́же стяжа́л еси́ си́лою Креста́ Твоего́, и́мже врага́ победи́л еси́, и просвети́л еси́ вселе́нную.

Седа́льны, гла́с 6. Самогла́сны:

Дне́сь проро́ческое испо́лнися сло́во: се́ бо покланя́емся на ме́сто, иде́же стоя́сте но́зе Твои́ Го́споди, и Дре́ва спасе́ния вкуси́вше, грехо́вных страсте́й свобо́ду улучи́хом, моли́твами Богоро́дицы, еди́не Человеколю́бче.

Сла́ва: Кре́ст Тво́й Го́споди освяти́ся, в не́м бо быва́ют исцеле́ния боля́щым во гресе́х: и́мже Тебе́ припа́даем, поми́луй на́с.

И ны́не: То́кмо водрузи́ся дре́во Христе́ Креста́ Твоего́, основа́ния поколеба́шася сме́рти Го́споди: Его́же бо поглоти́ жела́нием а́д, отпусти́ тре́петом. Яви́л еси́ на́м спасе́ние Твое́ Святы́й, и славосло́вим Тя́ Сы́не Бо́жий, поми́луй на́с.

Пе́снь 4.

Ирмо́с: Седя́й в сла́ве:

Вообража́я зна́мение Креста́, ру́це простира́ше премене́нием, вну́чата дре́вле Иа́ков сла́вный благословля́я, и зна́менуя спаси́тельное благослове́ние, на все́х на́с приходя́щее.

Соблюда́еми печа́тию Креста́, и предлежа́ща с ра́достию ду́ха того́ целу́юще, к спаси́тельным страсте́м и́дем, губи́тельныя стра́сти плотски́я умертви́вше.

Спаси́тельное тя́ ору́жие, непобеди́мую побе́ду, ра́дости зна́мение, и́мже сме́рть умертви́ся, объи́мем, сла́вою украша́ющеся на тебе́ Пригво́ждшагося, Кре́сте всечестны́й.

Богоро́дичен: Ви́димый Мно́ю, ви́димь бы́л еси́ а́нгелом непристу́пный, Иису́се Сы́не Мо́й, пло́ть от Мене́ заимова́вый: и ны́не зря́щи Тя́ на Дре́ве пригвожде́на, рыда́ю, Христо́ва Ма́ти глаго́лаше.

Пе́снь 5.

Ирмо́с: Ужасо́шася:

Ме́ртв бы́л еси́ на Кресте́ пригвожда́емь, все́м сы́й жи́знь и спасе́ние: сего́ у́бо да́руй, очище́нною душе́ю Спа́се, на́м объя́ти, и Твоя́ стра́сти спаси́тельныя ви́дети ра́дующымся.

Предстоя́т чи́нове Тебе́ безпло́тных трепе́щуще, Дре́во животода́тельное: на тебе́ бо честну́ю кро́вь Свою́ Христо́с излия́, лучу́ испуща́я издале́ча, бесо́м нося́ па́губу безконе́чную.

Ору́жием уя́звеннаго вра́жиим, исцели́ мя кро́вию Твое́ю Сло́ве, и копие́м, грехо́в мои́х вско́ре раздери́ Спа́се рукописа́ние, вопию́ Ти, в кни́ги напису́я мя́ спасе́нных, я́ко благоутро́бен.

Богоро́дичен: Гро́зд зре́лый, ка́ко на Дре́ве обе́сился еси́? Со́лнце сла́вы, ка́ко взя́лся еси́, сия́ние со́лнца омрача́я Спа́се стра́стию твое́ю? Ро́ждшая Тя́ А́гница, дре́вле вопия́ше Ти́, ма́терски восклица́ющи.

Пе́снь 6.

Ирмо́с: Возопи́ прообразу́я:

Стря́сл еси́ водруже́нный а́дово жили́ще, ве́рным же непоколеби́мое утвержде́ние бы́л еси́, изве́стный покро́в, Госпо́день Кре́сте всечестны́й.

