Акафист святому новомученику врачу Евгению Боткину
Кондак 1
Избранный угодниче и страстотерпче Христов, Евгение преславне, пламенем любви Христовой разжигаемый, на камене веры процвел еси; многие скорби и кончину лютую со страстотерпцы царственными от богоборцев кротко претерпел еси, душу твою за веру и правду положил еси. Ныне всечестную твою память празднуще, похвальное пение приносим ти. Ты же, яко имеяй дерзновение ко Владыце небесе и земли, от всяких нас бед свободи, к тебе ныне зовущих:
Радуйся, святый новомучениче Евгение, врачу благий и милостивый!
Икос 1
Ангел земный и человек небесный был еси, святый Евгение, от юности бо до самой кончины мученической неустанно Господеви работал еси, труды ко трудом прилагая и от силы в силу восходя, да прославится в тебе Христос, Врачующий души и телеса наша, Его же ради подвизался еси, Его же возлюбил еси, Его же Единого вожделе душа твоя, Его же ради страдания многи претерпел еси, Его же благодатию светло украшен еси. Сего ради тебе, на небеси и на земли прославленному вопием сице:
Радуйся, бодрости и трезвения предобрый учителю;
Радуйся, нерадения и праздности известный прогонителю;
Радуйся, трудолюбия, еже всякому благу утверждение, рачителю;
Радуйся, богобоязненных мирян скоропослушливый попечителю;
Радуйся, врачей похвало и новомучеников украшение;
Радуйся, невинно от пребеззаконных людей к Христу пострадавый;
Радуйся, молитвам нашим, аще и немощным, с любовию внемлющий;
Радуйся, от всея души и сердца возносимая к вам прошения наша исполняющий;
Радуйся, святый новомучениче Евгение, врачу благий и милостивый!
Кондак 2
Видя Христос Бог душу твою, всеславне Евгение, ко приятию слова Божия предуготованную, просвети тя благодатию своею, ты бо выну Пути, Истине и Жизни неизменно до кончины мученическия твоя следовал еси; ныне же веру соблюдши, яко верный воин Христов, радуешися в Небесном Отечестве, воспевая Господеви: «Аллилуия!»
Икос 2
Разумом твоим, честный Евгение, от дней юности твоея, образу служения отца твоего последуя, в искусстве врачевания возрастал еси, во всеучилище именитем трудяся усердно, паче же сего любовию к людем страждущим просиял еси, бедных безмедно врачуя и всего себе по завету апостольскому людем отдавая. Сице молим тя: преобрази души наша любовию милосердною, да возможем и мы тяготы ближних носити и служити има нелицемерне, выну в благодати Божией возратати, зовуще ти:
Радуйся, родителей именитых чадо благословенное;
Радуйся, на древе рода своего плодоносящею ветвию возцветший;
Радуйся, дарованный талант приумноживый;
Радуйся, правды и истины всегда искавый;
Радуйся, преподобному Агапиту в твердом уповании на Господа подражавый;
Радуйся, подобно Серафиму радость духовную стяжавый;
Радуйся, из глубины неверия извлекающий;
Радуйся, многих в разуме просвещающий;
Радуйся, святый новомучениче Евгение, врачу благий и милостивый!
Кондак 3
Сила Вышняго и Покров Царицы Небесныя осеняше тя, добронравный Евгение, в годину брани с Япониею языческою, егда горя любовию ко страждущим воином, ты служил еси им врачебным искусством, подражая Пантелеимону Целителю, не взирая на опасности и лишения, непрестанно в сердце Богу поя песнь: «Аллилуия!»
Икос 3
Имуще дар слова, от Бога тебе данный, прехвальный Евгение, врачуя телеса страждущих, ты не забывал еси и о душах их, утешая, вразумляя, наставляя и врачуя от маловерия, уныния и отчаяния злаго. Сие же убо ныне воспоминающе, просим тя: сотвори молитву за ны ко Врачу душ и телес, да и мы твоим предстательством избавимся от скорбей временых и вечных, ведуще бо тя помощника неусыпна, умиленно вопием ти:
Радуйся, Единаго Христа всем сердцем возлюбивый;
Радуйся, яко милосердный самарянин, ближним послуживый;
Радуйся, надежду несомненную в души их влагавый;
Радуйся, от суеты многообразной ум наш освобождающий;
Радуйся, к познанию благого промысла Божия нас обращающий;
Радуйся, к неленностному творению молитвы привлекающий;
Радуйся, благоплодностью души наша наполняющий;
Радуйся, изможденных горестями житейскими укрепляющий;
Радуйся, святый новомучениче Евгение, врачу благий и милостивый!
Кондак 4
Бурю внутрь помыслов и страстей волны безбедно прешед, святый Евгение, обрел бо еси тихое пристанище Христа, Емуже неленостно во мнозе долготерпении поработал еси; сице молим тя: миром Господним наполни души наша, благомыслием озари умы, да удалимся мы от скверны греховныя и возможем выну следовати заветом Спасителя, воспевая Ему о тебе: «Аллилуия!»
Икос 4
Слышавше о тебе благоверная Царица Александра, яко, прехвальне Евгение, знанием врачевания иных превосходиши, яко с усердием и любовию воинам страждущим на поле брани послужил еси, призва тя к служению в чертоги своя; Царь же Николай саном лейб-медика тя почти. Мы же славяще Бога, возносящаго смиренных сердцем, и венчающаго их милостию и щедротами, взываем ти сице:
Радуйся, лютых и неисцельных недугов телесных врачевателю;
Радуйся, немощей и страстей душевных целителю;
Радуйся, всем приходящим к тебе благ преизобильный подателю;
Радуйся, терпением и мужеством души наша украшающий;
Радуйся, нас, алчущих и жаждущих правды, насыщающий;
Радуйся, сердца наша благодатию Божиею, вам данною, очищающий;
Радуйся, очи наши духовныя к зрению Бога изощряющий;
Радуйся, вражды и ссоры наша умиротворяющий;
Радуйся, святый новомучениче Евгение, врачу благий и милостивый!
Кондак 5
Боготечной звезде, путь ко Христу указующей подобен воистину явился, святый мучениче Евгение, ты бо во все дни земного жития твоего учеником, друзьям и врагом, а паче, ближним твоим являл еси образ добродетельнаго жития, ныне, мы, воспоминая подвизи твоя, радостно воспеваем Христу, всемогущему Врачу Душ и телес, выю твою своею благодатию укреплявшему, пение благодарственное: «Аллилуия!»
Икос 5
Видя паки страдания воинов во дни войны с Германией, любовию же подвизаем купно с Царицею Александрою лечебницу преславную в Царском Селе сотворил еси, идеже многия люди страждущие исцеления духовное и телесное обретаху. Мы же, ныне вся сия поминающе, просим тя, святый Евгение, твоею молитвою исцели и нас, грешных, да благодарственне зовем ти:
Радуйся, врачам мысль благую на сердце полагающий;
Радуйся, в служении ближнему их присно укрепляющий;
Радуйся, больных в кротости и терпении утверждающий;
Радуйся, пути исцеления всем нам указующий;
Радуйся, оставленных врачами со одра болезни воздвизающий;
Радуйся, внутренний мрак душ наших светом Христовым озаряющий;
Радуйся, отступивших от правыя веры на путь спасения возвращающий;
Радуйся, блуждающих по морю жития сего мудре окормляющий;
Радуйся, святый новомучениче Евгение, врачу благий и милостивый!
Кондак 6
Проповедника тя благочестия яви Господь во граде Петрове и Селе Царском, паче же сих в пределех Сибирских, святый Евгение: кто бо не умилится, воспоминая великия твоя добродетели: мудрость и любы, кротость и терпение, молитву и милосердие, яко не токмо честным и благородным житием просиял еси, но и ближнему безмездно послужил еси, и веру Христову пред лицем власти богоборныя исповедал еси: темже мы, славяще Бога, дивнаго во святых своих поем: «Аллилуия!»