Плодоно́сни доброде́тельми бы́вше, объи́мем боже́ственнаго Дре́ва живоно́сныя плоды́, я́же прозябе́, простры́йся на се́м Иису́с, плодови́тая лоза́.

Пое́м Твою́ Иису́се мно́гую бла́гость, покланя́ющеся Кресту́ Твоему́, копию́, тро́сти: те́ми бо разруши́л еси́ вражды́ Ще́дре средогра́дие.

Богоро́дичен: Во́д Тя́ реку́ живото́чных роди́ Всечи́стая, я́ко исто́чника на́шего обновле́ния, на Кресте́ просте́ршагося, и ка́пли спасе́ния источи́вшаго.

Ирмо́с: Возопи́, прообразу́я погребе́ние тридне́вное, проро́к Ио́на, в ки́те моля́ся: от тли́ изба́ви мя́, Иису́се Царю́ си́л.

Конда́к, гла́с 7. Самогла́сен:

Не ктому́ пла́менное ору́жие храни́т вра́т Еде́мских, на ты́я бо на́йде пресла́вный соу́з, Дре́во кре́стное: сме́ртное жа́ло, и а́дова побе́да прогна́ся. Предста́л бо еси́ Спа́се мо́й, вопия́ су́щым во а́де: вни́дите па́ки в ра́й.

И́кос: Три́ кресты́ водрузи́ на Голго́фе Пила́т, два́ разбо́йников, и еди́н Жизнода́вца, Его́же ви́де а́д, и рече́ су́щым до́ле: о слуги́ мои́, и си́лы моя́! кто́ водрузи́в гво́здие в се́рдце мое́, древяны́м мя́ копие́м внеза́пу прободе́? и растерза́юся, вну́тренними мои́ми болю́, утро́бою уязвля́юся, чу́вства моя́ смуща́ют ду́х мо́й, и понужда́юся изрыга́ти Ада́ма, и су́щыя от Ада́ма, дре́вом да́нныя ми́: Дре́во бо сия́ вво́дит па́ки в ра́й.

Пе́снь 7.

Ирмо́с: Не послужи́ша тва́ри:

Секи́ра, ю́же Елиссе́й взя́ от Иорда́на Христе́, Кре́ст явля́ше, и́мже из глубины́ су́етия язы́ки извле́кл еси́, воспева́ющыя: отце́в Госпо́дь и Бо́г благослове́н еси́.

Ра́дуются со земны́ми небе́сная, поклоне́нию твоему́ Кре́сте: тобо́ю бо а́нгелом и челове́ком соедине́ние бы́сть всеси́льне, вопию́щым: Го́споди Бо́же благослове́н еси́.

Я́ко кипари́с милосе́рдие, я́ко ке́др же ве́ру благово́нную, я́ко пе́вк и́стинную любо́вь принося́ще, Госпо́дню Кресту́ поклони́мся, на не́м сла́вяще Изба́вителя пригвозди́вшагося.

Богоро́дичен: Не поколеба́в небе́сная, во утро́бу Твою́ Бо́г всели́ся, гра́де бо́жий избра́нный: на Кресте́ же ви́ся, тва́рь поколеба́. Его́же моли́, на недви́жимом ка́мени Его́ мне́ соблюсти́ся.

Пе́снь 8.

Ирмо́с: О́троки благочести́выя:

Просте́рл еси́ ру́це на Дре́ве, руки́ неудержи́мыя разреша́я гре́х: копие́м же пробо́дся еси́, си́м борца́ уязвля́я Го́споди: же́лчи же вкуси́л еси́, сла́стную зло́бу изъима́я, о́цтом напои́лся еси́, все́х весе́лие.

Умо́м чи́стым и со́вестию све́тло приступи́вше поклони́мся, предлежи́т честно́е Дре́во и свято́е, и́мже Христо́с безче́стную подъя́т сме́рть, че́сть наложи́в высоча́йшую, преступле́нием лю́те обезче́стившымся.