Икос 6
Возсиял еси светом веры несомненныя в годину исптытания лютаго, прехвальный Евгение, егда людие богоотступныя воздвигоша брань против Всемогущего Бога нашего и Помазанника Его, в дни убо потече, яко вода кровь мученик и страстотерпцев, за Христа и правду Его умерщвляемых. Ты же, угодниче Божий, изгнание из града Петрова в Тобольск купно с Царем Николаем претерпел еси; сие же вспоминая ныне просим тебя: обнови веру и оживотвори надежду нашу, да зовем ти сице:
Радуйся, страх смерти и страданий великою верою в Воскресшего Бога низложивый;
Радуйся, на подвиг духовный, многих окрест тебе сущих воодушевивый;
Радуйся, от тлеющих углей ненависти души наша омывающий;
Радуйся, даром благости небесной нас обогощающий;
Радуйся, от злословия и осуждения уста наша оберегающий;
Радуйся, словом благим ближним служить научающий;
Радуйся, в каждом человеке видеть образ Божий сподвигающий;
Радуйся, милосердную любовь в сердцах воскрешающий;
Радуйся, святый новомучениче Евгение, врачу благий и милостивый!
Кондак 7
Хотя последовати Христу, подражал Ему всеусердно, прияв на себя иго Его, научился от Него кротости и смирению, возжелал еси всем сердцем твоим, блаженне Евгение, единому Господу работати, себе ни во чтоже вменил еси, труды к трудом в дусе кротости и смирения прилагая, дерзновение в молитве стяжал еси, ближних твоих призывая верно славити Бога, в Троице Единаго, и воспевати Ему: «Аллилуия!»
Икос 7
Новаго светильника дарова Господь Церкви Российской – Евгения, врача благоискуснаго и новомученика всеславнаго, ты бо, угодниче Божий, ныне в вышних пребываеши, но и нас, низших, не оставляеши твоими молитвами и предстательством у Христа – Царя славы и Господа Бога нашего. Сего ради, недоумеюще благохвалити тя по достоянию, со умилением сердца, из глубины души, к тебе взываем:
Радуйся, всех с верою приходящих к вам благодатно освящающий;
Радуйся, усердно призывающим вас помогающий;
Радуйся, светом твоим нашу тьму греховную разгоняющий;
Радуйся, теплотою любви твоея наша хладная сердца согревающий;
Радуйся, козни вражия предстательством твоим разрушающий;
Радуйся, сокровище мира духовнаго нам открывающий;
Радуйся, к свету Христову заблудшия наставляющий;
Радуйся, упованию христианскому верныя научающий;
Радуйся, святый новомучениче Евгение, врачу благий и милостивый!
Кондак 8
Странному и неизреченному смирению воплотившегося Бога Слова подражая, страстотерпче преславне, сам исполнился еси великаго смирения и незлобия, даже ко врагом народа и Царя твоих. Мы же ныне молим тя, угодниче Божий, представительством твоим небесным испроси и нам сия боголюбезныя добродетели, да не поработимся страстем греховным, но исполнимся духа любви и кротости к ближним нашим и благочестно воспоем Спасителю Нашему: «Аллилуйа!»
Икос 8
Весь исполнь любве Христовы, благоверный Евгение, не оставил еси венценосную семью в заточении суще, и с велию любовию послужил еси има аки врач благий и мудрый, аки сомолитвенник и наперсник верный, аки друг благоговейный, аки христианин Помазаннику Божиему. Мы любве и верности твоея последовати желая, таковыя похвалы с надеждою возносим ти:
Радуйся, томления в заточeнии от злочестивых богоотступников претерпевый;
Радуйся, в скорбех земных небрегший и радость небесную обретый;
Радуйся, от мрака земнаго к Небесному свету устремившийся;
Радуйся, вере правой и благочестию нас научающий;
Радуйся, надежду известную нам подавающий;
Радуйся, любовь нелицемерную в нас воспламеняющий;
Радуйся, в пренесении испытаний и гонений нас укрепляющий;
Радуйся, потемненныя грехми очеса душ наших светом евангельским просвещающий;
Радуйся, святый новомучениче Евгение, врачу благий и милостивый!
Кондак 9
Всем житием, милосерднаго служения и добродетелей многоразличных исполненнаго, твоим привлекл еси к себе велию благодать мученичества, благоверный болярине Евгение. Навыкл бо еси измлада прилеплятися Богови сердцем твоим, страстотерпче пречудный. Научи убо и ны, недостойныя, искати паче всего Царствия Божия, презирати же преходящая и тленная, воспевая во умилении Господеви: «Аллилуия!»
Икос 9
Ветии многовещанныя не возмогут по достоянию изрещи пречуднаго прославления памяти твоея, прехвальный страстотерпче Евгение; мы же, к покаянию тобою подвигаемии, благосердию твоему подражати хотяще, просим убо тя: утверди нас вере истиней твердо стояти, отврати сердца наша от кривды лжепророков рая земнаго, в истине евангельской утверди ны, силу зломыслия человеческаго твоима святыма молитвами поколеби и разруши, святый новомучениче, благостью и человеколюбием преобрази иссыхающия души, и прими многомилостивно величания сия:
Радуйся, к Распеншемуся нас ради на Кресте разум свой выну возводивший;
Радуйся, страдальческою кончиною вашею незлобие Агнца Божия проповедав-ший;
Радуйся, нести людям Христов свет призывающий;
Радуйся, благодатную силу исцеления просящим подающий;
Радуйся, от проказы греховныя нас избавляющий;
Радуйся, утешение благое в сердца низпосылающий;
Радуйся, упование на милосердие Божие благодатно вселяющий;
Радуйся, грехов оставление и в добродетельном житии укрепление нам подающий;
Радуйся, святый новомучениче Евгение, врачу благий и милостивый!
Кондак 10
Спасительнаго подвига твоего свершая течение, Евгение достохвальне, отвергл еси глаголы богоборцев, принуждавших тя Императора Николая, Царицу Александру и чад их оставити и служение иное прияти, ты бо, долгу врача и чести дворянской последуя, во славе с Царем боговенчанным пребыл еси и в горести ему верным служителем ему явился еси, на Господа Предвечнаго упование возлагая, чад своих Его промыслу предал еси, тако бо Авраамову надежду стяжал еси и верою Иову многострадальному уподобился еси. Ныне со всеми праведниками, от века в долину вечной радости исшедшими величаеши Отца Небеснаго пением всепобедным: «Аллилуия!»
Икос 10
Стена крепкая, ухищрениями диавола не одоленная, пребыл еси до конца, мучениче Христов Евгение, в доме Ипатиевом со царственными мучениками заключенный, взирая на начальника веры и совершителя Иисуса, за Ним бо последовал еси даже до смерти крестной, ведая убо яко Христос смертию своею смерть попра, и за него убиенныя вечно с Ним соцарствуют в обителех Отца Небеснаго. Почитая же святую кончину твою, поклоняемся неизследимому Промыслу Всевышняго, сподобльшаго тя причастника быти неизреченныя славы Своея в Иерусалиме Небесном, отонюдуже приклони ухо твое ко гласом нашим, взывающим ти сице:
Радуйся, нищий духом, яко твое есть Царствие Небесное;
Радуйся, скорбящий и плачущий, яко утешил тя Господь;
Радуйся, страдальче кроткий, яко Богом прославленный;
Радуйся, алчущий и жаждущий правды, яко насытивыйся;
Радуйся, милостивый к страждущим, яко Богом помилованный;
Радуйся, чистый сердцем, яко Бога ныне непосредственно зриши;
Радуйся, миротворче, сыном Божиим нареченный;
Радуйся, гонимый за правду, яко твое есть ныне Царствие Небесное;
Радуйся, святый новомучениче Евгение, врачу благий и милостивый!