Дре́вом греха́ умертви́хся, и вкуше́нием сла́стным погребо́хся, оживи́ мя Го́споди, воздви́гни мя́ лежа́щаго, покло́нника яви́ страсте́й Твои́х, и прича́стника воста́ния Боже́ственнаго, и насле́дника возлюби́вших Тя́.

Богоро́дичен: Вознесе́на Тя́ ви́дящи, ни добро́ты в стра́сти, ни ви́да иму́ща, Его́же воплоще́нна разуме́х, красне́йша па́че сыно́в челове́ческих, Тя́ единоро́дный Сы́не, Всечи́стая вопия́ше Де́ва: покажи́ Твою́ сла́ву, все́х спасе́ние.

И́ный. Ирмо́с: За зако́ны оте́ческия:

В полу́дни распе́ншуся Тебе́ посреде́ земли́ во́лею, мирски́я концы́ из среды́ горта́ни зми́евы исто́ргл еси́ Ще́дре. Те́мже в сре́днюю седми́цу боже́ственных посто́в, покланя́ющеся сла́вим честны́й Кре́ст Тво́й, Го́спода по́йте, вопию́ще, и превозноси́те во ве́ки.

Ра́дости зна́мение, ору́жие неруши́мое, Це́ркве стено́, му́чеников похвало́, апо́столов украше́ние, архиере́ев утвержде́ние, укрепи́в изнемо́гшую мою́ ду́шу, поклони́тися сподо́би, и пе́ти Тебе́ вопию́ща: Го́спода по́йте дела́ и превозноси́те во вся́ ве́ки.

Рыда́ю и пла́чу, егда́ во уме́ мое́м прииму́ суди́ще неумы́тное, долготерпели́ве, осужде́н сы́й. те́мже пощади́ мя, и отягче́нное бре́мя души́ моея́ облегчи́, да ра́дуяся зову́: Го́спода по́йте дела́, и превозноси́те во вся́ ве́ки.

Богоро́дичен: Образова́ше купина́ та́йну, па́че ума́ Твоего́ Рождества́, Де́во Всенепоро́чная: я́коже бо она́, пребыла́ еси́, неопа́льно о́гнь ро́ждшая Христа́ Спа́са, возне́сшагося на Кре́ст. Его́же моли́, изба́вити мя́ огня́ ве́чнаго, вопию́ща: Го́спода воспева́йте дела́, и превозноси́те во вся́ ве́ки.

И́ный. Ирмо́с: Се́й нарече́нный и святы́й де́нь:

Прииди́те, Кре́ст предлежа́щий Госпо́день, посто́м очи́стившеся, облобыза́им любо́вию: сокро́вище бо на́м свяще́ния е́сть и си́лы. Те́мже пое́м Его́ во ве́ки.

Се́й Кре́ст трича́стный и вели́кий, малови́димь сы́й, небе́с ши́рший е́сть си́лою свое́ю, челове́ки к Бо́гу возво́дит при́сно: и́мже благослови́м Христа́ во ве́ки.

Благослови́м Отца́, и Сы́на, и Свята́го Ду́ха, Го́спода.

Еди́но в тре́х начерта́ниих Существо́ сла́вя, не слива́ю единоли́чно тре́х, ниже́ пресеца́ю зра́ка, Отца́, и Сы́на, со Ду́хом: еди́н бо над все́ми Бо́г в Тро́ице.

И ны́не: Еди́на в ма́терех показа́лася еси́, Де́во Богоневе́сто Мари́е, без му́жа роди́вшая Спа́са Христа́, чистоты́ печа́ть сохра́нши: Тя́ блажи́м челове́цы во ве́ки.

Сла́ва Тебе́ Бо́же на́ш, сла́ва Тебе́.