Кондак 11
Пение непрестанное Иисусу Сладчайшему и Пречистей Его Матери возносяще, всеславный Евгение, благословляя убийц своих и моляще о прощении их, яко не ведают чью злую волю творят, сим и нас научая врагов своих благословляти, а не проклинати, воспевая богокрасную песнь: «Аллилуия!»
Икос 11
Светозарнаго светильника, елея молитвы чистыя преисполнена, и пламенем веры светло сияюща, воздвиже тя Господь, святый новомучениче Евгение, всем благочестивым христианом, благочестно память твою чтущим. Мы же, очами веры зрим тя в Троическом Свете в сонме святых, в крови Агнчей ризы своя убеливших, выну пребывающего и нам мира и благоденствия просящего. Сего ради с надеждою воспеваем ти сице:
Радуйся, со ангелы пресветлыми присно торжествующий;
Радуйся, Христа во житии и страданиях твоих возвеличивый;
Радуйся, к Царству Небесному узким путем восшествовавый;
Радуйся, в сонме новомучеников вечный покой и блаженство стяжавый;
Радуйся, от страстей и тягот душевных нас преславно освобождающий;
Радуйся, благия мысли и чувства в недоумении сущим внушающий;
Радуйся, от душепагубного зла нас отвращающий;
Радуйся, теплоту душевную христианам дарующий;
Радуйся, святый новомучениче Евгение, врачу благий и милостивый!
Кондак 12
Благодати обитaющей в тебе дивящеся, величaем тя, болярине Евгение: веруем, яко дела Божия на земли совершив, и страдания велия претерпев, ныне с Господем во обителех Его почивaеши, призирaя на нaс с высоты небеcныя, и приклоняя к нaм вышнее милоcердие. На твое заступлeние надеющеся, и на благодaтную помощь твою уповaюще, славословим Дивнаго во святых своих Бога: «Аллилуия!»
Икос 12
Воспевая дивное и праведное житие твое, дела милосердия, служение твое ближним твоим, вся подвиги твоя, иже верою верностию и трудом велием во славу Божию совершил еси, восхваляем, почитаем исповедничество твое, ублажаем и мученическую кончину твою, прехвальный Евгение, просим и молимся тебе, помози нам, святый заступниче, во многоразличныя искушения, борения и напасти впадающим. Наипаче же укрепи и научи нас, да возможем святому твоему житию подражатели быти и благодарственно восхвалим тя сице:
Радуйся, прaвило веры, и благочeстия образе всесовершeнный;
Радуйся, плaмень, благодатию Божеcтвеннаго Духа возжжeнный;
Радуйся, со семи новомучениками российскими торжествующий;
Радуйся, с царем Николаем пасху вечную торжествуяй;
Радуйся, с царицею Александрою Отца Небеснаго величаяй;
Радуйся, со царевнами святыми Матерь Божию восхвалящий;
Радуйся, с царевичем Алексием милость Божию к нам приклоняющий;
Радуйся, скорый послушниче всех с верою призывающих тя;
Радуйся, святый новомучениче Евгение, врачу благий и милостивый!
Кондак 13
О, предивный и преславный заступниче наш, достохвальный новомучениче Евгение! Приими ныне малое моление сие наше, во умилении сердец тебе возносимое, и умоли Господа нашего Иисуса Христа, да избавит ны от всякие напасти вражия, и сподобит нас в непрестанной молитве и покаянии веру Христову до конца сохранити и грядущая в Небесех благая улучити, воспевая Богу: «Аллилуия!»
(Этот кондак читается трижды, затем икос 1 и кондак 1)
Молитва 1‑я
Святый славный исповедниче и страстотерпче Евгение! Веруем и уповаем, яко страданьми и богоугодною жизнию твоею стяжавый велию милость и дерзновение у Господа Бога, не забыл еси достояния твоего земнаго, отечества нашего, в немже обуреваеми есмы, почитателие твои, многими напастьми вражиими и страстьми житейскими. Темже просим тя: молитвами и предстательством твоим умоли Господа нашего Иисуса Христа, да избавит нас от всяких бед и злых обстояний, от всяких недугов и болезней и от всех врагов, видимых и невидимых. О великий угодниче Божий! Воздохни о нас, грешных, ко Владыце всяческих, да простит нам вся согрешения наша и низпослет на ны благодать Всесвятаго Духа, да преставше всякаго сквернодейства, прочее время живота нашего во всяком благочестии и чистоте поживем и, тако благоугодивше Господу, сподобимся жизни вечноблаженныя, поюще и воспевающе превеликое милосердие Божие и твое милостивое предстательство за нас у Престола Божия во веки веков. Аминь.
Молитва 2‑я
О, преславный страстотерпче Евгение, великий угодниче Божий, принеси нашу слезную молитву Господу Богу нашему, умилостиви Его к нам, грешным, да отымет гнев свой праведный и умирит страну нашу многострадальную; да утвердит благоденствие и тишину, да низпослет нам изобилие плодов земных и да возбранит врагом нашим обиду творити сирым и безпомощным. Темже, припадающе к иконе твоей, воспоминаем с верою страдания твоя, за Христа претерпенная, и молим тя: не остави нас и испроси нам у Господа благая временная и вечная, да славим прославльшаго тя Бога во веки. Аминь.
Молитва 3‑я
О, всеславный страстотерпче, достохвальный угодниче Христов, Церкви Православныя поборниче, новомучениче и целителю святый Евгение! Преклоньше колена молим тя: призри на ны, грешныя, к заступлению твоему прибегающия, услыши сие малое моление наше и теплым твоим предстательством умоли Всемилосердного Бога, Ему же ныне предстоиши со Ангелы и всеми святыми, да сохранит нас в единении Православныя Церкви и утвердит в сердцах наших живый дух правыя веры и благочестия, и избавит нас от всякого искушения и прелести бесовския. По велицей любви твоей, еюже ближния твоя возлюбил еси, испроси у всещедрого Бога Отечеству Твоему (и нашему купно), мир и благоустроение; всем же нам, недостойным, усердно к тебе прибегающим, богоугодное и безмятежное житие и добрую христианскую кончину, тайн Божиих причастною. О, святый заступниче наш не остави нас, слабых и безпомощных, молимся за ны ко Господу и Спасу Нашему Иисусу Христу, да дарует Он, Всещедрый и Премилосердный Господь наш, вся, яже к пользе временней и вечней полезная и потребная; да не воздаст нам по делом нашим, но по неизреченному человеколюбию своему простит нам грехи и согрешения наша, да избавят ны от всякия нужды и печали, скорби и болезни; да ниспошлет нам благое намерение и силу подвизатися во исправлении жития нашего, и в будущем веце да сподобит нас внити в Царствие Небесное и славити купно с тобою Всесвятое Имя Отца и Сына и Святаго Духа во веки веков. Аминь.
Автор акафиста святому новомученику врачу Евгению Боткину — Евгений Владимирович Храповицкий.
Биография воина
Будущий новомученик появился на свет в 1977 году. Тогда его семья жила в Пензенской области, где родители Евгения занимались трудовой деятельностью в производстве мебели. В младенчестве Женя отличался спокойствием, редко болел и плакал, его личико всегда казалось серьезным. Детство малыша отмечено таким занимательным фактом, как то, что долгое время ребенок не мог начать ходить. Только после проведения обряда крещения, в возрасте уже старше года Евгений начал делать первые шаги.