Сие́ всесвято́е Дре́во да почти́тся, е́же проро́к дре́вле вложи́ти в хле́б Христо́в взыва́ет, от изра́ильтян, распе́нших Его́. Его́же превозно́сим во вся́ ве́ки.

Ирмо́с: Ру́це в ро́в ве́рженный льво́в, иногда́ вели́кий во проро́цех, крестообра́зно просте́р Дании́л, неврежде́н от си́х сне́ди спасе́ся, благословя́ Христа́ Бо́га во ве́ки.

Пе́снь 9.

Ирмо́с: Вся́к земноро́дный:

Копие́м Твое́ ребро́ отверза́еши, оставле́ния распростира́я ми́ исто́чник: на Дре́ве же пригвозди́лся еси́, дре́вом уставля́я осужде́ние, посреде́ земли́, Человеколю́бче: е́же мы́ преполове́нием поста́ ны́не облобыза́ем, воспева́юще Твою́ благосты́ню.

Го́ры сла́дость, хо́лми ра́дование, любо́вию иска́пайте: древа́ же польска́я, Лива́нстии ке́дри лику́йте, поклоне́нием дне́сь живоно́снаго Креста́: проро́цы, му́ченицы, апо́столи, и пра́ведных ду́си взыгра́йте.

При́зри на лю́ди и достоя́ние Твое́ Го́споди, стра́хом пою́щыя Тя́, сме́рть во́льную и́хже ра́ди претерпе́л еси́, да не победи́т Твоего́ благоутро́бия безме́рное мно́жество зо́л на́ших: но спаси́ вся́ ны́ Преблаги́й Кресто́м Твои́м, я́ко Человеколю́бец.

Богоро́дичен: Манове́нием Твои́м коле́блеши ви́димый ми́р, распина́емый, пребыва́еши же ви́симый, Богоро́дица пла́чущи глаго́лаше, страстна́я умышле́ния первозда́ннаго Христе́, потреби́ти хотя́, и исцели́ти того́ сокруше́ние бла́гостию.

И́ный. Ирмо́с: Недоуме́ет вся́к:

Елиссе́й дре́вле из реки́ се́чиво влеки́й, дре́вом тя́ Кре́сте, животода́тельное дре́во вообража́ше: и́мже извлече́ из глубины́ Христо́с язы́ки и́дольскаго бесова́ния, на тебе́ пригвозди́вся: те́мже покланя́ющеся тебе́, держа́ву Его́ сла́вим.

Со́лнечныя лучы́ Спа́се, преложи́шася во тьму́, Твои́м распя́тием, осия́ние же луны́ угасе́: и стихи́и тре́петом изменя́хуся вся́. Те́мже вопию́ Ти: измене́на тьмо́ю страсте́й помышле́ния моя́, Сло́ве, Твое́ю десни́цею премени́в просвети́, и спаси́ мя.

Я́звою Твое́ю исцели́ души́ моея́ стра́сти: ре́бр Твои́х прободе́нием уста́ви боле́зненная прободе́ния бесо́в: гвоздьми́ Твои́ми Христе́, изгвозди́ сластна́я и страстна́я похоте́ния, подая́ ми безстра́стно страсте́м Твои́м честны́м поклони́тися, и воскре́снию.

Богоро́дичен: Кра́снаго добро́тою, родила́ Тя кра́сная Отрокови́ца, Его́же зря́щи ни добро́ты в страда́нии, ниже́ ви́да иму́ща, Спа́се, рыда́ющи глаго́лаше: дивлю́ся па́че ума́ Сы́не Мо́й, Твоему́ смире́нию, и́мже спаса́еши смири́вшееся естество́ челове́ческое.

И́ный. Ирмо́с: Свети́ся, свети́ся:

Предгряди́те, уясни́теся вси́ лю́дие Бо́жии, и Дре́во кре́стное предви́дяще предлежа́щее, целу́йте со стра́хом, и приими́те ра́дость, на не́м Го́спода сла́вы возне́сшагося сла́вяще при́сно.