Спустя некоторое время семья перебралась в Московскую область. Первый нательный крест ему подарила его бабушка, Евгению тогда было двенадцать лет. С того времени мальчик стал посещать местный храм – Троицкий собор в Подольске. Мать юноши к его крещению и ношению крестика, посещениям храмов относилась отрицательно, но Евгений продолжал носить крестик и со временем сменил тонкую цепочку на прочный шнурок.
Евгений получил образование в девять классов в обычной школе в Подольском районе. Решив далее не продолжать образование, он устроился работать в той же сфере, в которой были заняты родители, на мебельную фабрику в различных должностях. В то же время Евгений выучился водить автомобиль.
В восемнадцатилетнем возрасте Евгений Родионов был призван на службу. Известно, что большого желания идти в армию у юноши не было, однако, как и его ровесники, он считал военную службу обязанностью, долгом, таким, как например и учеба в школе. Он был определен в пограничные войска, летом 1995 года Родионов принес присягу.
Гибель героя
Жизнь нашего героя закончилась в девятнадцатый день рождения солдата. Пленных вывезли в лес. Сначала были казнены товарищи, с которыми Родионов нес службу. Самому Евгению снова предложили избавиться от крестика и этим сохранить свою жизнь.
Герой вновь отказался отречься от своих убеждений, после чего был обезглавлен.
Красный Крест и наука
Свою медицинскую деятельность Евгений Боткин начал в 1890 году в Мариинской больнице для бедных, а позднее стал трудиться в Российском Обществе Красного Креста. Сначала он работал рядовым врачом, а затем занял должность главврача сестрической общины во имя святого Георгия в столице. Особенностью этой лечебницы было то, что в ней оказывали помощь людям из беднейших слоёв населения, а среди сотрудников, напротив, были некоторые представители высшего сословия, трудившиеся медсёстрами.
Е.С. Боткин
Весь персонал клиники объединяла идея служения ближнему, что соответствовало христианским устремлениям самого Евгения Сергеевича. Ещё до поступления на работу он начал заниматься научной работой в области иммунологии, в 1893 году защитил диссертацию, прошёл двухлетнюю стажировку в Германии и стал приват-доцентом.
Лейб-медик
По воспоминаниям очевидцев, постоянное общение с царской семьёй не изменило характера Боткина – он по-прежнему оставался внимательным и добрым. Для Романовых Евгений Сергеевич был не только лекарем, но и очень близким человеком.
Е.С. Боткин и Николай II
В начале Первой Мировой войны доктор обратился с прошением об отправке на фронт, но император поручил ему организацию тыловых лазаретов в столице.
Николай признавался Петру Сергеевичу Боткину: «Ваш брат для меня больше, чем друг».
После отречения императора Боткин остался рядом с царской семьёй, несмотря на отсутствие жалования, а когда их отправили в Тобольск, добровольно отправился за ними, взяв с собой двоих младших детей. Здесь он лечил не только семью Николая II, но и всех горожан, которые обращались за помощью.
При переводе Романовых в Екатеринбург обслуживающему персоналу было предоставлено право выбора. Сотрудник ЧК И.Родзинский писал: «После перевода в Екатеринбург была мысль отделить от них всех… Но все отказались. Боткину предлагали. Он заявил, что хочет разделить участь семьи. И отказался». Евгений Сергеевич был расстрелян в ночь с 16 на 17 июля 1918 года.
В последнем письме, найденном в архиве, написано его рукой:
«Моё добровольное заточение здесь настолько времени не ограничено, насколько ограничено моё земное существование. В сущности я умер… умер для своих детей, для друзей, для дела, я умер, но ещё не похоронен или заживо погребён … всё равно, но впоследствии практически одинаковы… Надеждами себя не балую, иллюзиями не убаюкиваюсь и неприкрашеной действительности смотрю прямо в глаза… Меня поддерживает убеждение, что претерпевший до конца спасется… Это оправдывает и последнее моё решение, когда я не поколебался покинуть своих детей круглыми сиротами, чтобы исполнить свой врачебный долг до конца, как Авраам не поколебался по требованию Бога принести ему в жертву своего единственного сына»