Ору́жие Боже́ственное ты́ жи́зни мое́й Кре́сте, на тебе́ Влады́ка возше́д спасе́ мя: источи́ кро́вь и во́ду, прободе́н в ре́бра, и́мже причаща́юся ра́дуяся, сла́вя Его́.

Тро́ичен: Тро́ице Ли́цы, Еди́нице Естество́м, покланя́юся Тебе́ Божество́ Свято́е, Отцу́, и Сы́ну, со Святы́м же Ду́хом, еди́ному нача́лу, еди́ному Ца́рству, все́ми влады́чествующему.

Богоро́дичен: Гора́ вели́кая, в ню́же всели́ся Христо́с, Ты́ яви́лася еси́ Де́во, я́коже боже́ственный Дави́д вопие́т: е́юже мы́ вознесо́хомся к небеси́, всыни́вшеся Ду́хом Всеблаже́нная.

Сла́ва Тебе́ Бо́же на́ш, сла́ва Тебе́.

Ски́петре боже́ственный ца́рский Кре́сте, во́инства му́жество, во упова́нии твое́м ра́тники побежда́ем: побе́ды при́сно тебе́ кла́няющымся на ва́рвары пода́ждь на́м.

Ирмо́с: О Ма́ти Де́во, и Богоро́дице нело́жная, ро́ждшая безсе́менно Христа́ Бо́га на́шего, на Кре́ст возне́сшагося пло́тию: Тя́ ве́рнии вси́ досто́йно с Ни́м ны́не велича́ем.

Свети́лен гла́са, и настоя́щий ексапостила́рий.

Подо́бен: Ду́хом:

Преполове́нием посто́в всечестно́е Дре́во все́х в поклоне́ние призыва́ет, ели́цы страстьми́ свои́ми, Христо́вым страсте́м досто́йно спосле́дуют: прииди́те вси́ ве́рнии, поклони́мся Дре́ву стра́шнаго та́инства.

Крестобогоро́дичен: Безневе́стная и Всечи́стая Бо́га Сло́ва Ма́ти, вопия́ше крича́щи, пла́чем рыда́ющи: сицевы́я ли Ми́ Гаврии́л ра́дости принося́ше благове́щения, Ча́до? Отиди́ испо́лнити неизрече́нный сове́т и Боже́ственное смотре́ние.

На стихо́вне самогла́сен дне́, два́жды. Гла́с 8:

Поще́ния пу́ть преполови́вше, веду́щий ко Кресту́ Твоему́ честно́му, Тво́й де́нь ви́дети, его́же ви́де Авраа́м, и возра́довася я́ко из гро́ба хо́лма жи́ва Исаа́ка прие́м. Благоволи́ и на́с ве́рою изба́вившихся от врага́, и Ве́чери причасти́тися Та́йней, в ми́ре зову́щих: просвеще́ние и Спаси́телю на́ш, сла́ва Тебе́.

Му́ченичен: Му́ченицы Христо́вы непобеди́мии, победи́вше пре́лесть си́лою Кре́стною, восприя́сте благода́ть ве́чныя жи́зни, мучи́телей преще́ния не убоя́стеся, му́ками ураня́еми веселите́ся: и ны́не кро́ви ва́шя бы́ша исцеле́ния ду́ш на́ших. Моли́те спасти́ся душа́м на́шым.

Сла́ва, гла́с то́йже: Преполови́вше пучи́ну воздержа́ния, приста́нище прии́мем спасе́ния, вре́мя стра́сти Твоея́ во́льныя Го́споди: но я́ко Благоутро́бен и Ще́др, и де́нь сла́внаго Воскресе́ния Твоего́, в ми́ре сподо́би на́с ви́дети Человеколю́бче.

И ны́не, па́ки то́йже.

Крестопоклоне́ние же быва́ет в 1-й ча́с, во́ньже пое́м преднапи́санныя стихи́ры неде́льныя, самогла́сны, гла́с 2: Прииди́те ве́рнии: И про́чая. И отпу́ст.

На 6-м часе́ тропа́рь проро́чества, гла́с 6:

Кресту́ Твоему́ покланя́емся Влады́ко, и свято́е Воскре́сние Твое́ сла́вим.

Проки́мен, псало́м 69. Гла́с 6: Да возра́дуются, и возвеселя́тся о Тебе́ вси́ и́щущии Тебе́ Бо́же. Сти́х: Да возвратя́тся вспя́ть и постыдя́тся:

Проро́чества Иса́иина чте́ние. [Ис. 26:21, 27:1–9.]

Се́ Госпо́дь от свята́го [ме́ста] наво́дит гне́в на живу́щыя на земли́, и откры́ет земля́ кро́вь свою́, и не покры́ет избие́нных. В то́й де́нь наведе́т Госпо́дь ме́чь святы́й, и вели́кий, и кре́пкий на дра́конта зми́а бежа́ща, на дра́конта зми́а лука́ваго: и убие́т дра́конта су́щаго в мо́ри. В то́й де́нь виногра́д до́брый, жела́ше пе́ти над ни́м. А́з гра́д кре́пкий, гра́д вою́емый, всу́е напою́ его́: плене́н бо бу́дет но́щию, в де́нь же паде́тся стена́ его́. не́сть того́, и́же не во́змет его́. Кто́ мя приста́вит стрещи́ сте́блия на ни́ве? ра́ди вражды́ сея́ отри́нух и́: у́бо сего́ ра́ди сотвори́ Госпо́дь Бо́г вся́, ели́ка совеща́: И сгоре́х, возопию́т живу́щии в не́м: сотвори́м ми́р ему́, сотвори́м ми́р. Приходя́щая ча́да Иа́ковля: прозя́бнет и процвете́т Изра́иль, и напо́лнится вселе́нная плода́ его́. Еда́ я́коже то́й порази́, и са́м си́це уязви́тся? и я́коже са́м уби́, та́кожде убие́н бу́дет. Сваря́ся и укоря́я отпу́стит я́: не ты́ ли бы́л еси́ помышля́я ду́хом жесто́ким уби́ти я́ ду́хом я́рости? Сего́ ра́ди оти́мется беззако́ние Иа́ковле, и сие́ е́сть благослове́ние его́, егда́ отиму́ гре́х его́, егда́ положа́т все́ ка́мение тре́бищ сокруше́но а́ки пра́х дро́бный: и не пребу́дут древеса́ и́х, и куми́ры и́х бу́дут посе́чени, а́ки дубра́ва дале́че.

Проки́мен, псало́м 70. Гла́с 6: На Тя́ Го́споди, упова́х, да не постыжу́ся в ве́к. Сти́х: Пра́вдою Твое́ю изба́ви мя́.

Тексты канонов Пресвятой Богородице, поемых на Великом повечерии со Второй седмицы Поста

Для текстов с ударениями необходимо установить шрифт Triod, скачать его можно здесь.

КаноныСкачать .doc без ударенийСкачать .doc с ударениямиСкачать .pdf с ударениями
Предисловие и две статьи
Чин малого повечерия
Молебен общий Божией Матери
Семь канонов глас 1
Семь канонов глас 2
Семь канонов глас 3
Семь канонов глас 4
Семь канонов глас 5
Семь канонов глас 6
Семь канонов глас 7
Семь канонов глас 8
Малый молебный канон глас 8
Великий молебный канон глас 8
Акафист Пресвятей Богородице
Канон субботы Акафиста
Канон благодарственный (суббота акафиста)
Канон молебный глас 8
Канон благодарственный глас 8
Скачать весь Богородичник в архиве
Рейтинг
( 2 оценки, среднее 4.5 из 5 )
Понравилась статья? Поделиться с друзьями:
Для любых предложений по сайту: [email protected]